87
စီၤကိးရးအဖိခွါအထါ, တၢ်သးဝံၣ်. အခီၣ်ထံးန့ၣ် အိၣ်ဝဲလၢ ကစၢၢ်စီဆှံတဖၣ်အလိၤ လီၤ. ယွၤအဲၣ်စံယိၣ်အပဲတရီတဖၣ်ဒိၣ်န့ၢ်ယၤကိာ် အိၣ်ဝဲဆိးဝဲအလီၢ်ခဲလၢာ်တက့ၢ်လီၤ. တၢ်လၢပှၤက တိၤလၢနဂ့ၢ်နကျိၤန့ၣ် အိၣ်ဝဲဒီးအလၤကပီၤ, ယွၤအ ဝ့ၢ်ဧၢ. စ့လၤ.
ယကပှ့ၤဘၣ် ရၤဃးဒီးဘၤဘူၤလိၣ် လၢပှၤလၢအ သ့ၣ်ညါယၤတဖၣ်အကျါလီၤ. ကွၢ်ကွၢ်, ဖလ့ၡသး, ဒီးစိၢ်,ဒီးကူၤၡးန့ၣ်, အဝဲတဂၤအံၤအိၣ်ဖျဲၣ်ဖဲန့ၣ်လီၤ.
ဒီးပှၤကစံးလၢစံယိၣ်အဂ့ၢ်အကျိၤန့ၣ်, အဝဲတဂၤ အံၤဒီးအဝဲတဂၤန့ၣ်အိၣ်ဖျဲၣ်လၢအပူၤလီၤ. ဒီးတၢ်ထီ ကတၢၢ် အကစၢ်ဒၣ်ဝဲ ကဒုးအိၣ်ဂၢၢ်ဆိးကျၢၤအီၤ လီၤ. တုၤယွၤကွဲးပှၤဂီၢ်မုၢ်အမံၤဒီး, ယွၤကဂံၢ်ဝဲ,အ ဝဲတဂၤအံၤအိၣ်ဖျဲၣ်ဖဲန့ၣ်လီၤ. စ့လၤ.
ဒီးပှၤသးဝံၣ်တၢ်ဖိ, ဒီးပှၤအူတၢ်ပှီၢ်တၢ်ဖိစံးဝဲ, ယထံ ထီၣ်ပၢၢ်အလီၢ်အိၣ်ဝဲလၢနပူၤခဲလၢာ်လီၤ.