55
စီၤဒၤဝံးအသိၣ်တၢ်လၢတၢ်အခိၣ်အဂီၢ်လၢနီၣ်ဒ့တၢ်.
1 ယွၤဧၢ, ဒိကနၣ်ယတၢ်ထုကဖၣ်တက့ၢ်, ဒီးပာ်တ ဒၢနသးလၢယဃ့ကညးတၢ်တဂ့ၤ.
2 ကနၣ်ယကလုၢ်, ဒီးစံးဆၢယၤတက့ၢ်. ယဃ့ကညးတၢ်လၢယသးအုး ဒီးယကိးပသူထီၣ်,
3 လၢတၢ်အဒုၣ်အဒါအကလုၢ် အဃိ, လၢပှၤတတီတလိၤ အမၤအၢတၢ်အဃိလီၤ. အဂ့ၢ်ဒ်အံၤ, ဒုးဘၣ်ယၤလၢတၢ်အၢ, ဒီးသးဟ့ယၤ လၢအသးထီၣ်လီၤ.
4 ယသူၣ်ကနိးယသးကနိးလၢ ယပူၤ, ဒီးတၢ်သံအတၢ်မၤပျံၤမၤဖုးန့ၣ် လီၤဘၣ်ယၤ လီၤ.
5 တၢ်ပျံၤ, ဒီးတၢ်ကနိးလီၤဘၣ်ယၤ, ဒီးယတၢ် ကနိးကစုာ်လုၣ်ဘၢယၤလီၤ.
6 ဒီးယစံး, မ်ယအိၣ်ဒီးဒံးဆ့ဒ် ထိၣ်လွံၢ်အသိးန့ၣ်တ က့ၢ်. မ့မ့ၢ်ဒ်န့ၣ်ဒီး, ယကယူၤထီၣ်ကွံာ်, ဒီးအိၣ်ဘှံး အိၣ်သါလီၤ.
7 ကွၢ်ကွၢ်, ယကဟးလၢအယံၤ, ယ ကအိၣ်လၢပှၢ်မုၢ်ကနၢလီၤ. စ့လၤ.
8 ယကမၤပူၤဖျဲးယသးချ့ချ့ လၢကလံၤမုၢ်, လၢက လံၤမုၢ်တွၤလီၤ.
9 ယူၢ်လီၤကွံာ်တၢ်, ကစၢ်ဧၢ, မၤဖးဒ့အပျ့ၤတက့ၢ်. အဂ့ၢ်ဒ်အံၤ, ယထံၣ်ဘၣ်တၢ်မၤအၢ, ဒီးတၢ်အ့ၣ်လိာ် ဆိးက့လိာ်လၢဝ့ၢ်ပူၤလီၤ.
10 လၢမုၢ်ဆါဒီးလၢမုၢ်နၤန့ၣ် လဲၤဝးတရံးဝဲလၢဝ့ၢ်ခိၣ်ဒူအဖီခိၣ်, ဒီးတၢ်မၤဟးဂီၤ, ဒီးတၢ်နးတၢ်ဖှီၣ် အိၣ်ဝဲလၢအပူၤလီၤ.
11 တၢ်အၢတၢ် သီအိၣ်ဝဲလၢအသးကံၢ်ပူၤ, မၤအၢတၢ်ဒီးလီတၢ်န့ၣ် တဟးထီၣ်ကွံာ်ဘၣ်လၢအဖၠါပူၤဘၣ်.
12 အဂ့ၢ်ဒ်အံၤ, တမ့ၢ်ဘၣ်တၢ်အဒုၣ်အဒါဒုၣ်ဒွဲၣ်ယၤ ဘၣ်. မ့မ့ၢ်ဒ်န့ၣ်ဒီးယတူၢ်ကကဲလီၤ. တမ့ၢ်ဘၣ်ပှၤ လၢအသးဟ့ယၤပာ်ဒိၣ်အသးလၢယဖီခိၣ်ဘၣ်. မ့မ့ၢ် ဒ်န့ၣ်ဒီး ယကပာ်တဒၢယသးလၢအီၤလီၤ.
13 မ့ၢ်နၤ, ပှၤထဲသိးဒီးယၤ, ယတံၤယသကိး, ဒီးပှၤလၢအသ့ၣ် ညါယၤလီၤ.
14 ကူၣ်လိာ်ပသးတပူၤဃီမုာ်မုာ်, ပလဲၤ ထီၣ်ဆူယွၤအဟံၣ်ဒီးပှၤဂီၢ်မုၢ်လီၤ.
15 မ်တၢ်အိၣ်သယုၢ် လီၤဘၣ်အီၤတက့ၢ်, မူဝဲဒီး, မ်အလဲၤလီၤဆူပျုၤပူၤ တက့ၢ်. အဂ့ၢ်ဒ်အံၤ, တၢ်အၢတၢ်သီအိၣ်ဝဲလၢအအိၣ် အဆိးအလီၢ်ပူၤ, လၢအသးကံၢ်ပူၤလီၤ.
16 ယဲဒၣ်အံၤ ယကကိးထီၣ်ယွၤလီၤ, ဒီးယွၤကအုၣ် က့ၤခီၣ်က့ၤယၤလီၤ.
17 မုၢ်ဟါ, ဒီးမုၢ်ဂီၤ, ဒီးမုၢ်ထူၣ်န့ၣ် ယကဆိကမိၣ်တၢ်, ဒီးဘါထုကဖၣ်တၢ်, ဒီးကနၢ် ဟူယကလုၢ်လီၤ.
18 ပှ့ၤက့ၤယသးလၢတၢ်ဃူတၢ်ဖိးလၢ တၢ်ဒုးသုးထီဒါယၤအပူၤလီၤ. အဂ့ၢ်ဒ်အံၤ, ပှၤအါဂၤ အိၣ်ဒီးယၤလီၤ.
19 ယွၤ, ပှၤလၢအဆ့ၣ်နီၤလၢပျၢၤတ ဂၤ ကဒိကနၣ်တၢ်, ဒီးစံးဆၢအီၤလီၤ. စ့လၤ.မ့ၢ်တၢ်လဲလိာ်တအိၣ်ဘၣ်ဒီးအီၤဘၣ်ဒီး, တပျံၤဘၣ် ယွၤဘၣ်.
20 ယူာ်ထီၣ်အစုထီဒါပှၤလၢအဃူလိာ်ဖိးလိာ် ဒီးအီၤ,မၤဟးဂီၤအတၢ်အၢၣ်လီၤအီလီၤလီၤ.
21 အထး ခိၣ်ဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုး အိၣ်ဝဲလၢအသးကံၢ်ပူၤလီၤ. အတၢ်ကတိၤစၢ်န့ၢ်သိတ က့ၢ်လီၤ,ဘၣ်ဆၣ်ဒီးမ့ၢ်နးဘီၣ်ထီၣ်အသးတဖၣ်လီၤ.
22 ပာ်တၢ်လၢအဟ့ၣ်လီၤနၤန့ၣ် လၢယွၤအလိၤတက့ၢ်. ဒီးကမၤစၢၤနၤလီၤ. တဟ့ၣ်ဟူးဝးပှၤတီပှၤလိၤန့ၣ်နီ တစုဘၣ်.
23 ဒီးနဲဒၣ်ယွၤဧၢ, နကဒုးလဲၤလီၤအီၤဆူ တၢ်ဟးဂီၤ အပူၤလီၤ. တၢ်သွံၣ်, ဒီးလီတၢ်အပှၤကညီတဖၣ်န့ၣ် တအိၣ်ဖးဖီအမုၢ်နံၤတဖၣ်ဘၣ်. မ့မ့ၢ်ယဲဒၣ်အံၤယသ န့ၤယသးလၢနၤလီၤ.