8
1 ဒီးလၢအနံၣ်ခံဆံအကတၢၢ်န့ၣ် တုၤစီၤၡလိၤမိၤမၤတ့ၢ် ယွၤအဟံၣ်, ဒီးအဟံၣ်ဒၣ်ဝဲဒီး,
2 တၢ်မၤအသးလၢဝ့ၢ် တဖၣ်လၢစီၤဃူရၣ်ဟ့ၣ်က့ၤစီၤၡလိၤမိၤန့ၣ် စီၤၡလိၤမိၤ မၤက့ၤအီၤ, ဒီးမၢပှၤအံၣ်စရ့လးဖိအိၣ်ဝဲဆိးဝဲဖဲန့ၣ်လီၤ.
3 ဒီးစီၤၡလိၤမိၤ လဲၤထီဒါဃမါသးစိဘၤ, ဒီးမၤန့ၢ်အီၤ လီၤ.
4 ဒီးတ့ဝဲလၢတးဒမိၢ် လၢပှၢ်မုၢ်ကနၢ, ဒီးကယဲၢ်ဝ့ၢ်ပာ် ဖှိၣ်တၢ်လၢအတ့ဝဲလၢ ဃမါသးအပူၤလီၤ.
5 တ့ဝဲလၢ ဘ့ၤသဃိရိၣ်လၢထးခီ, ဒီးဘ့ၤသဃိရိၣ် လၢအဖီလာ်, ဝ့ၢ်တဖၣ်လၢအခိၣ်ဒူအိၣ်, ဒီးအိၣ်ဒီးအခိၣ်ဒူ, ဒီးအတြဲၤ ဒီးနီၣ်ဘိ,
6 ဒီးဘဧၤလး, ဒီးကယဲၢ်ဝ့ၢ်ပာ်ဖှိၣ်တၢ်လၢအ အိၣ်ဒီးစီၤၡလိၤမိၤ, ဒီးဝ့ၢ်တဖၣ်လၢအလ့ၣ်ကဟၣ်အဂီၢ်, ဒီးဝ့ၢ်တဖၣ်လၢပှၤကသ့ၣ်သုးဖိအဂီၢ်ဒီး ကယဲၢ်တၢ်လၢ စီၤၡလိၤမိၤဆၢမၤဝဲလၢယရူၤၡလ့ၣ်အပူၤ, ဒီးလၢလဘၤ နိၣ်အလိၤ, ဒီးလၢအကီၢ်ပူၤဒီဘ့ၣ်ညါလၢအပၢဝဲလီၤ.
7 ကယဲၢ်ပှၤလၢအအိၣ်လီၤတဲာ်လၢပှၤဃ့ၤသးဖိ, ပှၤအ မိၢ်ဖိ, ပှၤပရးစးဖိ, ပှၤဃံၤဝံဖိ, ဒီးပှၤယဘူၣ်ဖိ, လၢ အတဘၣ်ဃးဘၣ်ဒီးပှၤအံၣ်စရ့လးဖိန့ၣ်,
8 အဖိအလံၤ လၢအအိၣ်လီၤတဲာ်ဝဲလၢ ကီၢ်ပူၤလၢပှၤအံၣ်စရ့လးဖိတ မၤဟးဂီၤအီၤဘၣ်န့ၣ် စီၤၡလိၤမိၤမၢအဟ့ၣ်သွဲတုၤမုၢ်မ ဆါတနံၤအံၤလီၤ.
9 ဒီးပှၤအံၣ်စရ့လးဖိန့ၣ် စီၤၡလိၤမိၤတမၢအကဲတၢ်မၤ အကုၢ်ဘၣ်. မ့မ့ၢ်အဝဲသ့ၣ်တဖၣ်န့ၣ် မ့ၢ်ပှၤသုးဖိတဖၣ်, ဒီးအပှၤသုးဖိအခိၣ်တဖၣ်, ဒီးအလ့ၣ်ကဟၣ်, ဒီးအပှၤ ကသ့ၣ်သုးဖိအခိၣ်တဖၣ်လီၤ.
10 အဝဲအံၤမ့ၢ် စီၤၡလိၤမိၤအပဒိၣ်ဖးဒိၣ်တဖၣ်, ပှၤခံက ယၤယဲၢ်ဆံလၢအပၢပှၤဂီၢ်မုၢ်လီၤ.
11 ဒီးစီၤၡလိၤမိၤဒုးဟဲထီၣ် ဖၤရိၤအဖိမုၣ်လၢစီၤဒၤဝံးအ ဝ့ၢ်ပူၤဆူဟံၣ်တဖျၢၣ်လၢ အမၤဝဲလၢအဂီၢ်လီၤ. အဂ့ၢ်ဒ် အံၤ, စံးဝဲဒၣ်, ယမါတဘၣ်အိၣ်တဘၣ်ဆိးလၢအံၣ်စ ရ့လးအစီၤပၤဒၤဝံးအဟံၣ်ပူၤဘၣ်. အဂ့ၢ်ဒ်အံၤ, ဖဲယွၤ အတလါဟဲတ့ၢ်ဝဲန့ၣ်မ့ၢ်အလီၢ်စီဆှံလီၤ.
12 ဒီးစီၤၡလိၤမိၤလုၢ်တၢ်လုၢ်မ့ၣ်အူလၢ ယွၤလၢတၢ်လုၢ် လီၢ်အဖီခိၣ် လၢအမၤပာ်လၢယွၤအဂီၢ် လၢအမၤဝဲလၢ တၢ်ခိၣ်ဒုးထီၣ်အသးအမဲာ်ညါ,
13 တၢ်လၢတနံၤအဂီၢ်တ နံၤအဂီၢ်န့ၣ် လုၢ်ဝဲဒ်စီၤမိၤရှ့မၤလိာ်ဝဲအသိး, လၢမုၢ်အိၣ် ဘှံးအနံၤ, ဒီးလၢလါထီၣ်သီအနံၤ, ဒီးလၢတၢ်သ့ၣ်ပာ် အဘူၣ်တဖၣ်တနံၣ်သၢဘျီ, လၢဘူၣ်ကိၣ်တအိၣ်ဘၣ် ဒီးကိၣ်မံၣ်, ဒီးလၢဘူၣ်နွံ, ဒီးလၢဘူၣ်ဒဲလီၤ.
14 ဒီးဒ်အပၢ်စီၤဒၤဝံး စံၣ်ညီၣ်တၢ်အသိးန့ၣ်ပာ်ဝဲလၢပှၤ လုၢ်တၢ်အဒိၣ် အတီၤတဖၣ်လၢအမၤတၢ်အဂီၢ်, ဒီးပှၤ လ့ၤဝံဖိလၢအတၢ်ကွၢ်အလီၢ်, ဒ်သိးအကစံးထီၣ်ပတြၢၤ တၢ်, ဒီးမၤတၢ်အခ့အပှၤအတၢ်မၤလၢပှၤလုၢ်တၢ်အဒိၣ် အမဲာ်ညါ ဒ်အမၤတၢ်တနံၤအဂီၢ်တနံၤအဂီၢ် အိၣ်ဝဲအ သိးန့ၣ်, ဒီးပှၤပၢၤပဲတရီဖိစ့ၢ်ကီး, ဒ်အတီၤတဖၣ်အသိး, ဖဲပဲတရီတပူၤဘၣ်တပူၤန့ၣ်လီၤ. အဂ့ၢ်ဒ်အံၤ, ယွၤအပှၤ ကညီစီၤဒၤဝံးမၤလိာ်ဝဲဒ်န့ၣ်အသိးလီၤ.
15 ဒီးတဟးသဒၣ်ဘၣ် စီၤပၤအတၢ်မၤလိာ်လၢ ပှၤလုၢ် တၢ်အဒိၣ်ဒီးပှၤလ့ၤဝံဖိ, ဘၣ်ဃးဒီးဖဲဒၣ်တၢ်တမံၤမံၤ, ဒီးဘၣ်ဃးဒီးတၢ်ပာ်ဖှိၣ်အလီၢ်န့ၣ်နီတမံၤဘၣ်.
16 ဒီးစီၤၡလိၤမိၤအတၢ်မၤ ကတဲာ်ကတီၤအသးတုၤအ ပာ်လီၤယွၤအဟံၣ်အခီၣ်ထံးအမုၢ်နံၤ, ဒီးတုၤလီၤလၢအ မၤဝံၤဝဲလီၤ. ယွၤအဟံၣ်လၢဝဲပှဲၤဝဲလီၤ.
17 ဒီးစီၤၡလိၤမိၤလဲၤဝဲဆူ ဧ့းစယိၣ်က့ဘ့ၢ်, ဒီးဆူအ့လး အပူၤလၢပီၣ်လဲၣ်အနံၤလၢကီၢ်အဒိၣ်အပူၤလီၤ.
18 ဒီးစီၤဃူရၣ် ဟ့ၣ်လီၤကဘီဆူအအိၣ် လၢအခ့အပှၤ အစုပူၤ, ဒီးပှၤကဘီဖိလၢအသ့ၣ်ညါပီၣ်လဲၣ်တဖၣ်, ဒီး အဝဲသ့ၣ်လဲၤဝဲဒီး စီၤၡလိၤမိၤအခ့အပှၤဆူအိဖ့ၢ်, ဒီးဟဲ စိာ်လၢန့ၣ်ထူအကံကၢ်လွံၢ်ကယၤယဲၢ်ဆံ, ဒီးဟဲစိာ်ဝဲဆူ စီၤပၤၡလိၤမိၤအအိၣ်လီၤ.