52
လၢတၢ်အခိၣ်အဂီၢ်, စီၤဒၤဝံးအသိၣ်တၢ်, တုၤပှၤအ ဒိၣ်ဖိစီၤဒိအ့းလဲၤစံးဘၣ်စီၤစီလူး, ဒီးစံးဘၣ်အီၤ, စီၤ ဒၤဝံးဟဲတုၤလၢ စီၤအဃံၤမ့လ့းအဟံၣ်န့ၣ်လီၤ.
1 ဘၣ်မနုၤလၢနပာ်ကဖိနသးလၢ တၢ်အၢအဃိန့ၣ် လဲၣ်. ပှၤအဆူၣ်တဂၤဧၢ. ယွၤအဘျုးအဖှိၣ်အိၣ်ဝဲ တထံၣ်ဃီလီၤ.
2 နပျ့ၤကူၣ်ထီၣ်တၢ်မၤအၢ, ဒ်ဒီလူၤ တၢ်လၢအကနၣ်အ့ၣ်ဝဲအသိးန့ၣ် နမၤလီတၢ်လီၤ.
3 နအဲၣ်တၢ်အၢဒိၣ်န့ၢ်တၢ်ဂ့ၤတက့ၢ်, ဒီးတၢ်ကတိၤ ကဘျံးကဘျၣ်အါန့ၢ်တၢ်ကတိၤအတီတက့ၢ်လီၤ.နအဲၣ်တၢ်ကတိၤအီၣ်ဂီၤတၢ်, ပျ့ၤလီတၢ်ဧၢ,
4-5 ယွၤ ကမၤဟးဂီၤစ့ၢ်ကီးနၤလီၤထူလီၤယိာ်လီၤ. ကဖီၣ်န့ၢ် နၤ, ဒီးထုးထီၣ်ကွံာ်နၤလၢဒဲပူၤ, ဒီးထဲးထီၣ်ကွံာ်နၤ လၢတၢ်မူအကီၢ်န့ၣ်လီၤ. စ့လၤ.
6 ဒီးပှၤအတီအလိၤကထံၣ်ဘၣ်ဝဲ, ဒီးပျံၤတၢ်, ဒီးနံၤ ဘၣ်အီၤလီၤ.
7 ကွၢ်ကွၢ်, ပှၤတဂၤလၢအတပာ်ဘၣ် ယွၤလၢအဂံၢ်အဘါဘၣ်, ဒီးသန့ၤအသးလၢ အထူး အတီၤအါ,ဒီးမၤဆူၣ်အသးလၢအတၢ်အၢန့ၣ်တက့ၢ်.
8 ဒီးယဲဒၣ်အံၤ, ယမၤသးဒ်သ့ၣ်စၤယံးသံကစဲာ်တထံး လၢယွၤအဟံၣ်ပူၤအသိးန့ၣ်လီၤ. ယသန့ၤယသးလၢ ယွၤအဘျုးအဖှိၣ်လီၤထူလီၤယိာ်လီၤ. ယကစံးထီၣ်ပတြၢၤနၤလီၤစိၤလီၤထီလီၤ.
9 အဂ့ၢ်ဒ် အံၤ, နမၤနဲဒၣ်လီၤ. ဒီးယကမုၢ်လၢ်တၢ်လၢနမံၤလီၤ. အဂ့ၢ်ဒ်အံၤ, ဂ့ၤဝဲလၢနပှၤစီဆှံအမဲာ်ညါလီၤ.