19
ဒီးစီၤစီလူးကတိၤတၢ်ဒီးအဖိခွါစီၤယိနၤသၣ်, ဒီးအ ခ့အပှၤခဲလၢာ်ဒ်သိးအကမၤသံစီၤဒၤဝံးလီၤ.
ဒီးစီၤစီလူးအဖိခွါစီၤယိနၤသၣ်န့ၣ်ဘၣ်အသးလၢစီၤ ဒၤဝံးဒိၣ်မး, ဒီးစီၤယိနၤသၣ်ဒုးနဲၣ်စီၤဒၤဝံးဒီးစံးဝဲဒၣ်, ယပၢ်စီၤစီလူးဃုမၤသံနၤလီၤ. ဒီးခဲကနံၣ်အံၤပလီၢ်န သးတုၤခဲဂီၤကိာ်တက့ၢ်. ဒီးအိၣ်တဒၢ, ဒီးပာ်ခူသူၣ် နသးက့ၢ်. ဒီးယကလဲၤဆၢထၢၣ်လၢယပၢ်အဃၢၤ လၢတၢ်ပျီပူၤဖဲနအိၣ်, ဒီးယကကတိၤတၢ်ဒီးယပၢ်လၢ နဂ့ၢ်နကျိၤ,ဒီးတၢ်လၢယထံၣ်တဖၣ်န့ၣ် ယကဒုးနဲၣ် နၤလီၤ.
ဒီးစီၤယိနၤသၣ်ကတိၤတၢ်အဂ့ၤဒီး အပၢ်လၢစီၤဒၤ ဝံးအဂ့ၢ်အကျိၤ,ဒီးစံးဘၣ်အီၤ, မ်စီၤပၤအသုတမၤက မၣ်ဘၣ်အခ့အပှၤစီၤဒၤဝံးန့ၣ်တဂ့ၤ. အဂ့ၢ်ဒ်အံၤ,တမၤ ကမၣ်ဘၣ်နၤဘၣ်, ဒီးအမၤတၢ်ဘၣ်ဃးဒီးနၤတဖၣ် န့ၣ်မ့ၢ်အဂ့ၤမးလီၤ. ဒီးပာ်အသးသမူလၢအစုပူၤ,ဒီး မၤသံပှၤဖလ့ၡသးဖိတဂၤန့ၣ်, ဒီးယွၤမၤတၢ်အုၣ်က့ၤ ခီၣ်က့ၤဖးဒိၣ်လၢအံၣ်စရ့လးခဲလၢာ်အဂီၢ်, ဒီးနထံၣ် ဘၣ်ဒီးနသူၣ်ခုသးခုလီၤ. ဒီးနကမၤကမၣ်ဘၣ်တၢ် သွံၣ်လၢတၢ်ဒဲးဘးတအိၣ်ဘၣ် လၢနကမၤသံစီၤဒၤဝံး ကလီကလီမ့ၢ်အဘၣ်မနုၤလဲၣ်.
ဒီးစီၤစီလူးဒိကနၣ်စီၤယိနၤသၣ်အကလုၢ်, ဒီးစီၤစီ လူးဆိၣ်တၢ်, ယွၤမူဝဲန့ၣ်စီၤဒၤဝံးတဘၣ်ဘၣ်တၢ်မၤ သံအီၤဘၣ်.
ဒီးစီၤယိနၤသၣ်ကိးန့ၢ်စီၤဒၤဝံး, ဒီးစီၤယိနၤသၣ်ဒုး နဲၣ်အီၤလၢတၢ်တဖၣ်ခဲလၢာ်, ဒီးစီၤယိနၤသၣ်ဒုးဟဲ က့ၤစီၤဒၤဝံးဆူစီၤစီလူးအအိၣ်, ဒီးအိၣ်ဝဲလၢအမဲာ်ညါ ဒ်လၢမဟါမဟိအသိးန့ၣ်လီၤ.
ဒီးတၢ်ဒုးသုးအိၣ်ထီၣ်ကဒီး, ဒီးစီၤဒၤဝံးလဲၤထီၣ်,ဒီး ဒုးတၢ်ဒီးပှၤဖလ့ၡသးဖိ, ဒီးကျီကွံာ်အီၤဒီးတၢ်ကျီကွံာ် ဖးဒိၣ်,ဒီးအဝဲသ့ၣ်ဃ့ၢ်ကွံာ်ဝဲလၢအမဲာ်ညါလီၤ.
ဒီးသးအၢတမံၤလၢယွၤအိၣ်ဝဲလၢ စီၤစီလူးအလိၤလၢ အဆ့ၣ်နီၤလၢအဟံၣ်ပူၤ, ဒီးအဘီဖိအိၣ်လၢအစုပူၤ, ဒီးစီၤဒၤဝံးဒ့တၢ်လၢအစုလီၤ.
10 ဒီးစီၤစီလူးဃုဆဲးဘၣ်စီၤဒၤဝံးလၢဘီဖိ တုၤအကစဲ ဘူးဒီးတၢ်ဒူၣ်လီၤ. ဒီးဟးထူၣ်ဖျဲးဝဲလၢစီၤစီလူးအအိၣ်, ဒီးစီၤစီလူးဆဲးဘီဖိလၢတၢ်ဒူၣ်ပူၤ, ဒီးစီၤဒၤဝံးဃ့ၢ်ကွံာ်, ဒီးလၢမုၢ်တနၤန့ၣ်ထူၣ်ဖျဲးဝဲလီၤ.
11 ဒီးစီၤစီလူးမၢကလူးတဖၣ်လဲၤဆူစီၤဒၤဝံးအဟံၣ် ဒ် သိးအကကွၢ်အီၤ, ဒီးမၤသံအီၤလၢမုၢ်ဂီၤထီၣ်လီၤ.ဒီး စီၤဒၤဝံးအမါနီၢ်မံကၤလးဒုးနဲၣ်အီၤဒီးစံးဝဲဒၣ်, နမ့ၢ် တအုၣ်က့ၤခီၣ်က့ၤဘၣ်နသးလၢ မုၢ်နၤအံၤဒီး,ခဲဂီၤကိာ် န့ၣ်နကဘၣ်တၢ်မၤသံနၤလီၤ.
12 ဒီးနီမံကၤလးစဲၤလီၤစီၤဒၤဝံးလၢ တၢ်ထူၣ်ဖျိအပူၤ, ဒီးဃ့ၢ်ကွံာ်ဝဲ,ဒီးထူၣ်ဖျဲးဝဲလီၤ.
13 ဒီးနီၢ်မံကၤလးဟံးန့ၢ်တၢ်ဂီၤတရၤဖး, ဒီးပာ်လီၤဝဲ လၢလီၢ်မံပူၤ, ဒီးပာ်တၢ်မၤဝဲလၢမဲာ်တဲးလဲးအဆူၣ်လၢ အခိၣ်တခၢၣ်,ဒီးလုးဘၢအီၤလၢယၣ်တဘ့ၣ်လီၤ.
14 ဒီးတုၤစီၤစီလူးမၢကလူးတဖၣ် လဲၤဟံးန့ၢ်စီၤဒၤဝံး ဒီး,ပိာ်မုၣ်စံးဝဲ, အဝဲဒၣ်မၤတကဲဘၣ်.
15 ဒီးစီၤစီလူးမၢကလူးတဖၣ်လဲၤကွၢ်ကဒီး စီၤဒၤဝံးဒီး စံးဝဲဒၣ်, ဟဲစိာ်အီၤဆူယအိၣ်လၢလီၢ်မံပူၤ,ဒ်သိးယက မၤသံအီၤတက့ၢ်.
16 ဒီးပှၤကလူးတဖၣ်လဲၤနုာ်, ဒီးကွၢ်ကွၢ်,တၢ်ဂီၤတရၤ ဖးအိၣ်ဝဲလၢလီၢ်မံပူၤအိၣ်ဒီးတၢ်မၤဝဲလၢ မဲာ်တဲးလဲး အဆူၣ်လၢအခိၣ်တခၢၣ်လီၤ.
17 ဒီးစီၤစီလူးစံးဘၣ်နီၢ်မံကၤလး, နလီန့ၢ်ယၤဒ်အံၤ,ဒီး ပျၢ်ကွံာ်ယဒုၣ်ယဒါတုၤအထူၣ်ဖျဲးန့ၣ် မ့ၢ်အဘၣ်မနုၤ လဲၣ်. ဒီးနီၢ်မံကၤလးစံးဆၢစီၤစီလူး, အဝဲဒၣ်စံးဘၣ် ယၤ,ပျၢ်ယၤတက့ၢ်.ယကမၤသံနၤဘၣ်မနုၤလဲၣ်.
18 ဒီးစီၤဒၤဝံးဃ့ၢ်, ဒီးထူၣ်ဖျဲးဝဲ, ဒီးလဲၤဝဲဆူစီၤၡမူၤအ့ လးအအိၣ်,ဆူရၤမါ, ဒီးစံးဘၣ်အီၤလၢကယဲၢ်တၢ်လၢ စီၤစီလူးမၤအီၤ, ဒီးအဝဲဒၣ်ဒီးစီၤၡမူၤအ့လးလဲၤအိၣ်ဝဲ ဆိးဝဲလၢနၤဝိးအပူၤလီၤ.
19 ဒီးပှၤစံးဘၣ်စီၤစီလူး, ဒီးစံးဝဲဒၣ်, ကွၢ်ကွၢ်,စီၤဒၤဝံး အိၣ်ဝဲလၢနၤဝိးလၢရၤမါအပူၤလီၤ.
20 ဒီးစီၤစီလူးမၢကလူးတဖၣ်လဲၤဟံးန့ၢ် စီၤဒၤဝံး, ဒီး တုၤအထံၣ်ဘၣ်ဝံအတၢ်အိၣ်ဖှိၣ် ကတိၤတၢ်လၢဝံအ ကျိာ်, ဒီးစီၤၡမူၤအ့လးဆၢထၢၣ်အိၣ်ဝဲလၢအခိၣ်ဒီး, ယွၤအသးအိၣ်ထီၣ်လၢ စီၤစီလူးအကလူးတဖၣ်အ လိၤ, ဒီးအဝဲသ့ၣ်တဖၣ်န့ၣ်ကတိၤတၢ်လၢဝံအကျိာ် စ့ၢ်ကီးလီၤ.
21 ဒီးတုၤပှၤဒုးနဲၣ်စီၤစီလူးဒီး, မၢလီၤဝဲကလူးလၢအဂၤ တဖၣ်, ဒီးအဝဲသ့ၣ်တဖၣ်ကတိၤတၢ်လၢဝံအကျိာ်စ့ၢ် ကီးလီၤ. ဒီးစီၤစီလူးမၢလီၤကလူးတဖၣ်သၢဘျီတဘျီ, ဒီးအဝဲသ့ၣ်တဖၣ်န့ၣ် ကတိၤတၢ်လၢဝံအကျိာ်စ့ၢ်ကီး လီၤ.
22 ဒီးလဲၤဝဲအကစၢ်ဒၣ်ဝဲဆူရၤမါ, ဒီးလဲၤပၢၢ်လၢထံပူၤ ဖးဒိၣ်လၢအအိၣ်ဝဲလၢစ့ကူၤ, ဒီးသံကွၢ်တၢ်ဒီးစံးဝဲဒၣ်, စီၤၡမူၤအ့လးဒီးစီၤဒၤဝံးမ့ၢ်အအိၣ်ဖဲလဲၣ်. ဒီးပှၤစံးဝဲ ဒၣ်, ကွၢ်ကွၢ်,အိၣ်ဝဲလၢနၤဝိးလၢရၤမါအပူၤလီၤ.
23 ဒီးလဲၤဝဲဖဲန့ၣ်ဆူနၤဝိးလၢရၤမါအပူၤ, ဒီးယွၤအသး အိၣ်ထီၣ်စ့ၢ်ကီးလၢအဝဲဒၣ်အလိၤ, ဒီးလဲၤတၢ်ဒီးက တိၤတၢ်လၢဝံအကျိာ်, ဒီးလဲၤပၢၢ်လၢနၤဝိးလၢရၤမါ အပူၤလီၤ.
24 ဒီးဘ့ၣ်လီၤကွံာ်အဆ့စ့ၢ်ကီး, ဒီးကတိၤတၢ်လၢဝံအ ကျိာ်, လၢစီၤၡမူၤအ့လးအမဲာ်ညါ,ဒီးလီၤဃံၤအိၣ်ဘ့ၣ် ဆ့သ့တနံၤကျၢၤဒီး သီတနၤကျၢၤလီၤ.မၤသးဒ်န့ၣ်ဒီး ပှၤစံးဝဲဒၣ်, မ့ၢ်စီၤစီလူးအိၣ်စ့ၢ်ကီးလၢဝံတဖၣ်အကျါ န့ၣ်ဧါ.