26
ဒီးယူဒၤအပှၤဂီၢ်မုၢ်ခဲလၢာ် ဟံးန့ၢ်စီၤဧူးစံယါ လၢအ သးပှၢ်တဆံဃုနံၣ်တဂၤ, ဒီးပာ်အီၤလၢစီၤပၤလၢအပၢ် စီၤအမၤစယါအလီၢ်န့ၣ်လီၤ.
ဒီးအဝဲဒၣ်တ့လီၤက့ၤဧ့လိး, ဒီးမၤန့ၢ်က့ၤလၢယူဒၤအဂီၢ်, ဒီးလၢတၢ်န့ၣ်အလီၢ်ခံစီၤပၤမံဒီးအပၢ်တဖၣ်လီၤ.
လၢစီၤဧူးစံယါကဲသီစီၤပၤန့ၣ် အသးပှၢ်တဆံဃုနံၣ် ဒီးကဲစီၤပၤလၢယရူၤၡလ့ၣ်အပူၤ ယဲၢ်ဆံခံနံၣ်, ဒီးအမိၢ် အမံၤမ့ၢ်နီၢ်ယကိးလယၤ, ပှၤယရူၤၡလ့ၣ်ဖိလီၤ. ဒီးမၤ ဝဲလၢတၢ်အလိၤလၢယွၤအမဲာ်, ဒ်ကယဲၢ်တၢ်လၢအပၢ် စီၤအမၤစယါမၤဝဲအသိးန့ၣ်လီၤ.
ဒီးလၢစီၤစကၤရယၤ လၢအနၢ်ပၢၢ်ယွၤအဒုးထံၣ်တၢ် တဂၤအမုၢ်နံၤတဖၣ်န့ၣ်ဃုဝဲလၢယွၤလီၤ. ဒီးမုၢ်နံၤတဖၣ် လၢအဃုယွၤန့ၣ် ယွၤဒုးဘီၣ်ထီၣ်ညီထီၣ်အီၤလီၤ. ဒီး လဲၤတၢ်, ဒီးဒုးတၢ်ဒီးပှၤဖလ့ၡသးဖိ, ဒီးမၤလီၤပှီၢ်ကွံာ် ကၤသးအခိၣ်ဒူ, ဒီးယၤဘန့အခိၣ်ဒူ, ဒီးအၤစဒိာ်အခိၣ် ဒူ, ဒီးတ့ဝ့ၢ်တဖၣ်လၢအၤစဒိာ်အဃၢၤ, ဒီးလၢပှၤဖလ့ ၡသးဖိအကျါန့ၣ်လီၤ.
ဒီးယွၤမၤစၢၤအီၤထီဒါပှၤဖလ့ၡသးဖိ, ဒီးပှၤဧ့ရ့းဖိလၢ အအိၣ်ဝဲလၢကူၢ်ဘဧၤလး, ဒီးလၢပှၤမူနးဖိအကျါလီၤ.
ဒီးပှၤဧၣ်မိၣ်ဖိဟ့ၣ်ခိၣ်ဖးလၢ စီၤဧူးစံယါ, ဒီးအမံၤဟူ ထီသါလီၤပၢၢ်လၢတၢ်လဲၤနုာ်လၢအဲၤကူပတူးအပူၤလီၤ.အဂ့ၢ်ဒ်အံၤ, မၤဆူၣ်ထီၣ်အသးဆူၣ်ဆူၣ်ကလဲာ်လီၤ.
ဒီးစီၤဧူးစံယါတ့တၢးထီ လၢယရူၤၡလ့ၣ်အပူၤဖဲတၢ် အနၢၣ်အပဲတရီ, ဒီးဖဲတၢ်ကစၢၢ်ကဆူးအပဲတရီ, ဒီးဖဲ တၢ်အသနၢၣ်န့ၣ်, ဒီးမၤဆူၣ်ထီၣ်အီၤလီၤ.
10 ဒီးတ့တၢးထီလၢပှၢ်မုၢ်ကနၢ, ဒီးခူၣ်ထံပူၤအါပူၤလီၤ. အဂ့ၢ်ဒ်အံၤ, လၢတၢ်ပၢၤခိၣ်မ့ၢ်ဂ့ၤ, လၢတၢ်ပျီပူၤမ့ၢ်ဂ့ၤ, အဆၣ်ဖိကီၢ်ဖိအဒၢအိၣ်အါအါကလဲာ်, ဒီးအိၣ်ဒီးပှၤမၤ ဟီၣ်ခိၣ်, ဒီးပှၤမၤတၤသၣ်အလီၢ်လၢကစၢၢ်ကလိ, ဒီး လၢတၤသၣ်အလီၢ်ပူၤလီၤ. အဂ့ၢ်ဒ်အံၤ, တၢ်မၤဟီၣ်ခိၣ် န့ၣ်ဘၣ်အသးလီၤ.
11 ဒီးစီၤဧူးစံယါအိၣ်ဝဲဒီးပှၤသုးမုၢ်, ပှၤသုးဖိလၢအလဲၤ ဒုးသုးတဖုတဖု, ဒ်တၢ်ဂံၢ်အိၣ်လၢပှၤကွဲးလံာ်စီၤယံၤအ့ လးအစုပူၤ, ဒီးအခိၣ်စီၤမၤစ့ယၤလၢစီၤပၤအပဒိၣ်ဖးဒိၣ် စီၤဃနၤနယၤတဂၤအစုဖီလာ်အသိးန့ၣ်လီၤ.
12 ဒီးပှၤအဒိၣ်အဆူၣ်အပၢ်တဖၣ် အခိၣ်တဖၣ် အတၢ် ဂံၢ်န့ၣ်မ့ၢ်ခံကထိဃုကယၤလီၤ. 13 ဒီးလၢအစုဖီလာ်န့ၣ် ပှၤသုးမုၢ်သၢကလီၤနွံကထိယဲၢ်ကယၤ အိၣ်ဝဲလၢအဒုး တၢ်ဒီးအစိဒိၣ်အကမီၤထီ ဒ်သိးအကမၤစၢၤ, စီၤပၤထီ ဒါအဒုၣ်အဒါန့ၣ်လီၤ.
14 ဒီးလၢပှၤသုးမုၢ်ခဲလၢာ်အဂီၢ်န့ၣ်, စီၤဧူးစံယါကတဲာ် ကတီၤဝဲလၢကတီၤ, ဒီးဘီ, ဒီးခိၣ်ကုာ်သုး, ဒီးသဃိး, ဒီးချံၣ်, ဒီးနီၣ်ခးတၢ်လၢတၢ်ခးလၢၢ်အဂီၢ်လီၤ.
15 ဒီးတ့ဝဲလၢယရူၤၡလ့ၣ်အပူၤ လၢနီၣ်ခးတၢ်ဖးဒိၣ်တ ဖၣ်, ဒီးလၢပှၤလၢအကူၣ်ထီၣ်သ့တဖၣ်ကူၣ်ထီၣ်ဝဲဒ်သိး အကအိၣ်ဝဲလၢတၢးထီအဖီခိၣ်, ဒီးလၢဝ့ၢ်ခိၣ်ဒူအဖီခိၣ် လၢအကခးပျၢ်, ဒီးလၢၢ်ဖးဒိၣ်လီၤ. ဒီးအမံၤဟူထီသါ လီၤဝဲလီၤ. အဂ့ၢ်ဒ်အံၤ, တၢ်မၤစၢၤအီၤလီၤဆီဒၣ်တၢ်တုၤ အဆူၣ်ထီၣ်ဝဲလီၤ.
16 ဒီးတုၤအဆူၣ်ထီၣ်ဒီး, အသးပာ်ထီၣ်ထီအသး တုၤ အတုၤလၢတၢ်ဟးဂီၤလီၤ. အဂ့ၢ်ဒ်အံၤ, မၤကမၣ်ယွၤ, အကစၢ်, ဒီးလဲၤနုာ်လၢယွၤအနူၢ်ပူၤဒ်သိးအကဆိၣ်ကဲၤ တၢ်နၢမူလၢတၢ်လုၢ်လီၢ်ဆိၣ်ကဲၤတၢ်နၢမူအဖီခိၣ်လီၤ. 17 ဒီးပှၤလုၢ်တၢ်အဒိၣ် စီၤအစၤရယၤလဲၤနုာ်ပိာ်အခံ, ဒီးပှၤအဆူၣ်ဖိ, ယွၤအပှၤလုၢ်တၢ်အဒိၣ်ဃိးဆံအိၣ်ဒီးအီၤ,-
18 ဒီးတြီစီၤပၤဧူးစံယါဒီးစံးဘၣ်အီၤ, စီၤဧူးစံယါဧၢ, တၢ် ဘၣ်ဃးဒီးနၤလၢ နကဆိၣ်ကဲၤတၢ်နၢမူလၢ ယွၤအဂီၢ် တမ့ၢ်ဘၣ်, မ့ၢ်အဘၣ်ဃးဒီးပှၤလုၢ်တၢ်အဒိၣ်, စီၤအၤ ဟရိၣ်အဖိခွါတဖၣ်လၢ တၢ်ပာ်စီဆှံအီၤဒ်သိးအကဆိၣ် ကဲၤထီၣ်တၢ်နၢမူလီၤ. ဟးထီၣ်ကွံာ်လၢတၢ်အလီၢ်စီဆှံ ပူၤတက့ၢ်. အဂ့ၢ်ဒ်အံၤ, နမၤကမၣ်တၢ်လံ, ဒီးတကဲ ထီၣ်ဘၣ်နလၤကပီၤလၢယွၤဘၣ်.
19 ဒီးစီၤဧူးစံယါအသးထီၣ်, ဒီးသပၢၤမ့ၣ်အူအိၣ်ဝဲလၢ အစုပူၤ ဒ်သိးအကဆိၣ်ကဲၤထီၣ်တၢ်နၢမူ, ဒီးလၢအသး ထီၣ်ဘၣ် ပှၤလုၢ်တၢ်အဒိၣ်အဖၢမုၢ်ဒီး, တၢ်ဆါအၢအိၣ် ထီၣ်ဝဲလၢအမဲာ်တူၢ်ခိၣ်လၢ ပှၤလုၢ်တၢ်အဒိၣ်အမဲာ်ညါ, လၢယွၤအဟံၣ်ပူၤ လၢတၢ်လုၢ်လီၢ်ဆိၣ်ကဲၤတၢ်နၢမူအ ဃၢၤလီၤ.
20 ဒီးပှၤလုၢ်တၢ်အခိၣ် စီၤအစၤရယၤ, ဒီးပှၤလုၢ်တၢ်အ ဒိၣ်ခဲလၢာ်ကွၢ်အီၤ, ဒီးကွၢ်ကွၢ်, ဘၣ်တၢ်ဆါအၢလၢအ မဲာ်တူၢ်ခိၣ်, ဒီးအဝဲသ့ၣ်ဟီထီၣ်ကွံာ်အီၤဖဲန့ၣ်, ဒီးမၤချ့ ချ့အကစၢ်ဒၣ်ဝဲ ဒ်သိးအကဟးထီၣ်ကွံာ်လီၤ. မ့ၢ်ယွၤ တီၢ်အီၤအဃိလီၤ.
21 ဒီးစီၤပၤဧူးစံယါ မ့ၢ်ပှၤဘၣ်တၢ်ဆါအၢ တုၤမုၢ်နံၤလၢ အသံဝဲ, ဒီးအိၣ်ဆါအၢလၢဟံၣ်လီၤဆီအပူၤလီၤ. အဂ့ၢ် ဒ်အံၤ, တၢ်ဒီၣ်တဲာ်ကွံာ်အီၤဒီးယွၤအဟံၣ်, ဒီးအဖိခွါစီၤ ယိၤသၣ်အိၣ်ဝဲလၢစီၤပၤအဟံၣ်အဖီခိၣ်, ဒီးစံၣ်ညီၣ်ပှၤ ကီၢ်ဖိလီၤ.
22 ဒီးတၢ်အိၣ်လီၤတဲာ်ဘၣ်ဃးဒီး စီၤဧူးစံယါ, တၢ်အ ခီၣ်ထံး, ဒီးတၢ်အကတၢၢ်န့ၣ် စီၤအၤမိးအဖိခွါဝံယၡါ ယၤကွဲးဝဲလီၤ.
23 ဒီးစီၤဧူးစံယါ မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ်လၢစီၤပၤတဖၣ် အတၢ်သွၣ်ခိၣ်အက ဝီၤပူၤလီၤ. အဂ့ၢ်ဒ်အံၤ, စံးဝဲလၢအမ့ၢ်ပှၤဆါအၢလီၤ. ဒီး အဖိခွါစီၤယိၤသၣ်ကဲထီၣ်စီၤပၤလၢအလီၢ်န့ၣ်လီၤ.