10
1 ဒီးစီၤရဃၤဘၣ်လဲၤဝဲဆူၡက့ၣ်လီၤ. အဂ့ၢ်ဒ်အံၤ, အံၣ် စရ့းခဲလၢာ်ဟဲဝဲဆူ ၡက့ၣ်ဒ်သိးအကပာ်အီၤလၢ စီၤပၤ လီၤ.
2 ဒီးတုၤစီၤနဘးအဖိခွါစီၤယၤရၤဘၣ် လၢအအိၣ် ဒံးလၢအဲၤကူပတူးအပူၤ ဖဲအဃ့ၢ်ဝဲလၢ စီၤၡလိၤမိၤအ အိၣ်, နၢ်ဟူတၢ်ဒီး, စီၤယၤရၤဘၣ်ဟဲက့ၤဝဲလၢအဲၤကူ ပတူးအပူၤလီၤ.
3 ဒီးပှၤမၢလီၤတၢ်ဒီးကိးက့ၤအီၤ, ဒီးစီၤ ယၤရၤဘၣ်, ဒီးအံၣ်စရ့လးခဲလၢာ်ဟဲဝဲဒီးကတိၤတၢ်ဒီး စီၤရဃၤဘၣ်, ဒီးစံးဝဲဒၣ်,
4 နပၢ်မၤကီပနီၣ်ယိးဘိ, ဒီးနဲ ဒၣ်ခဲကနံၣ်အံၤ နပၢ်အတၢ်မၤကီ, ဒီးအနီၣ်ယိးဘိလၢ လၢအပာ်လၢပလိၤအံၤ, မၤဖှံထီၣ်တက့ၢ်. ဒီးပကမၤန တၢ်လီၤ.
5 ဒီးစံးဘၣ်အီၤ, သၢနံၤပူၤကွံာ်ဒီး, ဟဲက့ၤကဒါက့ၤဆူ ယအိၣ်တက့ၢ်. ဒီးပှၤဂီၢ်မုၢ်ဟးထီၣ်ဝဲလီၤ.
6 ဒီးစီၤပၤရဃၤဘၣ်ကူၣ်လိာ်အသးဒီး ပှၤသးပှၢ်တဖၣ် လၢအဆၢထၢၣ်လၢစီၤၡလိၤမိၤအမဲာ်ညါ လၢအမူဝဲအ ဖၢမုၢ်, ဒီးစံးဝဲဒၣ်, သုကူၣ်လိာ်သုသးဒ်သိးယကစံးဆၢ ပှၤဂီၢ်မုၢ်အံၤဒ်လဲၣ်.
7 ဒီးအဝဲသ့ၣ်ကတိၤတၢ်ဒီးအီၤ, ဒီးစံးဝဲဒၣ်, နမ့ၢ်ကဲ ထီၣ်ပှၤအဂ့ၤဒီးပှၤဂီၢ်မုၢ်အံၤ, ဒီးဘၣ်အသး, ဒီးကတိၤ တၢ်ကတိၤဂ့ၤဒီးအီၤဒီး, ကကဲထီၣ်ဝဲလၢနခ့နပှၤလီၤထူ လီၤယိာ်လီၤ.
8 ဘၣ်ဆၣ်ဒီးလဲၤသဒၣ် ပှၤသူၣ်က့သးပှၢ် အတၢ်ကူၣ် လၢအကူၣ်လိာ်ဝဲဒီးအီၤ, ဒီးကူၣ်လိာ်အသးဒီးပှၤအသး စၢ်လၢအဒိၣ်ထီၣ်ဃုာ်ဒီးအီၤ, လၢအဆၢထၢၣ်လၢအမဲာ် ညါလီၤ.
9 ဒီးစံးဘၣ်အီၤ, ပှၤဂီၢ်မုၢ်အံၤ လၢအကတိၤတၢ်ဒီးယၤ ဒီးစံး, မၤဖှံထီၣ်နီၣ်ယိးဘိလၢနပၢ်ပာ်လၢပလိၤတက့ၢ် န့ၣ်, ဒ်သိးပကစံးဆၢအီၤဒီး, သုကူၣ်စၢၤတၢ်ဒ်လဲၣ်.
10 ဒီးပှၤအသးစၢ်လၢအဒိၣ်ထီၣ်ဃုာ်ဒီးအီၤ, ကတိၤတၢ် ဒီးအီၤဒီးစံးဝဲဒၣ်, နဘၣ်စံးဆၢပှၤဂီၢ်မုၢ်လၢအကတိၤတၢ် ဒီးနၤဒီးစံးဝဲ, နပၢ်မၤပနီၣ်ယိးဘိဃၢ, မ့မ့ၢ်နဲဒၣ်မၤဖှံထီၣ် အီၤလၢပဂီၢ်တက့ၢ်န့ၣ်, နဘၣ်စံးဆၢအီၤဒ်အံၤ, ယစု ဆၣ်တီၣ်န့ၢ်ယပၢ်အယီၢ်ဒ့တက့ၢ်လီၤ.
11 ဒီးခဲကနံၣ်အံၤ ယပၢ်ပာ်နီၣ်ယိးဘိအဃၢလၢသုလိၤလီၤ. ဒီးယဲဒၣ်အံၤ ယကပာ်တၢ်အါထီၣ်လၢသုနီၣ်ယိးဘိအလိၤလီၤ. ယပၢ် သိၣ်ဃီၣ်သုလၢနီၣ်ဖျ့, ဒီးယဲဒၣ်အံၤယကသိၣ်ဃီၣ်သု လၢပတ့ၤချဲးလီၤ.
12 ဒီးစီၤယၤရၤဘၣ်, ဒီးပှၤဂီၢ်မုၢ်ခဲလၢာ်ဟဲဝဲဆူ စီၤရဃၤ ဘၣ်အအိၣ်လၢသၢနံၤတနံၤန့ၣ်, ဒ်စီၤပၤစံးတ့ၢ်ဒီးစံးဝဲ, ဟဲက့ၤဆူယအိၣ်လၢသၢနံၤတနံၤတက့ၢ်အသိးန့ၣ်လီၤ.
13 ဒီးစီၤပၤစံးဆၢပှၤဂီၢ်မုၢ်ကီကီ, ဒီးစီၤပၤရဃၤဘၣ်လဲၤ သဒၣ်ပှၤသူၣ်က့သးပှၢ်အတၢ်ကူၣ်လၢ အကူၣ်လိာ်အ သးဒီးအီၤလီၤ.
14 ဒီးကတိၤဝဲဒီးအီၤ, ဒ်ပှၤအသးစၢ်ကူၣ် စၢၤတၢ်အသိးန့ၣ်, ဒီးစံးဝဲဒၣ်, ယပၢ်မၤသုနီၣ်ယိးဘိ ဃၢ, ဒီးယဲဒၣ်အံၤယကပာ်တၢ်အါထီၣ်လၢအလိၤလီၤ. ယပၢ်သိၣ်ဃီၣ်သုလၢနီၣ်ဖျ့, ဒီးယဲဒၣ်အံၤ ယကသိၣ် ဃီၣ်သုလၢပတ့ၤချဲးလီၤ.
15 ဒီးစီၤပၤတဒိကနၣ်ဘၣ် ပှၤဂီၢ်မုၢ်အကလုၢ်ဘၣ်. မ့ၢ် အဂ့ၢ်ဒ်လဲၣ်, အဂ့ၢ်ဟဲဝဲလၢယွၤ, ဒ်သိးယွၤကမၤလၢထီၣ် ပှဲၤထီၣ်အတၢ်ကတိၤလၢယွၤကတိၤဝဲဒီး စီၤနဘးအဖိခွါ စီၤယၤရၤဘၣ်လၢပှၤၡံလိၤဖိစီၤအဃံယၤအစုပူၤန့ၣ်လီၤ.
16 ဒီးအံၣ်စရ့လးခဲလၢာ်ထံၣ်ဝဲလၢ စီၤပၤတဒိကနၣ်ဘၣ် အကလုၢ်ဘၣ်, ဒီးပှၤဂီၢ်မုၢ်စံးဆၢစီၤပၤ, ဒီးစံးဝဲဒၣ်, တၢ် လၢပဂီၢ်အိၣ်လၢစီၤဒၤဝံးအပူၤန့ၣ်မ့ၢ်မနုၤတမံၤလဲၣ်. ဒီး ပန့ၢ်သါတၢ်တအိၣ်ဘၣ်လၢ စီၤယံးၡဲအဖိခွါအပူၤဘၣ် လီၤ. ဆူသုဒဲတဖၣ်အပူၤတက့ၢ်, အံၣ်စရ့လးဧၢ, ခဲက နံၣ်အံၤ, ကွၢ်နဟံၣ်ဒၣ်နဲ, စီၤဒၤဝံးဧၢ, ဒီးအံၣ်စရ့လး ဟးဝဲဆူအဒဲပူၤလီၤ.
17 ဒီးပှၤအံၣ်စရ့လးဖိ လၢအအိၣ်ဝဲဆိးဝဲလၢယူဒၤအဝ့ၢ် တဖၣ်အပူၤန့ၣ်စီၤရဃၤဘၣ်ကဲစီၤပၤလၢအဖီခိၣ်လီၤ.
18 ဒီးစီၤရဃၤဘၣ်မၢလီၤ စီၤအဒိၤရၣ်လၢအအိၣ်ဝဲလၢ တၢ်ဟ့ၣ်သွဲအဖီခိၣ်, ဒီးပှၤအံၣ်စရ့လးဖိ ကွံာ်အီၤလၢ လၢၢ်, ဒီးသံဝဲလီၤ. ဒီးစီၤရဃၤဘၣ်မၤဝဲချ့ချ့, ဒ်သိးအ ကလဲၤထီၣ်ဘၣ်အလ့ၣ်ကဟၣ်,ဒ်သိးအကဃ့ၢ်ဆူယရူၤ ၡလ့ၣ်လီၤ.
19 ဒီးအံၣ်စရ့လးပူထီၣ် စီၤဒၤဝံးအပှၤဟံၣ်ဖိ တုၤမုၢ်မဆါတနံၤအံၤလီၤ.