16
1 ဒီးပှၤဟဲစိာ်ယွၤအတလါ, ဒီးပာ်လီၤဝဲလၢ ဒဲအသး ကံၢ်ပူၤလၢစီၤဒၤဝံးသူၣ်ဝဲလၢအဂီၢ်လီၤ. ဒီးလုၢ်တၢ်လုၢ် မ့ၣ်အူ, ဒီးတၢ်လုၢ်မၤဃူမၤဖိးတၢ်လၢယွၤအမဲာ်ညါလီၤ.
2 ဒီးတုၤစီၤဒၤဝံး လုၢ်တၢ်လုၢ်မ့ၣ်အူ, ဒီးတၢ်လုၢ်မၤဃူ မၤဖိးတၢ်ဝံၤဒီး, ဆိၣ်ဂ့ၤပှၤဂီၢ်မုၢ်လၢယွၤအမံၤလီၤ.
3 ဒီးနီၤဟ့ၣ်ပှၤအံၣ်စရ့လးဖိခဲလၢာ်လၢ ပိာ်ခွါပၢၢ်လၢ ပိာ်မုၣ်, တဂၤကိၣ်တလိၣ်, ဒီးတၢ်ညၣ်ဂ့ၤတလိၣ်, ဒီး စပံးဃ့ဘ့ၣ်ဘၣ်တဘ့ၣ်ကိးဂၤဒဲးလီၤ.
4 ဒီးပာ်ပှၤလၢလ့ၤဝံဖိအကျါ လၢပှၤမၤတၢ်အခ့အပှၤအ တၢ်မၤလၢယွၤအတလါအမဲာ်ညါ, ဒ်သိးအကဒုးသ့ၣ် နီၣ်ထီၣ်က့ၤတၢ်, ဒီးစံးထီၣ်ပတြၢၤတၢ်, ဒီးအူးထီၣ်ယွၤ အံၣ်စရ့လးအကစၢ်လီၤ.
5 တၢ်အခိၣ်စီၤအၤစာ်, ဒီးပှၤခံတီၤတတီၤန့ၣ်, စီၤစကၤ ရယၤ, စီၤယံၤအ့လး, ဒီးစီၤၡမံၤရမိး, ဒီးစီၤယဃံအ့လး, ဒီးစီၤမးတံးသယၤ, ဒီးစီၤအလံအာ်, ဒီးစီၤဘနါယၤ, ဒီးစီၤဧိၤဘ့းအ့ဒိၣ်, ဒီးစီၤယံၤအ့လးအိၣ်ဒီးသီတူၢ်, ဒီး တနၢ်လီၤ. မ့မ့ၢ်စီၤအၤစာ်မၤသီၣ်တၢ်လၢစှၢၣ်စှံး,
6 ဒီး စီၤဘနါယၤ, ဒီးစီၤယၤဃစအ့လး, ပှၤလုၢ်တၢ်အဒိၣ် အိၣ်ဝဲဒီးကွဲၤလၢယွၤအတၢ်အၢၣ်လီၤအီလီၤ အတလါ အမဲာ်ညါတထံၣ်ဃီလီၤ.
7 တုၤနုၤတစုလၢမုၢ်တနံၤန့ၣ် စီၤဒၤဝံးဟ့ၣ်လီၤဆိတၢ် အံၤလၢစီၤအၤစာ်, ဒီးအဒီပုၢ်ဝဲၢ်အစုပူၤလၢတၢ်စံးထီၣ်ပ တြၢၤယွၤအဂီၢ်လီၤ.
8 စံးထီၣ်ပတြၢၤယွၤ, ကိးထီၣ်အမံၤ,ဘိးဘၣ်သ့ၣ်ညါပှၤဂီၢ်မုၢ်လၢအမၤတၢ်န့ၣ်တက့ၢ်.
9 သးဝံၣ်ထီၣ်အီၤ, အူးထီၣ်အီၤ,ကတိၤတၢ်လၢအတၢ်လီၤလးခဲလၢာ်အဂ့ၢ်,
10 ပာ်ကဖိထီၣ်သုသးလၢအမံၤစီဆှံအပူၤတက့ၢ်.ပှၤလၢအဃုယွၤန့ၣ်မ်အသူၣ်ခုသးခုလၢအသးတက့ၢ်.
11 ဃုယွၤဒီးအဂံၢ်အဘါ,ချုအမဲာ်တထံၣ်ဃီတက့ၢ်.
12 သ့ၣ်နီၣ်ထီၣ်က့ၤတၢ်လီၤလးလၢအမၤတ့ၢ်ဝဲ,အတၢ်လီၤလး, ဒီးအတၢ်စံၣ်ညီၣ်လၢအထးခိၣ်တက့ၢ်.
13 အခ့အပှၤစီၤအံၣ်စရ့လးအချံအသၣ်သ့ၣ်ဧၢ,ပှၤလၢအဃုထၢအီၤ, စီၤယၤကိာ်အဖိအလံၤသ့ၣ်ဧၢ,
14 အဝဲဒၣ်မ့ၢ်ယွၤပကစၢ်လီၤ.အတၢ်စံၣ်ညီၣ်အိၣ်ဝဲလၢဟီၣ်ခိၣ်ဒီဘ့ၣ်ညါလီၤ.
15 သ့ၣ်နီၣ်ထီၣ်က့ၤ အတၢ်အၢၣ်လီၤအီလီၤ အထူအ ယိာ်,တၢ်ကတိၤလၢအမၤလိာ်ပှၤအစိၤတကထိတက့ၢ်.
16 တၢ်လၢအအၢၣ်လီၤအီလီၤဒီးစီၤအၤဘြၤဟၣ်,ဒီးအတၢ်ဆိၣ်ဒီးစီၤအံၤစဲးလီၤ.
17 ဒီးပာ်ကျၢၤဝဲလၢတၢ်သိၣ်တၢ်သီဒီးစီၤယၤကိာ်,ဒီးအံၣ်စရ့လးလၢတၢ်အၢၣ်လီၤအီလီၤအထူအယိာ်,စံးဝဲဒၣ်, ယကဟ့ၣ်လီၤနၤလၢကီၢ်ကနၤဧၣ်,
18 တၢ်ဖးတၢ်တမံၤလၢသုန့ၢ်သါတၢ်လီၤ.
19 ဖဲသုအိၣ်ပှၤစှၤဂၤန့ၣ်,ဒီးမ့ၢ်မးပှၤစှၤဂၤဒီးပှၤတခီဘီမုၢ်ဖိလၢအပူၤလီၤ.
20 ဒီးလဲၤတၢ်လၢပှၤတကလုာ်ဆူပှၤတကလုာ်,လၢတခီဘီမုၢ်ဆူပှၤဂီၢ်မုၢ်အဂၤအအိၣ်,
21 တဒုးမၤနးမၤဖှီၣ်အီၤနီတဂၤဘၣ်,ဒီးသိၣ်ဃီၣ်စီၤပၤတဖၣ်လၢအဃိ,
22 ဒီးစံးဝဲဒၣ်, ထိးယပှၤဒိးဖှူအသးတဂ့ၤ,ဒီးမၤအၢယဝံသ့ၣ်တဖၣ်တဂ့ၤ.
23 သးဝံၣ်ထီၣ်ယွၤ, ဟီၣ်ခိၣ်ဖိခဲလၢာ်သ့ၣ်ဧၢ,စံၣ်တဲၤတဲလီၤအတၢ်အုၣ်က့ၤခီၣ်က့ၤ တၢ်လၢတနံၤဘၣ် တနံၤတက့ၢ်.
24 စံးဘၣ်တဲဘၣ်ပှၤကလုာ်တဖၣ်လၢအလၤကပီၤ,အတၢ်လီၤလးလၢပှၤဂီၢ်မုၢ်ခဲလၢာ်အကျါတက့ၢ်.
25 အဂ့ၢ်ဒ်အံၤ, ယွၤမ့ၢ်တၢ်အဒိၣ်, ဒီးတၢ်စံးထီၣ်ပတြၢၤ အလီၢ်, ဒီးပှၤပျံၤတၢ်အလီၢ်ဒိၣ်န့ၢ် ကစၢ်ခဲလၢာ်တက့ၢ် လီၤ.
26 အဂ့ၢ်ဒ်အံၤ, ကယဲၢ်ပှၤအကလုာ်တဖၣ် အကစၢ်ခဲ လၢာ်မ့ၢ်တၢ်ဂီၤ, မ့မ့ၢ်ယွၤတ့မူခိၣ်လီၤ.
27 တၢ်လၤကပီၤ, ဒီးတၢ်ကဟုကညီၢ် အိၣ်လၢအမဲာ် ညါ, ဒီးတၢ်ဂံၢ်တၢ်ဘါ, ဒီးတၢ်သးခုအိၣ်လၢအလီၢ်ပူၤ လီၤ.
28 ဟ့ၣ်တၢ်လၢယွၤ, ပှၤဂီၢ်မုၢ်အဒူၣ်သ့ၣ်ဧၢ,ဟ့ၣ်တၢ်လၤကပီၤ, ဒီးတၢ်ဂံၢ်တၢ်ဘါလၢယွၤတက့ၢ်.
29 ဟ့ၣ်အမံၤအလၤကပီၤလၢယွၤဟဲစိာ်တၢ်မၤဘူၣ်, ဒီးဟဲနုာ်ဆူအမဲာ်ညါတက့ၢ်.ဘူၣ်ထီၣ်ဘါထီၣ်ယွၤလၢတၢ်စီဆှံအဃံအလၤတက့ၢ်.
30 ကနိးကစုာ်လၢအမဲာ်ညါ, ပှၤဟီၣ်ခိၣ်ဖိခဲလၢာ်သ့ၣ်ဧၢ, မ့ၢ်မးဟီၣ်ခိၣ်အိၣ်ဂၢၢ်ဆိးကျၢၤ,တဟူးတဝးဘၣ်လီၤ.
31 မ်မူခိၣ်သူၣ်ခုသးခု, ဒီးဟီၣ်ခိၣ်သူၣ်ဖှံသးညီတက့ၢ်.စံးလၢပှၤကလုာ်တဖၣ်အကျါန့ၣ်, ယွၤကဲစီၤပၤ,
32 မ်ပီၣ်လဲၣ်, ဒီးတၢ်မၤပှဲၤအီၤန့ၣ်သီၣ်ထီၣ်တက့ၢ်.မ်ဟီၣ်ခိၣ်အကဝီၤတဖၣ်,ဒီးကယဲၢ်တၢ်အိၣ်လၢအပူၤန့ၣ်သူၣ်ဖှံသးညီတက့ၢ်.
33 တုၤနုၤတစု ကယဲၢ်သ့ၣ်လၢပှၢ်လၢ်ကျါ ကအုၣ်တၢ် လၢယွၤအမဲာ်ညါ,အဂ့ၢ်ဒ်အံၤ, ဟဲဝဲဒ်သိးအကစံၣ်ညီၣ်ဟီၣ်ခိၣ်လီၤ.
34 စံးထီၣ်ပတြၢၤယွၤတက့ၢ်. အဂ့ၢ်ဒ်အံၤဂ့ၤဝဲလီၤ.အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤလီၤထီလီၤ.
35 ဒီးစံး, အုၣ်က့ၤခီၣ်က့ၤပှၤ, တၢ်အုၣ်က့ၤခီၣ်က့ၤပှၤ ကစၢ်ဧၢ,ဒီးဒုးအိၣ်ဖှိၣ်ပှၤ, ဒီးမၤပူၤဖျဲးလၢပှၤကလုာ်တဖၣ်, ဒ်သိး ပကစံးထီၣ်ပတြၢၤနမံၤစီဆှံ,ဒီးပာ်ကဖၢလၢပသးလၢနတၢ်စံးထီၣ်ပတြၢၤတက့ၢ်.
36 မ်ယွၤအံၣ်စရ့လးအကစၢ်န့ၣ် ဘၣ်တၢ်စံးထီၣ်ပတြၢၤ အီၤအစိၤစိၤအဃၣ်ဃၣ်တက့ၢ်. ဒီးပှၤဂီၢ်မုၢ်ခဲလၢာ်စံးဝဲ ဒၣ်, အၤမ့ၣ်, ဒီးစံးထီၣ်ပတြၢၤယွၤလီၤ.
37 ဒီးလၢ ယွၤအတၢ်အၢၣ်လီၤအီလီၤ အတလါအမဲာ် ညါန့ၣ်ပာ်လီၤတဲာ်စီၤအၤစာ်, ဒီးအဒီပုၢ်ဝဲၢ်တဖၣ်ဖဲန့ၣ်, ဒ်သိးအကမၤတၢ်အခ့အပှၤအတၢ်မၤ လၢတလါအမဲာ် ညါတထံၣ်ဃီ, ဒ်တနံၤဒီးတနံၤအတၢ်အိၣ်ဝဲအသိးန့ၣ် လီၤ.
38 ဒီးစီၤဧိၤဘ့းအ့ဒိၣ်, ဒီးအဒီပုၢ်ဝဲၢ်ဃုဆံဃိးဂၤ, ဒီးပှၤ ပၢၤပဲတရီစီၤယဒူသူၣ်အဖိခွါ စီၤဧိၤဘ့းအ့ဒိၣ်, ဒီးစီၤဃိ စၤ,
39 ဒီးပှၤလုၢ်တၢ်အဒိၣ်စီၤစၤဒိး, ဒီးအဒီပုၢ်ဝဲၢ်ပှၤလုၢ် တၢ်အဒိၣ်တဖၣ် လၢယွၤအဒဲအမဲာ်ညါ လၢတၢ်အလီၢ် ထီၣ်ထီအလိၤလၢအအိၣ်ဝဲလၢကံးဘိၣ်အပူၤ,
40 ဒ်သိးအ ကလုၢ်ထီၣ်ယွၤလၢတၢ်လုၢ်မ့ၣ်အူ လၢတၢ်လုၢ်လီၢ်မ့ၣ် အူအဖီခိၣ်တထံၣ်ဃီ လၢဂီၤတဘျီလၢဟါတဘျီ, ဒီးဒ် ကယဲၢ်တၢ်လၢအကွဲးအသးလၢ ယွၤအတၢ်သိၣ်တၢ်သီ အပူၤလၢအမၤလိာ်အံၣ်စရ့လး,
41 ဒီးအိၣ်ဝဲဒီးအီၤ, မ့ၢ်စီၤ ဟ့မၣ်, ဒီးစီၤယဒူသူၣ်, ဒီးပှၤအိၣ်လီၤတဲာ်လၢအဘၣ် တၢ်ဃုထၢအီၤ, လၢတၢ်ကိးထီၣ်အမံၤ, ဒ်သိးအကစံးထီၣ် ပတြၢၤယွၤလီၤ. အဂ့ၢ်ဒ်အံၤ, အဘျုးအဖှိၣ်အိၣ်ဝဲလီၤစိၤ လီၤထီလီၤ.
42 ဒီးအိၣ်ဝဲဒီးအီၤမ့ၢ်စီၤဟ့မၣ်, ဒီးစီၤယဒူသူၣ် န့ၣ်အိၣ်ဒီးကွဲၤ, ဒီးစှၢၣ်စှံးလၢပှၤလၢအမၤသီၣ်တၢ်အဂီၢ်, ဒီးအိၣ်ဒီးစုကဝဲၤတဖၣ် လၢပှၤအတၢ်သံကျံအဂီၢ်လီၤ. ဒီးစီၤယဒူသူၣ်အဖိခွါတဖၣ်န့ၣ်မ့ၢ်ပှၤပၢၤပဲတရီဖိလီၤ.
43 ဒီးပှၤဂီၢ်မုၢ်က့ၤက့ၤဝဲ, တဂၤဆူအဟံၣ်ဒၣ်ဝဲ, တဂၤ ဆူအဟံၣ်ဒၣ်ဝဲ, ဒီးစီၤဒၤဝံးက့ၤက့ၤဝဲဒ်သိး အကဆိၣ် ဂ့ၤအပှၤဟံၣ်ဖိလီၤ.