5
1 ဒီးစီၤရူၤဘ့ၣ်, စီၤအံၣ်စရ့လးအဖိဝဲၢ်ကိတဂၤအဖိခွါ တဖၣ် (အဂ့ၢ်ဒ်အံၤ, အဝဲဒၣ်မ့ၢ်အဖိဝဲၢ်ကိ, ဒီးမ့ၢ်အမၤ ဘၣ်အၢအပၢ်အလီၢ်မံဒီး, တၢ်ဟ့ၣ်လီၤအတၢ်ဝဲၢ်ကိအ လီၢ်လၢစီၤအံၣ်စရ့လးအဖိခွါ စီၤယိၤသးအဖိခွါတဖၣ် န့ၣ်လီၤ. ဒီးပှၤတဆဲးလီၤဘၣ်အမံၤလၢလံာ်ထူလံာ်ထံး အပူၤဒ်တၢ်အဝဲၢ်ကိအလီၢ်အသိးန့ၣ်ဘၣ်.
2 အဂ့ၢ်ဒ်အံၤ, စီၤယူဒၤဆူၣ်န့ၢ်အဒီပုၢ်ဝဲၢ်တက့ၢ်, ဒီးတၢ်အခိၣ်ဟဲထီၣ် လၢအီၤ, ဒီးတၢ်ဝဲၢ်ကိအလီၢ်ကဲထီၣ်စီၤယိၤသးအတၢ် လီၤ.)
3 စီၤရူၤဘ့ၣ်, စီၤအံၣ်စရ့လးအဖိဝဲၢ်ကိတဂၤအဖိ ခွါမ့ၢ်စီၤဃနိာ်, ဒီးစီၤပးလူ, စီၤဃ့စရိၣ်, ဒီးစီၤကၢ်မံၤ လီၤ.
4 စီၤယိၤအ့လးအဖိခွါမ့ၢ် အဖိခွါစီၤၡမါယၤ, အဖိခွါ စီၤကိး, အဖိခွါစီၤၡံမံၤ,
5 အဖိခွါစီၤမံၤကါ, အဖိခွါစီၤရ အါယၤ, အဖိခွါစီၤဘဧၤလး,
6 အဖိခွါစီၤဘ့ရၤလၢအၤ ရှူၢ်အစီၤပၤတံးလကးပံးလန့စ့ၢ် စိာ်မၢကဲကုၢ်အီၤလီၤ. အဝဲဒၣ်န့ၣ်မ့ၢ်ပှၤရူၤဘ့ၣ်ဖိအပဒိၣ်ဖးဒိၣ်လီၤ.
7 ဒီးအဒီပုၢ်ဝဲၢ်ဒ်အဒူၣ်တဖၣ်အသိးန့ၣ် (တုၤပှၤဆဲးလီၤ အစၢၤအသွဲၣ်အမံၤလၢ လံာ်ထူလံာ်ထံးအပူၤဒီး,) မ့ၢ် အခိၣ်စီၤယံၤအ့လး, ဒီးစီၤစရကါ,
8 ဒီးစီၤဘ့လး, စီၤ ဧၤစးအဖိခွါ, စီၤၡမၤအဖိခွါ, စီၤယိၤအ့လးအဖိခွါလၢအ အိၣ်ဝဲဆိးဝဲလၢဧရိၤဧ့ၢ်ပၢၢ်လၢ နဘိဒီးဘဧၤလးမဧိၣ်,-
9 ဒီးအိၣ်ဝဲဆိးဝဲလၢမုၢ်ထီၣ်တခီ ပၢၢ်လၢတၢ်လဲၤနုာ်လၢ ပှၢ်မုၢ်ကနၢလၢထံမိၢ်ပှၢ်ဖရၤသးလီၤ. အဂ့ၢ်ဒ်အံၤ, အ ဆၣ်ဖိကီၢ်ဖိအါထီၣ်ဝဲလၢကီၢ်ကံးလဧးအပူၤလီၤ.
10 ဒီးလၢစီၤစီလူးအမုၢ်နံၤတဖၣ်န့ၣ် ဒုးတၢ်ဒီးပှၤဟၤကၢ် ဖိလၢအလီၤဃံၤဝဲလၢအစုလီၤ. ဒီးအိၣ်ဝဲဆိးဝဲလၢအဒဲ တဖၣ်အပူၤလၢကယဲၢ်တၢ်အိၣ်ဝဲလၢ ကံးလဧးလၢမုၢ် ထီၣ်တခီအမဲာ်ညါအပူၤလီၤ.
11 ဒီးစီၤကးအဖိ အိၣ်ဝဲဆိးဝဲသဃီၤဒီးအီၤလၢ ကီၢ်ဘၤ ၡၣ်အပူၤပၢၢ်လၢစၤလကးလီၤ.
12 စီၤယိၤအ့လးအခီၣ်ထံး တဂၤ, ဒီးစီၤၡၤဖၣ်ခံဂၤတဂၤ, ဒီးစီၤယၤနဲ, စီၤၡၤဖး လၢဘၤၡၣ်အပူၤလီၤ.
13 ဒီးအပၢ်အပှၤဟံၣ်ဖိအဒီပုၢ်ဝဲၢ်မ့ၢ် စီၤမံၤက့လး, ဒီးစီၤ မရှူလၣ်, ဒီးစီၤၡဘၤ, ဒီးစီၤယိၤရဲ, ဒီးစီၤယၤကၣ်, ဒီးစီၤစံၤဒီးစီၤဧ့ၤဘ့ၢ်, နွံဂၤလီၤ.
14 အဝဲအံၤမ့ၢ် စီၤအဘံဃယ့းလးအဖိခွါ (စီၤဃူရံၤအ ဖိခွါ, စီၤယၤရိၤအဖိခွါ, စီၤကံးလဧးအဖိခွါ, စီၤမံၤက့လး အဖိခွါ, စီၤယၡံၤၡဲအဖိခွါ, စီၤယးဃဒိၤအဖိခွါ, စီၤဘူစး အဖိခွါ,)
15 စီၤအဃံၤ, စီၤဧၤဘ့ၤဒ့လးအဖိခွါ, စီၤကူ နံၤအဖိခွါ, အပၢ်တဖၣ်အပှၤဟံၣ်ဖိအခိၣ်လီၤ.
16 ဒီးအိၣ်ဝဲဆိးဝဲလၢကံးလဧးလၢဘၤၡၣ်အပူၤ, ဒီးလၢ အတဝီတဖၣ်အပူၤ, ဒီးလၢၡၤရိၣ်အအီၣ်ဆၣ်အလီၢ်ခဲ လၢာ်အပူၤဖဲအကတၢၢ်တဖၣ်န့ၣ်လီၤ.
17 ဒီးလၢယူဒၤအစီၤပၤ စီၤယိၤသၣ်အမုၢ်နံၤတဖၣ် ဒီး လၢအံၣ်စရ့လးအစီၤပၤ ယၤရၤဘၣ်အမုၢ်နံၤတဖၣ်န့ၣ် အဝဲသ့ၣ်ခဲလၢာ်အမံၤဆဲးလီၤအသးလၢ လံာ်ထူလံာ် ထံးအပူၤန့ၣ်လီၤ.
18 ဒီးစီၤရူၤဘ့ၣ်အဖိခွါတဖၣ်, ဒီးပှၤကးဖိ, ဒီးမနၤရှ့ၤတ ခီဒူၣ်န့ၣ်အပှၤအဆူၣ်, ပှၤလၢအစိာ်ကတီၤ, ဒီးနးဧိၤ ဘီဧိၤ, ဒီးခးတၢ်လၢချံၣ်, ဒီးဒုးတၢ်သ့တဖၣ်မ့ၢ်ပှၤလွံၢ် ကလးဒီးလွံၢ်ကထိဒီးနွံကယၤဒီးဃုဆံ, ပှၤလၢအလဲၤ ဒုးသုးတဖၣ်လီၤ.
19 ဒီးဒုးတၢ်ဒီးပှၤဟၤကၢ်ဖိ, ဒီးယတူၢ်ဒီးနၤဖံၣ်, ဒီးနိဒာ် လီၤ.
20 ဒီးတၢ်မၤစၢၤဝဲထီဒါအီၤ, ဒီးတၢ်ဟ့ၣ်လီၤကွံာ်ပှၤ ဟၤကၢ်ဖိလၢအစုပူၤ, ဒီးကယဲၢ်တၢ်လၢအအိၣ်ဒီးအီၤ လီၤ. အဂ့ၢ်ဒ်အံၤ, ကိးဝဲဆူယွၤလၢအဒုးတၢ်အဖၢမုၢ်န့ၣ်, ဒီးယွၤဒိကနၣ်အကလုၢ်လီၤ. အဂ့ၢ်ဒ်အံၤ, အဝဲသ့ၣ်သ နံာ်သန့ၤအသးလၢအီၤလီၤ.
21 ဒီးစိာ်ကွံာ်ဝဲအဆၣ်ဖိကီၢ် ဖိအဒၢ, အကီၤလၤအူးယဲၢ်ကလး, ဒီးအသိခံကလီၤ ယဲၢ်ကလး, ဒီးအကသ့ၣ်ယီၤခံကထိ, ဒီးပှၤကညီတက လီၤလီၤ.
22 အဂ့ၢ်ဒ်အံၤ, မ့ၢ်တၢ်ဒုးတၢ်န့ၣ်ဘၣ်ဃးဒီးယွၤ သတးဒီး, ပှၤလီၤဃံၤသံအါဂၤလီၤ. ဒီးအိၣ်ဝဲဆိးဝဲလၢ အလီၢ်တုၤလီၤလၢတၢ်စိာ်မၢကဲကုၢ်တၢ်န့ၣ်လီၤ.
23 ဒီးပှၤမနၤရှ့ၤဖိတခီဒူၣ် အိၣ်ဝဲဆိးဝဲလၢ ကီၢ်ပူၤလီၤ. အါထီၣ်ဝဲလၢဘၤၡၣ်ပၢၢ်လၢဘဧၤလးဃ့ရမိၣ်, ဒီးစနံၢ်, ဒီးကစၢၢ်ဃ့ရမိၣ်လီၤ.
24 ဒီးအအံၤမ့ၢ်အပၢ်တဖၣ်အဟံၣ်အခိၣ်.စီၤဧ့ဖၢ်, ဒီးစီၤယံၡံၤ, ဒီးစီၤအလံၤအ့လး, ဒီးစီၤဧၤစရံၤအ့ လး, ဒီးစီၤယံးရမံယၤ, ဒီးစီၤဟိဒၤဝယၤ, ဒီးစီၤယၤဃဒံၤ အ့လး, ပှၤသုးဖိအဆူၣ်, ပှၤအမံၤဟူထီသါလီၤ, အပၢ် တဖၣ်အဟံၣ်အခိၣ်လီၤ.
25 ဒီးမၤကမၣ်ဘၣ်အပၢ်တဖၣ်အကစၢ်, ဒီးလဲၤမၤက မၣ်မုၣ်ကမၣ်ခွါထွဲထံဧိၤကီၢ်ဧိၤအပှၤဂီၢ်မုၢ် အကစၢ်တ ဖၣ်အခံ, ပှၤလၢယွၤမၤဟးဂီၤဝဲလၢအမဲာ်ညါလီၤ.
26 စီၤအံၣ်စရ့လးအကစၢ် ထိၣ်ဂဲၤအၤရှူၢ်အစီၤပၤ ပူလး အသး, ဒီးအၤရှူၢ်အစီၤပၤတံးလကးပံးလန့စ့ၢ်အသး, ဒီးအဝဲဒၣ်စိာ်မၢကဲကုၢ်အီၤ, ပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိတခီဒူၣ်, ဒီးဟဲစိာ်အီၤဆူဃၤလၤ, ဒီးဃၤ ဘိၢ်, ဒီးဟၤရၢ်, ဒီးထံမိၢ်ပှၢ်ကိစၣ်အနံၤတုၤမုၢ်မဆါတ နံၤအံၤလီၤ.