18
1 ဒီးတၢ်န့ၣ်အလီၢ်ခံ တၢ်မၤအသးလၢစီၤဒၤဝံးကျီကွံာ် ပှၤဖလ့ၡသးဖိ, ဒီးမၤနၢၤအီၤ, ဒီးမၤန့ၢ်ကၤသး, ဒီးအ တဝီတဖၣ်လၢပှၤဖလ့ၡသးဖိအစုပူၤလီၤ.
2 ဒီးကျီကွံာ်မိၤအး, ဒီးပှၤမိၤအးဖိကဲထီၣ် စီၤဒၤဝံးအခ့ အပှၤ, ဒီးဟ့ၣ်သွဲလီၤ.
3 ဒီးဖဲစိၤဘၤအစီၤပၤ ဟးဒၢ်ဧ့စ့ၢ်လဲၤမၤကျၢၤ အကီၢ် ဃၢၤလၢထံမိၢ်ပှၢ်ဖရၤသးအနံၤန့ၣ် စီၤဒၤဝံးကျီကွံာ်အီၤ ပၢၢ်လၢဃမါသးလီၤ.
4 စီၤဒၤဝံးဟံးန့ၢ်လ့ၣ်ကဟၣ်အဆိတကထိလၢအီၤ, ဒီး ပှၤကသ့ၣ်သုးဖိနွံကထိ, ဒီးပှၤခီၣ်သုးဖိခံကလး, ဒီးစီၤ ဒၤဝံးပဲာ်တဲာ်ကွံာ် လ့ၣ်ကဟၣ်အကသ့ၣ်အခီၣ်ထူၣ် ခဲ လၢာ်, ဘၣ်ဆၣ်ဒီးပာ်လီၤတဲာ်ဝဲလ့ၣ်ကဟၣ်တကယၤ လၢအကျါလီၤ.
5 ဒီးတုၤပှၤစူၤရံဖိ လၢဒၤမ့းစ့းဟဲမၤစၢၤ စိဘၤအစီၤပၤ ဟးဒၢ်ဧ့စ့ၢ်ဒီး, စီၤဒၤဝံးကျီကွံာ်ပှၤစူၤရံဖိခံကလးခံကထိ လီၤ.
6 ဒီးစီၤဒၤဝံးပာ်ပှၤပၢၤတၢ်ဖိတဖၣ် လၢစူၤရံဘၣ်ဃးဒီး ဒၤမ့ၤစ့း, ဒီးပှၤစူၤရံဖိကဲထီၣ်စီၤဒၤဝံးအခ့အပှၤ, ဒီးဟ့ၣ် သွဲလီၤ. ဒီးဖဲဒၣ်စီၤဒၤဝံးလဲၤတၢ်တပူၤလၢ်လၢ်န့ၣ် ယွၤ အံးထီၣ်ကွၢ်လီၤအီၤလီၤ.
7 ဒီးစီၤဒၤဝံးဟံးန့ၢ်ကတီၤထူလၢ အအိၣ်ဝဲလၢစီၤဟး ဒၢ်ဧ့စ့ၢ်အခ့အပှၤအလိၤ, ဒီးဟဲစိာ်အီၤဆူ ယရူၤၡလ့ၣ် လီၤ.
8 ဒီးစီၤဒၤဝံးဟံးန့ၢ်တိၢ်ဧိၤပှာ်ဧိၤ အါအါကလဲာ် လၢတံးဘဃး, ဒီးကူၣ်, စီၤဟးဒၢ်ဧ့စ့ၢ်အဝ့ၢ်တဖၣ်အပူၤ, ဒီးစီၤၡလိၤမိၤတ့ပီၣ်လဲၣ်တိၢ်, ဒီးထူၣ်တဖၣ်, ဒီးတၢ်အ ဃၢၤအဃိၢ်တိၢ်သ့ၣ်တဖၣ်လၢအီၤလီၤ.
9 ဒီးတုၤဃမါသးအစီၤပၤ စီၤတိဧူၤနၢ်ဟူဝဲလၢစီၤဒၤဝံး ကျီကွံာ်စိဘၤ အစီၤပၤဟးဒၢ်ဧ့စ့ၢ် အပှၤသုးမုၢ်ခဲလၢာ် ဒီး,
10 မၢအဖိခွါစီၤဟဒိရၣ်လဲၤကတိၤဒိၣ်အီၤ, ဒီးဆိၣ် ဂ့ၤအီၤလၢအဒုးသုးဒီးစီၤဟးစၢ်ဧ့စ့ၢ်, ဒီးကျီကွံာ်အီၤအ ဃိလီၤ. (အဂ့ၢ်ဒ်အံၤ, စီၤဟးဒၢ်ဧ့စ့ၢ်ဒုးတ့ၢ်တၢ်ဒီးစီၤတိဧူၤ လီၤ.) ဒီးဟဲစိာ်ဝဲဒီးလီခီထူ, ဒီးလီခီစ့, ဒီးလီခီတိၢ်လီၤ.-
11 အဝဲသ့ၣ်တဖၣ်န့ၣ် စီၤပၤဒၤဝံးမၤဘူၣ်ယွၤလၢအီၤအိၣ်ဒီး ကျိၣ်ဧိၤစ့ဧိၤ, ဒီးထူဧိၤလွဲဧိၤလၢအမၤန့ၢ်လၢပှၤကလုာ်ခဲ လၢာ်, လၢအဒိၣ်, ဒီးလၢမိၤအး, ဒီးလၢပှၤဧၣ်မိၣ်ဖိ, ဒီးလၢပှၤဖလ့ၡသးဖိ, ဒီးလၢပှၤဧမၤလ့းဖိန့ၣ်လီၤ.
12 ဒီးနီၢ်စရူၤယၤအဖိခွါစီၤအဘံၡဲၤန့ၣ် ကျီကွံာ်ပှၤအဒိၣ် ဖိတကလးဃိးကထိလၢကစၢၢ်ကဆူးအံသၣ်အပူၤလီၤ.
13 ဒီးပာ်ပှၤပၢၤတၢ်ဖိလၢအဒိၣ်အပူၤ, ဒီးကယဲၢ်ပှၤအဒိၣ် ဖိကဲထီၣ်စီၤဒၤဝံးအခ့အပှၤခဲလၢာ်လီၤ. ဒီးဖဲဒၣ်စီၤဒၤဝံး လဲၤဝဲတပူၤလၢ်လၢ်န့ၣ်ယွၤအံးထီၣ်ကွၢ်လီၤအီၤလီၤ.
14 ဒီးစီၤဒၤဝံးကဲစီၤပၤလၢအံၣ်စရ့လးခဲလၢာ်အဖီခိၣ်, ဒီး စံၣ်ညီၣ်တၢ်တီတၢ်လိၤလၢပှၤဂီၢ်မုၢ်ခဲလၢာ်အဂီၢ်လီၤ.
15 ဒီးနီၢ်စရူၤယၤအဖိခွါ စီၤယိၤအာ်အိၣ်ဝဲလၢပှၤသုးမုၢ် အဖီခိၣ်, ဒီးစီၤအဃံလူးအဖိခွါစီၤယဟိၡၤဖး မ့ၢ်ပှၤကွဲး နီၣ်တၢ်လီၤ.
16 ဒီးစီၤအဃံတူာ် အဖိခွါစီၤစၤဒိး, ဒီးစီၤအ့ဘယၤသၢ် အဖိခွါစီၤအဃံၤမ့လးမ့ၢ်ပှၤလုၢ်တၢ်အဒိၣ်တဖၣ်, ဒီးစီၤ ၡၤဝၡၤမ့ၢ်ပှၤကွဲးလံာ်,
17 ဒီးစီၤယဟိယဒါအဖိခွါစီၤဘနါ ယၤအိၣ်ဝဲလၢပှၤကရံသးဖိ, ဒီးပှၤပလ့သးဖိအဖီခိၣ်, ဒီး စီၤဒၤဝံးအဖိခွါတဖၣ်, မ့ၢ်ပှၤအခိၣ်လၢစီၤပၤအဃၢၤလီၤ.