23
1 ဒီးစီၤဒၤဝံးအသးပှၢ်တ့ၢ်, ဒီးပှဲၤဝဲဒီးမုၢ်နံၤတဖၣ်, ဒီးပာ် အဖိခွါစီၤၡလိၤမိၤလၢစီၤပၤလၢ အံၣ်စရ့လးအဖီခိၣ်လီၤ.
2 ဒီးဒုးအိၣ်ဖှိၣ်ရိဖှိၣ်ကယဲၢ်အံၣ်စရ့လး အပဒိၣ်ဖးဒိၣ်ခဲ လၢာ်, ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိန့ၣ်လီၤ.
3 ဒီးတၢ်ဂံၢ်ပှၤလ့ၤဝံဖိလၢအသးပှၢ်အနံၣ်သၢဆံ, ဒီးအါ န့ၢ်အန့ၣ်, ဒီးအတၢ်ဂံၢ်ဒ်အခိၣ်တဂၤတဂၤအသိးန့ၣ်မ့ၢ် ပှၤသၢကလးဃိးကထိလီၤ.
4 လၢပှၤတဖၣ်အကျါန့ၣ်, ပှၤခံကလးလွံၢ်ကထိအိၣ်ဝဲ လၢယွၤအဟံၣ်အတၢ်မၤအဖီခိၣ်, ဒီးပှၤဃုကထိမ့ၢ်ပှၤ ကွဲးလံာ်, ဒီးပှၤစံၣ်ညီၣ်ကွီၢ်လီၤ.
5 ဒီးပှၤလွံၢ်ကထိမ့ၢ် ပှၤပၢၤပဲတရီ, ဒီးပှၤလွံၢ်ကထိစံးထီၣ်ပတြၢၤယွၤလၢဒံၣ် ဒၢပီၤဒွါလၢယတ့လၢတၢ်စံးထီၣ်ပတြၢၤအဂီၢ်န့ၣ်, စီၤဒၤ ဝံးစံးဝဲဒၣ်.
6 ဒီးစီၤဒၤဝံးနီၤဖးအီၤတတီၤတတီၤ လၢစီၤလ့ၤဝံအဖိခွါ အကျါ, စီၤက့ရၡိၣ်, စီၤကဃး, ဒီးစီၤမရၤရံလီၤ.
7 လၢပှၤက့ရၡိၣ်ဖိအကျါန့ၣ် မ့ၢ်စီၤလၤဒၣ်, ဒီးစီၤၡံမံၤ လီၤ.
8 စီၤလၤဒၣ်အဖိခွါန့ၣ် အခိၣ်မ့ၢ်စီၤယဃံအ့လး, ဒီးစီၤ စ့ၤသၣ်, ဒီးစီၤယိၤအ့လး, သၢဂၤလီၤ.
9 စီၤၡံမံၤအဖိခွါမ့ၢ်စီၤၡလိမံး, ဒီးစီၤဃစံၤအ့လး, ဒီး စီၤဃၤရၣ်, သၢဂၤလီၤ. အဝဲသ့ၣ်တဖၣ်န့ၣ်မ့ၢ်တၢ်အ ခိၣ်လၢစီၤလၤဒၣ်အပၢ်တဖၣ်အကျါလီၤ.
10 ဒီးစီၤၡံမံၤအဖိခွါတဖၣ် မ့ၢ်စီၤယၤဃး, စီၤစံနၤ, ဒီး စီၤယဧူၡး, ဒီးဘရံဧၤလီၤ. အဝဲသ့ၣ်လွံၢ်ဂၤန့ၣ်မ့ၢ်စီၤၡံမံၤ အဖိခွါလီၤ.
11 ဒီးစီၤယၤဃးမ့ၢ်တၢ်အခိၣ်, ဒီးစီၤစံစၤ မ့ၢ်ပှၤခံဂၤတ ဂၤ, ဒီးစီၤယဧူၡး, ဒီးစီၤဘရံဧၤအဖိခွါအါဂၤ တအိၣ် ဘၣ်ဒီး, အိၣ်ဝဲလၢတၢ်ဂံၢ်တမံၤဃီလၢအပၢ်အပှၤဟံၣ်ဖိ အကျါန့ၣ်လီၤ.
12 စီၤကဃးအဖိခွါမ့ၢ်စီၤဧၤမရၣ်, စီၤယံးစဟၢ်, စီၤဃ့ ဘြိၣ်, ဒီးဧူးစံၤအ့လး, လွံၢ်ဂၤလီၤ.
13 စီၤဧၤမရၣ်အဖိခွါမ့ၢ် စီၤအၤဟရိၣ်ဒီးစီၤမိၤရှ့လီၤ. ဒီး တၢ်နီၤဖးပာ်စီၤအၤဟရိၣ်ဒ်သိး အကမၤစီဆှံတၢ်စီဆှံက တၢၢ်တဖၣ်, အဝဲဒၣ်ဒီးအဖိခွါလီၤထူလီၤယိာ်လၢအက ဆိၣ်ကဲၤတၢ်နၢမူလၢယွၤအမဲာ်ညါ လၢအကမၤအခ့အ ပှၤအတၢ်မၤ, ဒီးလၢအကဆိၣ်ဂ့ၤတၢ်လၢအမံၤလီၤထူ လီၤယိာ်လီၤ.
14 ဒီးယွၤအပှၤကညီစီၤမိၤရှ့န့ၣ် အဖိခွါတဖၣ်ဘၣ်တၢ် ကိးထီၣ်အီၤလၢလ့ၤဝံတကလုာ်အကျါလီၤ. စီၤမိၤရှ့အဖိခွါမ့ၢ်စီၤက့ရၡိၣ်, ဒီးစီၤအလၤဧစၢ်လီၤ.
15 15
16 လၢစီၤက့ရၡိၣ်အဖိခွါအကျါန့ၣ် စီၤၡဘူၤအ့လးမ့ၢ်အခိၣ် လီၤ.
17 ဒီးစီၤအလၤဧစၢ်အဖိခွါ မ့ၢ်အခီၣ်ထံးစီၤရဃါဘ ယၤလီၤ. ဒီးစီၤအလၤဧစၢ်အဖိခွါအဂၤတဖၣ် တအိၣ် ဘၣ်. မ့မ့ၢ်စီၤရဃါဘယၤအဖိခွါအိၣ်အါဂၤလီၤ.
18 လၢစီၤယံးစဟၢ်အဖိခွါအကျါန့ၣ် စီၤၡလိၤမံးမ့ၢ်တၢ် အခိၣ်လီၤ.
19 လၢစီၤဃ့ဘြိၣ်အဖိခွါအကျါန့ၣ် အခီၣ်ထံးတဂၤစီၤ ယရံယၤ, စီၤအမၤရယၤခံဂၤတဂၤ, စီၤယၤဃစံၤအ့လး သၢဂၤတဂၤ, စီၤယကၤမၣ်လွံၢ်ဂၤတဂၤလီၤ.
20 လၢစီၤဧူးစံၤအ့လးအဖိခွါအကျါန့ၣ် အခီၣ်ထံးတဂၤ စီၤမံၤကါ, ဒီးစီၤယၡံယၤခံဂၤတဂၤလီၤ.
21 စီၤမရၤရံၤအဖိခွါမ့ၢ်စီၤမးဃၤလံၤ, ဒီးစီၤမူၡံၤလီၤ. စီၤ မးဃၤလံၤအဖိခွါမ့ၢ်စီၤအလၤဧစၢ်, ဒီးစီၤကံၣ်လီၤ.
22 ဒီးစီၤအလၤဧစၢ်သံဝဲ, ဒီးအဖိခွါတအိၣ်ဘၣ်, အိၣ်ထဲ ဖိမုၣ်ဧိၤလီၤ. အဒီပုၢ်ဝဲၢ်စီၤကံၣ်အဖိခွါတဖၣ် ဟံးန့ၢ်အီၤ လီၤ.
23 ဒီးစီၤမူၡံၤအဖိခွါတဖၣ် မ့ၢ်စီၤမးဃၤလံၤဒီးစီၤဧ့ဒ့ၢ်, ဒီး စီၤယရံမိး, သၢဂၤလီၤ.
24 အဝဲသ့ၣ်တဖၣ် မ့ၢ်စီၤလ့ၤဝံအဖိခွါဒ်အပၢ်အဟံၣ်အ သိး, ပှၤအပၢ်တဖၣ်အခိၣ် ဒ်တၢ်ဂံၢ်အမံၤတဂၤတဂၤအ သိး, လၢအမၤယွၤအဟံၣ်အခ့အပှၤအတၢ်မၤလၢအသး ပှၢ်အနံၣ်ခံဆံ, ဒီးအါန့ၢ်အန့ၣ်တက့ၢ်လီၤ.
25 အဂ့ၢ်ဒ်အံၤ, စီၤဒၤဝံးစံးဝဲဒၣ်, ယွၤအံၣ်စရ့လးအက စၢ်ဒုးအိၣ်ဘှံးအပှၤဂီၢ်မုၢ် ဒ်သိးအကအိၣ်ကဆိးလၢယရူၤ ၡလ့ၣ်အပူၤလီၤထူလီၤယိာ်လီၤ.
26 ဒီးလၢပှၤလ့ၤဝံဖိစ့ၢ် ကီးအဂ့ၢ်အကျိၤန့ၣ် ဒဲမ့ၢ်ဂ့ၤ, တၢ်အဃၢၤအဃိၢ်လၢအ တၢ်မၤအဂီၢ်မ့ၢ်ဂ့ၤ, တစိာ်လၢၤဘၣ်ဝဲဘၣ်.
27 အဂ့ၢ်ဒ်အံၤ, ဒ်စီၤဒၤဝံးအတၢ်ကတိၤလၢခံကတၢၢ်အသိးန့ၣ် ပှၤလ့ၤ ဝံဖိဘၣ်တၢ်ဂံၢ်အီၤ, လၢအသးပှၢ်အနံၣ်ခံဆံ, ဒီးအါန့ၢ် အန့ၣ်တက့ၢ်လီၤ.
28 အဂ့ၢ်ဒ်အံၤ, အတၢ်မၤမ့ၢ်အအိၣ်ခိး စီၤအၤဟရိၣ်အဖိ ခွါလၢယွၤအဟံၣ်အတၢ်မၤအဂီၢ်လၢဂၢၤတဖၣ်အပူၤ, ဒီး လၢဒၢးတဖၣ်အပူၤ, ဒီးလၢတၢ်မၤကဆှီတၢ်စီဆှံခဲလၢာ်, ဒီးလၢတၢ်မၤယွၤအဟံၣ် အခ့အပှၤအတၢ်မၤ,
29 ဒီးလၢ တၢ်မဲာ်ညါအကိၣ်အဂီၢ်, ဒီးလၢကိၣ်ကမူၣ်လၢတၢ်မၤ ဘူၣ်အဂီၢ်, ဒီးလၢကိၣ်တဃါဃုာ်ဘၣ်ဒီး ကိၣ်မံၣ်အ ဘ့ၣ်ဘၣ်တဖၣ်အဂီၢ်, ဒီးလၢတၢ်လၢသပၢၤပူၤအဂီၢ်, ဒီး လၢတၢ်ဘၣ်ကုၢ်အဂီၢ်, ဒီးလၢကယဲၢ်တၢ်ဃီၣ်တၢ်, ဒီး လၢကယဲၢ်တၢ်ထိၣ်တၢ်အဂီၢ်,
30 ဒီးလၢအကဆၢထၢၣ် ကိးဂီၤဒဲးဒ်သိးအကအူးတၢ်, ဒီးစံးထီၣ်ပတြၢၤယွၤ, ဒီး မုၢ်ဟါဒ်န့ၣ်အသိး,
31 ဒီးဒ်သိးအကလုၢ်ယွၤလၢကယဲၢ် တၢ်လုၢ်မ့ၣ်အူ, လၢအိၣ်ဘှံးနံၤ, လၢလါထီၣ်သီတဖၣ်, ဒီးလၢတၢ်အဆၢအကတီၢ် အတၢ်မၤဘူၣ်အနံၤလၢတၢ် ဂံၢ်အီၤ, ဒ်တၢ်စံၣ်ညီၣ်အီၤတထံၣ်ဃီလၢယွၤအမဲာ်ညါ,-
32 ဒီးဒ်သိးအကကွၢ်တၢ်ကွၢ်အလီၢ်ဘၣ်ဃးဒီး တၢ်အိၣ်ဖှိၣ် အဒဲ, ဒီးတၢ်ကွၢ်တၢ်အလီၢ်စီဆှံ, ဒီးတၢ်ကွၢ်ဘၣ်ဃးဒီး အဒီပုၢ်ဝဲၢ်စီၤအၤဟရိၣ်အဖိခွါတဖၣ် လၢယွၤအဟံၣ်အ တၢ်မၤအပူၤလီၤ.