47
ထါလၢတၢ်အခိၣ်အဂီၢ်လၢ စီၤကိးရးအဖိခွါ.
1 ကယဲၢ်ပှၤဂီၢ်မုၢ်သ့ၣ်ဧၢ, ဒဲသုစု, ကိးပသူထီၣ်ဆူယွၤ လၢတၢ်သူၣ်ဖှံသးညီအသီၣ်န့ၣ်တက့ၢ်.
2 အဂ့ၢ်ဒ်အံၤ, ယွၤတၢ်ထီၣ်ထီန့ၣ်မ့ၢ်တၢ်ပျံၤအလီၢ်လီၤ. မ့ၢ်စီၤပၤဖးဒိၣ် လၢဟီၣ်ခိၣ်ဒီဘ့ၣ်ညါအဖီခိၣ်လီၤ.
3 အဝဲဒၣ်ကပာ်ပှၤ ဂီၢ်မုၢ်လၢပဖီလာ်, ပှၤကလုာ်တဖၣ် လၢပခီၣ်ဖီလာ် လီၤ.
4 ဃုထၢဝဲလၢတၢ်န့ၢ်သါလၢပဂီၢ်, ယၤကိာ်လၢ အအဲၣ်အီၤအလၤအကပီၤလီၤ. စ့လၤ.
5 ယွၤလဲၤထီၣ် ဒီးတၢ်ကိးပသူထီၣ်, ယွၤန့ၣ်ဒီးကွဲၤအ သီၣ်လီၤ.
6 သးဝံၣ်ထီၣ်ယွၤ, သးဝံၣ်ထီၣ်, သးဝံၣ်ထီၣ် ပစီၤပၤ, သးဝံၣ်ထီၣ်တက့ၢ်.
7 အဂ့ၢ်ဒ်အံၤ, ဟီၣ်ခိၣ်ဒီ ဘ့ၣ်ညါအစီၤပၤမ့ၢ်ယွၤလီၤ. သးဝံၣ်ထီၣ်လၢတၢ်နူၤပၢၢ် နၢ်ပၢၤန့ၣ်တက့ၢ်.
8 ယွၤကဲစီၤပၤလၢပှၤကလုာ်တဖၣ် အဖီခိၣ်, ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်လီၤ.
9 ပှၤဂီၢ်မုၢ်အပဒိၣ်ဖးဒိၣ်အိၣ်ဖှိၣ်ရိဖှိၣ်, စီၤအၤဘြၤဟၣ်အ ကစၢ်အပှၤဂီၢ်မုၢ်န့ၣ်လီၤ.အဂ့ၢ်ဒ်အံၤ, ဟီၣ်ခိၣ်အကတီၤ တဖၣ်အိၣ်ဒီးယွၤလီၤ. အိၣ်ထီၣ်ထီဝဲဒိၣ်မးလီၤ.