13
ဒီးယထံၣ်တၢ်ဒူတၢ်ဃိၤ အိၣ်ဒီးအခိၣ်နွံဖျၢၣ်,ဒီးအ နၢၤဆံဆဲၣ်ဘိတဒုဟဲထီၣ်လၢပီၣ်လဲၣ်ပူၤ, ဒီးအခိၣ်သ လုးဖိဆံဆဲၣ်ဖျၢၣ်အိၣ်လၢအနၢၤတဖၣ်,ဒီးလၢအခိၣ်အ လိၤ,တၢ်အမံၤတဖၣ်ဘၣ်ဃးဒီးတၢ်ဒုၣ်ဒွဲၣ်ယွၤလီၤ. ဒီး တၢ်ဒူတၢ်ဃိၤလၢယထံၣ်တဒုန့ၣ်,လီၤဂာ်လၢခ့စံၣ်ပိၣ်, ဒီးအခီၣ်လီၤဂာ်လၢတၤသူအခီၣ်, ဒီးအထးခိၣ်လီၤဂာ် လၢခ့ယုၢ်အထးခိၣ်လီၤ.ဒီးပယိၤန့ၣ်ဟ့ၣ်အီၤလၢအစိအ ကမီၤ,ဒီးအလီၢ်ပစိာ်,ဒီးတၢ်ပၢတၢ်ပြးအဒိၣ်အမုၢ်လီၤ.- ဒီးအခိၣ်အကျါတဖျၢၣ်ဘၣ်တၢ်ကျီအီၤတုၤအကသံတ့ၢ် လီၤ.ဒီးအပူၤလီၢ်လၢအကသံတ့ၢ်, ဘျါက့ၤဝဲလီၤ.ဒီးပှၤ ဟီၣ်ခိၣ်ဖိပာ်အသးကမၢကမၣ်လၢ တၢ်ဒူတၢ်ဃိၤတဒု န့ၣ်အဃိခဲလၢာ်လီၤ. ဒီးဘူၣ်ထီၣ်ဘါထီၣ်ပယိၤလၢ အဟ့ၣ်အစိအကမီၤလၢတၢ်ဒူတၢ်ဃိၤ, ဒီးဘူၣ်ထီၣ်ဘါ ထီၣ်တၢ်ဒူတၢ်ဃိၤ,ဒီးစံးဝဲဒၣ်,မ့ၢ်မတၤလီၤဂာ်တၢ်ဒူတၢ် ဃိၤန့ၣ်တဂၤလဲၣ်.မ့ၢ်မတၤဒုးတၢ်ဒီးအီၤသ့တဂၤလဲၣ်.
ဒီးတၢ်ဟ့ၣ်လီၤအထးခိၣ်လၢ အကတိၤကဖိ တၢ်ဖး ဒိၣ်ဒီးဒုၣ်ဒွဲၣ်တၢ်လီၤ. ဒီးတၢ်ဟ့ၣ်လီၤအစိအကမီၤ, ဒ် သိးအကမၤတၢ်အလါလွံၢ်ဆံခံလါလီၤ. ဒီးအဲးထီၣ်အ ထးခိၣ်လၢတၢ်ဒုၣ်ဒွဲၣ်ယွၤ, ဒ်သိးအကဒုၣ်ဒွဲၣ်အမံၤ, ဒီး အဒဲ,ဒီးပှၤအိၣ်ဝဲလၢမူခိၣ်တဖၣ်န့ၣ်လီၤ. ဒီးတၢ်ဟ့ၣ် အဒုးတၢ်ဒီးပှၤစီဆှံဒီးမၤနၢၤအီၤလီၤ. ဒီးတၢ်ဟ့ၣ်လီၤအ စိအကမီၤလၢကယဲၢ်ပှၤအဒူၣ်, ဒီးကယဲၢ်ပှၤဂီၢ်မုၢ်,ဒီးပှၤ ကတိၤတၢ်အကျိာ်တဖၣ်, ဒီးပှၤကလုာ်ကလုာ်အဖီခိၣ် လီၤ. ဒီးကယဲၢ်ပှၤလၢအအိၣ်ဝဲလၢဟီၣ်ခိၣ်ချၢ,လၢအ မံၤတအိၣ်ကွဲးဘၣ်အသးလၢသိဖိ, လၢအဒိးသံအသး လၢဟီၣ်ခိၣ်အခီၣ်ထံးလံၤလံၤန့ၣ်, အလံာ်မူပူၤတဖၣ် န့ၣ်,ဘူၣ်ထီၣ်ဘါထီၣ်အီၤခဲလၢာ်လီၤ.
ပှၤတဂၤဂၤမ့ၢ်အိၣ်ဒီးအနၢ်ဒီး, မ်အနၢ်ဟူတၢ်တက့ၢ်.
10 ပှၤတဂၤဂၤမ့ၢ်အိၣ်လၢတၢ်ကဲကုၢ်အဂီၢ်ဒီး, ကကဲကုၢ် ဝဲလီၤ. ပှၤတဂၤဂၤမ့ၢ်မၤသံတၢ်လၢနးဒီး,ကဘၣ်တၢ်မၤ သံအီၤလၢနးလီၤ. ဖဲအံၤမ့ၢ်ပှၤစီဆှံတဖၣ် အတၢ်ဝံသး စူၤ,ဒီးအတၢ်နာ်လီၤ.
11 ဒီးယထံၣ်တၢ်ဒူတၢ်ဃိၤအဂၤတဒု, ဟဲထီၣ်လၢဟီၣ် ခိၣ်လာ်,ဒီးအိၣ်ဝဲဒီးအနၢၤခံဘိ,ဒ်သိဖိအသိး, ဒီးကတိၤ တၢ်ဒ်ပယိၤအသိးန့ၣ်လီၤ. 12 ဒီးမၤတၢ်လၢတၢ်ဒူတၢ်ဃိၤ အခီၣ်ထံးတဒုအစိအကမီၤခဲလၢာ်လၢအမဲာ်ညါ, ဒီးမၢ ပှၤအိၣ်ဝဲလၢဟီၣ်ခိၣ်ချၢတဖၣ် ဘူၣ်ထီၣ်ဘါထီၣ်တၢ်ဒူ တၢ်ဃိၤအခီၣ်ထံးတဒု, လၢအဘၣ်တၢ်ကျီအီၤတုၤအက သံတ့ၢ်,ဒီးဘျါက့ၤန့ၣ်လီၤ. 13 ဒီးမၤတၢ်ပနီၣ်လီၤလးဖး ဒိၣ်, တုၤဒၣ်လဲာ်အဒုးဟဲလီၤမ့ၣ်အူလၢမူခိၣ်ဆူဟီၣ်ခိၣ် ချၢလၢပှၤကညီအမဲာ်ညါလီၤ. 14 ဒီးမ့ၢ်အတၢ်ပနီၣ်လီၤ လးလၢတၢ်ဟ့ၣ်အမၤဝဲလၢ တၢ်ဒူတၢ်ဃိၤအမဲာ်ညါအ ဃိဒီး,လီန့ၢ်ပှၤအိၣ်ဝဲလၢဟီၣ်ခိၣ်ချၢ,ဒီးမၤလိာ်ပှၤအိၣ်ဝဲ လၢဟီၣ်ခိၣ်ချၢ,ဒ်သိးအကတ့တၢ်ဒူတၢ်ဃိၤလၢအဘၣ် တၢ်ကျီအီၤလၢနးဒီးမူဝဲတဒုန့ၣ်အဂီၤလီၤ. 15 ဒီးတၢ်ဟ့ၣ် လီၤအီၤဒ်သိးအကဟ့ၣ်လီၤ တၢ်ဒူတၢ်ဃိၤအဂီၤန့ၣ်လၢ အသးသမူ,ဒ်သိးတၢ်ဒူတၢ်ဃိၤအဂီၤန့ၣ်,ကကတိၤတၢ် စ့ၢ်ကီး, ဒီးမၤဒ်သိးတၢ်ကမၤသံပှၤလၢ အတဘူၣ်ထီၣ် ဘါထီၣ်တၢ်ဒူတၢ်ဃိၤအဂီၤဘၣ်ခဲလၢာ်လီၤ. 16 ဒီးမၢန့ၢ် ပှၤခဲလၢာ်,ဒီးဒိၣ်ဒီးဆံး,ဒီးပှၤအထူးအတီၤ, ဒီးပှၤအဖှီၣ် အယာ်,ဒီးပှၤသဘျ့ဒီးပှၤကဲကုၢ်သ့ၣ်တဖၣ်, လၢအစုထွဲ လိၤမ့ၢ်ဂ့ၤ, လၢအမဲာ်တူၢ်ခိၣ်မ့ၢ်ဂ့ၤ, ကဒိးတၢ်ပနီၣ်တ မံၤ, 17 ဒီးဒ်သိးပှၤလၢတၢ်ဒူတၢ်ဃိၤအတၢ်ပနီၣ်မ့ၢ်ဂ့ၤ, အ မံၤမ့ၢ်ဂ့ၤ,အမံၤအတၢ်ဂံၢ်မ့ၢ်ဂ့ၤ,တအိၣ်ဘၣ်ဒီး, အပှ့ၤတၢ် ဆါတၢ်သုတသ့တဂ့ၤလီၤ.
18 ဖဲအံၤမ့ၢ်တၢ်ကူၣ်သ့ကူၣ်ဘၣ်လီၤ. ပှၤအိၣ်ဒီးတၢ်နၢ် ပၢၢ်န့ၣ်, မ်အဂံၢ်တၢ်ဒူတၢ်ဃိၤအတၢ်ဂံၢ်တက့ၢ်.အဂ့ၢ်ဒ် အံၤ, မ့ၢ်ပှၤကညီအတၢ်ဂံၢ်,ဒီးအတၢ်ဂံၢ်န့ၣ်မ့ၢ်ဃုကယၤ ဃုဆံဃုလီၤ.