70
စီၤဒၤဝံးအထါလၢတၢ်အခိၣ်အဂီၢ်, လၢတၢ်သ့ၣ်နီၣ်ထီၣ်က့ၤ.
1 ယွၤဧၢ, မၤပူၤမၤဖျဲးယၤတက့ၢ်. ယွၤဧၢ, မၤချ့ချ့ လၢနကမၤစၢၤယၤတက့ၢ်.
2 ပှၤလၢအဃုယသးတဖၣ်န့ၣ် မ်အမဲာ်ဆှး, ဒီးမ်အ ဘၣ်တၢ်ပာ်မဲာ်ဆှးအီၤန့ၣ်တက့ၢ်. ပှၤလၢအဘၣ်အ သးလၢယဘၣ်တၢ်အၢတဖၣ်န့ၣ် မ်တၢ်ဒုးဂုၤက့ၤအခံ, ဒီးဘၣ်တၢ်ပာ်မဲာ်ဆှးအီၤန့ၣ်တက့ၢ်.
3 ပှၤလၢအစံး, အၣ်ဟါ, အၣ်ဟါန့ၣ် မ်တၢ်ဒုးဃၣ်ကဒါက့ၤအီၤလၢ အတၢ်မဲာ်ဆှးအဘူးအလဲအဂီၢ်န့ၣ်တက့ၢ်.
4 ပှၤလၢ အဃုနၤခဲလၢာ်န့ၣ် မ်အသူၣ်ဖှံသးညီသူၣ်ခုသးခုလၢ နပူၤတက့ၢ်. ပှၤလၢအအဲၣ်ဒိးနတၢ်အုၣ်က့ၤခီၣ်က့ၤတ ဖၣ်န့ၣ် မ်အစံးတထံၣ်ဃီ, မ်ယွၤဘၣ်တၢ်ပာ်ဒိၣ်အီၤ န့ၣ်တက့ၢ်.
5 ယဲဒၣ်အံၤယမ့ၢ်ပှၤဘၣ်နးဘၣ်ဖှီၣ်, ဒီး ပှၤဖှီၣ်ဖိယာ်ဖိလီၤ. မၤချ့ချ့လၢယဂီၢ်, ယွၤဧၢ, နမ့ၢ် ယတၢ်မၤစၢၤ, ဒီးယတၢ်မၤပူၤမၤဖျဲးလီၤ. ယွၤဧၢ, သုးနံၤသုးသီတဂ့ၤ.