28
1 လၢစီၤအၤဃး ကဲသီစီၤပၤန့ၣ် အသးပှၢ်အနံၣ်ခံဆံ, ဒီးကဲစီၤပၤလၢယရူၤၡလ့ၣ်အပူၤတဆံဃုနံၣ်, ဒီးတမၤ ဘၣ်တၢ်အလိၤလၢယွၤအမဲာ် ဒ်အပၢ်စီၤဒၤဝံးအသိးန့ၣ် ဘၣ်.
2 ဒီးပိာ်အံၣ်စရ့လးအစီၤပၤတဖၣ်အကျဲ, ဒီးတ့ ဘဧၤလးတဖၣ်အတၢ်ဂီၤသိအသးတဖၣ်,
3 ဒီးဆိၣ်ကဲၤ တၢ်နၢမူကစၢၢ်ကဆူးဘၣ်ဃးဒီး ဟံၣ်နိၣ်အဖိခွါအပူၤ, ဒီးဆိၣ်ကဲၤထီၣ်အဖိတဖၣ်လၢမ့ၣ်အူ, ဒ်ပှၤကလုာ်တဖၣ် အတၢ်မၤ သးဘၣ်အၢအသိး လၢယွၤဟီထီၣ်ကွံာ်အီၤ လၢပှၤအံၣ်စရ့လးဖိအမဲာ်ညါန့ၣ်လီၤ.
4 ဒီးလုၢ်တၢ်, ဒီး ဆိၣ်ကဲၤတၢ်နၢမူ လၢတၢ်အလီၢ်ထီၣ်ထီတဖၣ်အဖီခိၣ်, ဒီးလၢတၢ်စိခိၣ်အဖီခိၣ်, ဒီးလၢကယဲၢ်သ့ၣ်သံကစဲာ်အ ဖီလာ်န့ၣ်လီၤ.
5 ဒီးယွၤ, အကစၢ်ဟ့ၣ်လီၤကွံာ်အီၤဆူ စူၤရံအစီၤပၤ အစုပူၤ, ဒီးအဝဲသ့ၣ်ကျီအီၤ, ဒီးစိာ်မၢကဲကုၢ်ပှၤအါဂၤ, ဒီးစိာ်ဝဲဆူဒၤမ့ၤစ့းလီၤ. ဒီးတၢ်ဟ့ၣ်လီၤကွံာ်စ့ၢ်ကီးဝဲဆူ အံၣ်စရ့လးအစီၤပၤအစုပူၤ လၢအကျီကွံာ်အီၤလၢတၢ် ကျီကွံာ်ဖးဒိၣ်လီၤ.
6 ဒီးစီၤရမါလယၤအဖိခွါ စီၤပ့ကးမၤသံပှၤတကလီၤခံ ကလးလၢတနံၤဃီလၢယူဒၤအပူၤ, ပှၤအဆူၣ်ဖိခဲလၢာ် လီၤ. အဂ့ၢ်ဒ်အံၤ, အဝဲသ့ၣ်လဲၤသဒၣ်တ့ၢ်ယွၤအပၢ်အ ကစၢ်လီၤ.
7 ဒီးပှၤအဆူၣ်ပှၤအ့ဖရဲၣ်ဖိ စီၤစံးကရံးမၤသံစီၤပၤအဖိ ခွါစီၤမၤစ့ယၤ, ဒီးပှၤဟံၣ်ဖိအခိၣ် စီၤဧးစရံကၣ်, ဒီး ပှၤဘၣ်ဃးဒီးစီၤပၤပှဲၤထီၣ်ခံဂၤတဂၤစီၤအ့လကါနၤလီၤ.
8 ဒီးပှၤအံၣ်စရ့လးဖိ စိာ်ထီၣ်ကွံာ်မၢကဲကုၢ် ပှၤခံက လီၤ, ပိာ်မုၣ်, ဒီးဖိခွါ, ဒီးဖိမုၣ်တဖၣ်လၢအဒီပုၢ်ဝဲၢ်အ ကျါ, ဒီးဟံးန့ၢ်တၢ်ဖိတၢ်လံၤလၢအီၤအါအါကလဲာ်, ဒီး ဟဲစိာ်တၢ်ဖိတၢ်လံၤဆူၡၤမရံအပူၤလီၤ.
9 ဘၣ်ဆၣ်ဒီး ယွၤအဝံတဂၤအိၣ်ဝဲဖဲန့ၣ်, ဒီးအမံၤမ့ၢ် စီၤဧိၤဒ့း, ဒီးဟးထီၣ်ဝဲဆူပှၤသုးမုၢ် လၢအဟဲဆူၡၤမရံ အမဲာ်ညါ, ဒီးစံးဘၣ်အီၤ, ကွၢ်ကွၢ်, မ့ၢ်ယွၤသုပၢ်အကစၢ် သးထီၣ်ယူဒၤသတးဒီး, ဟ့ၣ်လီၤကွံာ်အီၤလၢသုစုပူၤ, ဒီးသုမၤသံအီၤလၢတၢ်သးထီၣ်လၢအထီၣ်ဘးမူခိၣ်လီၤ.
10 ဒီးခဲကနံၣ်အံၤ သုစံးလၢသုကပာ်လီၤပှၤယူဒၤဖိ, ဒီး ပှၤယရူၤၡလ့ၣ်ဖိ လၢသုကုၢ်ပိာ်ခွါဒီးသုကုၢ်ပိာ်မုၣ်လီၤ. တၢ်မၤကမၣ်ဘၣ်ယွၤအိၣ်ဒီးသု, အိၣ်ဒီးသုဒၣ်လဲာ်, တ မ့ၢ်ဘၣ်ဧါ.
12 ဒီးပှၤလၢအ့ဖရဲၣ်ဖိအခိၣ်အကျါတဖၣ်န့ၣ်, စီၤယိဃၤ နၣ်အဖိခွါစီၤဧစၤရယၤ, စီၤမၤၡံးလ့မိးအဖိခွါစီၤဘရ့ကံ ယၤ, ဒီးစီၤၡၤလူၣ်အဖိခွါစီၤယဃံးစကံယၤ, ဒီးစီၤဃၤဒ လဲအဖိခွါစီၤဧမါစၤသ့ၣ်တဖၣ်န့ၣ် ဂဲၤဆၢထၢၣ်ထီဒါပှၤ လၢအဟဲလၢတၢ်ဒုးသုးတၢ်,
13 ဒီးစံးဘၣ်အီၤ, သုတဘၣ် ဟဲစိာ်နုာ်ဘၣ်ပှၤကဲကုၢ်ဖဲအံၤဘၣ်. အဂ့ၢ်ဒ်အံၤ, ပမၤက မၣ်လံယွၤလံ. ဒီးသုစံးလၢသုကမၤအါထီၣ်ပတၢ်ဒဲးဘး ဒီးပတၢ်ကမၣ်လီၤ. အဂ့ၢ်ဒ်အံၤ, ပတၢ်ကမၣ်န့ၣ်မ့ၢ်အ ဒိၣ်အယိာ်, ဒီးတၢ်သးထီၣ်ဆူၣ်ဘၣ်အံၣ်စရ့လးလီၤ.
14 ဒီးပှၤသုးဖိပာ်လီၤပှၤကဲကုၢ်, ဒီးတၢ်ဖိတၢ်လံၤလၢပ ဒိၣ်ဖးဒိၣ်, ဒီးတၢ်အိၣ်ဖှိၣ်ခဲလၢာ်အမဲာ်ညါလီၤ.
15 ဒီးပှၤလၢတၢ်စံးတ့ၢ် အမံၤတဖၣ်န့ၣ်ဂဲၤဆၢထၢၣ်, ဒီး ဟံးန့ၢ်ပှၤကဲကုၢ်, ဒီးတၢ်ဖိတၢ်လံၤလၢတၢ်ဂုာ်န့ၢ်န့ၣ်ဒီး ဒုးကူဒုးသိး ကယဲၢ်ပှၤလၢအအိၣ်ဘ့ၣ်ဆ့အကျါ, ဒီးဒုး ကၤအီၤ, ဒီးဖျီၣ်အခီၣ်လၢခီၣ်ဖံး, ဒီးဟ့ၣ်အီၣ် ဟ့ၣ်အီ အီၤ, ဒီးဖှူအီၤ, ဒီးစိာ်ပှၤဆါခဲလၢာ်လၢ ကသ့ၣ်ယီၤအ လိၤ, ဒီးစိာ်ဝဲဆူယရံၤဃိ, ဝ့ၢ်သ့ၣ်စူၣ်ပလိၣ်, ဆူအဒီ ပုၢ်ဝဲၢ်အအိၣ်, ဒီးက့ၤကဒါက့ၤဝဲဆူၡၤမရံလီၤ.
16 တၢ်အဆၢအကတီၢ်န့ၣ် စီၤပၤအၤဃး မၢလီၤတၢ်ဆူ အၤရှူၢ်အစီၤပၤတဖၣ်အအိၣ်, ဒ်သိးအကမၤစၢၤအီၤလီၤ.
17 အဂ့ၢ်ဒ်အံၤပှၤအဒိၣ်ဖိဟဲတ့ၢ်ကဒီး, ဒီးကျီယူဒၤ, ဒီး စိာ်မၢကဲကုၢ်ပှၤတဖၣ်လီၤ.
18 ဒီးပှၤဖလ့ၡသးဖိလဲၤနုာ်တ့ၢ် စ့ၢ်ကီးလၢဝ့ၢ်တဖၣ်လၢတၢ်ပၢၤခိၣ်, ဒီးလၢယူဒၤလၢက လံၤထံးတခီ, ဒီးမၤန့ၢ်ဘ့ၤသရှ့မ့ၣ်, ဒီးအးယၤလိၣ်, ဒီးက ဒ့ရိး,ဒီးၡိကိး, ဒီးအတဝီတဖၣ်, ဒီးအိၣ်ဝဲဆိးဝဲဖဲန့ၣ်လီၤ.
19 အဂ့ၢ်ဒ်အံၤ, ယွၤဆီၣ်လီၤယူဒၤလၢအံၣ်စရ့လးအစီၤ ပၤအၤဃးအဃိလီၤ. အဂ့ၢ်ဒ်အံၤ, ဒုးအိၣ်ဘ့ၣ်ဆ့ယူဒၤ, ဒီးမၤကမၣ်ဘၣ်ယွၤဒိၣ်ဒိၣ်ကလဲာ်လီၤ.
20 ဒီးအၤရှူၢ်အစီၤပၤတံးလကးပံးလန့စ့ၢ် ဟဲဆူအအိၣ်, ဒီးမၤကိၢ်ထီၣ်အီၤ, ဒီးတဒုးဆူၣ်ထီၣ်ဘၣ်အီၤဘၣ်.
21 အဂ့ၢ်ဒ်အံၤ, စီၤအၤဃးဟံးန့ၢ်တၢ်အဂီၢ်လၢ ယွၤအ ဟံၣ်ပူၤ, ဒီးလၢစီၤပၤဒီးပဒိၣ်သ့ၣ်တဖၣ်အဟံၣ်ပူၤ, ဒီး ဟ့ၣ်ဝဲလၢအၤရှူၢ်အစီၤပၤလီၤ. ဘၣ်ဆၣ်ဒီး တမၤစၢၤ ဘၣ်အီၤဘၣ်.
22 ဒီးလၢအဘၣ်တၢ်ကိၢ်တၢ်ဂီၤအဆၢအကတီၢ်န့ၣ် မၤကမၣ်ယွၤအါန့ၢ်အန့ၣ်တက့ၢ်, စီၤပၤအၤဃးအံၤလီၤ.
23 အဂ့ၢ်ဒ်အံၤ, ဒၤမ့ၤစ့းအကစၢ် လၢအကျီအီၤတဖၣ် န့ၣ်အဝဲဒၣ်လုၢ်အီၤဒီးစံးဝဲဒၣ်, မ့ၢ်စူၤရံအစီၤပၤအကစၢ် တဖၣ်မၤစၢၤအီၤဒီး, ယကလုၢ်အီၤလၢတၢ်ဒ်သိးအကမၤ စၢၤယၤလီၤ. ဘၣ်ဆၣ်ဒီးအဝဲသ့ၣ်ကဲထီၣ်ဝဲလၢအဝဲဒၣ် ဒီးအံၣ်စရ့လးခဲလၢာ်အတၢ်လီၤဃံၤအလီၢ်လီၤ.
24 ဒီးစီၤအၤဃး ထၢဖှိၣ်ယွၤအဟံၣ်အဃၢၤအဃိၢ်, ဒီး ဒီၣ်တဲာ်ကွံာ်ယွၤအဟံၣ်အဃၢၤအဃိၢ်, ဒီးကးတံာ်ဃာ် ယွၤအဟံၣ်အတြဲၤဒီးမၤတၢ်လုၢ်လီၢ်လၢ ယရူၤၡလ့ၣ်အ ပူၤဖဲတၢ်ကိးအနၢၣ်ဒဲးလီၤ.
25 ဒီးမၤတၢ်အလီၢ်ထီၣ်ထီလၢကယဲၢ်ယူဒၤအဝ့ၢ်ပူၤ, တ ဝ့ၢ်ဘၣ်တဝ့ၢ်, ဒ်သိးအကဆိၣ်ကဲၤထီၣ်တၢ်နၢမူလၢက စၢ်အဂၤတဖၣ်အဂီၢ်, ဒီးထိၣ်ဂဲၤယွၤအပၢ်အကစၢ်အသး ထီၣ်လီၤ.
26 ဒီးတၢ်အိၣ်လီၤတဲာ်ဘၣ်ဃးဒီးအီၤ, ဒီးအကျဲခဲလၢာ်, တၢ်အခီၣ်ထံး, ဒီးတၢ်အကတၢၢ်န့ၣ်, ကွၢ်ကွၢ်, ကွဲးအ သးလၢယူဒၤ, ဒီးအံၣ်စရ့လးအစီၤပၤအလံာ်ပူၤန့ၣ်လီၤ.
27 ဒီးစီၤအၤဃးမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢဝ့ၢ်ပူၤ, လၢယရူၤၡလ့ၣ်အပူၤဘၣ်ဆၣ်ဒီး, တဟဲ စိာ်ဘၣ်အီၤဆူ အံၣ်စရ့လးအစီၤပၤအတၢ်သွၣ်ခိၣ်အပူၤ ဘၣ်. ဒီးအဖိခွါစီၤဃံးစကံယၤကဲထီၣ်စီၤပၤလၢအလီၢ် န့ၣ်လီၤ.