30
ဒီးစီၤဃံးစကံယၤမၢလီၤတၢ်ဆူ အံၣ်စရ့လးဒီးယူဒၤ ခဲလၢာ်, ဒီးကွဲးဟ့ၣ်ယုၢ်လံာ်လၢအ့ဖရဲၣ်, ဒီးမနၤရှ့ၤဒ် သိးအကဟဲဆူယွၤအဟံၣ်ပူၤလၢယရူၤၡလ့ၣ်အပူၤ လၢ အကမၤတၢ်ဘူၣ်လဲၤကပာ်လၢ ယွၤအံၣ်စရ့လးအက စၢ်အဂီၢ်လီၤ.
ဒီးစီၤပၤကူၣ်လိာ်တ့ၢ်အသးဒီးပဒိၣ်ဖးဒိၣ်တဖၣ်, ဒီး ပှၤအိၣ်ဖှိၣ်ဖိလၢယရူၤၡလ့ၣ်အပူၤခဲလၢာ် လၢအကမၤ ဘူၣ်လဲၤကပာ်လၢလါခံလါတလါအပူၤလီၤ.
အဂ့ၢ်ဒ်အံၤ, အကတီၢ်ဖဲန့ၣ်မၤတၢ်ဘူၣ်န့ၣ်တသ့ဘၣ်. အဂ့ၢ်ဒ်အံၤ, ပှၤလုၢ်တၢ်အဒိၣ်မၤစီဆှံထီၣ်အသးတအါ ဒံးဘၣ်, ဒီးပှၤဂီၢ်မုၢ်တအိၣ်ဖှိၣ်ရိဖှိၣ်ဒံးဘၣ်လၢ ယရူၤ ၡလ့ၣ်အပူၤဘၣ်.
ဒီးတၢ်တမံၤန့ၣ်လိၤဝဲလၢစီၤပၤအမဲာ်, ဒီးလၢတၢ်အိၣ် ဖှိၣ်ဖိခဲလၢာ်အမဲာ်လီၤ.
ဒီးဒုးအိၣ်ဂၢၢ်ဆိးကျၢၤတၢ်ကတိၤလၢ ပှၤဘၣ်ကိးတၢ် လၢအံၣ်စရ့လးခဲလၢာ်အပူၤလၢ ဘ့ၢ်ၡဘၤဒ်သိးလၢဒၣ်, လၢပှၤကဟဲမၤဘူၣ်လဲၤကပာ်လၢယွၤ, အံၣ်စရ့လးအ ကစၢ်အဂီၢ်လၢယရူၤၡလ့ၣ်အပူၤလီၤ. အဂ့ၢ်ဒ်အံၤ, တမၤ ဘၣ်ဒ်တၢ်ကွဲးအသးအသိးန့ၣ်ဃဲးဃဲးတ့ၢ်လံ.
ဒီးကလူးတဖၣ်လဲၤဝဲဒီးစီၤပၤ, ဒီးအပဒိၣ်ဖးဒိၣ်တဖၣ် အလံာ်, လၢအံၣ်စရ့လးဒီးယူဒၤခဲလၢာ်အပူၤ, ဒ်စီၤပၤအ တၢ်မၤလိာ်အသိးန့ၣ်, ဒီးစံးဝဲဒၣ်, အံၣ်စရ့လးဖိသ့ၣ်ဧၢ, ဃၣ်ကဒါက့ၤသုသးဆူယွၤ, စီၤအၤဘြၤဟၣ်, ဒီးစီၤအံၤ စဲး, ဒီးစီၤအံၣ်စရ့လးအကစၢ်အအိၣ်တက့ၢ်, ဒီးအဝဲဒၣ် ကဟဲက့ၤကဒါက့ၤဆူ သုလၢအအိၣ်လီၤတဲာ်ဒီးပူၤဖျဲး လၢအၤရှူၢ်အစီၤပၤတဖၣ်အစုပူၤအအိၣ်န့ၣ်လီၤ. ဒီးသု တကဲထီၣ်ပှၤဒ်သုပၢ်ဒီးသုဒီပုၢ်ဝဲၢ် လၢအမၤကမၣ်ဘၣ် ယွၤ, အပၢ်အကစၢ်အသိးန့ၣ်တဂ့ၤ. ဒီးအဝဲဒၣ်ဟ့ၣ်လီၤ ကွံာ်အီၤဆူတၢ်အိၣ်သယုၢ်ဒ်သုထံၣ်တၢ်အသိးန့ၣ်လီၤ.
ခဲကနံၣ်အံၤပာ်ဆူၣ်သုကိာ် ဒ်သုပၢ်အသိးန့ၣ်တဂ့ၤ. ဟ့ၣ်သုစုလၢယွၤ, ဒီးလဲၤနုာ်လၢအလီၢ်စီဆှံလၢအပာ်စီ ဆှံလီၤထူလီၤယိာ်, ဒီးမၤယွၤသုကစၢ်အတၢ်, ဒ်သိးအ သးထီၣ်ဆူၣ်ကဃၣ်ကွံာ်အသးလၢသုအိၣ်တက့ၢ်.
အဂ့ၢ်ဒ်အံၤ, သုမ့ၢ်ဃၣ်က့ၤသုသး ဆူယွၤအအိၣ်ဒီး, သုဒီပုၢ်ဝဲၢ်, ဒီးသုဖိတဖၣ်ကဘၣ်တၢ်သးကညီၤလၢပှၤလၢ အမိၤမၢကဲကုၢ်အီၤအမဲာ်ညါ, ဒီးကဟဲက့ၤကဒါက့ၤဆူ ကီၢ်အံၤအပူၤလီၤ. အဂ့ၢ်ဒ်အံၤ, ယွၤသူၣ်ကညီၤတၢ်, သး ကညီၤတၢ်, ဒီးအသးအိၣ်တၢ်လီၤ. ဒီးသုမ့ၢ်ဃၣ်က့ၤသု သးဆူအအိၣ်ဒီး, တဃၣ်ကွံာ်အမဲာ်လၢသုအိၣ်ဘၣ်.
10 ဒီးကလူးတဖၣ်န့ၣ် လဲၤတၢ်တဝ့ၢ်ဘၣ်တဝ့ၢ် လၢအ့ ဖရဲၣ်, ဒီးမနၤရှ့ၤအကီၢ်ဒီဘ့ၣ်ညါပၢၢ်လၢစဘူလိၣ်, ဒီး ပှၤနံၤဘၣ်အီၤ, ဒီးကတိၤဒိးအီၤလီၤ.
11 ဘၣ်ဆၣ်ဒီးပှၤကညီတနီၤနီၤလၢအၤရှ့ၢ်, ဒီးမနၤရှ့ၤ, ဒီးစဘူလိၣ်အကျါတဖၣ်ဆီၣ်လီၤအသး, ဒီးဟဲဝဲဆူယ ရူၤၡလ့ၣ်အပူၤလီၤ.
12 ဒီးလၢယူဒၤအပူၤစ့ၢ်ကီးန့ၣ် ယွၤအစုအိၣ်ဝဲလၢ အ ဟ့ၣ်လီၤအီၤလၢ အသးတဖျၢၣ်ဃီဒ်သိးအကတိၢ်န့ၢ်စီၤ ပၤဒီးပဒိၣ်ဖးဒိၣ်တဖၣ် အတၢ်မၤလိာ်လၢယွၤအကလုၢ် အကထါလီၤ.
13 ဒီးပှၤအိၣ်ဖှိၣ်အါဂၤ လၢယရူၤၡလ့ၣ်အပူၤ ဒ်သိးအ ကမၤတၢ်ဘူၣ်ကိၣ်တအိၣ်ဘၣ်ဒီးကိၣ်မံၣ် လၢလါခံဘ့ၣ် တဘ့ၣ်အပူၤ, တၢ်အိၣ်ဖှိၣ်ဒိၣ်ဒိၣ်ကလဲာ်လီၤ.
14 ဒီးဂဲၤဆၢထၢၣ်ဝဲ, ဒီးစိာ်ထီၣ်ကွံာ်တၢ်လုၢ်လီၢ်တဖၣ် လၢအအိၣ်ဝဲလၢယရူၤၡလ့ၣ်အပူၤ, ဒီးစိာ်ထီၣ်ကွံာ်တၢ် လုၢ်လီၢ်ဆိၣ်ကဲၤတၢ်နၢမူ, ဒီးတ့ၢ်လီၤကွံာ်အီၤလၢထံကျိ ကံဒြိၣ်အပူၤလီၤ.
15 ဒီးလါခံလါတလါ, လါထီၣ်တဆံလွံၢ်နံၤတနံၤန့ၣ်မၤ သံတၢ်ဘူၣ်လဲၤကပာ်, ဒီးပှၤလုၢ်တၢ်အဒိၣ်, ဒီးပှၤလ့ၤ ဝံဖိအမဲာ်ဆှး, ဒီးမၤစီဆှံထီၣ်အသး, ဒီးဟဲစိာ်တၢ်လုၢ် မ့ၣ်အူဆူယွၤအဟံၣ်ပူၤလီၤ.
16 ဒီးဆၢထၢၣ်လၢအလီၢ်ဒ်တၢ်စံၣ်ညီၣ်အသိး, ဒ်ယွၤအ ပှၤကညီစီၤမိၤရှ့အတၢ်သိၣ်တၢ်သီအသိးန့ၣ်လီၤ. ပှၤလုၢ် တၢ်အဒိၣ်ဖှံတၢ်သွံၣ်လၢ အဒိးန့ၢ်လၢပှၤလ့ၤဝံဖိအစုပူၤ လီၤ.
17 ဒီးပှၤလၢ အတစီတဆှံဘၣ်လၢ တၢ်အိၣ်ဖှိၣ်အကျါ န့ၣ်အိၣ်ဝဲအါဂၤ, ဒီးပှၤလ့ၤဝံဖိမၤသံတၢ်ဘူၣ်လဲၤကပာ် တဖၣ်လၢ ကယဲၢ်ပှၤလၢအတကဆှီဘၣ်အဂီၢ်ဒ်သိးအ ကမၤစီဆှံထီၣ်အီၤလၢယွၤအဂီၢ်လီၤ.
18 အဂ့ၢ်ဒ်အံၤ, ပှၤဂီၢ်မုၢ်, ဒီးပှၤအါဂၤလၢအ့ဖရဲၣ်, ဒီးမ နၤရှ့ၤ, ဒီးယံးစၣ်ကၢ်, ဒီးစဘူလိၣ်အကျါန့ၣ်တမၤက ဆှီထီၣ်ဘၣ်အသးဘၣ်. ဘၣ်ဆၣ်ဒီး အီၣ်တၢ်ဘူၣ်လဲၤ ကပာ်တဒ်ဘၣ်တၢ်ကွဲးအသးအသိးဘၣ်. မ့ၢ်နာ်သက့ ဒ်န့ၣ်ဒီး စီၤဃံးစကံယၤဘါထုကဖၣ်န့ၢ်အဂီၢ်, ဒီးစံးဝဲ ဒၣ်, 19 ပှၤလၢအကတဲာ်ကတီၤအသးဒ်သိးအကဃုယွၤ အပၢ်အကစၢ် မ့ၢ်တကဆှီဘၣ်ဒ်တၢ်အလီၢ်စီဆှံအသိး ဘၣ်ဆၣ်ဒီး, မ်တၢ်ဂ့ၤယွၤန့ၣ် မၤပူၤမၤဖျဲးအတၢ်ကိးဂၤ ဒဲးတက့ၢ်.
20 ဒီးယွၤဒိကနၣ် စီၤဃံးစကံယၤအကလုၢ်, ဒီးမၤဘျါ က့ၤပှၤဂီၢ်မုၢ်လီၤ.
21 ဒီးပှၤအံၣ်စရ့လးဖိ လၢအအိၣ်လၢယရူၤၡလ့ၣ်အပူၤ တဖၣ်န့ၣ် မၤတၢ်ဘူၣ်ကိၣ်တအိၣ်ဘၣ်ဒီးကိၣ်မံၣ်နွံနံၤ, အိၣ်ဝဲဒီးအသူၣ်ခုသးခုဖးဒိၣ်, ဒီးပှၤလ့ၤဝံဖိ, ဒီးပှၤလုၢ် တၢ်အဒိၣ်စံးထီၣ်ပတြၢၤယွၤတနံၤဘၣ်တနံၤ, အိၣ်ဝဲဒီး ဒံၣ်ဒၢပီၤဒွါလၢအသီၣ်ဖးဒိၣ်လၢယွၤအဂီၢ်လီၤ.
22 ဒီးစီၤဃံးစကံယၤကတိၤတၢ်မုာ်မုာ်ဒီး ပှၤလ့ၤဝံဖိလၢ အသိၣ်လိတၢ်သ့ၣ်ညါယွၤ လၢအမ့ၢ်တၢ်ဂ့ၤလီၤ. ဒီးပှၤ အီၣ်တၢ်လၢတၢ်မၤဘူၣ်နွံနံၤအတီၢ်ပူၤ, ဒီးလုၢ်တၢ်လုၢ် မၤဃူမၤဖိး, ဒီးတဲလီၤကျဲၤလီၤတၢ်လၢယွၤ, အပၢ်အက စၢ်လီၤ.
23 ဒီးပှၤအိၣ်ဖှိၣ်ဖိခဲလၢာ် ကူၣ်လိာ်အသးလၢအကမၤ ဘူၣ်ကဒီးတၢ်နွံနံၤ, ဒီးမၤဘူၣ်ကဒီးတၢ်နွံနံၤအိၣ်ဒီးတၢ် သူၣ်ခုသးခုလီၤ.
24 အဂ့ၢ်ဒ်အံၤ, ယူဒၤအစီၤပၤစီၤဃံးစကံယၤ ဟ့ၣ်လီၤ ပှၤအိၣ်ဖှိၣ်လၢဂီၤဖံးဖါတကထိ, ဒီးသိနွံကထိ, ဒီးပဒိၣ် ဖးဒိၣ်တဖၣ်ဟ့ၣ်လီၤ ပှၤအိၣ်ဖှိၣ်ဖိလၢဂီၤဖံးဖါတကထိ, ဒီးသိတကလး, ဒီးပှၤလုၢ်တၢ်အဒိၣ်မၤစီဆှံထီၣ်အသး အါဂၤလီၤ.
25 ဒီးယူဒၤအပှၤအိၣ်ဖှိၣ်ဖိခဲလၢာ်, ဒီးပှၤလုၢ်တၢ်အဒိၣ် ဒီးပှၤလ့ၤဝံဖိ, ဒီးကယဲၢ်ပှၤအိၣ်ဖှိၣ်ဖိလၢအဟဲလၢအံၣ်စ ရ့လးအကျါ, ဒီးပှၤတခီဘီမုၢ်ဖိလၢအဟဲထီၣ်လၢအံၣ်စ ရ့လးအကီၢ်ပူၤ, ဒီးလၢအအိၣ်ဝဲဆိးဝဲလၢ ယူဒၤအပူၤ သ့ၣ်တဖၣ်န့ၣ်သူၣ်ခုသးခုဝဲလီၤ.
26 ဒီးတၢ်သးခုဖးဒိၣ် အိၣ်ဝဲလၢယရူၤၡလ့ၣ် အပူၤလီၤ. အဂ့ၢ်ဒ်အံၤ, လၢအံၣ်စရ့လးအစီၤပၤဒၤဝံးအဖိခွါ စီၤၡ လိၤမိၤအမုၢ်နံၤတဖၣ်လံၤလံၤန့ၣ် တၢ်ဒ်န့ၣ်သိးတအိၣ် ဘၣ်လၢယရူၤၡလ့ၣ်အပူၤဘၣ်လီၤ.
27 ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိဂဲၤဆၢထၢၣ်, ဒီးဆိၣ်ဂ့ၤပှၤဂီၢ်မုၢ်လီၤ. ဒီးယွၤဒိကနၣ်အကလုၢ်, ဒီးအတၢ် ဘါထုကဖၣ်ထီၣ်ဘး အအိၣ်အဆိးအလီၢ်စီဆှံ, လၢမူခိၣ်န့ၣ်လီၤ.