31
1 ဒီးပှၤဖလ့ၡသးဖိဒုးတၢ်ဒီးအံၣ်စရ့လး, ဒီးအံၣ်စရ့ လးအပှၤကညီ ဃ့ၢ်လၢပှၤဖလ့ၡသးဖိအမဲာ်ညါ, ဒီး လီၤဃံၤသံလၢကစၢၢ်ကံးလဘိအလိၤလီၤ.
2 ဒီးပှၤဖလ့ၡသးဖိ လူၤသပှၢ်စီၤစီလူးဒီးအဖိခွါတဖၣ်, ဒီးပှၤဖလ့ၡသးဖိမၤသံစီၤစီလူးအဖိခွါစီၤယိနၤသၣ်, ဒီး စီၤအဘံနဒာ်, ဒီးစီၤမးလကံရှူၤလီၤ.
3 ဒီးတၢ်ဒုးသုးန့ၣ် ကဲထီၣ်တၢ်ကီလၢစီၤစီလူးအဂီၢ်, ဒီးပှၤခးတၢ်ဖိခးဘၣ်အီၤ, ဒီးဘၣ်တၢ်ဆဲးအီၤလၢပှၤခး တၢ်ဖိနးမးလီၤ.
4 ဒီးစီၤစီလူးစံးဘၣ်ပှၤစိာ်အစုကဝဲၤတဂၤ, ဘီၣ်ထီၣ်န နး,ဒီးဆဲးဖျိယၤလၢအီၤတက့ၢ်. ပှၤတဒိးဘၣ်တၢ်ကူး တရံးတဖၣ်န့ၣ်ကဆဲးဖျိယၤ, ဒီးမၤတရီတပါဘၣ်ဖုး ယၤလီၤ. ဘၣ်ဆၣ်ဒီးပှၤစိာ်အစုကဝဲၤတဂၤန့ၣ်တမၤ ဘၣ်ဝဲဘၣ်.အဂ့ၢ်ဒ်အံၤ,ပျံၤတၢ်ဒိၣ်မးလီၤ. ဒီးစီၤစီလူး ဟံးန့ၢ်နးတဘ့ၣ်န့ၣ်, ဒီးထိၣ်လီၤဃံၤအသးလၢအဖီ ခိၣ်လီၤ.
5 ဒီးတုၤပှၤစိာ်အစုကဝဲၤတဂၤန့ၣ် ထံၣ်လၢစီၤစီလူးသံ လံဒီး, အဝဲဒၣ်ထိၣ်လီၤဃံၤအသးလၢ အနးတဘ့ၣ် အဖီခိၣ်စ့ၢ်ကီး, ဒီးသံဝဲဒီးအီၤလီၤ.
6 ဒီးစီၤစီလူးသံဝဲ, ဒီးအဖိခွါသၢဂၤ,ဒီးအပှၤစိာ်အစုက ဝဲၤတဂၤ,ဒီးအပှၤကညီခဲလၢာ်လၢမုၢ်တနံၤဃီန့ၣ်လီၤ.
7 ဒီးတုၤအံၣ်စရ့လးအပှၤကညီလၢ အအိၣ်ဝဲလၢက စၢၢ်ကဆူးဝၢ်ဘးခီ, ဒီးအိၣ်လၢယၢ်ဒ့ၣ်ဝၢ်ဘးခီတဖၣ် န့ၣ်ထံၣ်ဝဲလၢအံၣ်စရ့လးအပှၤကညီဃ့ၢ်ဝဲ, ဒီးလၢစီၤ စီလူးဒီးအဖိခွါတဖၣ်သံတ့ၢ်လံန့ၣ်ဒီး, လဲၤသဒၣ်ဝ့ၢ် တဖၣ်, ဒီးဃ့ၢ်ထီၣ်ကွံာ်လီၤ. ဒီးပှၤဖလ့ၡသးဖိဟဲအိၣ် ဝဲဆိးဝဲလၢအပူၤလီၤ.
8 ဒီးမုၢ်ဆ့ၣ်ထီၣ်တနံၤန့ၣ် တုၤပှၤဖလ့ၡသးဖိဟဲဘ့ၣ် ကွံာ်ပှၤသံအကူအသိးဒီး, တၢ်မၤအသးလၢအထံၣ်န့ၢ် စီၤစီလူးဒီးအဖိခွါသၢဂၤလီၤဃံၤဝဲလၢ ကစၢၢ်ကံးလ ဘိအလိၤလီၤ.
9 ဒီးဒီၣ်တဲာ်ကွံာ်အခိၣ်, ဒီးဘ့ၣ်လီၤ ကွံာ်အသဃိး, ဒီးမၢပှၤလဲၤစိာ်ဝ့ၤဝီၤလၢပှၤဖလ့ၡသး ဖိအကီၢ်ပူၤ ဒ်သိးအကစံၣ်တဲၤတဲလီၤတၢ်လၢအတၢ် ဂီၤတဖၣ်အဟံၣ်ပူၤ,ဒီးလၢပှၤဂီၢ်မုၢ်တဖၣ်အကျါလီၤ.
10 ဒီးပာ်ဝဲအသဃိးလၢ ဧၤၡတြိးအဟံၣ်ပူၤ,ဒီးစဲထီၣ်အ စိၣ်လၢဘ့ၤသၡၣ်အဝ့ၢ်ခိၣ်ဒူလီၤ.
11 ဒီးတုၤပှၤယၤဘ့ၣ်ကံးလဧးဖိနၢ်ဟူတၢ်လၢ ပှၤဖလ့ ၡသးဖိ မၤဘၣ်စီၤစီလူးဒီး,
12 ပှၤသုးဖိခဲလၢာ် ဂဲၤဆၢ ထၢၣ်,ဒီးလဲၤတၢ်သီတနၤကျၢၤ, ဒီးဟံးန့ၢ်စီၤစီလူးအ စိၣ်, ဒီးအဖိခွါတဖၣ်အစိၣ်လၢဘ့ၤသၡၣ်အဝ့ၢ်ခိၣ်ဒူ, ဒီးဟဲဝဲဆူယၤဘ့ၣ်,ဒီးကုၢ်ဃိထီၣ်အီၤန့ၣ်,
13 ဒီးဟံးန့ၢ် အဃံ, ဒီးခူၣ်လီၤကွံာ်အီၤလၢသ့ၣ်တထံးအဖီလာ်လၢ ယၤဘ့ၣ်,ဒီးဒုၣ်တၢ်အီၣ်နွံနံၤလီၤ.