12
1 ဒီးတုၤစီၤရဃၤဘၣ် မၤဂၢၢ်မၤကျၢၤအဘီအမုၢ်, ဒီးမၤ ဆူၣ်ထီၣ်အသးဒီး, တၢ်မၤအသးလၢအလဲၤသဒၣ်ယွၤ အတၢ်သိၣ်တၢ်သီ, ဒီးအံၣ်စရ့လးခဲလၢာ် အိၣ်ဒီးအီၤ လီၤ.
2 ဒီးတၢ်မၤအသးလၢ စီၤပၤရဃၤဘၣ် အနံၣ်ပှဲၤထီၣ်ယဲၢ်နံၣ်တနံၣ်န့ၣ် အဲၤကူပတူးအစီၤပၤၡံၡး ဟဲထီဒါယရူၤၡလ့ၣ်လီၤ. (အဂ့ၢ်ဒ်အံၤ, မၤကမၣ်ဘၣ်လံယွၤလံ.)-
3 အိၣ်ဝဲဒီး လ့ၣ်ကဟၣ်တကထိခံကယၤ, ဒီးပှၤကသ့ၣ် သုးဖိဃုကလး, ဒီးလၢပှၤလၢအဟဲဒီးအီၤလၢအဲၤကူပ တူးအပူၤန့ၣ်အတၢ်ဂံၢ်တအိၣ်ဘၣ်, ပှၤလူဘးဖိ, ပှၤစူၤ ကံၤဖိ, ဒီးပှၤကူၤၡးဖိလီၤ.
4 ဒီးမၤန့ၢ်ယူဒၤအဝ့ၢ်အိၣ်ဝဲ ဒီးအခိၣ်ဒူ, ဒီးဟဲဝဲဆူယရူၤၡလ့ၣ်လီၤ.
5 ဒီးဝံၡှမါယၤဟဲဝဲဆူ စီၤရဃၤဘၣ်, ဒီးဆူယူဒၤအပ ဒိၣ်ဖးဒိၣ်လၢအအိၣ်ဖှိၣ်လၢယရူၤၡလ့ၣ်အပူၤ လၢစီၤၡံ ၡးအဃိတဖၣ်အအိၣ်, ဒီးစံးဘၣ်အီၤ, ယွၤစံးဒ်အံၤ, သု လဲၤသဒၣ်လံယၤလံ, ဒီးယဲဒၣ်အံၤယလဲၤသဒၣ်စ့ၢ်ကီး သုလၢစီၤၡံၡးအစုပူၤလံ.
6 ဒီးအံၣ်စရ့လးအပဒိၣ်ဖးဒိၣ်တဖၣ်, ဒီးစီၤပၤဆီၣ်လီၤ အသးဒီးစံးဝဲဒၣ်, ယွၤမ့ၢ်တၢ်တီတၢ်လိၤလီၤ.
7 ဒီးတုၤယွၤထံၣ်လၢ အဆီၣ်လီၤအသးန့ၣ်ဒီး, ယွၤအ ကလုၢ်ဘၣ် စီၤၡမါယၤဒီးစံးဝဲဒၣ်, အဝဲသ့ၣ်တဖၣ်န့ၣ် ဆီၣ်လီၤအသးလံ. ယတမၤဟးဂီၤဘၣ်အီၤဘၣ်, ယက ဟ့ၣ်လီၤအီၤလၢတၢ်ပူၤဖျဲးတစဲးစဲး, ဒီးယတၢ်သးထီၣ်တ ဘၣ်လူလီၤဘၣ်အသးလၢ ယရူၤၡလ့ၣ်အဖီခိၣ်လၢစီၤၡံ ၡးအစုဘၣ်.
8 ဘၣ်ဆၣ်ဒီးကကဲထီၣ်အခ့အပှၤ ဒ်သိး အကသ့ၣ်ညါတၢ်မၤယတၢ်, ဒီးတၢ်မၤထံဧိၤကီၢ်ဧိၤအ ဘီမုၢ်အတၢ်မၤလီၤ.
9 ဒီးအဲၤကူပတူးအစီၤပၤ စီၤၡံၡးဟဲထီဒါယရူၤၡလ့ၣ်, ဒီးဟံးထီၣ်ကွံာ် ယွၤအဟံၣ်အတၢ်လုၢ်ဒိၣ်ပှ့ၤဒိၣ်, ဒီးစီၤ ပၤအဟံၣ်အတၢ်လုၢ်ဒိၣ်ပှ့ၤဒိၣ်လီၤ. စိာ်ထီၣ်ကွံာ်ခဲလၢာ်, ဒီးစိာ်ထီၣ်ကွံာ်စ့ၢ်ကီးကယဲၢ်ကတီၤထူလၢ စီၤၡလိၤမိၤ တ့ဝဲခဲလၢာ်လီၤ.
10 ဒီးစီၤပၤရဃၤဘၣ် တ့ကတီၤတိၢ်လၢအလီၢ်, ဒီးဟ့ၣ် လီၤအီၤလၢပှၤပၢၤတၢ်ဖိအခိၣ်အစုပူၤ, လၢအပၢၤစီၤပၤ အဟံၣ်အတြဲၤလီၤ.
11 ဒီးတုၤစီၤပၤလဲၤနုာ်ဆူ ယွၤအဟံၣ်ပူၤဒီး, ပှၤပၢၤတၢ် ဖိဟဲ, ဒီးစိာ်ဝဲဒီးအီၤ, ဒီးဟဲက့ၤစိာ်အီၤဆူပှၤပၢၤတၢ်ဖိ အဒၢးပူၤလီၤ.
12 ဒီးတုၤအဆီၣ်လီၤအသးဒီး, ယွၤအတၢ်သးထီၣ်ဃၣ် ကွံာ်အသးလၢအီၤ ဒ်သိးအသုတမၤဟးဂီၤအီၤ တုၤအ လၢာ်တဂ့ၤလီၤ. ဒီးလၢယူဒၤအပူၤန့ၣ်တၢ်မၤအသးလၢ အဂ့ၤစ့ၢ်ကီးလီၤ.
13 ဒီးစီၤပၤရဃၤဘၣ် မၤဆူၣ်ထီၣ်အသးလၢ ယရူၤၡ လ့ၣ်အပူၤ, ဒီးကဲစီၤပၤလီၤ. အဂ့ၢ်ဒ်အံၤ, လၢစီၤရဃၤ ဘၣ်ကဲစီၤပၤန့ၣ်အသးပှၢ်လွံၢ်ဆံတနံၣ်, ဒီးကဲစီၤပၤတ ဆံနွံနံၣ်လၢယရူၤၡလ့ၣ်အပူၤ, ဝ့ၢ်တဖျၢၣ်လၢယွၤဃုထၢ လၢကယဲၢ်ပှၤအံၣ်စရ့လးအဒူၣ်ခဲလၢာ်အကျါ ဒ်သိးအ ကပာ်အမံၤဖဲန့ၣ်လီၤ. ဒီးအမိၢ်အမံၤမ့ၢ်နီၢ်နၤဧမၤ, ပှၤ ဧၣ်မိၣ်ဖိလီၤ.
14 ဒီးမ့ၢ်အတကတဲာ်ကတီၤဘၣ်အသး ဒ်သိးအကဃု ယွၤဘၣ်ဒီးမၤတၢ်အၢလီၤ.
15 ဒီးတၢ်ဘၣ်ဃးဒီးစီၤရဃၤဘၣ်, တၢ်အခီၣ်ထံးဒီးတၢ် အကတၢၢ်န့ၣ်ကွဲးအသးလၢလံာ်ဝံၡမါယၤအပူၤ, ဒီးလၢ လံာ်ပှၤထံၣ်တၢ်စီၤယံးဒိၤအပူၤ လၢတၢ်အထူအထံးအ ဂ့ၢ်အကျိၤ, တမ့ၢ်ဘၣ်ဧါ. ဒီးတၢ်ဒုးသုးအိၣ်ဝဲလၢစီၤရဃၤ ဘၣ်, ဒီးစီၤယၤရၤဘၣ်အဘၢၣ်စၢၤတစိၤဒၣ်အီၤလီၤ.
16 ဒီးစီၤရဃၤဘၣ်မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ် လၢစီၤဒၤဝံးအဝ့ၢ်ပူၤလီၤ. ဒီးအဖိခွါ စီၤအဘံယၤကဲစီၤပၤလၢအလီၢ်န့ၣ်လီၤ.