11
1 ဒီးစီၤရဃၤဘၣ်ဟဲတုၤဝဲလၢယရူၤၡလ့ၣ်အပူၤ, ဒီးဒုး အိၣ်ဖှိၣ်ရိဖှိၣ်ယူဒၤ, ဒီးဘံၣ်ယၤမံၣ်အပှၤဟံၣ်ဖိ, ပှၤသုး ဖိလၢတၢ်ဃုထၢအီၤ, တကလီၤဃိးကလး, ဒ်သိးအက ဒုးတၢ်ဒီးအံၣ်စရ့လး, ဒ်သိးအကဒုးဟဲက့ၤဘီမုၢ်ဆူစီၤ ရဃၤဘၣ်အအိၣ်လီၤ.
2 ဒီးယွၤအကလုၢ်ဘၣ် ယွၤအပှၤကညီစီၤၡမါယၤ, ဒီး စံးဝဲဒၣ်,
3 ကတိၤတၢ်ဒီးယူဒၤအစီၤပၤစီၤၡလိၤမိၤအဖိခွါ စီၤရဃၤဘၣ်, ဒီးအံၣ်စရ့လးခဲလၢာ် လၢယူဒၤဒီးဘံၣ် ယၤမံၣ်အပူၤဒီးစံး,
4 ယွၤစံးဝဲဒ်အံၤ, သုတလဲၤထီၣ်, ဒီး သုတဒုးသုးဒီးသုဒီပုၢ်ဝဲၢ်တဂ့ၤ. က့ၤက့ၤတဂၤဆူအဟံၣ် ဒၣ်ဝဲ, တဂၤဆူအဟံၣ်ဒၣ်ဝဲတက့ၢ်. အဂ့ၢ်ဒ်အံၤ, တၢ် တမံၤအံၤကဲထီၣ်လၢယၤလီၤ. ဒီးဒိကနၣ်ယွၤအကလုၢ်, ဒီးလၢအလဲၤထီဒါယၤရၤဘၣ်န့ၣ်က့ၤက့ၤဝဲလီၤ.
5 ဒီးစီၤရဃၤဘၣ်အိၣ်ဝဲဆိးဝဲလၢယရူၤၡလ့ၣ်အပူၤ, ဒီး တ့ဝ့ၢ်တဖၣ်လၢတြီတၢ်အဂီၢ်လၢယူဒၤအပူၤလီၤ.
6 ဒီးတ့ဘ့ၤသလ့ဃ့ၣ်, ဒီးဧ့ၤတၣ်, ဒီးတကိၤ,
7 ဘ့ၤ သစူၢ်, ဒီးၡိကိၤ, ဒီးဧဒူးလၣ်,
8 ဒီးကၤသး, ဒီးမရ့ရှ့ၤ, ဒီး စံဖး,
9 ဒီးအဒိရဲၣ်, ဒီးလၤကံၣ်, ဒီးဧစ့ကၤ,-
10 ဒီးစိးရၤ, ဒီးအးယၤလိၣ်, ဒီးဃ့ဘြိၣ်သ့ၣ်တဖၣ်လၢအအိၣ်ဝဲလၢ ယူဒၤဒီးဘံၣ်ယၤမံၣ်အပူၤ, ဝ့ၢ်အိၣ်ဝဲဒီးအခိၣ်ဒူလီၤ.
11 ဒီးမၤဆူၣ်ထီၣ် တိာ်တဖၣ်, ဒီးပာ်တၢ်အခိၣ်တဖၣ် လၢအပူၤ, ဒီးတၢ်ပာ်ဖှိၣ်တၢ်အီၣ်တၢ်အီ, ဒီးသိ, ဒီးစပံး ထံလီၤ.
12 ဒီးလၢတဝ့ၢ်ဘၣ်တဝ့ၢ်ကိးဝ့ၢ်ဒဲးအပူၤန့ၣ်ပာ်က တီၤတဖၣ်, ဒီးဘီဧိၤနးဧိၤ, ဒီးမၤအီၤဆူၣ်ဆူၣ်ကလဲာ်,ဒီး ယူဒၤ, ဒီးဘံၣ်ယၤမံၣ်အိၣ်ဝဲလၢအဝဲဒၣ်အအိၣ်တခီ လီၤ.
13 ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိ လၢအအိၣ်ဝဲလၢ ကယဲၢ်အံၣ်စရ့လးဖိအကျါန့ၣ် လဲၤဝဲဆူအအိၣ်လၢအ ကီၢ်ဃၢၤခဲလၢာ်လီၤ.
14 (အဂ့ၢ်ဒ်အံၤ, ပှၤလ့ၤဝံဖိလဲၤသဒၣ်တၢ်အီၣ်ဆၣ်အလီၢ်တဖၣ်, ဒီးအတၢ်ဟံးဃာ်တဖၣ်, ဒီးဟဲဝဲဆူယရူၤၡလ့ၣ်အပူၤလီၤ. မ့ၢ်စီၤယၤရၤဘၣ်, ဒီးအဖိခွါတဖၣ်ညိကွံာ်တ့ၢ်အီၤလၢအသုတမၤပှၤလုၢ်တၢ်အဒိၣ်အတၢ်လၢ ယွၤအဂီၢ်တဂ့ၤန့ၣ်အဂ့ၢ်လီၤ.
15 ဒီးပာ်ပှၤလုၢ်တၢ်အဒိၣ်လၢတၢ်အလီၢ်ထီၣ်ထီအဂီၢ်, ဒီးတၢ်အိၣ်ဒီးအဆူၣ်အဂီၢ်, ဒီးဂီၤဖံးဖိလၢအတ့တ့ၢ်ဝဲအဂီၢ်လီၤ.)
16 ဒီးလၢအဝဲသ့ၣ်တဖၣ်အလီၢ်ခံန့ၣ် ပှၤလၢအပာ်အသးလၢအကဃုယွၤအံၣ်စရ့လးအကစၢ်န့ၣ် ဟဲဝဲဆူယရူၤၡလ့ၣ်အပူၤ, လၢကယဲၢ်အံၣ်စရ့လးအဒူၣ်တဖၣ်အကျါ ဒ်သိးအကလုၢ်တၢ်လၢယွၤအပၢ်တဖၣ်အကစၢ်လီၤ.
17 ဒီးမၤဆူၣ်ထီၣ် ယူဒၤအဘီမုၢ်, ဒီးမၤဆူၣ်ထီၣ်စီၤၡ လိၤမိၤအဖိခွါစီၤရဃၤဘၣ်သၢနံၣ်လီၤ. အဂ့ၢ်ဒ်အံၤ, ပိာ်စီၤဒၤဝံး, ဒီးစီၤၡလိၤမိၤအကျဲသၢနံၣ်လီၤ.
18 ဒီးစီၤရဃၤဘၣ်ဟံးန့ၢ်အမါ လၢစီၤဒၤဝံးအဖိခွါစီၤယ ရံမိးအဖိမုၣ်နီၢ်မၤဃလ့း, ဒီးစီၤယံးၡဲအဖိခွါ စီၤအလံ အာ်အဖိမုၣ်နီၢ်အဘံဃယ့းလးလီၤ.
19 ဒီးအဝဲဒၣ်ဆံးစၢ် န့ၢ်အီၤလၢအဖိတဖၣ်, စီၤယဧူၤၡး, ဒီးစီၤၡမၤရယၤ, ဒီး စီၤစၤဟၣ်လီၤ.
20 ဒီးလၢအလီၢ်ခံန့ၣ်ဟံးန့ၢ် စီၤအးဘၡါလိၣ် အဖိမုၣ် နီၢ်မၤကၤ, ဒီးအဝဲဒၣ်ဆံးစၢ်န့ၢ်အီၤလၢစီၤအဘံယၤ, ဒီး စီၤဧၤတဲ, ဒီးစီၤစံစၤ, ဒီးၡလိမံးလီၤ.
21 ဒီးစီၤရဃၤဘၣ် အဲၣ်စီၤအးဘၡါလိၣ်အဖိမုၣ် နီၢ်မၤ ကၤဒိၣ်န့ၢ်အမါဒီးအသံၣ်မါခဲလၢာ်တက့ၢ်လီၤ. (အဂ့ၢ် ဒ်အံၤ, ဟံးန့ၢ်အမါတဆံဃိးဂၤ, ဒီးအသံၣ်မါဃုဆံ, ဒီး ထီၣ်ဖိအဖိခွါခံဆံဃိးဂၤ, ဒီးအဖိမုၣ်ဃုဆံလီၤ.)
22 ဒီးစီၤရဃၤဘၣ်ပာ်နီၢ်မၤကၤအဖိခွါ စီၤအဘံယၤလၢ တၢ်အခိၣ်, လၢအဒီပုၢ်ဝဲၢ်အဖီခိၣ်လီၤ. အဂ့ၢ်ဒ်အံၤ, သါ ကဒုးကဲထီၣ်အီၤလၢစီၤပၤလီၤ.
23 ဒီးမၤဝဲဒီးအသးဆး, ဒီးမၤလီၤပြံပြါအဖိခွါလၢယူဒၤ ဒီးဘံၣ်ယၤမံၣ်အကီၢ်ခဲလၢာ်အကျါ ဆူကယဲၢ်ဝ့ၢ်အိၣ်ဝဲ ဒီးအခိၣ်ဒူ, ဒီးဟ့ၣ်လီၤလၢတၢ်အီၣ်တၢ်အီ အါအါက လဲာ်လီၤ. ဒီးဃုအမါဂီၢ်မုၢ်လီၤ.