32
1 တၢ်န့ၣ်တဖၣ်, ဒီးအအိၣ်ဂၢၢ်ဆိးကျၢၤတ့ၢ်ဝဲအလီၢ်ခံ ဒီး, အၤရှူၢ်အစီၤပၤစၤနဃ့ရံာ်ဟဲဝဲ, ဒီးဟဲနုာ်လၢယူဒၤ, ဒီးသူၣ်ဒဲထီဒါဝ့ၢ်အိၣ်ဒီးအခိၣ်ဒူတဖၣ်, ဒီးသါကမၤန့ၢ် ဘၣ်အီၤလၢအဂီၢ်ဒၣ်ဝဲလီၤ.
2 ဒီးတုၤစီၤဃံးစကံယၤ ထံၣ်ဝဲလၢစီၤစၤနဃ့ရံာ်ဝဲ, ဒီး လၢအမဲာ်အိၣ်လၢအကဒုးတၢ်ဒီးယရူၤၡလ့ၣ်ဒီး,
3 ကူၣ် လိာ်အသးဒီးအပဒိၣ်ဖးဒိၣ်တဖၣ်, ဒီးအပှၤဆူၣ်တဖၣ် ဒ်သိးအကဆွံတံာ်ထံထီၣ်ပၢၢ် လၢအအိၣ်ဝဲလၢဝ့ၢ်ချၢ, ဒီးအဝဲသ့ၣ်မၤစၢၤအီၤလီၤ.
4 ဒီးပှၤဂီၢ်မုၢ်ဖးဒိၣ်အိၣ်ဖှိၣ်ရိဖှိၣ်, ဒီးဆွံတံာ်ထံထီၣ်ပၢၢ် ခဲလၢာ်, ဒီးထံကျိလၢအယွၤဝဲလၢကီၢ်အသးကံၢ်ပူၤ, ဒီး စံးဝဲဒၣ်, အၤရှူၢ်အစီၤပၤတဖၣ် ကဟဲဒီးထံၣ်န့ၢ်ထါအါ အါကလဲာ်မ့ၢ်အဘၣ်မနုၤလဲၣ်.
5 ဒီးမၤဆူၣ်ထီၣ်အသး, ဒီးမၤက့ၤတၢ်ခိၣ်ဒူလၢအလီၤ ပှီၢ်ကိးပူၤဒဲး, ဒီးမၤထီၣ်ဝဲပၢၢ်လၢတၢးထီတဖၣ်, ဒီးတၢ် ခိၣ်ဒူအဂၤလၢခိ, ဒီးမၤက့ၤမံးလိၤလၢစီၤဒၤဝံးအဝ့ၢ်ပူၤ, ဒီးတ့ဘီဧိၤနးဧိၤ, ဒီးကတီၤအါအါကလဲာ်လီၤ.
6 ဒီးပာ်ပှၤသုးဖိအခိၣ်တဖၣ်လၢပှၤဂီၢ်မုၢ်အဖီခိၣ်, ဒီးဒုး အိၣ်ဖှိၣ်ရိဖှိၣ်အီၤဆူအအိၣ်လၢဝ့ၢ်ပဲတရီအကျဲပူၤ, ဒီးက တိၤတၢ်မုာ်မုာ်ဒီးအီၤ, ဒီးစံးဝဲဒၣ်,
7 ပာ်ဆူၣ်သုသး, ဒီး တံးတဟီၣ်တက့ၢ်. ပျံၤတၢ်တဂ့ၤ. ဘၣ်ယိၣ်တၢ်လၢအၤ ရှူၢ်အစီၤပၤအဃိ, လၢပှၤဂီၢ်မုၢ်ခဲလၢာ်လၢအအိၣ်ဒီးအီၤ အဃိတဂ့ၤ. အဂ့ၢ်ဒ်အံၤ, ပှၤလၢအအိၣ်ဒီးပှၤအံၤ, အါန့ၢ် ပှၤအိၣ်ဒီးအီၤတက့ၢ်လီၤ.
8 တၢ်ဖံးတၢ်ညၣ်အစုဒုၣ်အိၣ် ဝဲဒီးအီၤလီၤ. မ့မ့ၢ်ယွၤပကစၢ်အိၣ်ဝဲဒီးပှၤဒ်သိးအကမၤ စၢၤပှၤ, ဒီးဒုးသုးပတၢ်ဒုးသုးတဖၣ်လီၤ. ဒီးပှၤဂီၢ်မုၢ်သ န့ၤအသးလၢယူဒၤအစီၤပၤဃံးစကံယၤ အတၢ်ကတိၤ တဖၣ်န့ၣ်လီၤ.
9 တၢ်န့ၣ်အလီၢ်ခံ အၤရှူၢ်အစီၤပၤစၤနဃ့ရံာ်မၢလီၤအ ခ့အပှၤဆူယရူၤၡလ့ၣ်အပူၤ, (ဒီးအကစၢ် အိၣ်ထီဒါ လၤကံၣ်, အိၣ်ဒီးအသုးမုၢ်ဂီၢ်မုၢ်ခဲလၢာ်) ဆူယူဒၤအစီၤ ပၤဃံးစကံယၤအအိၣ်, ဒီးဆူကယဲၢ်ယူဒၤလၢအအိၣ်ဝဲ လၢယရူၤၡလ့ၣ်အပူၤအအိၣ်, ဒီးစံးဝဲဒၣ်,
10 အၤရှူၢ်အစီၤ ပၤစၤနဃ့ရံာ်စံးဝဲဒ်အံၤ, လၢတၢ်ကဝီၤဃာ်ယရူၤၡလ့ၣ် န့ၣ်သုအိၣ်ဒၣ်တၢ်, ဒီးသန့ၤသုသးလၢမနုၤတမံၤလဲၣ်.
11 ဒီးစီၤဃံးစကံယၤစံးဝဲ, ယွၤပကစၢ်ကမၤပူၤမၤဖျဲးပှၤ ဒီးအၤရှူၢ်အစီၤပၤအစုပူၤသတးဒီး, လွဲန့ၢ်သုဒ်သိးအက ဟ့ၣ်လီၤသုသးလၢ သုကသံလၢတၢ်သၣ်ဝံၤလီၤဒိ, ဒီး တၢ်သူသုသးလၢထံ, တမ့ၢ်ဘၣ်ဧါ.
12 စီၤဃံးစကံယၤ တဂၤအံၤ, စိာ်ထီၣ်ကွံာ်တၢ်အလီၢ်ထီၣ်ထီ, ဒီးအတၢ် လုၢ်လီၢ်, ဒီးမၤလိာ်ယူဒၤ, ဒီးယရူၤၡလ့ၣ်, ဒီးစံးဝဲဒၣ်, သုဘၣ်ဘူၣ်တၢ်ဘါတၢ်လၢ တၢ်လုၢ်လီၢ်တဖျၢၣ်ဧိၤအ မဲာ်ညါ, ဒီးဆိၣ်ကဲၤထီၣ်တၢ်နၢမူလၢအဝဲန့ၣ်အဖီခိၣ်န့ၣ် တမ့ၢ်ဘၣ်ဧါ.
13 တၢ်လၢယၤဒီးယပၢ်တဖၣ် မၤပှၤဂီၢ်မုၢ်ခဲလၢာ်လၢကီၢ် တဖၣ်အပူၤန့ၣ်သုတသ့ၣ်ညါဘၣ်ဧါ. ကီၢ်တဖၣ်န့ၣ်အ ပှၤကလုာ်တဖၣ်အကစၢ်တဖၣ် မၤပူၤမၤဖျဲးအထံအကီၢ် လၢယစုပူၤသ့စ့ၢ်ကီးဧါ.
14 ဒ်သိးသုကစၢ်မၤပူၤမၤဖျဲးသုလၢယစုပူၤကသ့ဒီး, ပှၤ ကလုာ်လၢ ယပၢ်မၤဟးဂီၤကွံာ်အီၤတဖၣ် အကစၢ်ခဲ လၢာ်အကျါန့ၣ် မ့ၢ်မတၤမၤပူၤမၤဖျဲးအပှၤဂီၢ်မုၢ်လၢယစု ပူၤသ့တဂၤလဲၣ်.
15 ဒီးခဲကနံၣ်အံၤ ဒုးလီန့ၢ်သုသးလၢ စီၤဃံးစကံယၤတ ဂ့ၤ, ဒီးဒုးလွဲန့ၢ်သုသးလၢအီၤဒ်န့ၣ်သိးတဂ့ၤ. နာ်အီၤ တဂ့ၤ. အဂ့ၢ်ဒ်အံၤ, ပှၤတကလုာ်အကစၢ်မ့ၢ်ဂ့ၤ, ပှၤဘီမုၢ် ဖိအကစၢ်မ့ၢ်ဂ့ၤ, မၤပူၤမၤဖျဲးအပှၤဂီၢ်မုၢ်လၢယစုပူၤ, ဒီး လၢယပၢ်တဖၣ်အစုပူၤန့ၣ် တသ့ဘၣ်နီတဂၤဘၣ်. သု ကစၢ်မၤပူၤမၤဖျဲးသုလၢယစုပူၤ တသ့ဘၣ်နးန့ၢ်အန့ၣ် တက့ၢ်ဆံးဒိၣ်လဲၣ်.
16 ဒီးအခ့အပှၤ ကတိၤဒံးတၢ်ထီဒါကစၢ်ယွၤ, ဒီးထီဒါ အခ့အပှၤစီၤဃံးစကံယၤန့ၣ်လီၤ.
17 ဒီးကွဲးလံာ်ဒုၣ်ဒွဲၣ်ယွၤအံၣ်စရ့လးအကစၢ်, ဒီးကတိၤ တၢ်ထီဒါအီၤ, ဒီးစံးဝဲဒၣ်, ဒ်ကီၢ်တဖၣ်အဘီမုၢ်အကစၢ် တဖၣ်တမၤပူၤမၤဖျဲးဘၣ် အပှၤဂီၢ်မုၢ်လၢ ယစုပူၤအသိး န့ၣ်, စီၤဃံးစကံယၤအကစၢ်တမၤပူၤမၤဖျဲးဘၣ်အပှၤဂီၢ် မုၢ်လၢယစုပူၤဘၣ်.
18 ဒီးကိးထီၣ်ဝဲလၢအကလုၢ်ဖးဒိၣ် လၢယူဒၤအကျိာ်ဆူ ပှၤဂီၢ်မုၢ်လၢဝ့ၢ်ခိၣ်ဒူအဖီခိၣ်, ဒ်သိးအကမၤပျံၤမၤဖုးအီၤ, ဒီးမၤကိၢ်မၤဂီၤအီၤ, ဒ်သိးအကမၤန့ၢ်ဝ့ၢ်န့ၣ်လီၤ.
19 ဒီးကတိၤတၢ်ထီဒါ ယရူၤၡလ့ၣ်အကစၢ်ဒ်လၢ ဟီၣ် ခိၣ်အပှၤဂီၢ်မုၢ်အကစၢ်တဖၣ်လၢ ပှၤတ့အီၤလၢအစုအ သိးန့ၣ်လီၤ.
20 ဒီးလၢတၢ်န့ၣ်အဃိ စီၤပၤဃံးစကံယၤဒီးစီၤအၤမိးအ ဖိခွါဝံယၡါယၤ ဘါထုကဖၣ်တၢ်, ဒီးကိးထီၣ်ဆူမူခိၣ် လီၤ.
21 ဒီးယွၤမၢလီၤ အကလူးတဂၤလၢ အဒီၣ်တဲာ်ကွံာ်ပှၤ အဒိၣ်အဆူၣ်ခဲလၢာ်, ဒီးပှၤအခိၣ်တဖၣ်, ဒီးပဒိၣ်ဖးဒိၣ် လၢအၤရှူၢ်အစီၤပၤအပှၤသူၣ်ဒဲအလီၢ်ပူၤလီၤ. ဒီးက့ၤက ဒါက့ၤဝဲဆူအကီၢ်ဒၣ်ဝဲ, အိၣ်ဒီးအမဲာ်ဆှးလီၤ. ဒီးတုၤဝဲ လၢအကစၢ်အဟံၣ်ပူၤဒီး, ပှၤလၢအဟဲထီၣ်ဝဲလၢအပှံာ် ဒၣ်ဝဲန့ၣ်မၤသံအီၤလၢနးဖဲန့ၣ်လီၤ.
22 ဒီးယွၤအုၣ်က့ၤခီၣ်က့ၤ စီၤဃံးစကံယၤ, ဒီးပှၤအိၣ်ဝဲ ဆိးဝဲလၢယရူၤၡလ့ၣ်အပူၤ, လၢအၤရှူၢ်အစီၤပၤစၤနဃ့ ရံာ်အစုပူၤ, ဒီးလၢပှၤခဲလၢာ်အစုပူၤ, ဒီးဆှၢအီၤဝးတရံး ဝဲလီၤ.
23 ဒီးပှၤအါဂၤဟဲစိာ် တၢ်မၤဘူၣ်ဆူယွၤအအိၣ်လၢ ယ ရူၤၡလ့ၣ်အပူၤဒီး ခိၣ်ဖးတဖၣ်ဆူယူဒၤအစီၤပၤဃံးစကံ ယၤအအိၣ်လီၤ. ဒီးလၢတၢ်မၤအသးဒ်န့ၣ် အလီၢ်ခံန့ၣ် ဒိၣ်ထီၣ်ဝဲလၢပှၤကိးကလုာ်ဒဲးအမဲာ်ညါလီၤ.
24 တၢ်လၢမုၢ်နံၤတဖၣ်န့ၣ် စီၤဃံးစကံယၤ ဆါထီၣ်ဝဲ တုၤအကသံတ့ၢ်လီၤ. ဒီးဘါထုကဖၣ်ယွၤ, ဒီးအဝဲဒၣ် ကတိၤတၢ်ဒီးအီၤ, ဒီးဟ့ၣ်လီၤအီၤလၢတၢ်အပနီၣ်လီၤ.
25 ဒီးစီၤဃံးစကံယၤ တဟ့ၣ်ကၣ်ဘၣ်တၢ်ဒ်တၢ်ဘျုးတၢ် ဖှိၣ်လၢအဘၣ်အီၤအသိးန့ၣ်ဘၣ်. အဂ့ၢ်ဒ်အံၤ, အသး ပာ်ထီၣ်ထီအသးလီၤ. ဒီးတၢ်သးထီၣ်ဘၣ်အီၤ, ဒီးဘၣ် ယူဒၤ, ဒီးယရူၤၡလ့ၣ်လီၤ.
26 နာ်သက့ဒီးစီၤဃံးစကံယၤ ဆီၣ်လီၤအသးလၢ အ သးထီၣ်ထီအဃိန့ၣ်, (အဝဲဒၣ်ဒီးပှၤအိၣ်ဝဲဆိးဝဲလၢယ ရူၤၡလ့ၣ်အပူၤ,) ဒီးယွၤအသးထီၣ်တဘၣ်ဘၣ်အီၤလၢ စီၤဃံးစကံယၤအမုၢ်နံၤတဖၣ်အပူၤဘၣ်.
27 ဒီးစီၤဃံးစကံယၤ အိၣ်ဝဲဒီးတၢ်ထူးတၢ်တီၤ, ဒီးတၢ် လၤကပီၤအါအါကလဲာ်, ဒီးမၤတၢ်ပာ်ဖှိၣ်အလီၢ်လၢစ့ အဂီၢ်, ဒီးလၢထူအဂီၢ်, ဒီးလၢတၢ်မျၢ်အဂီၢ်, ဒီးလၢတၢ် နၢမူအဂီၢ်, ဒီးလၢကတီၤတဖၣ်အဂီၢ်, ဒီးလၢတၢ်အဃၢၤ အဃိၢ်လၢအဘၣ်ဒၣ် ပှၤအသးခဲလၢာ်အဂီၢ်,
28 တၢ်ပာ် ဖှိၣ်အလီၢ်စ့ၢ်ကီးလၢဘုဧိၤဟုဧိၤ, ဒီးစပံးထံ, ဒီးသိသ့ၣ် တဖၣ်အတၢ်အါထီၣ်အဂီၢ်, ဒီးတၢ်အိၣ်အလီၢ်လၢဆၣ် ဖိကီၢ်ဖိအဒၢအကလုာ်ကလုာ်အဂီၢ်, ဒီးကရၢလၢသိဒီး မဲာ်တဲးလဲးအဂီၢ်လီၤ.
29 ဒီးမၤန့ၢ်ဝဲလၢဝ့ၢ်တဖၣ်လၢအဂီၢ်, ဒီးတၢ်ဖိတၢ်လံၤ, သိ ဒီးမဲာ်တဲးလဲး, ဒီးဂီၤဘုၣ်ဂီၤဖံးအါဒုလီၤ. အဂ့ၢ်ဒ်အံၤ, ယွၤ ဟ့ၣ်လီၤအီၤလၢ အစုလီၢ်အခီၣ်ခိၣ်အါအါကလဲာ်လီၤ.
30 ဒီးအဝဲဒၣ်, စီၤဃံးစကံယၤ တြီကံဃိၣ်အထံကျိအ ထီၣ်ပၢၢ်လၢထးခီ, ဒီးဒုးယွၤလီၤဝဲစၢၢ်ဆၢဆူစီၤဒၤဝံးအ ဝ့ၢ်လၢမုၢ်နုာ်တခီလီၤ. ဒီးစီၤဃံးစကံယၤ ဘီၣ်ထီၣ်ညီ ထီၣ်ဝဲလၢအမၤတၢ်ခဲလၢာ်အပူၤလီၤ.
31 မ့မ့ၢ်လၢတၢ်ဘၣ်ဃးဒီး ဘၤဘူၤလိၣ်အပဒိၣ်ဖးဒိၣ်အ ပှၤကတိၤကျိးတၢ်တဖၣ် လၢတၢ်မၢလီၤအီၤဒ်သိးအက သံကွၢ်တၢ်လၢတၢ်လီၤလးမၤအသးလၢ ကီၢ်ပူၤအဂ့ၢ်အ ကျိၤန့ၣ်ယွၤလဲၤသဒၣ်အီၤ, ဒ်သိးအကမၤကွၢ်အီၤ, ဒ်သိး အကသ့ၣ်ညါကယဲၢ်တၢ်လၢ အအိၣ်ဝဲလၢအသးကံၢ်ပူၤ န့ၣ်လီၤ.
32 ဒီးတၢ်အိၣ်လီၤတဲာ်ဘၣ်ဃးဒီး စီၤဃံးစကံယၤအတၢ် မၤ, ဒီးအတၢ်ဂ့ၤတၢ်ဝါန့ၣ်, ကွၢ်ကွၢ်, ကွဲးအသးလၢ စီၤအၤမိးအဖိခွါဝံယၡါယၤ အလံာ်ထံၣ်တၢ်အပူၤ, လၢ ယူဒၤဒီးအံၣ်စရ့လးအစီၤပၤတဖၣ်အလံာ်ပူၤလီၤ.
33 ဒီးစီၤဃံးစကံယၤ မံဝဲဒီးအပၢ်တဖၣ်, ဒီးပှၤခူၣ်လီၤ ကွံာ်အီၤလၢစီၤဒၤဝံးအဖိခွါတဖၣ် အတၢ်သွၣ်ခိၣ်အထီ ကတၢၢ်အပူၤ, ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤခဲ လၢာ်မၤလၤမၤကပီၤအီၤ ဖဲအသံန့ၣ်, ဒီးအဖိခွါစီၤမနၤ ရှ့ၤကဲထီၣ်စီၤပၤလၢအလီၢ်န့ၣ်လီၤ.