51
လၢစီၤဒၤဝံးလဲၤနုာ် လၢနီၢ်ဘၤသရှ့ဘၤအအိၣ်အလီၢ်ခံဖဲဝံနၤသၣ်ဟဲဆူအအိၣ်န့ၣ်, စီၤဒၤဝံးအထါ လၢတၢ် အခိၣ်အဂီၢ်.
1 ယွၤဧၢ, သူၣ်ကညီၤသးကညီၤယၤ ဒ်နဘျုးနဖှိၣ်အ သိးန့ၣ်တက့ၢ်. ဒ်နသးအိၣ်တၢ်အါအါကလဲာ်အသိး န့ၣ်မၤပူၤမၤဖျဲးယတၢ်ကမၣ်တက့ၢ်.
2 သ့စီယၤလၢယ တၢ်အၢန့ၣ်စီစီတက့ၢ်, ဒီးမၤကဆှီထီၣ်ယၤလၢယတၢ် ဒဲးဘးန့ၣ်တက့ၢ်.
3 အဂ့ၢ်ဒ်အံၤ, ယသ့ၣ်ညါယတၢ်က မၣ်, ဒီးယတၢ်ဒဲးဘးအိၣ်လၢယမဲာ်ညါတထံၣ်ဃီလီၤ.
4 ယမၤကမၣ်ဘၣ်လံနၤထဲနၤလံ, ဒီးမၤတၢ်အၢလၢန မဲာ်ညါလံ. မၤသးဒ်န့ၣ်ဒီးနမ့ၢ်တၢ်တီတၢ်လိၤလၢနက တိၤတၢ်န့ၣ်,နမ့ၢ်တၢ်ကဆှီလၢနတၢ်စံၣ်ညီၣ်န့ၣ်လီၤ.
5 ကွၢ်ကွၢ်,ယအိၣ်ဖျဲၣ်လၢတၢ်အၢတၢ်သီအပူၤ, ဒီးယမိၢ် ဒၢထီၣ်ယၤလၢတၢ်ဒဲးဘးအပူၤလီၤ.
6 ကွၢ်ကွၢ်, ဘၣ်န သးလၢတၢ်မ့ၢ်တၢ်တီလၢညါတခီ, ဒီးလၢတၢ်အိၣ်တ ဒၢအပူၤန့ၣ် နကဘိးဘၣ်သ့ၣ်ညါယၤလၢတၢ်ကူၣ်သ့ လီၤ.
7 မၤကဆှီယၤလၢကဖျီၣ်အ့စိးတက့ၢ်, ဒီးယကကဆှီ ထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီတ က့ၢ်လီၤ.
8 ဒုးနၢ်ဟူယၤလၢတၢ်သူၣ်ဖှံသးညီ, ဒီးတၢ် သူၣ်ခုသးခု, ဒုးသူၣ်ဖှံသးညီတၢ်ဃံတၢ်ကွဲလၢနမၤကၢ် အီၤန့ၣ်တက့ၢ်.
9 ပာ်တဒၢနမဲာ်လၢယတၢ်ဒဲးဘး, ဒီး တြူာ်ကွံာ် ယတၢ်အၢတၢ်သီခဲလၢာ်န့ၣ်တက့ၢ်.
10 ယွၤ ဧၢ, မၤက့ၤယသူၣ်ကဆှဲ ယသးကဆှီတက့ၢ်. ဒီးမၤ က့ၤယသူၣ်ဂၢၢ်ယသးကျၢၤ လၢယပူၤတက့ၢ်.
11 သုတ ညိကွံာ်ယၤလၢနအိၣ်တဂ့ၤ. သုတဟံးထီၣ်ကွံာ်နသး စီဆှံလၢယၤတဂ့ၤ.
12 ဒုးအိၣ်ထီၣ်က့ၤန့ၢ်ယၤလၢတၢ်သး ခုဘၣ်ဃးဒီး နတၢ်အုၣ်က့ၤခီၣ်က့ၤ, ဒီးမၤစၢၤယၤလၢ သးလၢအမၤဒၣ်တၢ်တက့ၢ်.
13 ယကဒုးနဲၣ်ပှၤမၤကမၣ် တၢ်ဖိလၢနကျဲဧိၤကပူၤဧိၤဒီး ပှၤတၢ်ဒဲးဘးဖိကဃၣ်လိၤ အသးဆူနအိၣ်လီၤ.
14 မၤပူၤမၤဖျဲးယၤဒီးတၢ်သွံၣ်န့ၣ်တက့ၢ်,ယွၤ, တၢ်အုၣ် က့ၤခီၣ်က့ၤယၤအကစၢ်ဧၢ. ယပျ့ၤကအုၣ်တၢ်လၢနတၢ် တီတၢ်လိၤအဂ့ၢ်, ဒီးသူၣ်ခုသးခုလီၤ.
15 ယွၤဧၢ, ဒုးအဲးထီၣ်ယပျုၤန့ၣ်တက့ၢ်. ဒီးယထးခိၣ် ကစံးထီၣ်ပတြၢၤနၤလီၤ.
16 အဂ့ၢ်ဒ်အံၤ, တဘၣ်ဘၣ်န သးလၢတၢ်လုၢ်ဘၣ်. မ့တမ့ၢ်ဘၣ်ဒ်န့ၣ်ဒီး ယကဟ့ၣ် နၤလီၤ.တၢ်လုၢ်မ့ၣ်အူန့ၣ်တဘၣ်ဘၣ်နသးဘၣ်.
17 ယွၤ အတၢ်လုၢ်န့ၣ်မ့ၢ်တၢ်သူၣ်ကၢ်သးလီၤလီၤ. တၢ်သူၣ်ကၢ် သးလီၤဒီးတၢ်ပီၢ်ယၢ်လီၤက့ၤပသးန့ၣ်,ယွၤဧၢ, နတမၤ ဘၣ်အီၤတရီတပါဘၣ်.
18 မၤဂ့ၤစံယိၣ်ဖဲအဘၣ်နသး, မၤက့ၤယရူၤၡလ့ၣ်အဝ့ၢ် ခိၣ်ဒူတက့ၢ်
19 တုၤနုၤတဘျီကဘၣ်နသးလၢ တၢ်တီ တၢ်လိၤအတၢ်လုၢ်တဖၣ်, လၢတၢ်လုၢ်မ့ၣ်အူ, ဒီးတၢ် လုၢ်မ့ၣ်အူဒီဒုလီၤ. တုၤနုၤတစု ပှၤကလုၢ်ထီၣ်ဂီၤဖံးတ ဖၣ်လၢနတၢ်လုၢ်လီၢ်အဖီခိၣ်လီၤ.