30
ဒီးသၢနံၤတနံၤန့ၣ် စီၤဒၤဝံးဒီးအပှၤကညီဟဲက့ၤတုၤ လၢစံကလး, ဒီးတၢ်မၤအသးလၢ ပှၤဧမၤလ့းဖိဟဲနုာ် တ့ၢ်လၢကလံၤထံးတခီ, ဒီးလၢစံကလးအပူၤ,ဒီးကျီ တ့ၢ်ကွံာ်စံကလး,ဒီးဆူးထီၣ်ကွံာ်အီၤလၢမ့ၣ်အူလီၤ.-
ဒီးဖီၣ်န့ၢ်မၢကဲကုၢ်ပိာ်မုၣ်တဖၣ်လၢ အအိၣ်ဝဲလၢအ ပူၤ, ဒီးအဒိၣ်မ့ၢ်ဂ့ၤ,အဆံးဂ့ၤ, တမၤသံဘၣ်အီၤနီတ ဂၤဘၣ်, ဒီးစိာ်ထီၣ်ကွံာ်ဝဲ,ဒီးလဲၤတၢ်လီၤ. ဒီးစီၤဒၤဝံးဒီးအပှၤကညီ ဟဲက့ၤတုၤဝဲလၢဝ့ၢ်ပူၤ,ဒီးကွၢ်ကွၢ်, ဘၣ်ဆူးကွံာ်လၢမ့ၣ်အူလီၤ. ဒီးအဖိအမါ,ဒီးအဖိခွါ, ဒီးအဖိမုၣ်န့ၣ်တၢ်ဖီၣ်န့ၢ်မၢကဲကုၢ်အီၤလီၤ.-
ဒီးစီၤဒၤဝံးဒီးပှၤဂီၢ်မုၢ်အိၣ်ဒီးအီၤန့ၣ် ထုထီၣ်အကလုၢ်, ဒီးဟီၣ်ဝဲတုၤအဟီၣ်တကဲလၢၤဘၣ်လီၤ.
ဒီးတၢ်ဖီၣ်န့ၢ်မၢကဲကုၢ်စီၤဒၤဝံးအမါခံဂၤ, ပှၤယံးစရ့ လးဖိနီၢ်အဃံနိၣ်, ဒီးပှၤကၢ်မ့လးဖိစီၤနၤဘလးအမါ နီၢ်အဘံၤကါယံးလးလီၤ.
ဒီးစီၤဒၤဝံးဘၣ်တၢ်ကိၢ်တၢ်ဂီၤနးမးလီၤ. အဂ့ၢ်ဒ်အံၤ, ပှၤဂီၢ်မုၢ်သါကကွံာ်အီၤလၢလၢၢ်လီၤ. အဂ့ၢ်ဒ်အံၤ,ပှၤ ဂီၢ်မုၢ်ခဲလၢာ်အသးတမုာ်ဘၣ်. တဂၤလၢအဖိခွါတ ဖၣ်အဃိ, တဂၤလၢအဖိမုၣ်တဖၣ် အဃိစုာ်စုာ်လီၤ. မ့မ့ၢ်စီၤဒၤဝံးပာ်ဆူၣ်အသးလၢယွၤအပူၤလီၤ.
ဒီးစီၤဒၤဝံးစံးဘၣ်စီၤအဃံၤမ့လ့းအဖိခွါ,စီၤအ့ဘယၤ သၢ်,ဟဲစိာ်န့ၢ်ယၤလၢအ့ဖိးတဘ့ၣ်န့ၣ်တက့ၢ်.ဒီးစီၤအ့ ဘယၤသၢ်ဟဲစိာ်အ့ဖိတဘ့ၣ်န့ၣ်ဆူစီဒၤဝံးအအိၣ်လီၤ.
ဒီးစီၤဒၤဝံးသံကွၢ်တၢ်လၢယွၤဒီးစံးဝဲဒၣ်, ယဘၣ်လူၤ ပှၤတဖုန့ၣ်ဧါ, ယကချုးန့ၢ်အီၤဧါ.ဒီးစံၤဆၢအီၤ,လူၤ အီၤတက့ၢ်.အဂ့ၢ်ဒ်အံၤ, နကချုးန့ၢ်အီၤနီၢ်နီၢ်,ဒီးမၤန့ၢ် က့ၤတၢ်ခဲလၢာ်သပှၢ်တၢၢ်လီၤ.
ဒီးစီၤဒၤဝံးလဲၤတၢ်,အဝဲဒၣ်, ဒီးပှၤဃုကယၤလၢအ အိၣ်ဒီးအီၤ, ဒီးလဲၤတုၤလၢထံကျိဘစိၢ်ဖဲပှၤလၢအအိၣ် လီၤတဲာ်တဖၣ်န့ၣ်အိၣ်ဝဲလီၤ. 10 ဒီးစီၤဒၤဝံးလူၤတၢ်,အ ဝဲဒၣ်,ဒီးပှၤလွံၢ်ကယၤ,(အဂ့ၢ်ဒ်အံၤ, ပှၤလၢအဂံၢ်အ ဘါလီၤဘှါ တုၤအခီဂာ်ထံကျိဘစိၢ် တကဲဘၣ်ခံက ယၤန့ၣ်အိၣ်လီၤတဲာ်ဝဲလၢအလီၢ်ခံလီၤ.)
11 ဒီးပှၤထံၣ်န့ၢ်ပှၤအဲၤကူပတူးဖိတဂၤလၢပျီပူၤ, ဒီးဟဲ စိာ်န့ၢ်အီၤဆူစီၤဒၤဝံးအအိၣ်, ဒီးဟ့ၣ်အီၤလၢကိၣ်,ဒီး အီၣ်ဝဲ, ဒီးပှၤဒုးအီအထံ, 12 ဒီးဟ့ၣ်အီၤလၢချၢၣ်ဒၢသၣ် ပာ်ဖှိၣ်ဘ့ၣ်ဘၣ်တကူာ်, ဒီးစပံးသၣ်ဃ့ခံကူၤ,ဒီးအီၣ်ဝဲ ဝံၤဒီး,အသးဟဲကဒီးလၢအပူၤလီၤ. အဂ့ၢ်ဒ်အံၤ,သၢနံၤ ဒီးသၢနၤအတီၢ်ပူၤန့ၣ် တအီၣ်ဘၣ်တၢ်, ဒီးတအီဘၣ် ထံဘၣ်.
13 ဒီးစီၤဒၤဝံးစံးဘၣ်အီၤ, နဘၣ်ဃးဒီးမတၤတဂၤလဲၣ်. ဒီးနဟဲလၢလဲၣ်,ဒီးစံးဝဲဒၣ်, ယမ့ၢ်ပှၤဖိၣ်သၣ်ခွါ,ပှၤ အဲၤကူပတူးဖိ, ပှၤဧမၤလ့းဖိတဂၤအကုၢ်အပှၤ,ဒီးယ ကစၢ်ပာ်လီၤတဲာ်ယၤလီၤ. အဂ့ၢ်ဒ်အံၤ,သၢနံၤပူၤကွံာ် တနံၤန့ၣ်ယဘၣ်တၢ်ဆါလီၤ. 14 ပလဲၤနုာ်လၢပှၤကရံး သးဖိအကျါလၢကလံၤထံးတခီ, လၢတၢ်ဘၣ်ဃးဒီး ယူဒၤ,ဒီးလၢကၤလ့းလၢကလံၤထံးတခီ, ဒီးပဆူးထီၣ် ကွံာ်စံကလးလၢမ့ၣ်အူလီၤ.
15 ဒီးစီၤဒၤဝံးစံးဘၣ်အီၤ, နဆှၢယၤဆူပှၤတဖုအအိၣ် န့ၣ်ဘၣ်ကသ့ဧါ. ဒီးစံးဘၣ်အီၤ,ဆိၣ်တၢ်ဒီးယၤလၢ ကစၢ်အမဲာ်ညါ, လၢနတမၤသံယၤ, ဒီးလၢနတဟ့ၣ် လီၤကွံာ်ယၤဆူယကစၢ်အစုပူၤန့ၣ်တက့ၢ်. ဒီးယက ဆှၢနၤဆူပှၤတဖုန့ၣ်အအိၣ်လီၤ.
16 ဒီးဆှၢလီၤဝဲဝံၤဒီး, ကွၢ်ကွၢ်,ပှၤလီၤပြံလီၤပြါလၢဟီၣ် ခိၣ်ခဲလၢာ်,အီၣ်ဝဲ,အီဝဲ,ဒီးဂဲၤကလံၣ်လီၤ. အဂ့ၢ်ဒ်အံၤ, ဂုာ်န့ၢ်တၢ်အါအါကလဲာ်လၢ ပှၤဖလ့ၡသးဖိအကီၢ် ပူၤ, ဒီးလၢယူဒၤအကီၢ်ပူၤလီၤ.
17 ဒီးလၢမုၢ်ဟါပၢၢ်လၢမုၢ်ဆ့ၣ်ထီၣ်တနံၤ လၢမုၢ်ဟါ န့ၣ် စီၤဒၤဝံးကျီကွံာ်အီၤ,ဒီးပှၤတပူၤတဖျဲးဘၣ်နီတဂၤ ဘၣ်, ပူၤဖျဲးထဲပှၤဖိၣ်သၣ်ခွါ လွံၢ်ကယၤလၢအဒိးကီၤ လၤအူးဒီးဃ့ၢ်ဝဲတဖၣ်ဧိၤန့ၣ်လီၤ.
18 ဒီးစီၤဒၤဝံးမၤန့ၢ်ကယဲၢ်တၢ်လၢ ပှၤဧမၤလ့းဖိစိာ်ထီၣ် ကွံာ်, ဒီးစီၤဒၤဝံးမၤထူၣ်ဖျဲးအမါခံဂၤလီၤ. 19 ဒီးအဆံး ဂ့ၤ,အဒိၣ်ဂ့ၤ,ဖိခွါဂ့ၤ,ဖိမုၣ်ဂ့ၤ, တၢ်ဖိတၢ်လံၤဂ့ၤ,ထီရီၤ တၢ်တမံၤမံၤလၢအဟံးန့ၢ်ဝဲဂ့ၤ, တၢ်တဟါမၢ်ဘၣ်နီ တမံၤဘၣ်. စီၤဒၤဝံးမၤန့ၢ်က့ၤတၢ်ခဲလၢာ်လီၤ.
20 ဒီးစီၤဒၤဝံးဟံးန့ၢ် ကယဲၢ်သိဒီးမဲာ်တဲးလဲး,ဒီးဂီၤဘုၣ် ဂီၤဖံးလၢပှၤဟီထီၣ်အီၤလၢ ဆၣ်ဖိကီၢ်ဖိအဒၢအမဲာ် ညါ,ဒီးပှၤစံးဝဲဒၣ်, တၢ်အံၤမ့ၢ်စီၤဒၤဝံးအတၢ်လီၤ.
21 ဒီးစီၤဒၤဝံးက့ၤက့ၤဆူ ပှၤလၢအဂံၢ်အဘါလီၤဘှါတုၤ အပိာ်စီၤဒၤဝံးအခံတကဲဘၣ်ခံကယၤ လၢအဒုးအိၣ်ဝဲ လၢထံကျိဘစိၢ်အနံၤ, ဒီးအဝဲသ့ၣ်ဟဲသဂၢၢ်စီၤဒၤဝံး, ဒီးဟဲသဂၢၢ်ပှၤအိၣ်ဒီးအီၤလီၤ. ဒီးတုၤစီၤဒၤဝံးဟဲဘူး ဒီးပှၤဂီၢ်မုၢ်ဒီး, ကတိၤဒိၣ်အီၤလီၤ.
22 ဒီးပှၤအၢပှၤသီခဲလၢာ်, ဒီးပှၤဘလးယဧၤလးဖိလၢ အအိၣ်ဝဲလၢပှၤတဖၣ်အကျါန့ၣ်ကတိၤတၢ်, ဒီးစံးဝဲ ဒၣ်, မ့ၢ်အတလဲၤဘၣ်ဒီးပှၤဘၣ်ဒီး, ပတဟ့ၣ်လီၤဘၣ် အီၤလၢတၢ်လၢပဂုာ်န့ၢ်က့ၤအကျါန့ၣ်ဘၣ်. ပကဟ့ၣ် လီၤအီၤထဲအမါ, ဒီးအဖိအလံၤတဂၤလၢအဂီၢ်ဒၣ်ဝဲ, တဂၤလၢအဂီၢ်ဒၣ်ဝဲစုာ်စုာ်, ဒ်သိးအကဆှၢထီၣ်, ဒီး ဟးထီၣ်ကွံာ်ဝဲလီၤ.
23 ဒီးစီၤဒၤဝံးစံးဝဲဒၣ်,ယဒီပုၢ်ဝဲၢ်သ့ၣ်ဧၢ, သုတဘၣ်မၤ ဒ်န့ၣ်လၢတၢ်လၢယွၤဟ့ၣ်လီၤပှၤ, လၢအအံးလီၤကွၢ် လီၤပှၤ, ဒီးဟ့ၣ်လီၤကွံာ်ပှၤလၢ အဟဲထီဒါပှၤတဖု ဆူပစုပူၤန့ၣ်ဘၣ်. 24 ဒီးမ့ၢ်မတၤကဒိကနၣ်သုကလုၢ် လၢတၢ်တမံၤအံၤအဂ့ၢ်အကျိၤလဲၣ်. အဂ့ၢ်ဒ်အံၤ,ဒ်ပှၤ လၢအလဲၤလီၤဆူတၢ်ဒုးသုးအပူၤတဂၤအဂီၢ်အသိးန့ၣ် ပှၤလၢအအိၣ်လီၤတဲာ်ဒီး တၢ်ဖိတၢ်လံၤတဂၤအဂီၢ်က ဒ်န့ၣ်အသိးလီၤ. ကဒိးန့ၢ်ဘၣ်တၢ်ဒ်သိးသိးလီၤ.
25 ဒီးလၢမုၢ်တနံၤလံၤလံၤန့ၣ် တၢ်မၤအသးလၢအပာ် တၢ်န့ၣ်လၢတၢ်မၤလိာ်, ဒီးတၢ်အလုၢ်အလၢ်လၢအံၣ် စရ့လးအပူၤတုၤမုၢ်မဆါတနံၤအံၤလီၤ.
26 ဒီးတုၤစီၤဒၤဝံးဟဲဆူစံကလးဒီး, ဟ့ၣ်ယုၢ်တၢ်ဂုာ်န့ၢ် တနီၤဆူပှၤယူဒၤဖိအသးပှၢ်, အတံၤအသကိးတဖၣ်, ဒီးစံးဝဲဒၣ်, ကွၢ်ကွၢ်, တၢ်ခိၣ်ဖးလၢသုဂီၢ်လၢတၢ်ဂုာ် န့ၢ်လၢယွၤအဒုၣ်အဒါအကျါန့ၣ်လီၤ. 27 ဆူပှၤအိၣ်လၢ ဘ့ၤသ့လးအပူၤ, ဒီးဆူပှၤအိၣ်လၢရၤမိးအပူၤလၢက လံၤထံးတခီ,ဒီးဆူပှၤအိၣ်လၢယးတံၢ်အပူၤ 28 ဒီးဆူပှၤ အိၣ်လၢဧရိၤဧ့ၢ်အပူၤ, ဒီးဆူပှၤအိၣ်လၢစံးဖမိးအပူၤ, ဒီးဆူပှၤအိၣ်ဝဲလၢအ့ၡတမိးအပူၤ, 29 ဒီးဆူပှၤအိၣ်လၢ ရၤဃ့လးအပူၤ, ဒီးဆူပှၤအိၣ်လၢပှၤယရၤဃမအ့လးဖိ အဝ့ၢ်တဖၣ်အပူၤဒီး ဆူပှၤအိၣ်လၢပှၤက့ၣ်ဖိအဝ့ၢ်တ ဖၣ်အပူၤ, 30 ဒီးဆူပှၤအိၣ်လၢဃိၢ်မါအပူၤ,ဒီးဆူပှၤအိၣ် လၢကီၢ်ရၤၡၣ်အပူၤ, ဒီးဆူပှၤအိၣ်လၢဧၤသးအပူၤ,-
31 ဒီးဆူပှၤအိၣ်လၢဃ့ဘြိၣ်အပူၤ, ဒီးဆူကယဲၢ်တၢ်အိၣ် အလီၢ်ဖဲစီၤဒၤဝံးအကစၢ်ဒၣ်ဝဲ, ဒီးအပှၤကညီတဖၣ် လဲၤညီနုၢ်အပူၤတပူၤလၢ်လၢ်န့ၣ် ဟ့ၣ်ယုၢ်ဝဲလီၤ.