11
မၤသးဒ်န့ၣ်ဒီးယစံး, မ့ၢ်ယွၤညိကွံာ်အပှၤတကလုာ် ဒၣ်ဝဲန့ၣ်ဧါ. မ်အသုတမၤအသးဒ်န့ၣ်တဂ့ၤ.အဂ့ၢ်ဒ်အံၤ, ယဲဒၣ်အံၤ, ယမ့ၢ်ပှၤအံၣ်စရ့လးဖိဘၣ်ဃးဒီးစီၤအၤဘြၤ ဟၣ်အချံအသၣ်, စီၤဘံၣ်ယၤမံၣ်အဒူၣ်ဖိလီၤ. ယွၤတ ညိကွံာ်ဘၣ်အပှၤတကလုာ်ဒၣ်ဝဲလၢ အသ့ၣ်ညါပာ်အီၤ န့ၣ်ဘၣ်. တၢ်ကွဲးအသးလၢအ့ၤလံယၤအဂ့ၢ်,စံးဝဲဒ်လဲၣ် ဒ်လဲၣ်န့ၣ်, မ့ၢ်သုတသ့ၣ်ညါဘၣ်ဧါ.အဝဲဒၣ်ဃ့တၢ်ထီ ဒါအံၣ်စရ့လးလၢယွၤ, ဒီးစံးဝဲဒၣ်, ကစၢ်ဧၢ,အဝဲသ့ၣ် မၤသံနဝံသ့ၣ်တဖၣ်, ဒီးခူၣ်လီၤပှီၢ်ကွံာ်နတၢ်လုၢ်လီၢ်တ ဖၣ်လီၤ. ဒီးယဲဒၣ်အံၤ,ယအိၣ်လီၤတဲာ်တဂၤဧိၤ,ဒီးအဝဲ သ့ၣ်ဃုယသးသမူစ့ၢ်ကီးလီၤ.Ref 11.3 ၁စီၤ. ၁၉း၁၄. မ့မ့ၢ် ယွၤအကလုၢ်စံးဆၢအီၤဒ်လဲၣ်. ယပာ်လီၤတဲာ်လၢယ ဂီၢ်ဒၣ်ယဲ, ပှၤလၢအတချံးလီၤဘၣ်အခီၣ်လ့ၢ်ခိၣ်လၢဘ ဧၤလးအမဲာ်ညါန့ၣ်,နွံကထိဂၤလီၤ.Ref 11.4 ၁စီၤ. ၁၉း၁၈.
မၤသးဒ်န့ၣ်ဒီး, ဒ်န့ၣ်အသိး အကတီၢ်ဖဲအံၤစ့ၢ်ကီး, တၢ်အိၣ်လီၤတဲာ်, ဒ်တၢ်ဃုထၢဘၣ်ဃးတၢ်ဘျုးတၢ်ဖှိၣ် အသိးန့ၣ်, အိၣ်ဝဲလီၤ. ဘၣ်ဆၣ်ဒီး,မ့မ့ၢ်လၢတၢ်ဘျုး တၢ်ဖှိၣ်ဒီး, တမ့ၢ်လၢၤဘၣ်တၢ်မၤဘၣ်.မ့တမ့ၢ်ဘၣ်ဒ်န့ၣ် ဒီး, တၢ်ဘျုးတၢ်ဖှိၣ်တမ့ၢ်လၢၤဘၣ်တၢ်ဘျုးတၢ်ဖှိၣ်ဘၣ်. မ့တမ့ၢ်ဘၣ်ဒ်န့ၣ်ဒီးတၢ်မၤတမ့ၢ်လၢၤဘၣ်တၢ်မၤဘၣ်.
မၤသးဒ်န့ၣ်ဒီးမ့ၢ်ဒ်လဲၣ်. တၢ်လၢအံၣ်စရ့လးဃုဝဲန့ၣ်, တချုးန့ၢ်ဘၣ်ဝဲဘၣ်. မ့မ့ၢ်ပှၤလၢတၢ်ဃုထၢအီၤန့ၣ်ချုး န့ၢ်ဝဲ,ဒီးပှၤဂၤဘၣ်တၢ်ခံးန့ၢ်အီၤလီၤ. ဒ်တၢ်ကွဲးအသး အသိးန့ၣ်, ယွၤဟ့ၣ်လီၤအီၤလၢအသးမံခ့,ဒီးအမဲာ်လၢ အတထံၣ်ဘၣ်တၢ်ဘၣ်, ဒီးအနၢ်လၢအတနၢ်ဟူဘၣ် တၢ်ဘၣ်,Ref 11.8 ၅မိၤ. ၂၉း၄, တုၤမုၢ်မဆါတနံၤအံၤလီၤ. စီၤ ဒၤဝံးစံးဝဲဒၣ်,အစီၢ်နီၤခိၣ်မ်အကဲထီၣ်တစိး,ဒီးထု,ဒီးတၢ်လီၤဃံၤအလီၢ်,ဒီးတၢ်ဟ့ၣ်ဆၢတၢ်အလီၢ် လၢအဂီၢ်တက့ၢ်.
10 ဒ်သိးအထံၣ်တၢ်သုတသ့တဂ့ၤဒီး,မ်အမဲာ်ခံး, ဒီးမ်အပျိၢ်တကူးတဘိယူၢ်ဃီတက့ၢ်.Ref 11.10 စံး.၆၉း ၂၂,၂၃.
11 မၤသးဒ်န့ၣ်ဒီးယစံး, မ့ၢ်အဘၣ်တိၢ်, ဒ်သိးအကလီၤ ဃံၤစ့ၢ်ကီးဧါ. မ်အသုတမၤအသးဒ်န့ၣ်တဂ့ၤ. မ့မ့ၢ်လၢ အဝဲသ့ၣ်အတၢ်လီၤကမၣ်အဃိန့ၣ်ဒီး, တၢ်အုၣ်က့ၤခီၣ် က့ၤဟဲဘၣ်ပှၤကလုာ်တဖၣ် ဒ်သိးတၢ်ကထိၣ်ဂဲၤထီၣ်အ ဝဲသ့ၣ်အသးက့ၣ်န့ၣ်လီၤ. 12 ဘၣ်ဆၣ်ဒီးအဝဲသ့ၣ်အတၢ် လီၤကမၣ်မ့ၢ်ကဲလၢဟီၣ်ခိၣ်အတၢ်ထူးတၢ်တီၤ, ဒီးအဝဲ သ့ၣ်အတၢ်လီၤစှၤမ့ၢ်ကဲလၢ ပှၤကလုာ်တဖၣ်အတၢ်ထူး တၢ်တီၤန့ၣ်ဒီး, အဝဲသ့ၣ်အတၢ်လၢထီၣ်ပှဲၤထီၣ်, ကကဲ ထီၣ်အဝဲန့ၣ်အါန့ၢ်အန့ၣ်တက့ၢ်ဆံးဒိၣ်လဲၣ်.
13 အဂ့ၢ်ဒ်အံၤ, ပှၤကလုာ်တဖၣ်သုဝဲသ့ၣ်ဧၢ,ယစံးဘၣ် သုလီၤ. မ့ၢ်ယမ့ၢ်ပှၤတၢ်မၢဖိဘၣ်ဃးဒီးပှၤကလုာ်တဖၣ် သတးဒီး, ယဒုးလၤကပီၤယတၢ်မၤ, 14 ဒ်သိးမ့ၢ်သ့ဒီး,ယ ကထိၣ်ဂဲၤပှၤလၢအမ့ၢ်ယသွံၣ်ယညၣ်အသးက့ၣ်န့ၣ်ဒီး, အုၣ်က့ၤခီၣ်က့ၤအီၤတနီၤနီၤလီၤ. 15 အဂ့ၢ်ဒ်အံၤ,တၢ်ကွံာ် တ့ၢ်ကွံာ်အီၤန့ၣ်မ့ၢ်ကဲတၢ်တူၢ်လိာ်ဟီၣ်ခိၣ်ဒီး, တၢ်တူၢ် လိာ်က့ၤအီၤန့ၣ် မ့တမ့ၢ်ဘၣ်တၢ်မူထီၣ်က့ၤလၢတၢ်သံ န့ၣ်ဘၣ်ဒီး, ကမ့ၢ်မနုၤလဲၣ်. 16 ကိၣ်အဆိမ့ၢ်စီဆှံဒီး,ကစီ ဆှံဒီလိၣ်ညါစ့ၢ်ကီး, ဒီးတၢ်အဂံၢ်မ့ၢ်စီဆှံဒီး,အဒ့အဖီက စီဆှံစ့ၢ်ကီးလီၤ. 17 ဒီးအဒ့အဖီတနီၤနီၤမ့ၢ်ဘၣ်တၢ်မၤကၢ် ကွံာ်အီၤ, ဒီးနဲဒၣ်နမ့မ့ၢ်သ့ၣ်စၤယံးအမံၤ, လၢတၢ်ထီ ထီၣ်အီၤလၢဒ့အလီၢ်, ဒီးနန့ၢ်ဃုာ်သ့ၣ်စၤယံးအဂံၢ်ဒီးအ သိဒီး, 18 သုတပာ်နသးကဖၢလၢလၢဒ့တဖၣ်အဖီခိၣ်တ ဂ့ၤ. ဘၣ်ဆၣ်နမ့ၢ်ပာ်နသးကဖၢလၢဒီးနတစိာ်ဘၣ်ဂံၢ် န့ၣ်ဘၣ်.မ့မ့ၢ်ဂံၢ်န့ၣ်စိာ်နၤလီၤ.
19 မၤသးဒ်န့ၣ်ဒီး, နကစံးနဲ, တၢ်မၤကၢ်ကွံာ်ဒ့တဖၣ်ဒ် သိးအကထီထီၣ်ယၤလၢအလီၢ်လီၤ. 20 ဘၣ်လံ,အဝဲသ့ၣ် ဘၣ်တၢ်မၤကၢ်ကွံာ်အီၤလၢတၢ်တနာ်ဘၣ်အဃိ, ဒီးန အိၣ်ဂၢၢ်ဆိးကျၢၤနဲလၢတၢ်နာ်အဃိလီၤ. သုတပာ်ထီၣ် ထီနသးတဂ့ၤ.မ့မ့ၢ်ပျံၤတၢ်တက့ၢ်. 21 အဂ့ၢ်ဒ်အံၤ,ယွၤမ့ၢ် တသးလီဘၣ်ဒ့အနီၢ်နီၢ်တဖၣ်ဒီး, တသးလီဘၣ်နၤဘၣ် ဖုးလီၤ.
22 မၤသးဒ်န့ၣ်ဒီး, ကွၢ်ကွၢ်, ယွၤအဘျုးအဖှိၣ်,ဒီးအစု ဆူၣ်အခီၣ်သကးတက့ၢ်. အစုဆူၣ်အခီၣ်သကးဘၣ်ပှၤ အလီၤဃံၤတဖၣ်အလိၤလီၤ. မ့မ့ၢ်နဲဒၣ်အံၤ,နမ့ၢ်အိၣ်မ့ၢ် ဆိးလၢအဘျုးအဖှိၣ်အပူၤဒီး, အဘျုးအဖှိၣ်ကဘၣ်နၤ လီၤ.မ့တမ့ၢ်ဘၣ်ဒ်န့ၣ်ဒီး, နကဘၣ်တၢ်ပဲာ်တဲာ်ကွံာ်စ့ၢ် ကီးလီၤ. 23 ဒီးအဝဲသ့ၣ်မ့ၢ်တအိၣ်တဆိးဘၣ်လၢတၢ်တ နာ်ဘၣ်အပူၤဒီး, တၢ်ကထီထီၣ်က့ၤအီၤစ့ၢ်ကီးလီၤ. အ ဂ့ၢ်ဒ်အံၤယွၤထီထီၣ်က့ၤအီၤသ့လီၤ. 24 အဂ့ၢ်ဒ်အံၤ,တၢ်မ့ၢ် ပဲာ်တဲာ်ကွံာ်နၤလၢသ့ၣ်စၤယံးမံၤအလိၤ, ဒီးထီထီၣ်နၤ လၢသ့ၣ်စၤယံးဂ့ၤန့ၣ်ဒီး, ကထီထီၣ်က့ၤအဒ့အဖီနီၢ်နီၢ် တဖၣ်လၢအထံးဒၣ်ဝဲအလိၤ, အါန့ၢ်အန့ၣ်တက့ၢ်, တ မ့ၢ်ဘၣ်ဧါ.
25 ပုၢ်သ့ၣ်ဝဲၢ်သ့ၣ်ဧၢ, ဒ်သိးသုသုတပာ်သုသးလၢသု ကူၣ်ဘၣ်ကူၣ်သ့တဂ့ၤဒီး, ယသးအိၣ်လၢသုကသ့ၣ်ညါ တၢ်ခူသူၣ်အံၤလၢ ပှၤကလုာ်တဖၣ် အတၢ်လၢထီၣ်ပှဲၤ ထီၣ်တချုးဟဲနုာ်ဒံးဘၣ်အဖၢမုၢ်ဒီး, တၢ်သူၣ်ကိၤသး ကိၤဘၣ်လံအံၣ်စရ့လးတနီၤနီၤလံလီၤ. 26 ဒီးဒ်န့ၣ်အသိး အံၣ်စရ့လးခဲလၢာ် ကတုၤလၢတၢ်အုၣ်က့ၤခီၣ်က့ၤအီၤ, ဒ်တၢ်ကွဲးအသးအသိး, ပှၤအုၣ်က့ၤခီၣ်က့ၤတၢ်ကဟဲ ထီၣ်လၢစံယိၣ်အပူၤ, ဒီးကဒုးဟးထီၣ်ကွံာ်တၢ်တယူး တယီၣ်ဘၣ်ယွၤလၢယၤကိာ်အပူၤလီၤ. 27 ဒီးအအံၤမ့ၢ် ယတၢ်အၢၣ်လီၤအီလီၤဒီးအီၤ,Ref 11.27 ၡါ. ၂၇း၉, တုၤ ယပျၢ်အတၢ်ဒဲးဘးန့ၣ်လီၤ.Ref 11.27 ၡါ. ၂၇း၉. 28 ဖဲတၢ်သးခု အကစီၣ်အဂ့ၢ်န့ၣ်, အဝဲသ့ၣ်မ့ၢ်အဒုၣ်အဒါလၢ သုဂီၢ် လီၤ. မ့မ့ၢ်ဖဲတၢ်ဃုထၢအဂ့ၢ်န့ၣ်,တၢ်အဲၣ်အီၤလၢပၢ်သ့ၣ် အဃိလီၤ. 29 အဂ့ၢ်ဒ်အံၤ,ယွၤအတၢ်ဟ့ၣ်တဖၣ်,ဒီးအတၢ် ကိးန့ၢ်တၢ်န့ၣ်, တအိၣ်ဘၣ်ဒီးတၢ်ကဒံကဒါဘၣ်. 30 အ ဂ့ၢ်ဒ်အံၤ, ဒ်လၢထံးလၢမကိာ်,သုတစူၢ်ဘၣ်ယွၤ,ဒီးခဲက နံၣ်အံၤ, သုဒိးတၢ်သးကညီၤလၢအဝဲသ့ၣ်အတၢ်တနာ် ဘၣ်အဃိအသိးန့ၣ်, 31 ဒ်န့ၣ်အသိးခဲကနံၣ်အံၤ, အဝဲ သ့ၣ်စ့ၢ်ကီးတစူၢ်ဘၣ်တၢ် ဒ်သိးအကဒိးတၢ်သးကညီၤ အီၤ, လၢသုဒိးတၢ်သးကညီၤသုအဃိန့ၣ်လီၤ. 32 အဂ့ၢ်ဒ် အံၤ, ယွၤကးတံာ်ဃာ်ပှၤခဲလၢာ်လၢတၢ်တနာ်ဘၣ်အ ပူၤ,ဒ်သိးအကသးကညီၤပှၤခဲလၢာ်လီၤ.
33 ယွၤအတၢ်ထူးအတၢ်တီၤ, ဒီးအတၢ်ကူၣ်ဘၣ်ကူၣ် သ့,ဒီးအတၢ်သ့ၣ်ညါန့ၣ်, မ့ၢ်အယိာ်ဆံးဒိၣ်လဲၣ်.အတၢ် စံၣ်ညီၣ်တဖၣ်,ပဃုကွၢ်တဘၣ်ဘၣ်. ဒီးအကျဲအကပူၤ န့ၣ်,ပသ့ၣ်ညါထီၣ်တသ့ဘၣ်လီၤ. 34 အဂ့ၢ်ဒ်အံၤ, မ့ၢ်မ တၤသ့ၣ်ညါကစၢ်အသးတဂၤလဲၣ်. မ့ၢ်မတၤကဲထီၣ်ပှၤ ကူၣ်လိာ်အသးဒီးအီၤတဂၤလဲၣ်. 35 မ့ၢ်မတၤဟ့ၣ်ပာ်အ တၢ်တမံၤမံၤဒီး,တၢ်ကဟ့ၣ်ဆၢအီၤတဂၤလဲၣ်.Ref 11.35 ၡါ.၄၀း ၁၃. 36 အဂ့ၢ်ဒ်အံၤ, ကယဲၢ်တၢ်ခဲလၢာ်ဟဲထီၣ်လၢအပူၤ, ဒီးကဲထီၣ်လၢအစုပူၤ, ဒီးအိၣ်ဝဲလၢအဂီၢ်လီၤ.မ်တၢ်လၤ ကပီၤအိၣ်ဒီးအီၤအစိၤစိၤအဃၣ်ဃၣ်တက့ၢ်.အၤမ့ၣ်.