21
ဒီးမုၣ်ကီၤလံၢ်ဆၢထၢၣ်ထီဒါ အံၣ်စရ့လး, ဒီးထိၣ် ဂဲၤစီၤဒၤဝံးလၢအကဂံၢ်ပှၤအံၣ်စရ့လးဖိလီၤ.
ဒီးစီၤဒၤဝံးစံးဘၣ် စီၤယိၤအာ်, ဒီးပှၤဂီၢ်မုၢ်အခိၣ်တ ဖၣ်, လဲၤဂံၢ်အံၣ်စရ့လးလၢဒၣ်ပၢၢ်လၢဘ့ၢ်ၡဘၤ, ဒီးဟဲ စိာ်အတၢ်ဂံၢ်ဆူယအိၣ်ဒ်သိးယကသ့ၣ်ညါတက့ၢ်.
ဒီးစီၤယိၤအာ်စံးဝဲဒၣ်, ပှၤဂီၢ်မုၢ်မ့ၢ်အိၣ် ပှဲၤအံၤပှဲၤနုၤ န့ၣ်ဒီး, မ်ယွၤမၤအါထီၣ်အါန့ၢ်အလီၢ် အစးတကယၤ တက့ၢ်. ယကစၢ်စီၤပၤဧၢ, အဝဲသ့ၣ်ခဲလၢာ်န့ၣ်မ့ၢ်ယက စၢ်အခ့အပှၤ, တမ့ၢ်ဘၣ်ဧါ. ယကစၢ်ဃုတၢ်တမံၤအံၤ မ့ၢ်အဘၣ်မနုၤလဲၣ်, ကကဲထီၣ်တၢ်ဒုးဘၣ်အံၣ်စရ့လး လၢတၢ်ဒဲးဘးန့ၣ်မ့ၢ်အဘၣ်မနုၤလဲၣ်.
ဘၣ်ဆၣ်ဒီးစီၤပၤအတၢ်ကတိၤဆူၣ်န့ၢ် စီၤယိၤအာ်အ တၢ်ကတိၤ, ဒီးစီၤယိၤအာ်ဟးထီၣ်ဝဲ, ဒီးလဲၤဝဲလၢအံၣ် စရ့လးခဲလၢာ်အကျါ, ဒီးဟဲက့ၤဝဲဆူ ယရူၤၡလ့ၣ်အ ပူၤလီၤ.
ဒီးစီၤယိၤအာ် ဟ့ၣ်လီၤစီၤပၤလၢပှၤဂီၢ်မုၢ် အတၢ်ဂံၢ်, ဒီးပှၤလၢအဘီၣ်ထီၣ်နးလၢအံၣ်စရ့လးအပူၤ အိၣ်တက ကွဲၢ်တကလီၤ, ဒီးယူဒၤအပှၤကညီလၢ အဘီၣ်ထီၣ်နး အိၣ်လွံၢ်ကလီၤနွံကလးလီၤ.
ဒီးလ့ၤဝံ, ဒီးဘံၣ်ယၤမံၣ်န့ၣ် တဂံၢ်ဘၣ်ဝဲလၢအကျါ ဘၣ်. အဂ့ၢ်ဒ်အံၤ, စီၤပၤအကလုၢ်န့ၣ်မ့ၢ်တၢ်သးဘၣ် အၢဒီးစီၤယိၤအာ်လီၤ.
ဒီးတၢ်တမံၤန့ၣ်တဘၣ်ဘၣ် ယွၤအသးအဃိ, ဒီးကျီ အံၣ်စရ့လးလီၤ.
ဒီးစီၤဒၤဝံးစံးလၢယွၤ ယမၤကမၣ်လံဖးဒိၣ်လၢယမၤ တၢ်န့ၣ်တမံၤအဃိ, ဒီးခဲကနံၣ်အံၤ ပျၢ်လၢ်နခ့နပှၤအ တၢ်ဒဲးဘးတက့ၢ်. အဂ့ၢ်ဒ်အံၤ, ယမၤလံပှၤဟးဂီၤဖိအ တၢ်ဒိၣ်ဒိၣ်ကလဲာ်လံ.
ဒီးယွၤကတိၤတၢ်ဒီးစီၤကး, စီၤဒၤဝံးအပှၤထံၣ်တၢ်တ ဂၤ, ဒီးစံးဝဲဒၣ်, 10 လဲၤစံးဘၣ်စီၤဒၤဝံးဒီးစံး, ယွၤစံးဝဲဒ်အံၤ, ယပာ်တၢ်သၢမံၤလၢနမဲာ်ညါလီၤ. ဃုထၢတမံၤမံၤလၢ အကျါတက့ၢ်.ဒ်သိးယကပာ်တၢ်န့ၣ်တမံၤလၢနဂီၢ်လီၤ.
11 ဒီးစီၤကးဟဲဆူစီၤဒၤဝံးအအိၣ်, ဒီးစံးဘၣ်အီၤ, ယွၤ စံးဒ်အံၤ, တၢ်သၣ်ဝံၤလီၤဒိသၢနံၣ်, 12 မ့တမ့ၢ်ဘၣ်ဃ့ၢ် လၢနဒုၣ်နဒါအမဲာ်ညါသၢလါ, ဒီးနဒုၣ်နဒါအနးချုးန့ၢ် နၤ, မ့တမ့ၢ်ဘၣ်, ယွၤအနးတဘ့ၣ်, တၢ်သံသတြိာ်အိၣ် သၢနံၤလၢကီၢ်ပူၤ, ဒီးယွၤအကလူးမၤဟးဂီၤတၢ်လၢအံၣ် စရ့လးအကီၢ်ဃၢၤခဲလၢာ်, ဃုထၢတၢ်တမံၤမံၤတက့ၢ်. ဒီးခဲကနံၣ်အံၤ, ကွၢ်, ယဘၣ်စံးဘၣ်ပှၤလၢအမၢလီၤ ယၤတဂၤဒ်လဲၣ်.
13 ဒီးစီၤဒၤဝံးစံးဘၣ်စီၤကး, တၢ်မၤကိၢ်မၤဂီၤယၤဒိၣ်မး လီၤ. မ်ယလီၤဘၣ်လၢယွၤအစုပူၤတက့ၢ်. (အဂ့ၢ်ဒ်အံၤ, အသးအိၣ်ပှၤဒိၣ်နီၢ်မးလီၤ.) ဒီးမ်ယသုတလီၤဘၣ်လၢ ပှၤကညီအစုပူၤတဂ့ၤ.
14 ဒီးယွၤမၢလီၤတၢ်သံသတြိာ် လၢအံၣ်စရ့လးအဖီခိၣ်, ဒီးပှၤနွံကလးလီၤဃံၤလၢအကျါလီၤ.
15 ဒီးယွၤမၢလီၤကလူးတဂၤဆူယရူၤၡလ့ၣ်, ဒ်သိးအက မၤဟးဂီၤအီၤလီၤ. ဒီးမၤဟးဂီၤတၢ်အဖၢမုၢ်ဒီး, ယွၤကွၢ် လီၤ. ဒီးပီၢ်ယၢ်လီၤက့ၤအသးလၢတၢ်အၢန့ၣ်, ဒီးစံးဘၣ် ကလူးလၢအမၤဟးဂီၤတၢ်တဂၤန့ၣ်, အါလံ, ယၤလီၤ က့ၤနစုတက့ၢ်. ဒီးယွၤအကလူးန့ၣ်ဆၢထၢၣ်လၢပှၤယ ဘူၣ်ဖိစီၤအၤရနၤအကြဲၢ်ပူၤန့ၣ်လီၤ.
16 ဒီးစီၤဒၤဝံးကျ့ထီၣ်အမဲာ်, ဒီးထံၣ်ယွၤအကလူးတဂၤ ဆၢထၢၣ်လၢ ဟီၣ်ခိၣ်ဒီးမူခိၣ်အဘၢၣ်စၢၤ, ဒီးအနးတ ဘ့ၣ်ဘီၣ်ထီၣ်အသးလၢအစုပူၤ အိၣ်ယူာ်ထီၣ်အသးလၢ အံၣ်စရ့လးအဖီခိၣ်, ဒီးစီၤဒၤဝံးဒီးပှၤသူၣ်က့သးပှၢ်သိး ဝဲလၢထၢၣ်အတၢ်ကံးညာ်တဖၣ်န့ၣ် ထိၣ်လီၤပှီၤအသး လီၤ. 17 ဒီးစီၤဒၤဝံးစံးဘၣ်ယွၤ, ယမၤလိာ်ယဲလၢပှၤဂီၢ် မုၢ်ကဘၣ်တၢ်ဂံၢ်အီၤတမ့ၢ်ဘၣ်ဧါ. ယဲဒၣ်အံၤယမၤက မၣ်လံတၢ်ဒီးမၤလံတၢ်အၢဒိၣ်မးလံ. မ့မ့ၢ်သိတဖၣ်အံၤ မ့ၢ်အမၤမနုၤတမံၤလဲၣ်. မ်နစုအိၣ်လၢ်လၢယခိၣ်လိၤ, ဒီးလၢယပၢ်အပှၤဟံၣ်ဖိအခိၣ်လိၤန့ၣ်တက့ၢ်, ယွၤယက စၢ်ဧၢ, ဒီးတမ့ၢ်ဘၣ်လၢနပှၤဂီၢ်မုၢ်အလိၤ လၢအကဘၣ် တၢ်သံသတြိာ်ဘၣ်.
18 ဒီးယွၤအကလူးမၤလိာ်စီၤကးလၢ အကစံးဘၣ်စီၤဒၤ ဝံးလၢစီၤဒၤဝံးဘၣ်လဲၤထီၣ်, ဒီးမၤထီၣ်တၢ်လုၢ်လီၢ်လၢ ယွၤအဂီၢ်လၢပှၤယဘူၣ်ဖိစီၤအၤရနၤအကြဲၢ်ပူၤလီၤ.
19 ဒီးစီၤဒၤဝံးလဲၤထီၣ်လၢ စီၤကးအကလုၢ်လၢအကတိၤ ဝဲလၢယွၤအမံၤန့ၣ်လီၤ.
20 ဒီးစီၤအၤရနၤဃၣ်အသး, ဒီးထံၣ်ဘၣ်ကလူးန့ၣ်, ဒီး ပာ်ခူသူၣ်အသးအိၣ်ဒီးအဖိခွါလွံၢ်ဂၤလီၤ. ဒီးမ့ၢ်လၢစီၤ အၤရနၤယီၢ်ဘုကၠူၣ်လီၤ.
21 ဒီးစီၤဒၤဝံးဟဲဝဲဆူစီၤအၤရနၤအအိၣ်, ဒီးစီၤအၤရနၤ ကွၢ်ဝဲ, ဒီးထံၣ်စီၤဒၤဝံး, ဒီးစီၤအၤရနၤလဲၤထီၣ်လၢကြဲၢ် ပူၤ, ဒီးတီၤလီၤကဒွံကျိာ်, ဒီးပိာ်လီၤအမဲာ်ဆူဟီၣ်ခိၣ် လၢစီၤဒၤဝံးအမဲာ်ညါလီၤ.
22 ဒီးစီၤဒၤဝံးစံးဘၣ်စီၤအၤရနၤ, ဟ့ၣ်ယၤလၢ ကြဲၢ်အ လီၢ်အံၤ, ဒ်သိးယကမၤထီၣ်တၢ်လုၢ်အလီၢ်လၢယွၤအဂီၢ် တက့ၢ်. နဘၣ်ဟ့ၣ်ယၤလၢအပှ့ၤအလၢအပှဲၤ ဒ်သိး တၢ်ကတြီတၢ်သံသတြိာ်လၢပှၤဂီၢ်မုၢ်အဂီၢ်လီၤ.
23 ဒီးစီၤအၤရနၤစံးဘၣ်စီၤဒၤဝံး, မ်ယကစၢ်စီၤပၤဟံးန့ၢ် တၢ်, ဒီးမၤတၢ်အဂ့ၤလၢအမဲာ်တက့ၢ်. ကွၢ်ကွၢ်, ယဟ့ၣ် ဂီၤဖံးလၢတၢ်လုၢ်မ့ၣ်အူအဂီၢ်, ဒီးနီၣ်တီၢ်ဘု, ဒီးဂီၤဖံး အဃၢၤအဃိၢ်တဖၣ်လၢသ့ၣ်မုၢ်အဂီၢ်, ဒီးဘုကၠူၣ်လၢ တၢ်မၤဘူၣ်ကိၣ်အဂီၢ်လီၤ. တၢ်ခဲလၢာ်န့ၣ်ယဟ့ၣ်လီၤ.
24 ဒီးစီၤပၤစံးဘၣ်စီၤအၤရနၤ, တမ့ၢ်ဘၣ်, ယကပှ့ၤတၢ် လၢနၤလၢတၢ်အပှ့ၤအလၢအပှဲၤလီၤ. ယတဟံးန့ၢ်နတၢ် လၢယွၤအဂီၢ်ဘၣ်, ဒီးယတလုၢ်တၢ်လုၢ်မ့ၣ်အူလၢတၢ် လၢယန့ၢ်ကလီဘၣ်. 25 ဒီးစီၤဒၤဝံး ဟ့ၣ်စီၤအၤရနၤလၢ တၢ်အလီၢ်အဂီၢ်လၢထူၡက့လးဃုကယၤ လၢအလီၤတ ယၢၢ်ဝဲလီၤ.
26 ဒီးစီၤဒၤဝံးမၤထီၣ်တၢ်လုၢ်လီၢ်ဖဲန့ၣ်လၢယွၤအဂီၢ်, ဒီး လုၢ်တၢ်လုၢ်မ့ၣ်အူ, ဒီးတၢ်လုၢ်မၤဃူမၤဖိးလီၤ. ဒီးကိး ထီၣ်ယွၤ, ဒီးယွၤစံးဆၢအီၤလၢမ့ၣ်အူလၢမူခိၣ် ဖဲတၢ် လုၢ်လီၢ်မ့ၣ်အူအဖီခိၣ်လီၤ.
27 ဒီးယွၤမၤလိာ်အကလူး, ဒီးအဝဲဒၣ်ဖျီၣ်နုာ်က့ၤအနး လၢအတြိးပူၤန့ၣ်လီၤ.
28 အကတီၢ်ဖဲန့ၣ် တုၤစီၤဒၤဝံးထံၣ်လၢ ယွၤစံးဆၢအီၤ လၢပှၤယဘူၣ်ဖိ စီၤအၤရနၤအကြဲၢ်ပူၤဒီး, လုၢ်တၢ်ဖဲန့ၣ် လီၤ. 29 အဂ့ၢ်ဒ်အံၤ, ဒီးယွၤအဒဲလၢစီၤမိၤရှ့တ့ဝဲလၢပှၢ် မုၢ်ကနၢန့ၣ်, ဒီးတၢ်လုၢ်လီၢ်မ့ၣ်အူန့ၣ်အိၣ်ဝဲအဆၢအက တီၢ်ဖဲန့ၣ်လၢတၢ်အလီၢ်ထီၣ်ထီလၢကံးဘိၣ်အပူၤလီၤ.
30 ဘၣ်ဆၣ်ဒီးစီၤဒၤဝံးလဲၤလၢအမဲာ်ညါ ဒ်သိးအကသံ ကွၢ်တၢ်လၢယွၤ တသ့ဘၣ်. အဂ့ၢ်ဒ်အံၤ, ပျံၤတၢ်လၢ ယွၤအကလူးအနးတဘ့ၣ်အဃိန့ၣ်လီၤ.