13
1 ဒီးစီၤစီလူးကဲစီၤပၤတနံၣ်, ဒီးတုၤအကဲစီၤပၤလၢအံၣ် စရ့လးအဖီခိၣ်ခံနံၣ်ဒီး,
2 စီၤစီလူးဃုထၢန့ၢ်ပှၤသၢက ထိလၢအံၣ်စရ့လးအပူၤလီၤ. ပှၤခံကထိအိၣ်ဝဲဒီးစီၤစီ လူးလၢမံးကမၣ်, ဒီးလၢကစၢၢ်ဘ့ၤသ့လးအလိၤ,ဒီး ပှၤတကထိအိၣ်ဝဲဒီးစီၤယိၤနၤသၣ်လၢ ကံဘဧၤဘံၣ် ယၤမံၣ်, ဒီးပှၤအိၣ်လီၤတဲာ်လၢပှၤဂီၢ်မုၢ်အကျါန့ၣ်ပျၢ် ဝဲတဂၤဆူအဒဲဒၣ်ဝဲ,တဂၤဆူအဒဲဒၣ်ဝဲစုာ်စုာ်လီၤ.
3 ဒီးစီၤယိနၤသၣ်ကျီကွံာ်ပှၤဖလ့ၡသးဖိလၢအပၢၤတၢ် တတီၤလၢက့ဘၤအပူၤ, ဒီးပှၤဖလ့ၡသးဖိနၢ်ဟူဝဲလီၤ. ဒီးစီၤစီလူးအူကွဲၤလၢကီၢ်ဒီဘ့ၣ်ညါအပူၤ, ဒီးစံးဝဲဒၣ်, မ်ပှၤဧ့ၤဘြံၤဖိနၢ်ဟူတၢ်တက့ၢ်.
4 ဒီးအံၣ်စရ့လးခဲလၢာ်နၢ်ဟူဝဲလၢ ပှၤစံးလၢစီၤစီလူး ကျီကွံာ်ပှၤဖလ့ၡသးဖိလၢအပၢၤတၢ်တဖု, ဒီးလၢအံၣ် စရ့လးကဲထီၣ်တၢ်သးဘၣ်အၢလၢ ပှၤဖလ့ၡသးဖိအ မဲာ်ညါလီၤ. ဒီးပှၤဂီၢ်မုၢ်ဘၣ်တၢ်ကိးဖှိၣ်ထွဲစီၤစီလူးအ ခံဆူကံးလကၤလးလီၤ.
5 ဒီးပှၤဖလ့ၡသးဖိအိၣ်ဖှိၣ်ရိဖှိၣ် ဒ်သိးအကဒုးသုးဒီး အံၣ်စရ့လးလီၤ. လ့ၣ်ကဟၣ်အိၣ်သၢကလး,ဒီးပှၤဒိး ကသ့ၣ်သုးဖိအိၣ်ဃုကထိ, ဒီးပှၤဂီၢ်မုၢ်အါဝဲဒ်မဲးဧိၤ ဟီၣ်ဧိၤလၢပီၣ်လဲၣ်နံၤအသိးန့ၣ်လီၤ. ဒီးဟဲထီၣ်, ဒီး သူၣ်ဒဲလၢ မံးကမၣ်လၢအအိၣ်ဝဲလၢ ဘ့ၤသအၤဝ့ၣ် အမုၢ်ထီၣ်တခီလီၤ.
6 ဒီးအံၣ်စရ့လးအပှၤကညီထံၣ်ဝဲလၢ အဘၣ်တၢ်ကိၢ် တၢ်ဂီၤလီၤ. (အဂ့ၢ်ဒ်အံၤ, ပှၤဂီၢ်မုၢ်န့ၣ်အသူၣ်အုးအသး အုးလီၤ.) ဒီးပာ်ခူသူၣ်အသးလၢတၢ်အိပူၤတဖၣ်,ဒီး လၢသ့ၣ်သဃာ်အကျါ,ဒီးလၢလ့အအိပူၤ, ဒီးလၢတိာ် ပူၤ,ဒီးလၢတၢ်ပူၤတဖၣ်န့ၣ်လီၤ.
7 ဒီးပှၤဧ့ဘြံၤဖိတနီၤနီၤလဲၤခီဂာ်တ့ၢ်လံ ယၢ်ဒ့ၣ်ဆူကး, ဒီးကံလဧးအကီၢ်လီၤ. မ့မ့ၢ်စီၤစီလူးအိၣ်ဒံးဝဲလၢကံး လကၤလး, ဒီးပှၤဂီၢ်မုၢ်ခဲလၢာ်ကနိးကစုာ်ဝဲဒီး,ပိာ်အ ခံလီၤ.
8 ဒီးအိၣ်ဝဲနွံနံၤ ဒ်စီၤၡမူၤအ့လးသ့ၣ်ဖးအဆၢကတီၢ် အသိး, ဒီးစီၤၡမူၤအ့လးတဟဲထီၣ်ဘၣ်ဆူကံးလကၤ လးဘၣ်, ဒီးပှၤဂီၢ်မုၢ်လီၤပြံလီၤပြါဒီးအီၤလီၤ.
9 ဒီးစီၤစီလူးစံးဝဲဒၣ်, ဟဲစိာ်န့ၢ်ယၤလၢတၢ်လုၢ်မ့ၢ်အူ, ဒီးတၢ်လုၢ်မၤဃူမၤဖိးတဖၣ်တက့ၢ်. ဒီးလုၢ်ဝဲလၢတၢ် လုၢ်မ့ၣ်အူလီၤ.
10 ဒီးတုၤအလုၢ်တၢ်လုၢ်မ့ၣ်အူဝံၤဒီး, ကွၢ်ကွၢ်,တၢ်မၤ အသးလၢစီၤၡမူၤအ့လးဟဲဝဲလီၤ. ဒီးစီၤစီလူးလဲၤသ ဂၢၢ်အီၤလၢအကတိၤဒိၣ်အီၤအဂီၢ်လီၤ.
11 ဒီးစီၤၡမူၤအ့လးစံးဝဲဒၣ်, နမၤတၢ်မနုၤတမံၤ လဲၣ်.ဒီးစီၤစီလူးစံးဝဲဒၣ်, မ့ၢ်ယထံၣ်ဘၣ်ပှၤဂီၢ်မုၢ်လီၤ ပြံလီၤပြါဒီးယၤ, ဒီးနတဟဲဘၣ်လၢမုၢ်နံၤလၢနသ့ၣ် ပာ်အတီၢ်ပူၤ,ဒီးပှၤဖလ့ၡသးဖိအိၣ်ဖှိၣ်ရိဖှိၣ်ဖဲမံးကမၣ် ဒီး,
12 ယစံး,ခဲကနံၣ်အံၤ ပှၤဖလ့ၡသးဖိကဟဲလီၤဘၣ် ယၤလၢကံးလကၤလး, ဒီးယတဃ့ကညးဒံးဘၣ်ယွၤ ဘၣ်.ဒီးယမၢဆူၣ်ယသး,ဒီးယလုၢ်တၢ်လုၢ်မ့ၣ်အူလီၤ.
13 ဒီးစီၤၡမူၤအ့လးစံးဘၣ်စီၤစီလူး, နမၤလံပှၤဟးဂီၤဖိ အတၢ်မၤလံ. နတတိၢ်န့ၢ်ဘၣ်ယွၤအတၢ်မၤလိာ်လၢ အမၤလိာ်နၤဘၣ်, မ့တမ့ၢ်ဘၣ်ဒ်န့ၣ်ဒီး, ခဲကနံၣ်အံၤ ကဒုးအိၣ်ဂၢၢ်ဆိးကျၢၤနဘီနမုၢ်လၢ အံၣ်စရ့လးအဖီ ခိၣ်လီၤထူလီၤယိာ်လီၤ.
14 မ့မ့ၢ်ခဲကနံၣ်အံၤ နဘီနမုၢ်တအိၣ်ဂၢၢ်ဆိးကျၢၤဘၣ် ဘၣ်, ယွၤဃုထၢန့ၢ်လံပှၤဒ်အသးဒၣ်ဝဲအသိးတဂၤ, ဒီးယွၤမၤလိာ်လံလၢ အကကဲထီၣ်အပှၤဂီၢ်မုၢ်အခိၣ် လံ. အဂ့ၢ်ဒ်အံၤ,နတတိၢ်န့ၢ်ဘၣ်တၢ်လၢယွၤမၤလိာ် နၤဘၣ်.
15 ဒီးစီၤၡမူၤအ့လးဂဲၤဆၢထၢၣ်, ဒီးဟးထီၣ်လၢကံးလ ကၤလးဆူကံဘဧၤဘံၣ်ယၤမံၣ်လီၤ. ဒီးစီၤစီလူးဂံၢ်ပှၤ လၢအထံၣ်န့ၢ်ဒီးအီၤ,ပှၤဃုကယၤဃၣ်ဃၣ်လီၤ.
16 ဒီးစီၤစီလူး, ဒီးအဖိခွါစီၤယိနၤသၣ်, ဒီးပှၤဂီၢ်မုၢ်လၢ အအိၣ်ဒီးအီၤသ့ၣ်တဖၣ်န့ၣ် အိၣ်ဝဲလၢကံဘဧၤဘံၣ် ယၤမံၣ်လီၤ. ဒီးပှၤဖလ့ၡသးဖိသူၣ်ဒဲလၢမံးကမၣ်လီၤ.
17 ဒီးပှၤမၤဟးဂီၤတၢ်ဖိဟဲထီၣ်လၢ ပှၤဖလ့ၡသးဖိသူၣ် ဒဲအလီၢ်လၢသၢဖုလီၤ. တဖုဃၣ်အသးဆူဧိးဖြၤအကျဲ လၢအလဲၤဆူကီၢ်ရှူဧၤလးလီၤ.
18 ဒီးတဖုဃၣ်အသး ဆူဘ့ၤသဃိရၣ်အကျဲ, ဒီးတဖုဒၣ်ဃၣ်အသးဆူကီၢ် အဃၢၤလၢအကွၢ်ဝဲဆူ ကစၢၢ်ကဆူးစဘိဧံၣ်လၢပှၤ မုၢ်ကနၢတခီလီၤ.
19 ဒီးပှၤပိာ်တၢ်ဖိတအိၣ်ဘၣ်လၢအံၣ်စရ့လး အကီၢ်ဒီ ဘ့ၣ်ညါအပူၤဘၣ်. (အဂ့ၢ်ဒ်အံၤ, ပှၤဖလ့ၡသးဖိစံးဝဲ ဒၣ်, နးမ့ၢ်ဂ့ၤ,ဘီမ့ၢ်ဂ့ၤ, ပှၤဧ့ၤဘြံၤဖိကပိာ်ဘၣ်ဖုးဝဲ လီၤ.)
20 ဒီးအံၣ်စရ့လးခဲလၢာ်လဲၤလီၤဆူ ပှၤဖလ့ၡ သးဖိအအိၣ် ဒ်သိးအကကျ့တဂၤအထဲၣ်အကနၣ်,ဒီး တဂၤအစုကဝဲၤ, ဒီးတဂၤအကွါ, ဒီးတဂၤအတပူာ် လီၤ.
21 ဘၣ်ဆၣ်ဒီးအိၣ်ဝဲဒီးထးကြဲလၢနီၣ်ဖျးအဂီၢ်,ဒီး လၢထဲၣ်အကနၣ်အဂီၢ်, ဒီးလၢနီၣ်ဆဲးသၢဘိအဂီၢ်, ဒီးလၢကွါအဂီၢ်,ဒီးဒ်သိးအကကျ့နီၣ်ဆဲးဂီၤဖံးလီၤ.
22 ဒီးလၢတၢ်ဒုးသုးအမုၢ်တနံၤန့ၣ် တၢ်မၤအသးလၢနး မ့ၢ်ဂ့ၤ,ဘီမ့ၢ်ဂ့ၤ, တအိၣ်ဘၣ်လၢပှၤဂီၢ်မုၢ်အစုပူၤလၢ အအိၣ်ဒီးစီၤစီလူး, ဒီးစီၤယိနၤသၣ်နီတဂၤဘၣ်.မ့မ့ၢ် အိၣ်ဝဲဒီးစီၤစီလူး,ဒီးအဖိခွါစီၤယိနၤသၣ်လီၤ.
23 ဒီးပှၤဖလ့ၡသးဖိလၢအပၢၤတၢ်တတီန့ၣ် ဟးထီၣ်ဝဲ ဆူတၢ်ခီဂာ်တၢ်လၢမံးကမၣ်န့ၣ်လီၤ.