7
1 ပှၤအိၣ်ဖျဲၣ်ပဒိၣ်အဖိမုၣ်ဧၢ, နခီၣ်အိၣ်ဒီးအခီၣ်ဖံးန့ၣ် မ့ၢ်အဃံအလၤဆံးဒိၣ်လဲၣ်. နကံၣ်ဒုၣ်ဆၢမၤသးဒ်ဖဲအ ဖျၢၣ်လၢပှၤမၤတၢ်သ့တ့ဝဲလၢအစုအသိးန့ၣ်လီၤ.
2 နဒ့ မၤသးဒ်လီခီတဖျၢၣ် အိၣ်ဒီးစပံးထံဃါဃုာ်အသိးန့ၣ်, နဟၢဖၢမၤသးဒ် ဘုကၠူၣ်တပူကဝီၤဃာ်ဝဲဒီးဖီဒ့ၣ်ညါ အသိးန့ၣ်,
3 နနုၢ်ခံတိၣ်မၤသးဒ်တၤဟိစဘံသဃံာ်ခံဒု အသိးန့ၣ်,
4 နကိာ်မၤသးဒ်တၢးထီကဆီမဲတဖျၢၣ်အ သိးန့ၣ်,နမဲာ်မၤသးဒ်နိၣ်တဖၣ်လၢဃ့ၡဘိၣ်လၢပဲတရီ ဘ့ၤသရးဘံၣ်အဃၢၤအသိးန့ၣ် နနါဒ့မၤသးဒ်လဘၤ နိၣ်အတၢးထီတဖျၢၣ်လၢ အကွၢ်ဝဲဆူဒၤမ့ၤစ့းအသိးန့ၣ်
5 နခိၣ်အိၣ်ဝဲလၢနဖီခိၣ် မၤသးဒ်ကစၢၢ်ကၢ်မ့ၤလးအသိး န့ၣ်,နခိၣ်အခိၣ်သူန့ၣ်, မၤသးဒ်တၢ်လုးတကုာ်အသိး န့ၣ်,နခိၣ်သူဖီၣ်န့ၢ်စီၤပၤလီၤ.
6 ပှၤလၢတၢ်အဲၣ်အီၤဧၢ, လၢတၢ်မၤမုာ်အဂီၢ်န့ၣ်နဃံနလၤ, ဒီးနက့ၢ်နဂီၤဂ့ၤဆံး ဒိၣ်လဲၣ်.
7 နနီၢ်အံၤမၤသးဒ်သ့ၣ်စူၣ်ပလိၣ်အသိးန့ၣ်,ဒီး နနုၢ်ဒ်တၤသၣ်အကူၤတဖၣ်အသိးန့ၣ်လီၤ.
8 - ယစံး,ယ ကထီၣ်သ့ၣ်စူၣ်ပလိၣ်, ယကဟံးဃာ်အဒ့လီၤ.ဒီးနနုၢ် ကမၤသးဒ်တၤသၣ်အကူၤသိးန့ၣ်, နနါဒ့အနၢမူမၤသး ဒ်ပြၢးတးပူာ်သၣ်အနၢမူအသိး,
9 ဒီးနကိာ်ပူၤမၤသးဒ်စ ပံးထံဂ့ၤကတၢၢ်အသိး လၢအဂဲၤအသးဖဲအဘၣ်ပှၤလၢ ယအဲၣ်အီၤတဂၤအဂီၢ်, လၢအယွၤနုာ်လီၤလၢပှၤလၢအ မံအပျုၤပူၤလီၤ.
10 ယမ့ၢ်ပှၤလၢယအဲၣ်အီၤတဂၤအတၢ်, ဒီးအဆၢတၢ်န့ၣ်ကအိၣ်ဝဲလၢယလိၤလီၤ.
11 ပှၤလၢယအဲၣ်အီၤတဂၤဧၢ, ဟဲက့ၤ,လဲၤသကိးဆူပှၢ် လၢ်ကျါတက့ၢ်. အိၣ်သကိးသီတနၤကျၢၤလၢတဝီပူၤ တက့ၢ်.
12 တုၤနုၤတစုစပံးမုၢ်ဘိၣ်ထီၣ်ဧါ,စပံးမုၢ်အဆှိး ဖးထီၣ်ဧါ, ဒီးသ့ၣ်သလဲဖျိထီၣ်ဧါန့ၣ်ဒ်သိးပကကွၢ်ဒီး, ပကလဲၤဂီၤဂီၤဆူစပံးမုၢ်အလီၢ်ပူၤလီၤ. ယကဟ့ၣ်နၤ လၢယတၢ်အဲၣ်ဖဲန့ၣ်လီၤ.
13 ဒူးဒးသၣ်နၢမူတၢ်ဒီးတၤ သၣ်ဝံၣ်ကိးအကလုာ်ဒဲး, အသီဂ့ၤ,အလီၢ်လံၤဂ့ၤ,လၢ ယပာ်ဖှိၣ်လၢနဂီၢ်အိၣ်ဝဲလၢ ပကျဲစၢၤအဃၢၤပှၤလၢယ အဲၣ်အီၤတဂၤဧၢ.