58
စီၤဒၤဝံးအတၢ်ကွဲးယိာ်လၢတၢ်အခိၣ်အဂီၢ်လၢမၤဟးဂီၤတဂ့ၤန့ၣ်.
1 မ့ၢ်သုကတိၤတၢ်မ့ၢ်တၢ်တီ, ဒီးစံၣ်ညီၣ်တၢ်တီတၢ် လိၤဖဲသုအိၣ်တအုၣ်, သပှၢ်တၢၢ်ဧါ, ပှၤကညီဖိသ့ၣ် ဧၢ.
2 မ့ၢ်လံ, သုမၤတၢ်အၢလၢသုသးကံၢ်ပူၤဒၣ်လဲာ်, သုစီၤဟ့ၣ်သုစုအတၢ်မၤဆူၣ်လၢဟီၣ်ခိၣ်ချၢလီၤ.
3 ပှၤ တတီတလိၤလဲၤကမၣ်တၢ်လၢ တၢ်အဒၢလီၢ်,ဟးဖျိး ဒီးကတိၤတၢ်ကဘျံးကဘျၣ် လၢအအိၣ်ဖျဲၣ်လံၤလံၤ လီၤ.
4 အိၣ်ဒီးအစုၣ်ဒ်ဂုၢ်အစုၣ်အသိးန့ၣ်လီၤ. မၤသး ဒ်ဂုၢ်သီလၢအဆွံတံာ်အနၢ်ပူၤ,
5 လၢအတနၢ်ဟူဘၣ် ပှၤသ့တၢ်အူတၢ်သမူလၢအအူတၢ်ဒီး တၢ်ကူၣ်သ့အ ဒိၣ်ကတၢၢ်ဒၣ်လဲာ်အသိးန့ၣ်လီၤ.
6 မၤပိာ်အမဲလၢအကိာ်ပူၤန့ၣ်တက့ၢ်,ယွၤဧၢ. မၤကၢ် ခ့ယုၢ်ဖိအမဲထွံၣ်တက့ၢ်, ယွၤဧၢ.
7 မ်အပှံၢ်ကွံာ်ဒ်ထံလၢအယွၤကွံာ်အသိး, ဖဲအပညိၣ် အပျၢ်န့ၣ်မ်အမၤအသး ဒ်အဒီၣ်တဲာ်ကွံာ်အသးခံကူာ် အသိးန့ၣ်တက့ၢ်.
8 ဒ်ချိၣ်လၢအပှံၢ်လီၤဝဲအသိးမ်အ ဟါမၢ်ကွံာ်ကိးဂၤဒဲး, ဒ်ဖိသၣ်လီၤလူးတဂၤအသိး,မ် အသုတထံၣ်ဘၣ်မုၢ်ဧိၤလါဧိၤတဂ့ၤ.
9 သုသပၢၤတ ချုးသ့ၣ်ညါဒံးဘၣ်တၤဆှုၣ်အသံကစဲာ်မ့ၢ်ဂ့ၤ,အဃ့မ့ၢ် ဂ့ၤ, ကမၤဟးဂီၤကွံာ်အီၤလၢ ကလံၤသဝံးန့ၣ်လီၤ.
10 တုၤပှၤတီပှၤလိၤထံၣ်ဘၣ်တၢ်မၤဆၢတၢ်အၢဒီး, က သူၣ်ခုသးခုလီၤ. ကသ့ကွံာ်အခီၣ်လၢပှၤတတီတလိၤ အသွံၣ်လီၤ.
11 ဒီးပှၤကစံးဝဲ, မ့ၢ်မးတၤသၣ်အိၣ်ဝဲလၢ ပှၤတီပှၤလိၤအဂီၢ်လီၤ မ့ၢ်မးယွၤစံၣ်ညီၣ်တၢ်လၢဟီၣ် ခိၣ်ချၢအံၤလီၤ.