18
ဒီးတုၤအကတိၤတၢ်ဒီးစီၤစီလူးဝံၤဒီး, တၢ်မၤအသး လၢစီၤယိနၤသၣ်အသးစဲဘူးဒီးစီၤဒၤဝံးအသး, ဒီးစီၤ ယိနၤသၣ်အဲၣ်အီၤဒ်အသးဒၣ်ဝဲအသိးန့ၣ်လီၤ.
ဒီးတၢ်လၢမုၢ်တနံၤန့ၣ် စီၤစီလူးဟံးန့ၢ်အီၤ, ဒီးတ ဒုးက့ၤဘၣ်အီၤဆူအပၢ်အဟံၣ်ဘၣ်.
ဒီးမ့ၢ်အအဲၣ်အီၤ ဒ်အသးဒၣ်ဝဲအသိးသတးဒီး, စီၤ ယိနၤသၣ်အၢၣ်လီၤအီလီၤတၢ်ဒီးစီၤဒၤဝံးလီၤ.
ဒီးစီၤယိနၤသၣ်ဘ့ၣ်ကွံာ်အဆ့ဖးထီ, ဒီးဟ့ၣ်လီၤဝဲ လၢစီၤဒၤဝံး, ဒီးအကူအသိးပၢၢ်လၢအနး, ဒီးအချံၣ်, ဒီးပၢၢ်လၢအယီၢ်တကိးလီၤ.
ဒီးဖဲဒၣ်တၢ်လၢစီၤစီလူးမၢလီၤအီၤန့ၣ် စီၤဒၤဝံးလဲၤ ဝဲ, ဒီးမၤဝဲဒီးတၢ်ကူၣ်သ့ကူၣ်ဘၣ်,ဒီးစီၤစီလူးပာ်အီၤ လၢပှၤသုးဖိအခိၣ်, ဒီးဂ့ၤဝဲလၢပှၤဂီၢ်မုၢ်အမဲာ်ခဲလၢာ်, ဒီးလၢစီၤစီလူးအခ့အပှၤအမဲာ်စ့ၢ်ကီးလီၤ.
ဒီးတုၤအဟဲ, ဖဲစီၤဒၤဝံးဟဲက့ၤလၢအမၤသံတ့ၢ်ပှၤဖ လ့ၡသးဖိန့ၣ်ဒီး, တၢ်မၤအသးလၢပိာ်မုၣ်တဖၣ်ဟဲ ထီၣ်ဂဲၤကလံၣ်, ဒီးအုၣ်တၢ်, လၢအံၣ်စရ့လးအဝ့ၢ်ပူၤ ခဲလၢာ်ဒ်သိး, အကသဂၢၢ်စီၤစီလူးအိၣ်ဝဲဒီးဒၢ, ဒီး တၢ်သူၣ်ခုသးခု,ဒီးဆ့လ့လီၤ.
ဒီးပိာ်မုၣ်တဖၣ်န့ၣ်ပှီၢ်တၢ်ပိာ်တၢ်အဖၢမုၢ်ဒီး, စံးဝဲဒၣ်,စီၤစီလူးမၤသံလံအပှၤကထိတဖၣ်,ဒီးစီၤဒၤဝံးန့ၣ်အပှၤကလးတဖၣ်လံ.
ဒီးစီၤစီလူးအသးထီၣ်ကဲၤထီၣ်ဒိၣ်မးလီၤ. ဒီးတၢ်က တိၤတထံၣ်န့ၣ်အၢဝဲလၢအမဲာ်,ဒီးစံးဝဲဒၣ်, ပာ်ဝဲလၢ စီၤဒၤဝံးလၢကလးတဖၣ်, ဒီးပာ်ဝဲလၢယၤလၢကထိ တဖၣ်န့ၣ်လီၤ. ဒီးအိၣ်ဒံးလၢအဂီၢ်ထဲဘီဧိၤမုၢ်ဧိၤလီၤ.
ဒီးလၢမုၢ်တနံၤန့ၣ်လံၤလံၤ ဒီးဆူညါစီၤစီလူးကွၢ်စီၤ ဒၤဝံးလၢအမဲာ်အၢလီၤ.
10 ဒီးလၢမုၢ်ဆ့ၣ်ထီၣ်တနံၤန့ၣ် တၢ်မၤအသးလၢသးအၢ တမံၤလၢယွၤန့ၣ် ဟဲလီၤဘၣ်လၢစီၤစီလူးအလိၤ,ဒီး ကတိၤတၢ်လၢဝံအကျိာ်လၢဟံၣ်အသးကံၢ်ပူၤ, ဒီးစီၤ ဒၤဝံးဒ့တၢ်လၢအစုဒ်တနံၤဘၣ်တနံၤအသိးန့ၣ်, ဒီးဘီ ဖိအိၣ်ဝဲလၢစီၤစီလူးအစုပူၤလီၤ.
11 ဒီးစီၤစီလူးဆဲးဘီဖိလီၤ.အဂ့ၢ်ဒ်အံၤ, စံးဝဲဒၣ်,ယက ဆဲးဘၣ်စီၤဒၤဝံးတုၤအစဲဘူးဒီးတၢ်ဒူၣ်လီၤ. ဒီးစီၤဒၤ ဝံးပဒ့ၣ်အသးလၢအမဲာ်ညါခံဘျီလီၤ.
12 ဒီးစီၤစီလူးပျံၤစီၤဒၤဝံးလီၤ.အဂ့ၢ်ဒ်အံၤ, ယွၤအိၣ်ဝဲဒီး အီၤ, ဒီးဟးထီၣ်ကွံာ်ဝဲလၢစီၤစီလူးလီၤ.
13 ဒီးစီၤစီလူးမၤလီၤဖးအီၤဒီးအီၤ, ဒီးပာ်အီၤလၢပှၤတ ကထိအခိၣ်, ဒီးအဝဲဒၣ်လဲၤထီၣ်ဒီးဟဲနုာ်လၢပှၤဂီၢ်မုၢ် အမဲာ်ညါလီၤ.
14 ဒီးစီၤဒၤဝံးမၤဝဲ ဒီးတၢ်ကူၣ်သ့ကူၣ်ဘၣ် လၢကျဲခဲ လၢာ်အပူၤ,ဒီးယွၤအိၣ်ဒီးအီၤလီၤ. 15 ဒီးစီၤစီလူးထံၣ်ဝဲ လၢအမၤဝဲ ဒီးတၢ်ကူၣ်သ့ကူၣ်ဘၣ်ဒိၣ်ဒိၣ်ကလဲာ်,ဒီး ပျံၤဝဲလၢအမဲာ်ညါလီၤ.
16 မ့မ့ၢ်အံၣ်စရ့လးဒီးယူဒၤခဲလၢာ် အဲၣ်စီၤဒၤဝံးလီၤ. အဂ့ၢ်ဒ်အံၤ,လဲၤထီၣ်ဒီးဟဲနုာ်လၢအမဲာ်ညါလီၤ.
17 ဒီးစီၤစီလူးစံးဘၣ်စီၤဒၤဝံး, ကွၢ်ကွၢ်, ယဖိမုၣ်အဒိၣ် တဂၤနီၢ်မ့ရ့ာ်န့ၣ်, ယကဟ့ၣ်လီၤအီၤလၢနမါလီၤ. ထဲ ပာ်နသးဆူၣ်ဆူၣ်ကလဲာ်လၢယဂီၢ်, ဒီးဒုးယွၤအတၢ် ဒုးန့ၣ်တက့ၢ်. (ဒီးစီၤစီလူးစံးဝဲဒၣ်,မ်ယစုအသုတအိၣ် လၢအလိၤတဂ့ၤ, မ်ပှၤဖလ့ၡသးဖိအစုအိၣ်လၢအလိၤ တက့ၢ်.)
18 ဒီးစီၤဒၤဝံးစံးဘၣ်စီၤစီလူး, ဒ်သိးယကကဲထီၣ်စီၤပၤ အမာ်ဒီး,ယမ့ၢ်မတၤတဂၤလဲၣ်. ဒီးယသးသမူမ့ၢ်ဂ့ၤ, ယပၢ်အဟံၣ် လၢအံၣ်စရ့လးအကျါမ့ၢ်ဂ့ၤ, မ့ၢ်မနုၤ လဲၣ်.
19 ဒီးအဆၢအကတီၢ်ဘၣ် လၢတၢ်ကဟ့ၣ်စီၤစီလူးအ ဖိမုၣ်နီၢ်မ့ရ့ာ်လၢစီၤဒၤဝံးဒီး, တၢ်မၤအသးလၢတၢ်ဟ့ၣ် အီၤလၢပှၤမဃိလၤဖိစီၤဧ့ဒြၤအ့လးလၢအမါလီၤ.
20 ဒီးစီၤစီလူးအဖိမုၣ်နီၢ်မံကၤလးအဲၣ်စီၤဒၤဝံး, ဒီးပှၤစံး ဘၣ်တဲဘၣ်စီၤစီလူး, ဒီးတၢ်တမံၤန့ၣ် ဘၣ်အသး လီၤ. 21 ဒီးစီၤစီလူးစံးဝဲဒၣ်, ယကဟ့ၣ်အဝဲဒၣ်လၢအီၤ ဒ်သိးအကကဲထီၣ်ပျံၤသကွီၤလၢအဂီၢ်, ဒ်သိးပှၤဖလ့ ၡသးဖိအစုကအိၣ်လၢအလိၤလီၤ. ဒီးစီၤစီလူးစံးဘၣ် စီၤဒၤဝံး, တၢ်လၢမုၢ်မဆါတနံၤအံၤ,နကကဲထီၣ်ယ မာ်ခံစုတစုန့ၣ်လီၤ.
22 ဒီးစီၤစီလူးမၤလိာ်အခ့အပှၤ, ကတိၤတၢ်ဒီးစီၤဒၤဝံး အိၣ်တဒၢ,ဒီးစံး,ကွၢ်ကွၢ်, စီၤပၤဘၣ်အသးလၢနၤ,ဒီး အခ့အပှၤအဲၣ်နၤခဲလၢာ်, ဒီးခဲကနံၣ်အံၤကဲထီၣ်စီၤပၤ အမာ်တက့ၢ်.
23 ဒီးစီၤစီလူးအခ့အပှၤတဖၣ်န့ၣ် စံးဘၣ်တၢ်ကတိၤန့ၣ် လၢစီၤဒၤဝံးအနၢ်ပူၤလီၤ. ဒီးစီၤဒၤဝံးစံးဝဲဒၣ်,ယကဲထီၣ် စီၤပၤအမာ်န့ၣ်သုပာ်လၢတၢ်အဖှံတမံၤဧါ. ဒီးယမ့ၢ် ပှၤဖှီၣ်ဖိယာ်ဖိ,ဒီးတၢ်တပးကဲဘၣ်ယၤဘၣ်လီၤ.
24 ဒီးစီၤစီလူးအခ့အပှၤဒုးနဲၣ်အီၤ, ဒီးစံးဝဲဒၣ်,စီၤဒၤဝံး ကတိၤတၢ်ဒ်တၢ်ကတိၤတဖၣ်အသိးန့ၣ်လီၤ.
25 ဒီးစီၤစီလူးစံးဝဲဒၣ်, သုဘၣ်စံးဘၣ် စီၤဒၤဝံးဒ်အံၤ, ဘၣ်စီၤပၤအသးလၢတၢ်အပှ့ၤတမ့ၢ်ဘၣ်. မ့ၢ်လၢပှၤ ဖလ့ၡသးဖိအတၢ်အခိၣ်ဖံးတကယၤ, ဒ်သိးအကမၤ ဆၢတၢ်အၢလၢစီၤပၤအဒုၣ်အဒါအလိၤလီၤ. ဒီးစီၤစီ လူးဆိကမိၣ်လၢစီၤပၤအဒုၣ်အဒါအလိၤလီၤ. ဒီးစီၤစီ လူးဆိကမိၣ်လၢအကဒုးလီၤဃံၤ စီၤဒၤဝံးလၢပှၤဖလ့ ၡသးဖိအစုပူၤလီၤ.
26 ဒီးအခ့အပှၤစံးဘၣ်စီၤဒၤဝံးလၢ တၢ်ကတိၤတဖၣ် န့ၣ်,ဒီးကဲထီၣ်စီၤပၤအမာ်န့ၣ် ဘၣ်စီၤဒၤဝံးအသးက ကစီဒီလီၤ. ဒီးမုၢ်နံၤတဖၣ်တပှဲၤထီၣ်ဒံးဘၣ်ဒီး, 27 စီၤ ဒၤဝံးဂဲၤဆၢထၢၣ်, ဒီးလဲၤတၢ်,အဝဲဒၣ်ဒီးအပှၤကညီ, ဒီးကျီကွံာ်ပှၤဖလ့ၡသးဖိခံကယၤ, ဒီးစီၤဒၤဝံးဟဲစိာ် တၢ်အခိၣ်ဖံးတဖၣ်န့ၣ်, ဒီးဟ့ၣ်လၢပှဲၤဝဲလၢစီၤပၤဒ် သိးအကကဲထီၣ်စီၤပၤအမာ်လီၤ. ဒီးစီၤစီလူးဟ့ၣ်အီၤ လၢအဖိမုၣ်နီၢ်မံကၤလးလၢအမါလီၤ.
28 ဒီးစီၤစီလူးထံၣ်ဘၣ်ဝဲဒီးသ့ၣ်ညါဝဲလၢ ယွၤအိၣ်ဒီး စီၤဒၤဝံး,ဒီးစီၤစီလူးအဖိမုၣ်နီၢ်မံကၤလးအဲၣ်အီၤလီၤ.
29 ဒီးစီၤစီလူးပျံၤစီၤဒၤဝံးအါန့ၢ်အလီၢ်တက့ၢ်. ဒီးစီၤစီ လူးကဲထီၣ်စီၤဒၤဝံးအဒုၣ်အဒါတထံၣ်ဃီလီၤ.
30 ဒီးပှၤဖလ့ၡသးဖိအပဒိၣ်ဖးဒိၣ်တဖၣ်ဟးထီၣ်ဝဲ, ဒီး လၢအဟးထီၣ်အလီၢ်ခံန့ၣ် တၢ်မၤအသးလၢစီၤဒၤဝံး မၢဝဲဒီးတၢ်ကူၣ်သ့ကူၣ်ဘၣ်ဒိၣ်န့ၢ် စီၤစီလူးအခ့အပှၤခဲ လၢာ်,ဒီးပှၤပာ်အမံၤလၢတၢ်လုၢ်ဒိၣ်ပှ့ၤဒိၣ်လီၤ.