21
1 ဒီးစီၤယဟိၡၤဖးမံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ်လၢစီၤဒၤဝံးအဝ့ၢ်ပူၤ, ဒီးအဖိခွါစီၤယ ဟိရၣ်ကဲထီၣ်စီၤပၤလၢအလီၢ်န့ၣ်လီၤ.
2 ဒီးအိၣ်ဝဲဒီးအဒီပုၢ်ဝဲၢ်, စီၤယဟိၡၤဖးအဖိခွါ, စီၤဧစၤရယၤ, ဒီးစီၤယဃ့အ့လးဒီးစီၤစကၤရယၤ, ဒီးစီၤဧစၤရယၤ, ဒီးစီၤမံၤက့လး, ဒီးစီၤၡဖးတယၤလီၤ. အဝဲသ့ၣ် တဖၣ်န့ၣ်မ့ၢ်အံၣ်စရ့လးအစီၤပၤ စီၤယဟိၡၤဖးအဖိခွါ န့ၣ်လီၤ.
3 ဒီးအပၢ်ဟ့ၣ်လီၤအီၤလၢတၢ်ဟ့ၣ်စ့, ဒီးထူ, ဒီးတၢ်လုၢ် ဒိၣ်ပှ့ၤဒိၣ်သ့ၣ်တဖၣ်လၢအဒိၣ်အအါ, အိၣ်ဒီးဝ့ၢ်အိၣ်ဒီး အခိၣ်ဒူတဖၣ်လၢယူဒၤအပူၤလီၤ.မ့မ့ၢ်ဘီမုၢ်န့ၣ်ဟ့ၣ်လီၤ ဝဲလၢစီၤယဟိရၣ်လီၤ. အဂ့ၢ်ဒ်အံၤ, မ့ၢ်ပှၤဝဲၢ်ကိလီၤ.
4 ဒီးတုၤစီၤယဟိရၣ်ထီၣ်ဘး အပၢ်အဘီအမုၢ်ဒီး, မၤ ဆူၣ်ထီၣ်အသး, ဒီးမၤသံအဒီပုၢ်ဝဲၢ်ခဲလၢာ်လၢနး, ဒီးပှၤ လၢအံၣ်စရ့လးအပဒိၣ်ဖးဒိၣ်အကျါတဖၣ်စ့ၢ်ကီးလီၤ.
5 ဒီးလၢစီၤယဟိရၣ်ကဲသီစီၤပၤန့ၣ် အသးပှၢ်တ့ၢ်သၢဆံခံနံၣ်, ဒီးကဲစီၤပၤလၢယရူၤၡလ့ၣ်အပူၤန့ၣ်ဃိးနံၣ်လီၤ.-
6 ဒီးပိာ်အံၣ်စရ့လးအစီၤပၤတဖၣ်အကျဲ, ဒ်စီၤအၤဃာ်အ ပှၤဟံၣ်ဖိအသိးန့ၣ်လီၤ. အဂ့ၢ်ဒ်အံၤ, စီၤအၤဃာ်အဖိမုၣ် တဂၤမ့ၢ်အမါလီၤ. ဒီးမၤတၢ်အၢလၢယွၤအမဲာ်ညါလီၤ.
7 ဘၣ်ဆၣ်ဒီးယွၤမၤဟးဂီၤ စီၤဒၤဝံးအပှၤဟံၣ်ဖိန့ၣ်အ သးတအိၣ်ဘၣ်လၢ တၢ်အၢၣ်လီၤအီလီၤလၢအမၤဝဲလၢ စီၤဒၤဝံးအဃိ, ဒ်အစံးလၢအကဟ့ၣ်အီၤဒီး အဖိအလံၤ လၢတၢ်ကပီၤတဖျၢၣ်လီၤထူလီၤယိာ်အသိးန့ၣ်လီၤ.
8 လၢအမုၢ်နံၤတဖၣ်န့ၣ် အဒိၣ်ပူထီၣ်လၢ ယူဒၤအစုဖီ လာ်, ဒီးပာ်ထီၣ်စီၤပၤလၢအကစၢ်ဒၣ်ဝဲအဖီခိၣ်လီၤ.
9 ဒီးစီၤယဟိရၣ်လဲၤခီဂာ်တၢ်ဒီး အပဒိၣ်ဖးဒိၣ်တဖၣ်, ဒီးအလ့ၣ်ကဟၣ်ခဲလၢာ်အိၣ်ဒီးအီၤ, ဒီးဂဲၤဆၢထၢၣ်လၢ မုၢ်နၤ, ဒီးကျီကွံာ်ပှၤအဒိၣ်ဖိလၢအအိၣ်ဝးတရံးအီၤ, ဒီး လ့ၣ်ကဟၣ်အခိၣ်တဖၣ်လီၤ.
10 ဒီးအဒိၣ်ပူထီၣ်ကွံာ်လၢယူဒၤအစုဖီလာ် တုၤမုၢ်မဆါ တနံၤအံၤလီၤ. တုၤနုၤတစုလံးဘနၤပူထီၣ်ကွံာ်လၢအစု ဖီလာ်လီၤ. အဂ့ၢ်ဒ်အံၤ, အဝဲဒၣ်လဲၤသဒၣ်လံယွၤအပၢ် အကစၢ်လံ.
11 ဒီးမၤထီၣ်တၢ်အလီၢ်ထီၣ်ထီတဖၣ် လၢယူဒၤကစၢၢ် ကလိအလိၤ, ဒီးဒုးမၤကမၣ်မုၣ်ကမၣ်ခွါလၢ ပှၤအိၣ်ဝဲ ဆိးဝဲလၢယရူၤၡလ့ၣ်တဖၣ်, ဒီးကလံာ်ယူဒၤလီၤ.
12 ဒီးလံာ်တဘ့ၣ်ဟဲဆူအအိၣ် လၢဝံအ့ၤလံယၤ, ဒီးစံး ဝဲဒၣ်, ယွၤ, နပၢ်စီၤဒၤဝံးအကစၢ်စံးဒ်အံၤ, နပၢ်စီၤယ ဟိၡၤဖးအကျဲတဖၣ်မ့ၢ်ဂ့ၤ, ယူဒၤအစီၤပၤအၤစါအကျဲ မ့ၢ်ဂ့ၤ, မ့ၢ်နတပိာ်ဘၣ်ဒီး,
13 မ့ၢ်နပိာ်အံၣ်စရ့လးအစီၤပၤ တဖၣ်အကျဲ, ဒီးနဒုးမၤကမၣ်မုၣ်ကမၣ်ခွါလၢယူဒၤဖိ, ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤ, ဒ်စီၤအၤဃာ်အ ပှၤဟံၣ်ဖိအတၢ်မၤကမၣ်မုၣ်ကမၣ်ခွါအသိးန့ၣ်, ဒီးနမၤ သံနဒီပုၢ်ဝဲၢ်လၢနပၢ်အပှၤဟံၣ်ဖိအကျါ လၢအဂ့ၤန့ၢ်နၤ တက့ၢ်သတးဒီး,
14 ကွၢ်ကွၢ်, ယွၤကတီၢ်နပှၤဂီၢ်မုၢ်, ဒီးန ဖိနမါ, ဒီးနဖိနလံၤ, ဒီးနတၢ်ဖိတၢ်လံၤခဲလၢာ်လၢတၢ် တီၢ်ဖးဒိၣ်လီၤ.
15 ဒီးနကဆါထီၣ်နးနးကလဲာ်လၢနပှံာ် ဆါတုၤလီၤလၢနပှံာ်ကလီၤသွီတနံၤဘၣ်တနံၤ လၢတၢ် ဆါအဃိလီၤ.
16 ဒီးယွၤထိၣ်ဂဲၤ ပှၤဖလ့ၡသးဖိအသိး, ဒီးပှၤဧ့ရ့းဖိအ သးလၢအအိၣ်ဘူးဒီးပှၤကူၤၡးဖိတဖၣ် ထီဒါစီၤယဟိရၣ် လီၤ.
17 ဒီးအဝဲသ့ၣ်တဖၣ်န့ၣ်ဟဲထီၣ်ဆူယူဒၤ, ဒီးဘၢၣ် ဖျိတၢ်, ဒီးစိာ်ထီၣ်ကွံာ်ကယဲၢ်တၢ်ဖိတၢ်လံၤလၢအအိၣ် ဝဲလၢစီၤပၤအဟံၣ်ပူၤ, ဒီးအဖိခွါစ့ၢ်ကီး, ဒီးအမါတဖၣ်, ဒီးအဖိတအိၣ်လီၤတဲာ်ဘၣ်, အိၣ်လီၤတဲာ်ထဲအဖိသဒါ စီၤအဃၤစယၤတဂၤဧိၤလီၤ.
18 ဒီးတၢ်တဖၣ်ခဲလၢာ်န့ၣ်အလီၢ်ခံ ယွၤတီၢ်အီၤလၢအ ပှံာ်ပူၤလၢတၢ်ဆါလၢအဘျါတသ့ဘၣ်.
19 ဒီးတၢ်မၤအ သးလၢ မုၢ်နံၤတဖၣ်အတီၢ်ပူၤ, လၢခံနံၣ်အကတၢၢ်န့ၣ် အပှံာ်လီၤသွီလၢအတၢ်ဆါအဃိ, ဒီးသံဝဲလၢအတၢ်ဆါ လၢအအၢအဃိ, ဒီးအပှၤဂီၢ်မုၢ် တဆိၣ်ကဲၤဘၣ်တၢ် ဘၣ်, ဒ်အပၢ်တဖၣ်အတၢ်ဆိၣ်ကဲၤအသိးန့ၣ်ဘၣ်.
20 လၢအကဲသီစီၤပၤန့ၣ်အသးပှၢ်သၢဆံခံနံၣ်, ဒီးကဲစီၤ ပၤလၢယရူၤၡလ့ၣ်အပူၤဃိးနံၣ်, ဒီးက့ၤက့ၤဝဲ, ဒီးပှၤတ သးလီဘၣ်အီၤဘၣ်. ဒီးပှၤခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤလီၤ. ဘၣ်ဆၣ်ဒီးတမ့ၢ်ဘၣ်လၢစီၤပၤအတၢ်သွၣ် ခိၣ်အပူၤဘၣ်.