6
ဖဲဒၣ်အကုၢ်အပှၤလၢ အအိၣ်လၢနီၣ်ယိးဘိအဖီလာ် တဖၣ်န့ၣ်, မ်အပာ်အကစၢ်တဖၣ်ဒၣ်ဝဲလၢပှၤဂ့ၤဒိးတၢ် လၤကပီၤခဲလၢာ်တက့ၢ်, ဒ်သိးယွၤအမံၤ,ဒီးအတၢ်သိၣ် တၢ်သီသုတဘၣ်တၢ်ဒုၣ်ဒွဲၣ်တဂ့ၤန့ၣ်လီၤ. ဒီးပှၤအိၣ် ဒီးအကစၢ်တဖၣ်လၢအစူၢ်က့ၤနာ်က့ၤတၢ်န့ၣ်, မ်အသု တမၤအီၤတရီတပါ, လၢအမ့ၢ်ဒီပုၢ်ဝဲၢ်အဃိတဂ့ၤ.အခိၣ် တလိာ်, မ်အမၤအတၢ်ဆူၣ်ဒၣ်တၢ်တက့ၢ်.အဂ့ၢ်ဒ်အံၤ, ပှၤလၢအဒိးန့ၢ်တၢ်မၤဂ့ၤအီၤတဖၣ် မ့ၢ်ပှၤလၢအစူၢ်က့ၤ နာ်က့ၤတၢ်, ဒီးပှၤလၢတၢ်အဲၣ်အီၤလီၤ.သိၣ်လိတၢ်အံၤ တဖၣ်ဒီးသဆၣ်ထီၣ်အခံတက့ၢ်.
ပှၤမ့ၢ်သိၣ်က့ၤသီက့ၤတၢ်ဂုၤတၢ်ဂၤ, ဒီးတအၢၣ်လီၤ အီလီၤဘၣ်ပကစၢ်ယ့ၣ်ရှူးခရံာ် အကလုၢ်ဂ့ၤအကထါ ဘၣ်, ဒီးတၢ်သိၣ်တၢ်သီဘၣ်ဃးဒီးတၢ်ယူးယီၣ်ယွၤတ ဂၤဂၤဒီး, မ့ၢ်အအိၣ်ဒီးအသးကဖိထီၣ်,ဒီးတသ့ၣ်ညါ ဘၣ်တၢ်နီတမံၤဘၣ်. မ့ၢ်အအဲၣ်ဒိးတၢ်သံကွၢ်သံဒိးဒီး တၢ်တဲးလိာ်ဃိလိာ်လၢတၢ်ကတိၤတဖၣ်အဂ့ၢ်, လၢအ မၤအိၣ်ထီၣ်တၢ်သူၣ်က့ၣ်သးက့ၣ်, တၢ်အ့ၣ်လိာ်ဆိးက့, တၢ်ဒုၣ်ဒွဲၣ်,တၢ်ဆိကမိၣ်တၢ်အၢ, တၢ်ကတိၤလၢအ တဂိာ်တသီၣ်ဘၣ်တၢ်, ဘၣ်ဃးဒီးပှၤအသူၣ်အၢအသး သီ, ဒီးတအိၣ်ဘၣ်ဒီးတၢ်မ့ၢ်တၢ်တီဘၣ်.ဒီးပာ်တၢ်ယူး ယီၣ်ယွၤလၢတၢ်မၤအါထီၣ်တၢ်လီၤ. ဘၣ်ဆၣ်ဒီးတၢ်ယူးယွၤအိၣ်ဒီးသူၣ်မံသးမံန့ၣ်, မ့ၢ်တၢ်မၤအါထီၣ်တၢ် ဒိၣ်မးလီၤ. အဂ့ၢ်ဒ်အံၤ,ပတဟဲစိာ်တၢ်ဆူဟီၣ်ခိၣ်နီတ မံၤဘၣ်, ဒီးတၢ်အိၣ်ဖျါဝဲလၢပက့ၤစိာ်တၢ်တသ့စ့ၢ်ကီး ဘၣ်နီတမံၤဘၣ်. ဒီးပတၢ်အီၣ်တၢ်အီ,ဒီးပကူပသိးမ့ၢ် အိၣ်ဒီး, ပကသူၣ်မံသးမံလၢတၢ်တဖၣ်န့ၣ်လီၤ. မ့မ့ၢ် ပှၤလၢအသါကကဲပှၤအထူးအတီၤတဖၣ်န့ၣ်, လီၤဘၣ် လၢတၢ်လ့ပစီ, ဒီးတၢ်အပျံၤသကွီၤ,ဒီးသးကွံတၢ်အါမံၤ လၢအတဂ့ၤဘၣ်ဒီးမၤအၢတၢ်လီၤ. အဝဲန့ၣ်မၤလီၤဘျၢ ပှၤကညီလၢတၢ်ဟးဂူာ်ဟးဂီၤ, ဒီးတၢ်ဟါမူၤဟါမၢ်အ ပူၤလီၤ. 10 အဂ့ၢ်ဒ်အံၤ,တၢ်အဲၣ်စ့န့ၣ်,မ့ၢ်တၢ်အၢတၢ်သီခဲ လၢာ်အဂံၢ်လီၤ. အဝဲန့ၣ်ပှၤတနီၤနီၤဆၢန့ၢ်ဘၣ်သတး ဒီး, ဃၣ်ကွံာ်အသးလၢတၢ်နာ်,ဒီးဆဲးဖျိးအသးလၢတၢ် ကိၢ်တၢ်ဂီၤအါမံၤလီၤ.
11 မ့မ့ၢ်နဲဒၣ်, ယွၤအပှၤကညီဧၢ,ဃ့ၢ်ပူၤဖျဲးကွံာ်တၢ်န့ၣ် တဖၣ်တက့ၢ်. ဒီးလူၤတၢ်တီတၢ်လိၤ,တၢ်ယူးယီၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ,တၢ်ဝံသးစူၤ,တၢ်သူၣ်စူၤ သးစူၤသ့ၣ်တဖၣ်တက့ၢ်. 12 တၢ်နာ်အတၢ်ဒုးလၢအဂ့ၤ န့ၣ်,ဒုးတက့ၢ်.ဂုာ်ဟံးန့ၢ်တၢ်မူအထူအယိာ်တက့ၢ်.တၢ် ကိးတ့ၢ်နၤလၢအဝဲန့ၣ်အဂီၢ်, ဒီးနအၢၣ်လီၤအီလီၤလံ တၢ်အၢၣ်လီၤအီလီၤအဂ့ၤလၢ ပှၤအုၣ်အသးအါဂၤအမဲာ် ညါလီၤ.
13 ယမၤလိာ်နၤလၢယွၤလၢ အဒုးမူတၢ်ခဲလၢာ်တဂၤအ မဲာ်ညါ, ဒီးယ့ၣ်ရှူးခရံာ်အမဲာ်ညါ,လၢအအုၣ်အသးလၢ တၢ်အၢၣ်လီၤအီလီၤအဂ့ၤလၢစီၤပီၢ်တံၤပံၤလးအမဲာ်ညါ န့ၣ်, 14 လၢနကတိၢ်န့ၢ်တၢ်မၤလိာ်လၢတၢ်အမဲၣ်ဒီးတၢ် ပာ်တၢ်ကမၣ်လၢနလိၤအလီၢ်တအိၣ်ဘၣ်, တုၤလၢပ ကစၢ်ယ့ၣ်ရှူးခရံာ်အတၢ်အိၣ်ဖျါန့ၣ်လီၤ. 15 အဝဲန့ၣ်လၢ အဆၢအကတီၢ်ဒၣ်ဝဲအပူၤန့ၣ်, ပှၤလၢအဘၣ်ဆိၣ်ဂ့ၤ ဆိၣ်ဝါ,လၢအမ့ၢ်ကစၢ်နီၢ်နီၢ်တဂၤဃီ,စီၤပၤတဖၣ်အစီၤ ပၤ, ကစၢ်တဖၣ်အကစၢ်, 16 ပှၤလၢအသံတသ့ဘၣ်တဂၤ ဃီ, လၢအအိၣ်ဝဲဆိးဝဲလၢတၢ်ကပီၤလၢပှၤသုးဘူးအ သးဆူအအိၣ်တကဲဘၣ်, ပှၤလၢပှၤကညီတထံၣ်ဘၣ်နီ တဂၤဘၣ်, ဒီးထံၣ်ဝဲတသ့ဘၣ်,ကလီၣ်ဖျါထီၣ်လီၤ.အ ဝဲဒၣ်,တၢ်လၤကပီၤ,တၢ်စိတၢ်ကမီၤ,မ်အအိၣ်ဒီးအီၤလီၤ ထူလီၤယိာ်တက့ၢ်. အၤမ့ၣ်.
17 မၤလိာ်ပှၤအထူးအတီၤလၢတၢ်အိၣ်လၢခိအံၤ, လၢအ သုတပာ်ထီၣ်ထီအသး, ဒီးသနံာ်သန့ၤအသးလၢတၢ် ထူးတၢ်တီၤလၢအတဂၢၢ်တကျၢၤဘၣ်တဂ့ၤ. မ့ၢ်လၢယွၤ လၢအဒုးအိၣ်ထီၣ်ပတၢ်ခဲလၢာ် ထူးထူးတီၤတီၤလၢပ ကမုာ်လၤလၢအပူၤန့ၣ်တဂၤတက့ၢ်. 18 မၢအမၤဂ့ၤတၢ်, ဒီးထူးထီၣ်တီၤထီၣ်လၢတၢ်မၤဂ့ၤတဖၣ်, ဒီးဟ့ၣ်တၢ်ညီ, ဒီးဟ့ၣ်တၢ်မၤစၢၤလၢပှၤဂၤန့ၣ်, 19 ဒီးပာ်ဖှိၣ်လၢအဂီၢ်ဒၣ် ဝဲတၢ်အခီၣ်ထံးဂ့ၤလၢခဲကိာ်တဃၣ်အဂီၢ်, ဒ်သိးအက ဂုာ်ဟံးန့ၢ်တၢ်မူအထူအယိာ်န့ၣ်တက့ၢ်လီၤ.
20 စီၤတံၤမသ့းဧၢ, ပၢၤတၢ်လၢတၢ်ဟ့ၣ်လီၤနၤန့ၣ်တ က့ၢ်. ဟးဆှဲးတၢ်အၢတၢ်သီအတၢ်ကတိၤကလီကလီ, ဒီးတၢ်လၢပှၤကိးကမၣ်ဝဲလၢတၢ်သ့ၣ်ညါန့ၣ်, အတၢ် တဲးလိာ်ဃိလိာ်တက့ၢ်. 21 တၢ်န့ၣ်ပှၤတနီၤနီၤအၢၣ်လီၤ အီလီၤသတးဒီး,ဃၣ်ကွံာ်အသးလၢတၢ်နာ်လီၤ. တၢ်အ ဘျုးအဖှိၣ်န့ၣ်မ်အအိၣ်ဒီးနၤတက့ၢ်.