22
1 ဒီးဒုးနဲၣ်ယၤလၢထံမူအကျိဆှံဝဲ ဒ်လၢၢ်ဖျါကလၤအ သိး, ဟဲထီၣ်လၢယွၤဒီးသိဖိအလီၢ်ပစိာ်အပူၤလီၤ.
2 ဒီး လၢအကျဲအသးကံၢ်ပူၤ ဒီးလၢထံကျိဝၢ်ယၢ်ခီန့ၣ်အိၣ်ဒီး သ့ၣ်တၢ်မူလၢအသၣ်ထီၣ်တၤသၣ်တဆံခံကလုာ်, ဒီး သၣ်ထီၣ်ဝဲတလါတဘျီတလါတဘျီလီၤ. ဒီးသ့ၣ်အ လၣ်န့ၣ်, မ့ၢ်လၢတၢ်မၤဘျါက့ၤပှၤကလုာ်ကလုာ်အဂီၢ် လီၤ.
3 ဒီးတၢ်ဆိၣ်အၢတအိၣ်လၢၤဘၣ် နီတမံၤဘၣ်.Ref ကၤ.၁၄.၁၁, ဒီးယွၤဒီးသိဖိအလီၢ်ပစိာ် ကအိၣ်လၢ အပူၤ,ဒီးအခ့အပှၤကမၤအတၢ်လီၤ.
4 ဒီးအဝဲသ့ၣ်က ထံၣ်ဘၣ်အမဲာ်,ဒီးအမံၤကအိၣ်လၢအမဲာ်တူၢ်ခိၣ်လီၤ.-
5 ဒီးမုၢ်နၤတအိၣ်လၢၤဘၣ်, ဒီးမ့ၣ်အူဒၢအကပီၤ,ဒီးမုၢ်အ ကပီၤန့ၣ်, မၤဝဲအလီၢ်တအိၣ်လၢၤဘၣ်.အဂ့ၢ်ဒ်အံၤ,က စၢ်ယွၤကမၤကပီၤထီၣ်တၢ်လၢအဝဲသ့ၣ်အဂီၢ်, ဒီးအဝဲ သ့ၣ်ကပၢဘၣ်တၢ်အစိၤစိၤအဃၣ်ဃၣ်လီၤ.
6 ဒီးစံးဘၣ်ယၤ,တၢ်ကတိၤတဖၣ်အံၤ,မ့ၢ်အကလုၢ်တီ, ဒီးအမ့ၢ်အတီလီၤ. ဒီးဝံအသးတဖၣ်အကစၢ်ယွၤန့ၣ်, မၢလီၤအကလူးတဂၤ, ဟဲဒုးနဲၣ်အခ့အပှၤတဖၣ်လၢ တၢ်လၢအဘၣ်မၤအသးချ့ချ့န့ၣ်လီၤ.
7 ကွၢ်ကွၢ်,ယဟဲ ချ့ချ့လီၤ. ပှၤလၢအတိၢ်န့ၢ်ဝံအကလုၢ် အိၣ်လၢလံာ်ပူၤ အံၤ,ဘၣ်ဆိၣ်ဂ့ၤဝဲလီၤ.
8 ဒီးယၤ, စီၤယိၤဟၣ်,ထံၣ်ဒီးနၢ်ဟူတၢ်တဖၣ်အံၤလီၤ. ဒီးတုၤယနၢ်ဟူဒီးထံၣ်တၢ်ဒီး, ယတီၤလီၤကဒွံကျိာ်ဒ် သိးယကဘါတၢ်လၢကလူးတဂၤ လၢအဒုးနဲၣ်ယၤလၢ တၢ်တဖၣ်အံၤအခီၣ်အမဲာ်ညါလီၤ.
9 ဒီးစံးဘၣ်ယၤ, ပ လီၢ်နသးဒ်သိးနသုတမၤဒ်န့ၣ်တဂ့ၤ, ယမ့ၢ်ကုၢ်သကိး ကုၢ်ဒီးနၤ, ဒီးအိၣ်လၢနဒီပုၢ်ဝဲၢ်ဝံတဖၣ်ဒီးပှၤလၢအတိၢ် န့ၢ်ဖံးဃာ်လံာ်အံၤအကလုၢ်အကထါအကျါလီၤ. ဘါ ထီၣ်ယွၤတက့ၢ်.
10 ဒီးစံးဘၣ်ယၤ, ဝံအကလုၢ်အကထါလၢလံာ်ပူၤအံၤ, စဲပနီၣ်ဃာ်တဂ့ၤ. အဂ့ၢ်ဒ်အံၤ, အမုၢ်အလါ ဘူးထီၣ် လီၤ.
11 ပှၤလၢအတတီတလိၤဘၣ်န့ၣ်,ကအိၣ်ဒၣ်ဝဲလၢ အတတီတလိၤဘၣ်တက့ၢ်. ဒီးပှၤလၢအအၢအသီန့ၣ်, ကအိၣ်ဒၣ်ဝဲလၢအအၢအသီတက့ၢ်. ဒီးပှၤလၢအတီအ လိၤန့ၣ်, ကအိၣ်ဒၣ်ဝဲလၢအတီအလိၤန့ၣ်တက့ၢ်.ဒီးပှၤ လၢအစီအဆှံန့ၣ်,ကအိၣ်ဒၣ်ဝဲလၢအစီအဆှံတက့ၢ်.
12 ကွၢ်ကွၢ်,ယဟဲချ့ချ့လီၤ. ဒီးယတၢ်အဘူးအလဲအိၣ် ဒီးယၤ, ဒ်သိးယကဟ့ၣ်လီၤပှၤကိးဂၤဒဲး,ဒ်အမၤတၢ်အ သိးန့ၣ်လီၤ.
13 ယမ့ၢ်က,ဒီးဧ,အခီၣ်ထံးဒီးအကတၢၢ်,တၢ် ဂံၢ်ခိၣ်ထံး,ဒီးတၢ်ခံကတၢၢ်လီၤ.
14 ပှၤလၢအဆှုၣ်အကူအ သိးဒ်သိးအကကြၢးဒီး သ့ၣ်တၢ်မူဒီး တၢ်လဲၤနုာ်ဖျိလၢ တြဲၤတဖၣ်ဆူဝ့ၢ်အပူၤန့ၣ်, ဘၣ်ဆိၣ်ဂ့ၤဝဲလီၤ.
15 ထွံၣ်,ဒီး ပှၤဟိၣ်တၢ်ယီတၢ်, ဒီးပှၤမၤကမၣ်မုၣ်ကမၣ်ခွါ,ဒီးပှၤမၤ သံပှၤကညီ, ဒီးပှၤဘါတၢ်ဂီၤ, ဒီးကယဲၢ်ပှၤလၢအအဲၣ် တၢ်ကဘျံးကဘျၣ်ဒီးမၤထီၣ်တၢ်ကဘျံးကဘျၣ်သ့ၣ်တ ဖၣ်,အိၣ်ဝဲလၢခိလီၤ.
16 ယၤ, ယ့ၣ်ရှူး, မၢလီၤယကလူးဟဲအုၣ်အသးလၢတၢ် န့ၣ်တဖၣ်လၢသု, လၢတၢ်အိၣ်ဖှိၣ်တဖၣ်အပူၤလီၤ. ယ မ့ၢ်စီၤဒၤဝံးအဂံၢ်,ဒီးအစၢၤအသွဲၣ်, ဒီးယမ့ၢ်ဆၣ်တူၢ်ဂီၤ ကတြ့ၣ်ကတြိၣ်လီၤ.
17 ဒီးသးန့ၣ်, ဒီးတလးမူးပိာ်မုၣ်စံးဝဲဒၣ်, ဟဲတက့ၢ်.ဒီး ပှၤလၢအနၢ်ဟူတၢ်န့ၣ်,မ်အစံး,ဟဲတက့ၢ်.ဒီးပှၤလၢတၢ် သူအသးလၢထံန့ၣ်, မ်အဟဲတက့ၢ်. ဒီးဖဲဒၣ်ပှၤလၢအ သးအိၣ်,မ်အဟံးန့ၢ်ကလီထံမူန့ၣ်တက့ၢ်.
18 ယအုၣ်ယသးလၢ ကယဲၢ်ပှၤလၢအနၢ်ဟူဝံအကလုၢ် လၢလံာ်တဘ့ၣ်အံၤ, ပှၤတဂၤဂၤမ့ၢ်ပာ်အါထီၣ်တၢ်အံၤ တဖၣ်ဒီး, ယွၤကပာ်အါထီၣ်တၢ်နးတၢ်ဖှီၣ်,အိၣ်ကွဲးအ သးလၢလံာ်ပူၤအံၤ, လၢအလိၤလီၤ.
19 ဒီးပှၤတဂၤဂၤမ့ၢ် ဟံးထီၣ်ကွံာ်တၢ်လၢဝံအကလုၢ်အိၣ်လၢလံာ်ပူၤအံၤဒီး, ယွၤကဟံးထီၣ်ကွံာ်အဂီၢ်လၢသ့ၣ်မူအပူၤ, ဒီးဝ့ၢ်စီဆှံအ ပူၤ,လၢအအိၣ်ကွဲးအသးလၢလံာ်ပူၤအံၤလီၤ.
20 ပှၤလၢအအုၣ်အသးလၢတၢ်အံၤတဖၣ်, စံးဝဲဒၣ်, မ့ၢ် လံ, ယဟဲချ့ချ့လီၤ. အၤမ့ၣ်. ဟဲတက့ၢ်.ကစၢ်ယ့ၣ်ရှူး ခရံာ်ဧၢ.
21 မ်ကစၢ်ယ့ၣ်ရှူးခရံာ်အဘျုးအဖှိၣ်, အိၣ်ဒီး ပှၤစီဆှံခဲ လၢာ်တက့ၢ်.ဝံၤလံ.