4
1 ဒီးစီၤၡမူၤအ့လး အကလုၢ်အကထါအိၣ်ဒီးအံၣ်စရ့ လးခဲလၢာ်လီၤ. ဒီးအံၣ်စရ့လးလဲၤသဂၢၢ်ထီၣ် ပှၤဖ လ့ၡသးဖိဒ်သိး အကဒုးတၢ်ဒီးအီၤ, ဒီးသူၣ်ဒဲဖဲအ့ ဘ့ၣ်န့စၢ်,ဒီးပှၤဖလ့ၡသးဖိသူၣ်ဒဲလၢအဖ့းအပူၤလီၤ.
2 ဒီးပှၤဖလ့ၡသးဖိကတဲာ်ကတီၤအသး ဒ်သိးအက သဂၢၢ်အံၣ်စရ့လး, ဒီးတုၤအဒုးသုးဒီး, အံၣ်စရ့လး ဘၣ်တၢ်ကျီကွံာ်အီၤလၢ ပှၤဖလ့ၡသးဖိအမဲာ်ညါ, ဒီး အဝဲသ့ၣ်ကျီကွံာ်ပှၤလွံၢ်ကထိဃၣ်ဃၣ်လၢ ပှၤသုးမုၢ် အကျါလၢပျီပူၤလီၤ.
3 ဒီးတုၤပှၤဂီၢ်မုၢ် ဟဲနုာ်ဆူပှၤသူၣ်ဒဲအလီၢ်ပူၤဒီး, ပှၤ သူၣ်က့သးပှၢ်စံးဝဲဒၣ်, တၢ်လၢမုၢ်မဆါတနံၤအံၤယွၤ ကျီကွံာ်ပှၤလၢပှၤဖလ့ၡသးဖိအမဲာ်ညါန့ၣ် မ့ၢ်အဘၣ်မ နုၤလဲၣ်. မ်ပဟံးန့ၢ်ယွၤအတၢ်အၢၣ်လီၤအီလီၤအတလါ လၢပဂီၢ်လၢၡံလိၤအပူၤတက့ၢ်. ဒီးတုၤအဟဲနုာ်လၢပ ကျါဒီး,ကအုၣ်က့ၤခီၣ်က့ၤပှၤလၢပဒုၣ်ပဒါအစုပူၤလီၤ.
4 ဒီးပှၤဂီၢ်မုၢ်မၢလီၤတၢ်ဆူၡံလိၤ ဒ်သိးအကဟဲစိာ်တၢ် သုးမုၢ်ဂီၢ်မုၢ်အယွၤလၢ အအိၣ်ဝဲလၢ ခ့ရူၢ်တဖၣ်အ ဘၢၣ်စၢၤအတၢ်အၢၣ်လီၤအီလီၤအတလါန့ၣ်လီၤ. ဒီး စီၤဧ့လံၤအဖိခွါခံဂၤစီၤဃၤဖနံ, ဒီးစီၤဖံၤနဃၣ်န့ၣ်အိၣ် ဝဲဖဲန့ၣ်ဒီး ယွၤအတၢ်အၢၣ်လီၤအီလီၤအတလါန့ၣ်လီၤ.
5 ဒီးတုၤ ယွၤအတၢ်အၢၣ်လီၤအီလီၤအတလါ ဟဲနုာ် လၢပှၤသူၣ်ဒဲအလီၢ်ဒီး, တၢ်မၤအသးလၢအံၣ်စရ့လး ခဲလၢာ်ကိးပသူထီၣ်ဖးဒိၣ်, ဒီးဟီၣ်ခိၣ်သီၣ်ထီၣ်လီၤ.
6 ဒီးပှၤဖ့လ့ၡသးဖိ နၢ်ဟူတၢ်ကိးပသူထီၣ်အသီၣ်, ဒီး စံးဝဲဒၣ်, တၢ်ကိးပသူထီၣ်ဖးဒိၣ် လၢပှၤဧ့ၤဘြံၤဖိအ သူၣ်ဒဲအလီၢ်ပူၤန့ၣ် မ့ၢ်မနုၤလဲၣ်. ဒီးသ့ၣ်ညါဝဲလၢယွၤ အတလါဟဲနုာ်လံ လၢတၢ်သူၣ်ဒဲအလီၢ်လံ. ဒီးပှၤဖ လ့ၡသးဖိပျံၤတၢ်လီၤ.
7 အဂ့ၢ်ဒ်အံၤ, စံးဝဲဒၣ်, ယွၤဟဲ နုာ်လၢပှၤသူၣ်ဒဲအလီၢ်လီၤ. ဒီးစံးဝဲဒၣ်, ပဘၣ်အဖှီၣ် လီၤ. အဂ့ၢ်ဒ်အံၤ,တၢ်န့ၣ်တမံၤတအိၣ်ဘၣ်လၢထံးလၢ လၢမကိာ်ဘၣ်.
8 ပဘၣ်အဖှီၣ်လီၤ. မ့ၢ်မတၤကမၤပူၤ ဖျဲးပှၤဒီး ကစၢ်အဆူၣ်တဖၣ်အံၤလဲၣ်. အဝဲတဖၣ်န့ၣ် မ့ၢ်ကစၢ်တဖၣ်လၢအကျီကွံာ် ပှၤအဲၤကူပတူးဖိလၢတၢ် တီၢ်ခဲလၢာ်လၢပှၢ်မုၢ်ကနၢန့ၣ်လီၤ.
9 ပာ်ဆူၣ်သုဂံၢ်သု ဘါ, ဒီးအိၣ်ဒ်ပှၤပိာ်ခွါအသိးန့ၢ်တက့ၢ်. ပှၤဖလ့ၡသး ဖိသ့ၣ်ဧၢ, သုကကဲဘၣ်ဖုး ပှၤဧ့ၤဘြံၤဖိအကုၢ်အပှၤ, ဒ်အကဲတ့ၢ်သုကုၢ်သုပှၤအသိးန့ၣ်လီၤ. အိၣ်ဒ်ပှၤပိာ်ခွါ အသိးန့ၣ်, ဒီးဒုးသုးဒုးသံၣ်တက့ၢ်.
10 ဒီးပှၤဖလ့ၡသးဖိဒုးတၢ်, ဒီးအံၣ်စရ့လးဘၣ်တၢ်ကျီ ကွံာ်အီၤ, ဒီးဃ့ၢ်ဝဲတဂၤဆူအဒဲဒၣ်ဝဲ, တဂၤဆူအဒဲဒၣ် ဝဲ, ဒီးတၢ်ကျီသံကွံာ်တၢ်ဒိၣ်ဒိၣ်ကလဲာ်အိၣ်ဝဲလီၤ. ဒီး ပှၤခီၣ်သုးဖိလီၤဃံၤဝဲ လၢအံၣ်စရ့လးအကျါ သၢက လးလီၤ.
11 ဒီးယွၤအတလါဘၣ်တၢ်ဖီၣ်န့ၢ်အီၤ, ဒီးစီၤဧ့ လံၤအဖိခွါခံဂၤ, စီၤဃၤဖနံ ဒီးစီၤဖံၤနဃၣ်န့ၣ်ဘၣ် တၢ်မၤသံအီၤလီၤ.
12 ဒီးပှၤဘံၣ်ယၤမံၣ်ဖိတဂၤ ဃ့ၢ်တၢ်လၢပှၤသုးမုၢ်အကျါ, ဒီးဟဲက့ၤဆူၡံလိၤတနံၤဃီ, အိၣ်ဒီးအကူအသိး ယာ်ဝဲ,ဒီးဟီၣ်ခိၣ်အကမူၣ်လၢအခိၣ်အဖီခိၣ်လီၤ.
13 ဟဲဝဲ, ဒီးကွၢ်ကွၢ်, စီၤဧ့လံၤဆ့ၣ်နီၤကွၢ်စိတၢ်လၢ လီၢ် ဆ့ၣ်နီၤလၢကျဲအဃၢၤန့ၣ်လီၤ. အဂ့ၢ်ဒ်အံၤ, အသးက နိးဝဲလၢယွၤအတလါအဃိလီၤ. ဒီးတုၤပှၤတဂၤန့ၣ်ဟဲ နုာ်ဒုးနဲၣ်တၢ်လၢဝ့ၢ်ပူၤဒီး, ပှၤဝ့ၢ်ဖိကိးပသူထီၣ်ခဲလၢာ် လီၤ.
14 ဒီးစီၤဧ့လံၤနၢ်ဟူ တၢ်ကိးပသူထီၣ်အသီၣ်, ဒီးစံးဝဲ ဒၣ်, တၢ်တၢထီၣ်တၢလီၤအသီၣ်န့ၣ်မ့ၢ်မနုၤလဲၣ်. ဒီး ပှၤတဂၤန့ၣ်ဟဲချ့ချ့, ဒီးစံးဘၣ်တဲဘၣ်စီၤဧ့လံၤလီၤ.
15 ဒီးစီၤဧ့လံၤအသးပှၢ်တ့ၢ်ခွံဆံဃိးနံၣ်, ဒီးအမဲာ်ယုာ်, ဒီးတထံၣ်ဘၣ်တၢ်ဘၣ်.
16 ဒီးပှၤတဂၤန့ၣ် စံးဘၣ်စီၤဧ့လံၤ, ယမ့ၢ်ပှၤလၢအဟဲ လၢပှၤသုးမုၢ်အကျါ, ဒီးလၢမုၢ်မဆါတနံၤအံၤယဟဲ ဃ့ၢ်လၢပှၤသုးမုၢ်အကျါလီၤ. ဒီးအဝဲဒၣ်စံးဘၣ်အီၤ, တၢ်မၤအသးမနုၤလဲၣ်,ယဖိခွါဧၢ.
17 ဒီးပှၤလၢအဟဲစိာ် တၢ်အကစီၣ်တဂၤန့ၣ်စံးဆၢတၢ် ဒီးစံးဝဲဒၣ်, အံၣ်စရ့လးဃ့ၢ်လံလၢ ပှၤဖလ့ၡသးဖိအ မဲာ်ညါ, ဒီးတၢ်ကျီသံကွံာ်ဖးဒိၣ်အိၣ်လံလၢပှၤဂီၢ်မုၢ် အကျါ, ဒီးနဖိခွါခံဂၤ, စီၤဃၤဖနံဒီးစီၤဖံၤနဃၣ်န့ၣ် သံလံစ့ၢ်ကီး, ဒီးတၢ်မၤန့ၢ်လံယွၤအတလါလံလီၤ.
18 ဒီးတုၤအပှ့ၤဘၣ် ယွၤအတလါအမံၤန့ၣ်ဒီး တၢ်မၤ အသးလၢအလီၤတဲာ် လၢလီၢ်ဆ့ၣ်နီၤဆူအချၢဃံဖဲ တြဲၤအဃၢၤ, ဒီးအကိာ်ကၢ်, ဒီးသံဝဲလီၤ.အဂ့ၢ်ဒ်အံၤ, အသးပှၢ်တ့ၢ်ဒီးဃၢဝဲလီၤ. ဒီးစံၣ်ညီၣ်တ့ၢ်အံၣ်စရ့လး အနံၣ်လွံၢ်ဆံလီၤ.
19 ဒီးအဒဲၣ်စီၤဖံၤနဃၣ် အမါတဂၤဒၢထီၣ်လံ, ဒီးအမုၢ် အလါဘၣ်ဘူးတ့ၢ်လီၤ. ဒီးတုၤအနၢ်ဟူတၢ်အကစီၣ် တဖၣ်လၢယွၤအတလါဘၣ်တၢ်ဖီၣ်န့ၢ်အီၤ, ဒီးအမံၤ ပှၢ်ပိာ်ခွါ,ဒီးအဝၤသံဝဲဒီး, အဝဲဒၣ်သကူးလီၤအသး, ဒီးဆံးစၢ်တၢ်လီၤ.အဂ့ၢ်ဒ်အံၤ, ဘၣ်တၢ်ဟုးဆါလီၤ.
20 ဒီးကသံတ့ၢ် အဖၢမုၢ်ဒီး, ပိာ်မုၣ်တဖၣ်လၢအဆၢ ထၢၣ်လၢအဃၢၤန့ၣ်, စံးဘၣ်အီၤ,ပျံၤတၢ်တဂ့ၤ,အဂ့ၢ် ဒ်အံၤ, နဆံးစၢ်န့ၢ်နဖိပိာ်ခွါတဂၤလီၤ. ဒီးတစံးဆၢဘၣ် တၢ်ဘၣ်, ဒီးတပာ်ဘၣ်လၢအသးဘၣ်.
21 ဒီးယုၢ်ဝဲအ ဖိအမံၤလၢစီၤအံကဘိး, ဒီးစံးဝဲဒၣ်,တၢ်လၤကပီၤလဲၤ သဒၣ်လံအံၣ်စရ့လးလံ, (လၢတၢ်မၤန့ၢ်ယွၤအတ လါအဃိဒီးလၢအမံၤပှၢ်ပိာ်ခွါဒီးအဝၤအဃိလီၤ.)
22 ဒီး စံးဝဲဒၣ်, တၢ်လၤကပီၤလဲၤသဒၣ်လံအံၣ်စရ့လးလံ. အဂ့ၢ်ဒ်အံၤ, တၢ်ဖီၣ်န့ၢ်လံယွၤအတလါလီၤ.