27
ဒီးပှၤအံၣ်စရ့လးဖိဒ်အတၢ်ဂံၢ်အသိးန့ၣ်, ပှၤအပၢ်တ ဖၣ်အခိၣ်တဖၣ်, ဒီးပှၤတကထိအခိၣ်တဖၣ်, ဒီးပှၤတ ကယၤအခိၣ်တဖၣ်, ဒီးပှၤကွဲးလံာ်လၢအမၤစီၤပၤအတၢ် မၤဘၣ်ဃးဒီးပှၤတတီၤတတီၤ, လၢအဟဲနုာ်ဒီးဟးထီၣ် တလါဒီးတလါဒီနံၣ်ညါအပူၤန့ၣ် အိၣ်ဝဲခံကလးလွံၢ် ကထိလၢအတီၤကိးဖုဒဲးအပူၤလီၤ.
လၢတၢ်အခီၣ်ထံးတတီၤလၢလါခီၣ်ထံးအဂီၢ်န့ၣ် စီၤ စးဘဒံၤအ့လးအဖိခွါ စီၤယၤၡဘၣ်အိၣ်ဝဲလၢအဖီခိၣ်, ဒီးပှၤခံကလးလွံၢ်ကထိအိၣ်ဝဲလၢ အပှၤတတီၤအကျါ လီၤ. လၢစီၤဖ့းရ့းအဖိတဖၣ်အကျါန့ၣ် တၢ်သုးမုၢ်အ ခိၣ်တဖၣ်အခိၣ်အိၣ်ဝဲလၢလါခီၣ်ထံးတလါအဂီၢ်လီၤ.
ဒီးလၢလါခံလါတလါ ပှၤအဃိဃးဖိစီၤဒိဒဲၤ အိၣ်ဝဲ လၢအဖီခိၣ်, ဒီးစီၤမံးကလိးမ့ၢ်ပဒိၣ်ဖးဒိၣ်, ဒီးပှၤခံက လးလွံၢ်ကထိအိၣ်ဝဲလၢအပှၤတတီၤအကျါလီၤ.
ပှၤသုးမုၢ်အခိၣ်သၢဂၤတဂၤ လၢလါသၢလါတလါ အဂီၢ်, မ့ၢ်ပှၤလုၢ်တၢ်အဒိၣ်အခိၣ် စီၤယဟိယဒါအဖိခွါ စီၤဘနါယၤ, ဒီးပှၤခံကလးလွံၢ်ကထိအိၣ်ဝဲလၢအပှၤတ တီၤလီၤ. တၢ်လၢစီၤဘနါယၤတဂၤန့ၣ် မ့ၢ်ပှၤအဆူၣ် လၢပှၤသၢဆံအကျါ, ဒီးအိၣ်ဝဲလၢပှၤသၢဆံအဖီခိၣ်, ဒီး အဖိခွါစီၤဧၤမံစဘးအိၣ်ဝဲလၢအပှၤတတီၤအကျါလီၤ.
ပှၤလွံၢ်ဂၤတဂၤလၢလါလွံၢ်လါတလါအဂီၢ်န့ၣ် မ့ၢ်စီၤယိၤအာ်အဒီပုၢ်ဝဲၢ် စီၤဧစၤအ့လး, ဒီးအဖိခွါစီၤစဘၤဒယၤလၢအလီၢ်ခံ, ဒီးပှၤခံကလးလွံၢ်ကထိအိၣ်ဝဲလၢအပှၤတတီၤအကျါလီၤ.
ပှၤယဲၢ်ဂၤတဂၤလၢလါယဲၢ်လါတလါအဂီၢ်န့ၣ် မ့ၢ်ပှၤ ယံးစရၤဃးဖိစီၤၡၤမူဃူး, ဒီးပှၤခံကလးလွံၢ်ကထိအိၣ်ဝဲ လၢအပှၤတတီၤအကျါလီၤ.
ပှၤဃုဂၤတဂၤလၢလါဃုလါတလါအဂီၢ်န့ၣ် မ့ၢ်ပှၤတ ကိၤဖိစီၤဧံက့ၣ်အဖိခွါစီၤဧံရၤ, ဒီးပှၤခံကလးလွံၢ်ကထိ အိၣ်ဝဲလၢအပှၤတတီၤအကျါလီၤ.
10 ပှၤနွံဂၤတဂၤလၢ လါနွံလါတလါအဂီၢ်န့ၣ် မ့ၢ်ပှၤပ လိၣ်ဖိစီၤဃ့လ့းလၢ ပှၤအ့ဖရဲၣ်ဖိအကျါ, ဒီးပှၤခံကလး လွံၢ်ကထိအိၣ်ဝဲလၢအပှၤတတီၤအကျါလီၤ.
11 ပှၤဃိးဂၤတဂၤလၢလါဃိးလါတလါအဂီၢ်န့ၣ် မ့ၢ်ပှၤ ဃူၡသးဖိစီၤစံးဘကဲၤလၢ ပှၤစၤရဃးဖိအကျါ, ဒီးပှၤ ခံကလးလွံၢ်ကထိအိၣ်ဝဲလၢအပှၤတတီၤအကျါလီၤ.
12 ပှၤခွံဂၤတဂၤလၢလါခွံလါတလါအဂီၢ်န့ၣ် မ့ၢ်ပှၤဧၤန သိသးဖိစီၤအဘံၤဧ့စ့ၢ် လၢပှၤဘံၣ်ယၤမံၣ်ဖိအကျါ, ဒီး ပှၤခံကလးလွံၢ်ကထိအိၣ်ဝဲလၢအပှၤတတီၤအကျါလီၤ.
13 ပှၤဆံဆဲၣ်ဂၤတဂၤ လၢလါဆံဆဲၣ်လါတလါအဂီၢ် န့ၣ်မ့ၢ်ပှၤနတိဖၤသးဖိ စီၤမၤဟရဲၤလၢ ပှၤစၤရဃးဖိအ ကျါ, ဒီးပှၤခံကလးလွံၢ်ကထိအိၣ်ဝဲလၢ အပှၤတတီၤ အကျါလီၤ.
14 ပှၤတဆံတၢဂၤတဂၤလၢ လါတဆံတၢ လါတလါ အဂီၢ်န့ၣ်မ့ၢ်ပှၤပံးရသိၣ်ဖိ စီၤဘနါယၤလၢပှၤအ့ဖရဲၣ်ဖိ အကျါ, ဒီးပှၤခံကလးလွံၢ်ကထိအိၣ်ဝဲလၢ အပှၤတတီၤ အကျါလီၤ.
15 ပှၤတဆံခံဂၤတဂၤလၢ လါတဆံခံလါတလါအဂီၢ် န့ၣ်မ့ၢ်ပှၤနတိဖၤသးဖိ စီၤဃ့လဒဲၤဘၣ်ဃးဒီးစီၤဧီၤသန့ လး, ဒီးပှၤခံကလးလွံၢ်ကထိအိၣ်ဝဲလၢ အပှၤတတီၤ အကျါလီၤ.
16 ဒီးပှၤအိၣ်လၢ အံၣ်စရ့လးအဒူၣ်တဖၣ် အဖီခိၣ်န့ၣ်, ပှၤရူၤဘ့ၣ်ဖိအပဒိၣ်ဖးဒိၣ်မ့ၢ် စီၤစံးကရံအဖိခွါစီၤအလၤ ဧစၢ်, လၢပှၤစူၤမ့းအိၣ်ဖိအဂီၢ်န့ၣ် မ့ၢ်စီၤမၤကၤအဖိခွါ စီၤၡဖးတယၤ, 17 လၢပှၤလ့ၤဝံဖိအဂီၢ်န့ၣ် စီၤကမူၤအ့လး အဖိခွါစီၤဃၡဘယၤ, လၢပှၤအၤဟရိၣ်ဖိအဂီၢ်န့ၣ် စီၤ စၤဒိး, 18 လၢယူဒၤအဂီၢ်န့ၣ်စီၤဒၤဝံးအဒီပုၢ်ဝဲၢ်တဂၤစီၤအ လံဟူၤ, လၢယံးစၣ်ကၢ်အဂီၢ်န့ၣ် စီၤမံၤက့လးအဖိခွါစီၤ ဧိၣ်ရံၤ, 19 လၢစဘူလိၣ်အဂီၢ်န့ၣ်စီၤဧိၤဘါဒယၤအဖိခွါစီၤ ယံးၡမၤယၤ, လၢနးသၤလံအဂီၢ်န့ၣ် စီၤဧၤစရံအ့လးအ ဖိခွါစီၤရံမိး, 20 လၢပှၤအ့ဖရဲၣ်ဖိအဂီၢ်န့ၣ် စီၤဧၤစါစယၤ အဖိခွါစီၤဟိၤရှ့, လၢမနၤရှ့ၤတခီဒူၣ်အဂီၢ်န့ၣ် စီၤပဒါ ယၤအဖိခွါစီၤယိၤအ့လး, 21 လၢမနၤရှ့ၤတခီဒူၣ်လၢကံး လဧးအပူၤအဂီၢ်န့ၣ် စီၤစကၤရယၤအဖိခွါစီၤဧံးဒိၤ, လၢ ဘံၣ်ယၤမံၣ်အဂီၢ်န့ၣ် စီၤအဘံန့ၢ်အဖိခွါ စီၤယၤစံအ့ လး, 22 လၢဒၣ်အဂီၢ်န့ၣ်စီၤယရိဃၣ်အဖိခွါ စီၤဧစၤရ့လး လီၤ. အဝဲသ့ၣ်တဖၣ်န့ၣ် မ့ၢ်အံၣ်စရ့လးအဒူၣ်တဖၣ်အ ခိၣ်လီၤ.
23 ဒီးစီၤဒၤဝံးတဂံၢ်ဘၣ် ပှၤအသးပှၢ်အနံၣ်ခံဆံ ဒီးလၢ အဖီလာ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲလၢအကမၤ အါထီၣ်အံၣ်စရ့လးဒ်မူခိၣ်အဆၣ်ဧိၤဖီဧိၤအသိးန့ၣ်လီၤ.
24 နီၢ်စရူယၤအဖိခွါ စီၤယိၤအာ် ဂံၢ်ထီၣ်သီ, ဒီးဂံၢ်တ လၢာ်ဘၣ်. အဂ့ၢ်ဒ်အံၤ, တၢ်သးထီၣ်ဘၣ်အံၣ်စရ့လး လၢတၢ်တမံၤန့ၣ်အဃိ, ဒီးတၢ်ဂံၢ်န့ၣ်တကွဲးဘၣ်အသး လၢလံာ်ကွဲးနီၣ်တၢ်ဘၣ်ဃးဒီး စီၤပၤဒၤဝံးအမုၢ်နံၤတဖၣ် ဘၣ်.
25 ဒီးလၢစီၤပၤအတၢ်ပာ်ဖှိၣ်အလီၢ်န့ၣ် စီၤဧဒံၤအ့လးအ ဖိခွါစီၤဧၤစမၤဝ့းအိၣ်ဝဲလၢအဖီခိၣ်, ဒီးလၢတၢ်ပာ်ဖှိၣ်အ လီၢ်လၢဟီၣ်ခိၣ်အကဝီၤပူၤ, လၢဝ့ၢ်ပူၤ, လၢတဝီပူၤ, ဒီးလၢတိာ်ပူၤန့ၣ်စီၤဧူးစံယါအဖိခွါ စီၤယိနၤသၣ်အိၣ်ဝဲ လၢအဖီခိၣ်လီၤ.
26 ဒီးလၢပှၤလၢအမၤတၢ်မၤလၢစံာ်ပူၤ လၢအမၤဟီၣ်ခိၣ် န့ၣ်စီၤကလူာ်အဖိခွါစီၤဧ့စရံၤအိၣ်ဝဲလၢအဖီခိၣ်လီၤ.
27 ဒီးလၢစပံးအလီၢ်န့ၣ် ပှၤရၤမးဖိစီၤၡံမံၤအိၣ်ဝဲလၢအ ဂီၢ်, လၢတၢ်လၢအဘၣ်ဃးဒီးစပံးအလီၢ်, လၢစပံးထံ ပာ်ဖှိၣ်အလီၢ်န့ၣ် ပှၤၡံးဖမးဖိစီၤစးဘဒံၤ အိၣ်ဝဲလၢအ ဖီခိၣ်လီၤ.
28 ဒီးလၢသ့ၣ်စၤယံးတဖၣ်န့ၣ်, ဒီးလၢသိးဝံာ်ဒၢအိၣ်ဝဲ လၢတၢ်ပျီပူၤန့ၣ် ပှၤက့ဒ့ၢ်ဖိစီၤဘဧၤလးဃနၣ်အိၣ်ဝဲလၢ အဖီခိၣ်, ဒီးလၢသိအတၢ်ပာ်ဖှိၣ်အလီၢ်န့ၣ် စီၤယိၤအၣ် အိၣ်ဝဲလၢအဖီခိၣ်လီၤ.
29 ဒီးလၢဂီၤဖံးအဖုတဖၣ် လၢအအီၣ်အဆၣ်လၢဘၤၡၣ် အပူၤန့ၣ်ပှၤၡၤရိၣ်ဖိ စီၤၡံးတြဲၤအိၣ်ဝဲလၢအဖီခိၣ်, ဒီးလၢ ဂီၤဖံးအဖုတဖၣ်အိၣ်ဝဲလၢ ကစၢၢ်ကဆူးအပူၤန့ၣ်စီၤဧၤ ဒလဲအဖိခွါစီၤၡၤဖးအိၣ်ဝဲလၢအဖီခိၣ်လီၤ.
30 ဒီးလၢကီၤလၤအူးန့ၣ် ပှၤယံးၡမၤဧ့လးဖိ စီၤအိၤဟံ လးအိၣ်ဝဲလၢအဖီခိၣ်, ဒီးလၢကသ့ၣ်ယီၤန့ၣ် ပှၤမ့ၤရိ နိၤသးဖိစီၤယ့ဒယၤအိၣ်ဝဲလၢအဖီခိၣ်လီၤ.
31 လၢသိဒီးမဲာ်တဲးလဲးအဖုတဖၣ်န့ၣ် ပှၤဃၤကၢ်ဖိ စီၤ ယၤစံးအိၣ်ဝဲလၢအဖီခိၣ်လီၤ. အဝဲသ့ၣ်ခဲလၢာ်န့ၣ်မ့ၢ်ပှၤ အိၣ်ဝဲလၢစီၤပၤဒၤဝံးအတၢ်ဖိတၢ်လံၤအဖီခိၣ်လီၤ.
32 ဒီးစီၤဒၤဝံးအဖါတံၢ်စီၤယိၤနၤသၣ် မ့ၢ်ပှၤကူၣ်လိာ်အ သး, ပှၤကူၣ်တၢ်သ့, ဒီးပှၤကွဲးလံာ်, ဒီးစီၤဃၤကမိၣ် အဖိခွါစီၤယဃံအ့လးအိၣ်ဝဲဒီးစီၤပၤအဖိခွါတဖၣ်လီၤ.
33 ဒီးစီၤအဃံသဖ့ၤလး မ့ၢ်စီၤပၤအပှၤကူၣ်လိာ်အသး, ဒီးပှၤအၢ်ကးဖိစီၤဃူၡဲၤ မ့ၢ်စီၤပၤအသကိးလီၤ.
34 ဒီးလၢစီၤအဃံသဖ့ၤလးအလီၢ်ခံန့ၣ် စီၤဘနါယၤအ ဖိခွါစီၤယဟိယဒါ, ဒီးစီၤအ့ဘယၤသၢ်အိၣ်ဝဲလီၤ. ဒီး စီၤပၤအပှၤသုးမုၢ်အခိၣ်မ့ၢ်စီၤယိၤအာ်လီၤ.