10
1 ဒီးစီၤၡမူၤအ့လးဟံးန့ၢ်သိအပလီတဖျၢၣ်, ဒီးလူလီၤ ဝဲလၢစီၤစီလူးအခိၣ်,ဒီးနၢမူအီၤ, ဒီးစံးဝဲဒၣ်,မ့ၢ်ယွၤဖှူ နၤဒ်သိးနကကဲထီၣ် အတၢ်န့ၢ်သါအခိၣ်န့ၣ် တမ့ၢ် ဘၣ်ဧါ.
2 တုၤနဟးထီၣ်လၢယအိၣ် ခဲမုၢ်ဆါအံၤဒီး နကထံၣ်န့ၢ်ပှၤခံဂၤအိၣ်ဝဲလၢနီၢ်ရၤဃ့လး အသွၣ်ခိၣ် အဃၢၤ, လၢဘံၣ်ယၤမံၣ်အကီၢ်ဃၢၤ ဖဲစ့လစၤ, ဒီး အဝဲသ့ၣ်တဖၣ်ကစံးဘၣ်နၤ, ကသ့ၣ်ယီၤလၢနလဲၤ ဃုအီၤတဖၣ်န့ၣ် တၢ်ထံၣ်န့ၢ်လံအီၤလံ.ဒီးကွၢ်ကွၢ်,န ပၢ်တဘၣ်ယိၣ်လၢၤဘၣ်လၢ ကသ့ၣ်ယီၤအဂီၢ်ဘၣ်, ဒီးဘၣ်ယိၣ်ဝဲလၢသုဂီၢ်, ဒီးစံးဝဲဒၣ်,ယကမၤလၢယဖိ ခွါအဂီၢ်ဒ်လဲၣ်.
3 ဒီးနကဟးထီၣ်ဖဲန့ၣ်, ဒီးနကတုၤလၢသ့ထိးဖၣ်တၤ ဘိၢ်, ဒီးနကဘၣ်သဃိာ်ဒီးပှၤကညီသၢဂၤဖဲန့ၣ်လၢ အလဲၤထီၣ်ဆူယွၤအအိၣ်ဆူဘ့ၤသ့လး, တဂၤစိာ်ဝဲ လၢမဲာ်တဲးလဲၤဖိသၢဒု, ဒီးတဂၤဒၣ်စိာ်ဝဲလၢကိၣ်သၢ ဖျၢၣ်, ဒီးတဂၤဒိၣ်စိာ်ဝဲလၢစပံးထံအထၢၣ်တၢ်ဖံးတ ဖျၢၣ်လီၤ.
4 ဒီးအဝဲသ့ၣ်တဖၣ်န့ၣ်ကကတိၤဒိၣ်နၤ,ဒီး ဟ့ၣ်လီၤနၤလၢကိၣ်ခံဖျၢၣ်, ဒီးနဘၣ်ဒိးန့ၢ်အီၤလၢအ စုပူၤလီၤ.
5 လၢခံက့ၤဒီး, နကတုၤလၢကစၢ်အတၢ် စိခိၣ်ဖဲပှၤဖလ့ၡသးဖိအတိာ်အိၣ်, ဒီးတုၤနဟဲနုာ်လၢ လၢဝ့ၢ်ပူၤဖဲန့ၣ်ဒီး, တၢ်ကမၤအသးလၢနကဘၣ်သ ဃိာ်ဒီးဝံတဖုဟဲလီၤလၢတၢ်အလီၢ်ထီၣ်ထီ အိၣ်ဒီးသီ တူၢ်,ဒီးဒၢ,ဒီးပံ, ဒီးတနၢ်လၢအမဲာ်ညါ,ဒီးကကတိၤ ဝဲလၢဝံအကျိာ်လီၤ.
6 ဒီးယွၤအသးကဟဲလီၤဘၣ်လၢ နလိၤ, ဒီးနကကတိၤတၢ်လၢဝံအကျိာ်ဒီးအီၤ, ဒီးန ကဘၣ်တၢ်လဲက့ၤနသး,ဒီးကဲထီၣ်ပှၤတဂၤဒၣ်လီၤ.
7 ဒီးတုၤတၢ်ပနီၣ်တဖၣ်န့ၣ်ဟဲဘၣ်နၤဒီး, တၢ်ကမၤ အသးလၢနဘၣ်မၤတၢ်လၢနစုထံၣ်န့ၢ်ဝဲလီၤ. အဂ့ၢ်ဒ် အံၤ,ယွၤအိၣ်ဒီးနၤလီၤ.
8 ဒီးနဘၣ်လဲၤလီၤလၢယမဲာ် ညါဆူကံးလကၤလး,ဒီးကွၢ်ကွၢ်, ယကဟဲလီၤဆူန အိၣ်, ဒ်သိးယကလုၢ်တၢ်လုၢ်မ့ၣ်အူ, ဒီးလုၢ်တၢ်လုၢ် မၤဃူမၤဖိးလီၤ. နဘၣ်အိၣ်နွံနံၤတုၤယဟဲဆူနအိၣ်,ဒီး ဘိးဘၣ်သ့ၣ်ညါနၤလၢတၢ်လၢနဘၣ်မၤလီၤ.
9 ဒီးတုၤအဃၣ်ဒူၣ်ချၢအသးဒ်သိး အကဟးထီၣ်လၢ စီၤၡမူၤအ့လးအအိၣ်ဒီး, တၢ်မၤအသးလၢယွၤဟ့ၣ်လီၤ အီၤလၢအသးအဂၤတဖျၢၣ်, ဒီးတၢ်ပနီၣ်ခဲလၢာ်န့ၣ် မၤအသးလၢမုၢ်တနံၤန့ၣ်လီၤ.
10 ဒီးတုၤအဟဲတုၤဖဲတၢ်စိခိၣ်ဒီး, ကွၢ်ကွၢ်, ဝံတဖုဟဲ ဘၣ်သဃိာ်ဒီးအီၤ, ဒီးယွၤအသးဟဲလီၤလၢအလိၤ, ဒီး ကတိၤဝဲလၢဝံအကျိာ်လၢအကျါလီၤ.
11 ဒီးတုၤပှၤလၢအသ့ၣ်ညါအီၤ လၢထံးလၢမကိာ်ခဲ လၢာ်ထံၣ်ဘၣ်ဝဲဒီး,ကွၢ်ကွၢ်, ကတိၤတၢ်လၢဝံအကျိာ် လၢဝံတဖၣ်အကျါဒီး, တၢ်မၤအသးလၢပှၤဂီၢ်မုၢ်က တိၤလိာ်အသးတဂၤဒီးတဂၤ, တၢ်မၤအသးလၢစီၤကံၣ် အဖိခွါမ့ၢ်မနုၤတမံၤလဲၣ်. စီၤစီလူး အိၣ်စ့ၢ်ကီးဝဲလၢ ဝံတဖၣ်အကျါန့ၣ်ဧါ.
12 ဒီးပှၤဖဲန့ၣ်တဂၤစံးဆၢတၢ်ဒီးစံးဝဲဒၣ်, အပၢ်မ့ၢ်မတၤတဂၤလဲၣ်. မၤသးဒ်န့ၣ်ဒီး, စီၤစီလူးအိၣ်ဝဲစ့ၢ်ကီးလၢ ဝံတဖၣ်အကျါဧါန့ၣ်ကဲထီၣ်ဝဲလၢတၢ်ကတိၤဒိလီၤ.
13 ဒီးကတိၤဝဲလၢဝံအကျိာ်ဝံၤလၢာ်ဒီး, ဟဲတုၤလၢတၢ် အလီၢ်ထီၣ်ထီန့ၣ်လီၤ.
14 ဒီးစီၤစီလူးအဖါတံၢ်တဂၤ စံးဘၣ်အီၤဒီးအပှၤဖိၣ် သၣ်ခွါတဂၤန့ၣ်, သုလဲၤတၢ်ဆူလဲၣ်,ဒီးစံးဝဲဒၣ်,ပလဲၤ ဃုန့ၢ်ကသ့ၣ်ယီၤတဖၣ်, ဒီးတုၤပထံၣ်ဘၣ်လၢအတ အိၣ်ဘၣ်ဒီး,ပလဲၤဆူစီၤၡမူၤအ့လးအအိၣ်လီၤ.
15 ဒီးစီၤစီလူးအဖါတံၢ်န့ၣ်စံးဝဲဒၣ်, စီၤၡမူၤအ့လးစံး ဘၣ်သုလၢမနုၤတမံၤလဲၣ်န့ၣ်ဒုးနဲၣ်လၢ်ယၤတက့ၢ်.
16 ဒီးစီၤစီလူးစံးဘၣ်အဖါတံၢ်, စံးဘၣ်တဲဘၣ်ပှၤတီတီ လၢတၢ်ထံၣ်န့ၢ်လံကသ့ၣ်ယီၤလံ. မ့မ့ၢ်တၢ်ဘၣ်ဃးဒီး ဘီဧိၤမုၢ်ဧိၤလၢစီၤၡမူၤအ့လးကတိၤဝဲန့ၣ် တစံးဘၣ် တဲဘၣ်အီၤဘၣ်.
17 ဒီးစီၤၡမူၤအ့လးဒုးအိၣ်ဖှိၣ်ပှၤဂီၢ်မုၢ် ဆူယွၤအအိၣ်ဖဲ မံးစပၤန့ၣ်လီၤ.
18 ဒီးစံးဘၣ်ပှၤအံၣ်စရ့လးဖိ, ယွၤအံၣ် စရ့လးအကစၢ်စံးဒ်အံၤ, ယဒုးဟဲထီၣ်အံၣ်စရ့လးလၢ အဲၤကူပတူးအပူၤ, ဒီးမၤပူၤမၤဖျဲးသုလၢပှၤအဲၤကူပတူး ဖိအစုပူၤ, ဒီးကယဲၢ်ဘီမုၢ်ခဲလၢာ်အစုပူၤ,ဒီးလၢပှၤလၢ အမၤအၢသုန့ၣ်အစုပူၤလီၤ.
19 ဒီးတၢ်လၢမုၢ်မဆါတနံၤ အံၤ, သုညိကွံာ်သုကစၢ်လၢအအုၣ်က့ၤခီၣ်က့ၤသု,လၢ သုတၢ်နးတၢ်ဖှီၣ်, ဒီးသုတၢ်ကိၢ်တၢ်ဂီၤခဲလၢာ်,အဝဲဒၣ် အကစၢ်ဒၣ်ဝဲ,ဒီးသုစံးဘၣ်အီၤ, ပာ်စီၤပၤလၢပဖီခိၣ်တ က့ၢ်. ဒီးခဲကနံၣ်အံၤ, ပာ်သုသးလၢသုဒူၣ်တဖၣ်, ဒီး လၢသုပှၤကထိသ့ၣ်တဖၣ် လၢယွၤအမဲာ်ညါတက့ၢ်.
20 ဒီးတုၤစီၤၡမူၤအ့လး ဒုးသုးဘူးအံၣ်စရ့လးအဒူၣ်တ
21 ဖၣ်ခဲလၢာ်ဒီး, တၢ်ဟံးန့ၢ်ဘံၣ်ယၤမံၣ်တဒူၣ်လီၤ. ဒီး တုၤအဒုးသုးဘူးဘံၣ်ယၤမံၣ်တဒူၣ်လၢ အဟံၣ်တဖၣ် ဒီး,တၢ်ဟံးန့ၢ်စီၤမၤတြံၤအဟံၣ်, ဒီးတၢ်ဟံးန့ၢ်စီၤကံၣ် အဖိခွါစီၤစီလူးလီၤ. ဒီးပှၤဃုဝဲ, ဒီးတၢ်တထံၣ်န့ၢ်ဘၣ် အီၤဘၣ်.
22 ဒီးဘၣ်ကဟဲဒံးဖဲန့ၣ်ဧါန့ၣ် သံကွၢ်ကဒီးယွၤလီၤ. ဒီး ယွၤစံးဆၢဝဲဒၣ်, ကွၢ်ကွၢ်, ပာ်ခူသူၣ်အသးလၢတၢ်ဖိ တၢ်လံၤအကျါလီၤ.
23 ဒီးပှၤဃ့ၢ်ဟံးန့ၢ်အီၤဖဲန့ၣ်, ဒီးတုၤအဆၢထၢၣ်ဝဲလၢ ပှၤဂီၢ်မုၢ်အကျါဒီး, အနီၢ်ထီန့ၢ်ပှၤဂီၢ်မုၢ်ခဲလၢာ်လၢအ ဖံဘၣ်ခိၣ်ဒီးဆူအဖီခိၣ်လီၤ.
24 ဒီးစီၤၡမူၤအ့လးစံးဘၣ်ပှၤဂီၢ်မုၢ်ခဲလၢာ်, ကွၢ်ပှၤလၢ ယွၤဃုထၢအီၤတက့ၢ်. အဂ့ၢ်ဒ်အံၤ,ပှၤဒ်အဝဲဒၣ်အသိး န့ၣ်တအိၣ်ဘၣ်လၢပှၤဂီၢ်မုၢ်အကျါဘၣ်. ဒီးပှၤဂီၢ်မုၢ်ခဲ လၢာ်ကိးပသူထီၣ်ဒီးစံးဝဲဒၣ်,မ်စီၤပၤမူဝဲတက့ၢ်.
25 ဒီးစီၤၡမူၤအ့လးစံးဘၣ်ပှၤဂီၢ်မုၢ်လၢ ဘီမုၢ်အတၢ်စံၣ် ညီၣ်တဖၣ်, ဒီးကွဲးဝဲလၢလံာ်ပူၤ,ဒီးပာ်ဝဲလၢယွၤအမဲာ် ညါလီၤ. ဒီးစီၤၡမူၤအ့လးပျၢ်ပှၤဂီၢ်မုၢ်ခဲလၢာ်,တဂၤဆူ အဟံၣ်ဒၣ်ဝဲ, တဂၤဆူအဟံၣ်ဒၣ်ဝဲန့ၣ်လီၤ.
26 ဒီးစီၤစီလူးက့ၤစ့ၢ်ကီးဝဲဆူအဟံၣ်, ဆူကံဘဧၤအပူၤ, ဒီးပှၤတဖုလၢယွၤထိးအသးန့ၣ် လဲၤဝဲဒီးအီၤလီၤ.
27 မ့ မ့ၢ်ပှၤဘလးယဧၤလးဖိစံးဝဲဒၣ်, ပှၤတဂၤအံၤကအုၣ် က့ၤခီၣ်က့ၤပှၤဒ်လဲၣ်. ဒီးတပးကဲဘၣ်အီၤဘၣ်.ဒီးတ ဟဲစိာ်န့ၢ်ဘၣ်အီၤလၢခိၣ်ဖးဘၣ်. ဒီးအဝဲဒၣ်အိၣ်ဘှီၣ် ကလာ်လီၤ.