4
ဒီးစီၤဘိၤဧးလဲၤထီၣ်ဝဲဆူဝ့ၢ်အပဲတရီ, ဒီးဆ့ၣ်နီၤဖဲ န့ၣ်, ဒီးကွၢ်ကွၢ်, ပှၤပှ့ၤက့ၤတၢ်တဂၤလၢ စီၤဘိၤဧး ကတိၤတၢ်လၢအဂ့ၢ်န့ၣ်လဲၤပူၤကွံာ်တၢ်, ဒီးအဝဲဒၣ်စံး ဘၣ်အီၤ, မတၤတဂၤဧၢ, ဃၣ်ကပၤနသး, ဆ့ၣ်နီၤဖဲ အံၤတက့ၢ်. ဒီးဃၣ်ကပၤ, ဒီးဆ့ၣ်နီၤဝဲလီၤ. ဒီးဟံး န့ၢ်ပှၤဆံဆဲၣ်ဂၤလၢပှၤသူၣ်က့သးပှၢ်အကျါ, ဒီၤစံးဝဲ ဒၣ်, ဆ့ၣ်နီၤဖဲအံၤတက့ၢ်. ဒီးဆ့ၣ်နီၤဝဲလီၤ.
ဒီးစံးဘၣ်ပှၤပှ့ၤက့ၤတၢ်တဂၤန့ၣ် နီၢ်နၤဧမံလၢအဟဲ က့ၤကဒါက့ၤလၢမိၤအးအကီၢ်ပူၤန့ၣ် ကဆါကွံာ်ဟီၣ် ခိၣ်အကဝီၤလၢအမ့ၢ်ပဒီပုၢ်ဝဲၢ် စီၤအလံၤမ့လ့းအတၢ် လီၤ. ဒီးယစံး, ယကစံးတၢ်လၢနနၢ်ပူၤ, ဒီးစံးပှ့ၤတၢ် လၢပှၤကီၢ်ဖိ, ဒီးယပှၤတကလုာ်အသူၣ်က့အသးပှၢ်အ မဲာ်ညါတက့ၢ်. မ့မ့ၢ်နမ့ၢ်တပှ့ၤက့ၤဘၣ်ဒီး, စံးဘၣ်ယၤ ဒ်သိးယကသ့ၣ်ညါတက့ၢ်. အဂ့ၢ်ဒ်အံၤ, လၢနၤတဂၤအ မဲာ်ညါန့ၣ်ပှၤပှ့ၤက့ၤအီၤတအိၣ်ဘၣ်. ဒီးယဲဒၣ်အံၤ, ယ အိၣ်လၢနလီၢ်ခံလီၤ. ဒီးစံးဝဲဒၣ်, ယကပှ့ၤက့ၤအီၤလီၤ.
ဒီးစီၤဘိၤဧးစံးဝဲဒၣ်, မုၢ်တနံၤလၢ နပှ့ၤဟီၣ်ခိၣ်တ ကဝီၤလၢနီၢ်နၤဧမံအစုပူၤန့ၣ် နဘၣ်ပှ့ၤစ့ၢ်ကီးလၢပှၤမိၤ အးဖိနီၢ်ရူၤသး, ပှၤသံတဂၤအမါ, ဒ်သိးနကဒုးဂဲၤဆၢ ထၢၣ်ပှၤသံတဂၤအမံၤလၢအတၢ်န့ၢ်သါအဖီခိၣ်လီၤ.
ဒီးပှၤပှ့ၤက့ၤတၢ်တဂၤန့ၣ်စံးဝဲဒၣ်, ယပှ့ၤက့ၤအီၤလၢ ယဂီၢ်ဒၣ်ယဲတသ့ဘၣ်. ယကမၤဟးဂီၤဘၣ်ဖုး ယတၢ် န့ၢ်သါဒၣ်ယဲလီၤ. ဟံးန့ၢ်ယတၢ်ပှ့ၤက့ၤအလီၢ် လၢန ဂီၢ်ဒၣ်နဲတက့ၢ်. အဂ့ၢ်ဒ်အံၤ, ယပှ့ၤက့ၤတသ့ဘၣ်.
လၢပှ့ၤက့ၤတၢ်, ဒီးလဲလိာ်တၢ်အဂ့ၢ်လၢအံၣ်စရ့လး အပူၤလၢပျၢၤန့ၣ် ဒ်သိးအကမၤကျၢၤတၢ်ခဲလၢာ်ဒီး, ပှၤ မၤတၢ်ဒ်အံၤ, ပှၤတဂၤဘ့ၣ်လီၤအခီၣ်ဖံးတခီ, ဒီးဟ့ၣ် ပှၤလၢအဃၢၤလီၤ. ဒီးအဝဲန့ၣ်မ့ၢ် တၢ်အုၣ်အသးလၢ အံၣ်စရ့လးအပူၤလီၤ.
ဒီးပှၤပှ့ၤက့ၤတၢ်တဂၤ စံးဘၣ်စီၤဘိၤဧး, ပှ့ၤက့ၤလၢ နဂီၢ်ဒၣ်နဲတက့ၢ်, ဒီးဘ့ၣ်လီၤအခီၣ်ဖံးတခီလီၤ.
ဒီးစီၤဘိၤဧး စံးဘၣ်ပှၤသူၣ်က့သးပှၢ်, ဒီးပှၤဂီၢ်မုၢ်ခဲ လၢာ်, သုမ့ၢ်ပှၤအုၣ်အသးလၢမုၢ်မဆါတနံၤအံၤလၢယ ပှ့ၤကယဲၢ်တၢ်လၢအမ့ၢ်စီၤအလံၤမ့လ့းအတၢ်, ဒီးကယဲၢ် တၢ်လၢအမ့ၢ် စီၤကံးလယိၣ်ဒီး စီၤမၤဃလိၣ်အတၢ်ခဲ လၢာ် လၢနီၢ်နၤဧမံအစုပူၤလီၤ. 10 ဒီးယပှ့ၤစ့ၢ်ကီးပှၤမိၤ အးဖိစီၤမၤဃလိၣ်အမါနီၢ်ရူၤသး, ဒ်သိးအကကဲထီၣ် ယမါလၢ ယကဒုးဂဲၤဆၢထၢၣ်ပှၤသံတဂၤအမံၤလၢအ တၢ်န့ၢ်သါအဖီခိၣ်, ဒ်သိးပှၤသံတဂၤအမံၤအသုတဘၣ် တၢ်ဒီၣ်ကွံာ်အီၤလၢအဒီပုၢ်ဝဲၢ်, ဒီးအလီၢ်အပဲတရီန့ၣ် တဂ့ၤ. သုမ့ၢ်ပှၤအုၣ်အသးလၢမုၢ်မဆါတနံၤအံၤလီၤ.
11 ဒီးပှၤဂီၢ်မုၢ်, ဒီးပှၤသူၣ်က့သးပှၢ်လၢအအိၣ်ဝဲလၢပဲတ ရီန့ၣ်စံးဝဲဒၣ်, ပမ့ၢ်ပှၤအုၣ်အသးလီၤ. မ်ယွၤပာ်ပိာ် မုၣ်လၢအဟဲနုာ်လၢနဟံၣ်ပူၤတဂၤ ဒ်နီၢ်ရၤဃ့လးဒီး နီၢ်လ့ၤအၤခံဂၤလၢ အမၤထီၣ်အံၣ်စရ့လးအဟံၣ်န့ၣ်တ က့ၢ်. ဒီးမ်နမၤတၢ်ဂ့ၤလၢအ့ဖရးသးအပူၤ, ဒီးနမံၤဟူ ထီသါလီၤလၢဘ့ၤသလ့ဃ့ၣ်အပူၤန့ၣ်တက့ၢ်. 12 ဒီးမ်န ဟံၣ်မၤသးဒ်စီၤဖ့ရ့းအဟံၣ်အသိး (လၢနီၢ်တၤမၢ်ဆံး စၢ်န့ၢ်လၢစီၤယူဒၤအဂီၢ်), လၢတၢ်အချံအသၣ်လၢယွၤ ကဟ့ၣ်လီၤနၤလၢပိာ်မုၣ်အံၤတက့ၢ်.
13 ဒီးစီၤဘိၤဧးဟံးန့ၢ်နီၢ်ရူၤသး, ဒီးအဝဲဒၣ်ကဲထီၣ်အ မါလီၤ. ဒီးလဲၤနုာ်ဝဲဆူအအိၣ်, ဒီးယွၤဒုးဒၢထီၣ်အီၤ, ဒီးအတၢ်ဆံးစၢ်န့ၢ်အဖိခွါလီၤ. 14 ဒီးပိာ်မုၣ်တဖၣ်စံးဘၣ်နီၢ်နဧမံ, မ်ယွၤဘၣ်တၢ်စံးထီၣ်ပတြၢၤလၢ အတပာ်လီၤတဲာ်ဘၣ်နၤလၢ ပှၤပှ့ၤက့ၤတၢ်တအိၣ်ဘၣ်လၢမုၢ်မဆါတနံၤအံၤန့ၣ်တက့ၢ်.မ်အမံၤဟူထီသါလီၤလၢအံၣ်စရ့လးအပူၤန့ၣ်တက့ၢ်.-
15 ဒီးကကဲထီၣ်တၢ်ဒုးမူဒံးနၤ, ဒီးတၢ်အံးက့ၤကွၢ်က့ၤ န ခိၣ်ဝါန့ၣ်လီၤ. အဂ့ၢ်ဒ်အံၤ, နဒဲၣ်လၢအအဲၣ်နၤ, ဒီးဂ့ၤန့ၢ် ဖိခွါနွံဂၤလၢနဂီၢ်တဂၤန့ၣ်ဆံးစၢ်န့ၢ်အီၤလီၤ.
16 ဒီးနီၢ်နၤဧမံဟံးန့ၢ်ဖိသၣ်န့ၣ်, ဒီးပာ်လၢအသးနါပှၢ် ဒီးကဲထီၣ်ပှၤကွၢ်ဖိလၢအဂီၢ်လီၤ.
17 ဒီးပိာ်မုၣ်လၢအဃၢၤတဖၣ်န့ၣ် ယုၢ်ဝဲအမံၤ, ဒီးစံး ဝဲဒၣ်, ဖိခွါတဂၤအိၣ်ဖျဲၣ်လံလၢနီၢ်နၤဧမံအဂီၢ်လံ, ဒီး ယုၢ်ဝဲအမံၤလၢစီၤဧိၤဘ့းလီၤ. အဝဲဒၣ်မ့ၢ် စီၤယံးၡဲအ ပၢ်, စီၤဒၤဝံးအပၢ်လီၤ.
18 ဒီးအအံၤမ့ၢ်စီၤဖ့းရ့းအစၢၤအသွဲၣ်လီၤ.
19 စီၤဖ့းရ့းထီၣ်ဖိစီၤဃ့ၤစရိၣ်, ဒီးစီၤဃ့ၤစရိၣ်ထီၣ်ဖိစီၤ ရၣ်, ဒီးစီၤရၣ်ထီၣ်ဖိစီၤဧးမံၤနဒး 20 ဒီးစီၤဧးမံၤနဒးထီၣ်ဖိ စီၤနးၡိၣ်, ဒီးစီၤနးၡိၣ်ထီၣ်ဖိ စီၤစၤလမိၣ်, 21 ဒီးစီၤစၤလ မိၣ်ထီၣ်ဖိစီၤဘိၤဧး, ဒီးစီၤဘိၤဧးထီၣ်ဖိစီၤဧိၤဘ့း, 22 ဒီးစီၤ ဧိၤဘ့းထီၣ်ဖိစီၤယံးၡဲ, ဒီးစီၤယံးၡဲထီၣ်ဖိစီၤဒၤဝံးလီၤ.