9
1 ဒီးၡဘၤအနီၢ်ပၤမုၣ်နၢ်ဟူစီၤၡလိၤမိၤအကစီၣ်, ဒီးဟဲ ဝဲဒ်သိးအကမၤကွၢ်အီၤလၢ တၢ်ကတိၤအဒိၣ်အယိာ်တ ဖၣ်ဆူယရူၤၡလ့ၣ်အိၣ်ဒီးအပှၤပိာ်အခံ အါအါကလဲာ်, ဒီးကီၤလၤအူးလၢအစိာ်တၢ်နၢမူ, ဒီးထူဧိၤလွဲဧိၤအါအါ ကလဲာ်, ဒီးတၢ်မျၢ်တဖၣ်, ဒီးဟဲဝဲဆူစီၤၡလိၤမိၤအအိၣ်, ဒီးကတိၤတၢ်ဒီးအီၤလၢ ကယဲၢ်တၢ်လၢအအိၣ်ဝဲလၢအ သးကံၢ်ပူၤအဂ့ၢ်အကျိၤလီၤ.
2 ဒီးစီၤၡလိၤမိၤဒုးနဲၣ်အီၤလၢ တၢ်ဘၣ်ဃးဒီးအတၢ်က တိၤခဲလၢာ်, ဒီးတၢ်တအိၣ်တဒၢဘၣ်ဒီးစီၤပၤလၢအတ စံးဘၣ်အီၤနီတမံၤဘၣ်.
3 ဒီးတုၤၡဘၤအနီၢ်ပၤမုၣ်န့ၣ် ထံၣ်ဘၣ်ကယဲၢ်စီၤၡလိၤ မိၤအတၢ်ကူၣ်သ့, ဒီးဟံၣ်လၢအမၤဝဲန့ၣ်,
4 ဒီးတၢ်အီၣ် လၢအစီၢ်နီၤခိၣ်အဖီခိၣ်, ဒီးအခ့အပှၤဆ့ၣ်နီၤဝဲ, ဒီးအ ပှၤမၤအတၢ်ဆၢထၢၣ်, ဒီးအကူအသိး, ဒီးအပှၤစိာ်အလီ ခီ, ဒီးအကူအသိး, ဒီးအတၢ်လဲၤထီၣ်ဆူယွၤအဟံၣ်ပူၤ ဒီး, အသးတအိၣ်လၢၤဘၣ်လၢအပူၤဘၣ်.
5 ဒီးစံးဘၣ်စီၤပၤ, တၢ်ကတိၤလၢယနၢ်ဟူလၢ ယကီၢ် ဒၣ်ယဲအပူၤလၢနတၢ်ကတိၤအဂ့ၢ်အကျိၤ, ဒီးလၢနကူၣ် တၢ်သ့အဂ့ၢ်အကျိၤန့ၣ်မ့ၢ်အမ့ၢ်အတီလီၤ.
6 ဘၣ်ဆၣ်ဒီး ယတချုးဟဲဒံးဘၣ်, ဒီးယမဲာ်တချုးထံၣ်ဒံးဘၣ်ဒီး, ယ တနာ်ဘၣ်ယဲဘၣ်. ဒီးကွၢ်ကွၢ်, နတၢ်ဒိၣ်တၢ်ထီ, ဒီး နတၢ်ကူၣ်သ့တဝာ်န့ၣ် ပှၤတစံးဘၣ်ယၤဘၣ်. နဒိၣ်န့ၢ် တၢ်အကစီၣ်လၢယနၢ်ဟူတက့ၢ်န့ၣ်လီၤ.
7 နပှၤကညီဘၣ်ဆိၣ်ဂ့ၤဝဲလီၤ. ဒီးပှၤလၢအဆၢထၢၣ် လၢနမဲာ်ညါတထံၣ်ဃီ, ဒီးနၢ်ဟူနတၢ်ကူၣ်သ့, နခ့န ပှၤတဖၣ်အံၤ, ဘၣ်ဆိၣ်ဂ့ၤဝဲလီၤ.
8 ယွၤနကစၢ်လၢအ ဘၣ်အသးလၢနၤ ဒ်သိးအကဒုးဆ့ၣ်နီၤနၤလၢ အလီၢ်ပ စိာ်အဖီခိၣ်ဒ်သိးနကကဲစီၤပၤလၢ ယွၤနကစၢ်အဂီၢ်န့ၣ် မ်အဘၣ်တၢ်စံးထီၣ်ပတြၢၤအီၤတက့ၢ်. မ့ၢ်ယွၤအဲၣ်အံၣ် စရ့လးလၢအကဒုးအိၣ်ဂၢၢ်ဆိးကျၢၤအီၤ လီၤထူလီၤယိာ် သတးဒီး, ပာ်နၤလၢစီၤပၤလၢအဖီခိၣ် ဒ်သိးနကစံၣ် ညီၣ်တၢ်, ဒီးမၤတၢ်တီတၢ်လိၤလီၤ.
9 ဒီးဟ့ၣ်လီၤစီၤပၤလၢ ထူအကံကၢ်တကယၤခံဆံ, ဒီး တၢ်နၢမူအါအါကလဲာ်, ဒီးတၢ်မျၢ်တဖၣ်လီၤ. ဒီးတၢ် နၢမူထဲသိးဒီးတၢ်လၢၡဘၤအနီၢ်ပၤမုၣ် ဟ့ၣ်စီၤၡလိၤမိၤ န့ၣ်တအိၣ်လၢၤဘၣ်ဝဲဘၣ်.
10 ဒီးစီၤဃူရၣ်အခ့အပှၤ, ဒီးစီၤၡလိၤမိၤအခ့အပှၤလၢ အဟဲစိာ်ထူဧိၤလွဲဧိၤလၢအိဖ့ၢ်န့ၣ် ဟဲစိာ်စ့ၢ်ကီးသ့ၣ်အ လၤမူး, ဒီးတၢ်မျၢ်တဖၣ်လီၤ.
11 ဒီးစီၤပၤတ့ဃီတဖၣ် လၢသ့ၣ်အလၤမူး လၢယွၤအ ဟံၣ်အဂီၢ်, ဒီးလၢစီၤပၤအဟံၣ်အဂီၢ်, ဒီးတ့စ့ၢ်ကီးတနၢ်, ဒီးသီတူၢ်လၢ ပှၤသးဝံၣ်တၢ်ဖိအဂီၢ်လီၤ. ထဲသိးဒီးအဝဲ န့ၣ်တၢ်တထံၣ်ဘၣ်လၢသီလၢကီၢ်ယူဒၤအပူၤဘၣ်.
12 ဒီးစီၤပၤၡလိၤမိၤဟ့ၣ်လီၤၡဘၤအနီၢ်ပၤမုၣ်လၢတၢ်လၢ အဟဲစိာ်ဆူစီၤပၤအအိၣ်အဖီခိၣ် ကယဲၢ်တၢ်လၢအဘၣ်အသး, ဖဲဒၣ်အဃ့တၢ်တမံၤလၢ်လၢ်လီၤ. ဒီးဃၣ် အသး, ဒီးက့ၤက့ၤဆူအကီၢ်ဒၣ်ဝဲ, အဝဲဒၣ်, ဒီးအခ့ အပှၤလီၤ.
13 ဒီးထူဧိၤလွဲဧိၤလၢအဟဲဆူ စီၤၡလိၤမိၤအအိၣ်လၢတ နံၣ်အတီၢ်ပူၤန့ၣ်, လီၤတယၢၢ်ဃုကယၤဃုဆံဃုကံကၢ် လီၤ.
14 လၢန့ၣ်အမဲာ်ညါအိၣ်ဒံး တၢ်လၢပှၤဃုတၢ်ဖိ, ဒီးလၢပှၤကၤတၢ်ဖိဟဲစိာ်ဝဲ, ဒီးဧ့ရ့းအစီၤပၤခဲလၢာ်, ဒီး ထံဧိၤကီၢ်ဧိၤအပဒိၣ်တဖၣ်န့ၣ် ဟဲစိာ်ထူဧိၤလွဲဧိၤ, ဒီး ကျိၣ်ဧိၤစ့ဧိၤဆူစီၤၡလိၤမိၤအအိၣ်လီၤ.
15 ဒီးစီၤပၤၡလိၤမိၤတ့ကတီၤဖးဒိၣ်ခံကယၤ လၢထူပိာ် အသးလီၤ. ထူအၡက့လးဃုကယၤအိၣ်ဝဲလၢ ကတီၤ တဘ့ၣ်အပူၤလီၤ.
16 ဒီးတ့ကတီၤဖိလၢ ထူပိာ်အသးသၢကယၤလီၤ. ထူ အၡက့လး သၢကယၤအိၣ်ဝဲလၢ ကတီၤတဘ့ၣ်အပူၤ လီၤ. ဒီးစီၤပၤပာ်ဝဲလၢလဘၤနိၣ်အပှၢ်လၢ်ကျါ အဟံၣ် ပူၤန့ၣ်လီၤ.
17 ဒီးစီၤပၤတ့လီၢ်ပစိာ်ဖးဒိၣ်လၢကဆီမဲ, ဒီးပီၤဝဲလၢထူ စီလီၤ.
18 ဒီးလီၢ်ပစိာ်န့ၣ်အိၣ်ဝဲဒီးအဃီဃုသွါ, ဒီးခီၣ် ယီၢ်လီၢ်ထူစဲဘူးဒီးလီၢ်ပစိာ်, ဒီးအစုဖံးအိၣ်ဝဲဖဲလီၢ်ဆ့ၣ် နီၤလၢအဝဲတခီ, ဒီးလၢအဝဲတခီ, ဒီးခ့ယုၢ်ခံဒုဆၢထၢၣ် ဝဲဖဲအစုဖံးအဃၢၤလီၤ.
19 ဒီးခ့ယုၢ်တဆံခံဒုဆၢထၢၣ်ဖဲ ဃီဃုသွါအဝဲတခီအဖီခိၣ်, ဒီးလၢအဝဲတခီအဖီခိၣ်လီၤ. တၢ်တတ့ဘၣ်တၢ်ဒ်န့ၣ်သိးလၢ ဘီမုၢ်နီတဘီနီတမုၢ်အ ပူၤဘၣ်လီၤ.
20 ဒီးကယဲၢ် စီၤပၤၡလိၤမိၤအလီခီအီတၢ်န့ၣ် မ့ၢ်ထူခဲ လၢာ်လီၤ. ဒီးကယဲၢ်လီခီအိၣ်ဝဲလၢလဘၤနိၣ်အပှၢ်လၢ် ကျါအဟံၣ်ပူၤန့ၣ် မ့ၢ်ထူစီခဲလၢာ်လီၤ. တတ့ဝဲလၢစ့နီ တဘ့ၣ်နီတဖျၢၣ်ဘၣ်. လၢစီၤၡလိၤမိၤအမုၢ်နံၤတဖၣ်န့ၣ် တၢ်တပးကဲဘၣ်စ့ဘၣ်လီၤ.
21 အဂ့ၢ်ဒ်အံၤ, စီၤပၤအကဘီလဲၤဆူ တၢ်ၡံၣ်အိၣ်ဒီးစီၤ ဃူရၣ်အခ့အပှၤလီၤ. သၢနံၣ်တစုန့ၣ်ကဘီတၢ်ၡံၣ်ဟဲ စိာ်ထူဧိၤလွဲဧိၤ, ဒီးကျိၣ်ဧိၤစ့ဧိၤ, ဒီးကဆီမဲ, ဒီးကယုၤ ဖၣ်တဖၣ်, ဒီးထိၣ်ပှာ်တဖၣ်လီၤ.
22 ဒီးစီၤပၤၡလိၤမိၤဒိၣ်န့ၢ် ကယဲၢ်စီၤပၤလၢ ဟီၣ်ခိၣ်ချၢ လၢအစုလီၢ်အခီၣ်ခိၣ်, ဒီးလၢအတၢ်ကူၣ်သ့တက့ၢ်န့ၣ် လီၤ.
23 ဒီးဟီၣ်ခိၣ်အစီၤပၤဃုစီၤၡလိၤမိၤအမဲာ်ခဲလၢာ်ဒ် သိးအကနၢ်ဟူအတၢ်ကူၣ်သ့လၢ ယွၤပာ်လီၤဝဲလၢအ သးကံၢ်ပူၤန့ၣ်လီၤ.
24 ဒီးဟဲစိာ်ဝဲအခိၣ်ဖးစုာ်စုာ်, လၢလီခီစ့, ဒီးလီခီထူ, ဒီးတၢ်အကူအသိး, ဒီးသဃိး, ဒီးတၢ်နၢမူ, ဒီးကသ့ၣ်, ဒီးကသ့ၣ်လၤသ့ၣ်တဖၣ်န့ၣ်တနံၣ်ဘၣ်တနံၣ်လီၤ.
25 ဒီးစီၤၡလိၤမိၤအိၣ်ဝဲဒီးလ့ၣ်ကဟၣ်ဒီး ကသ့ၣ်အိၣ်အလီၢ်လွံၢ်ကထိ, ဒီးပှၤကသ့ၣ်သုးဖိတကလးခံကထိ, ဒီး ပာ်ဝဲလၢလ့ၣ်ကဟၣ်အဝ့ၢ်တဖၣ်အပူၤ, ဒီးအိၣ်ဒီးစီၤပၤ လၢယရူၤၡလ့ၣ်အပူၤလီၤ.
26 ဒီးကဲစီၤပၤလၢကယဲၢ်စီၤပၤအဖီခိၣ် လၢထံမိၢ်ပှၢ်ပၢၢ် လၢပှၤဖလ့ၡသးဖိအကီၢ်, ဒီးပၢၢ်လၢအဲၤကူပတူးအကီၢ် ဃၢၤလီၤ.
27 ဒီးစီၤပၤပာ်ကျိၣ်ဧိၤစ့ဧိၤလၢယရူၤၡလ့ၣ်အပူၤ ဒ်လၢၢ် ဧိၤလ့ဧိၤအသိး, ဒီးပာ်သ့ၣ်ဆှိအ့ရ့းအါအါကလဲာ်ဒ်သိး ဝံာ်လၢတၢ်ပျီပူၤအသိးန့ၣ်လီၤ.
28 ဒီးပှၤဟဲစိာ်ကသ့ၣ်လၢအဲၤကူပတူးအပူၤ, ဒီးလၢကီၢ် ကိးဘ့ၣ်ဒဲးအပူၤဆူစီၤၡလိၤမိၤအအိၣ်လီၤ.
29 ဒီးတၢ်အိၣ်လီၤတဲာ်ဘၣ်ဃးဒီး စီၤၡလိၤမိၤ, တၢ်အ ခီၣ်ထံးဒီးတၢ်အကတၢၢ်န့ၣ်ကွဲးအသးလၢ လံာ်ဝံနၤသၣ် အပူၤ, ဒီးလၢပှၤၡံလိၤဖိပှၤထံၣ်တၢ်စီၤအဃံယၤအလံာ် ဝံအကျိာ်အပူၤ, ဒီးလၢလံာ်ဝံယံးဒိၤအထံၣ်တၢ်ထီဒါစီၤ နဘးအဖိခွါစီၤယၤရၤဘၣ်အပူၤ, တမ့ၢ်ဘၣ်ဧါ.
30 ဒီးစီၤၡလိၤမိၤမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢအပၢ်စီၤဒၤဝံးအဝ့ၢ်ပူၤ, ဒီးအဖိခွါ စီၤရဃၤဘၣ်ကဲ ထီၣ်စီၤပၤလၢအလီၢ်န့ၣ်လီၤ.