3
1 ဒီးစီၤၡလိၤမိၤမၤသီယွၤအဟံၣ် လၢယရူၤၡလ့ၣ်အပူၤ လၢကစၢၢ်မိၤရံယၤအလိၤ, ဖဲယွၤလီၣ်ဖျါထီၣ်အသးလၢ စီၤဒၤဝံးအမဲာ်ညါ, လၢတၢ်အလီၢ်လၢ စီၤဒၤဝံၤကတဲာ် ကတီၤတၢ်လၢပှၤယဘူၣ်ဖိစီၤအၤရနၤအကြဲၢ်ပူၤန့ၣ်လီၤ.
2 ဒီးမၤသီလၢအကဲစီၤပၤလွံၢ်နံၣ်တနံၣ်, လၢလါခံလါ တလါ, လၢလါထီၣ်ခံနံၤတနံၤလီၤ.
3 ဒီးအအံၤမ့ၢ်တၢ်လၢ စီၤၡလိၤမိၤဘၣ်တၢ်သိၣ်လိအီၤ လၢတၢ်သူၣ်ယွၤအဟံၣ်အဂ့ၢ်အကျိၤ, အထီဒ်နီၣ်ထိၣ်အ ခီၣ်ထံးအသိး, မ့ၢ်အပျၢ်ဃုဆံ, ဒီးအဒီၣ်ဃီၤအပျၢ်ခံဆံ လီၤ.
4 ဒီးပျဲၢ်စီၢ်လၢအမဲာ်ညါန့ၣ် အထီမ့ၢ်အပျၢ်ခံဆံဒ်ဟံၣ် အဒီၣ်ဃီၤအသိး, ဒီးအကစီၤထီၣ် မ့ၢ်အပျၢ်တကယၤ ခံဆံ, ဒီးပီၤဝဲလၢထူစီလၢညါခီလီၤ.
5 ဒီးဟံၣ်အဒိၣ်တဖျၢၣ်န့ၣ် ကျးဝဲအခိၣ် လၢညါခီလၢ သ့ၣ်ဆှိ, ဒီးပီၤဝဲလၢထူစီ, ဒီးပာ်သ့ၣ်စူၣ်ပလိာ်လၢအ လိၤ, ဒီးပျံၤသွဲလီၤ.
6 ဒီးကယၢကယဲဟံၣ်န့ၣ်လၢ လၢၢ်အလုၢ်ဒိၣ်ပှ့ၤဒိၣ်လၢ တၢ်ဃံတၢ်လၤအဂီၢ်, ဒီးထူန့ၣ်မ့ၢ်ပးရဝဲၣ်အထူလီၤ.
7 ဒီးပီၤဟံၣ်, ဒီးအကျိၤ, ဒီးအထူၣ်, ဒီးအဒူၣ်, ဒီးအ တြဲၤသ့ၣ်တဖၣ်လၢထူ, ဒီးကွဲးခ့ရူာ်တဖၣ်လၢအဒူၣ်အ လိၤလီၤ.
8 ဒီးတ့ဟံၣ်စီဆှံကတၢၢ်န့ၣ်လီၤ. အထီမ့ၢ်ဒ်ဟံၣ်အဒီၣ် ဃီၤအသိး, အပျၢ်ခံဆံ, ဒီးအဒီၣ်ဃီၤမ့ၢ်အပျၢ်ခံဆံ, ဒီး ပီၤဝဲလၢထူစီအကံကၢ်ဃုကယၤလီၤ.
9 ဒီးပနဲာ်ထူလီၤတယၢၢ် ထူအၡက့လးယဲၢ်ဆံ, ဒီးပီၤ တၢ်အဒၢးထီၣ်ထီတဖၣ်လၢထူလီၤ.
10 ဒီးတ့ခ့ရူာ်လၢတၢ်စီဆှံကတၢၢ်အလီၢ်ပူၤ လၢတၢ်ဂီၤ အတၢ်မၤခံဂၤလီၤ. ဒီးပီၤဝဲလၢထူလီၤ.
11 ဒီးခ့ရူာ်အဒံးဆ့အထီ မ့ၢ်အပျၢ်ခံဆံလီၤ. အဒံးဆ့တ ခီအထီယဲၢ်ပျၢ်ထိးဟံၣ်အဒူၣ်, ဒီးအဒံးဆ့အဝဲတခီအထီ ယဲၢ်ပျၢ်ထိးခ့ရူာ်အဂၤတဂၤအဒံးဆ့လီၤ.
12 ဒီးခ့ရူာ်တဂၤဒၣ်န့ၣ် အဒံးဆ့တခီ အထီယဲၢ်ပျၢ်ထိး ဟံၣ်အဒူၣ်, ဒီးအဒံးဆ့အဝဲတခီအထီယဲၢ်ပျၢ်, ဒီးစဲဘူး ဒီးခ့ရူာ်အဂၤတဂၤအဒံးဆ့န့ၣ်လီၤ.
13 ခ့ရူာ်အဒံးဆ့တဖၣ်န့ၣ် ယူာ်ထီၣ်အသး အပျၢ်ခံဆံ, ဒီးဆၢထၢၣ်လၢအခီၣ်, ဒီးအမဲာ်အိၣ်ဝဲဆူတၢ်အပူၤလီၤ.
14 ဒီးတ့ယၣ်ဘျးထီၣ်အသးလၢတၢ်လါ, ဒီးတၢ်လုးတ ကုာ်, ဒီးတၢ်ဂီၤ, ဒီးဖှီဝါကဆှၣ်, ဒီးခ့ရူာ်တဖၣ်လၢ အလိၤလီၤ.
15 ဒီးတ့ဝဲလၢဟံၣ်အမဲာ်ညါလၢထူၣ်ခံထူၣ်, အထီသၢ ဆံယဲၢ်ပျၢ်, ဒီးတၢ်အခိၣ်လၢတၢ်ထူၣ်တထူၣ်အဖီခိၣ်မ့ၢ် ယဲၢ်ပျၢ်လီၤ.
16 ဒီးတ့ပျံၤသွဲဒ်လၢ တၢ်ကတိၤတၢ်အလီၢ်ပူၤအသိးန့ၣ်, ဒီးပာ်ဝဲလၢထူၣ်အခိၣ်အလိၤ, ဒီးတ့သလဲသၣ်အဖျၢၣ် တကယၤ, ဒီးပာ်ဝဲလၢပျံၤသွဲအလိၤလီၤ.
17 ဒီးပာ်ထူၣ်ကလာ်ထူၣ်တဖၣ် လၢနူၢ်အမဲာ်ညါ, တ ထူၣ်လၢစုထွဲတခီ, ဒီးတထူၣ်လၢစုစ့ၣ်တခီ, ဒီးတၢ် အိၣ်ဝဲလၢစုထွဲတခီန့ၣ်ယုၢ်ဝဲအမံၤလၢယၤကံၣ်, ဒီးတၢ် အိၣ်ဝဲလၢစုစ့ၣ်တခီယုၢ်ဝဲအမံၤလၢဘိၤဧးလီၤ.