26
လၢစီၤဒၤဝံး.
1 စံၣ်ညီၣ်ယၤတက့ၢ်, ယွၤဧၢ. အဂ့ၢ်ဒ်အံၤ, ယလဲၤ လံ လၢယတၢ်လၢတၢ်ပှဲၤအပူၤလံ, ဒီးယသန့ၤလံ ယသးလၢယွၤလံ. ယတဟူးတဝးဘၣ်.
2 မၤကွၢ်ယၤ, ယွၤဧၢ, ဒီးပစီယၤ, ပှံၢ်ယကလ့ၢ်, ဒီးယသးတက့ၢ်.
3 အဂ့ၢ်ဒ်အံၤ, နဘျုးနဖှိၣ်အိၣ် ဖျါလၢယမဲာ်ညါ, ဒီးယလဲၤလၢ နတၢ်မ့ၢ်တၢ်တီ အပူၤလီၤ.
4 ယတဆ့ၣ်နီၤဘၣ်ဒီးပှၤလီတၢ်ဘၣ်, ဒီး ယတလဲၤနုာ်ဘၣ်ဒီး ပှၤမၤတၢ်လၢအခူသူၣ်ဘၣ်.-
5 ယသးဟ့ ပှၤမၤတၢ်အၢအတၢ်အိၣ်ဖှိၣ်, ဒီးယတ ဆ့ၣ်နီၤဘၣ်ဒီးပှၤတတီတလိၤဘၣ်.
6 ယကသ့ကွံာ် ယစုလၢ တၢ်ဒဲးဘးတအိၣ်ဘၣ်အပူၤ, ဒီးယကဖိး ဃာ်နတၢ်လုၢ်လီၢ်န့ၣ်ယွၤဧၢ,
7 ဒ်သိးယကဒုး နၢ် ဟူတၢ်စံးထီၣ်ပတြၢၤအသီၣ်, ဒီးစံၣ်တဲၤတဲလီၤက ယဲၢ်နမၤလီၤလးတၢ်ခဲလၢာ်လီၤ.
8 ယွၤဧၢ, ယအဲၣ် နဟံၣ်အလီၢ်, ဒီးတၢ်အလီၢ်ဖဲ နလၤကပီၤအိၣ်ဝဲ လီၤ.
9 ပာ်ဖှိၣ်ယသးဒီးပှၤတၢ်ဒဲးဘးဖိ, ဒီးယသးသမူဒီး ပှၤကညီဘၣ်ဃးဒီး တၢ်သွံၣ်န့ၣ်တဂ့ၤ.
10 တၢ်မၤအ အၢအသီအိၣ်လၢအစုပူၤ, ဒီးအစုထွဲန့ၣ်ပှဲၤဝဲဒီးခိၣ် ဖးလီၤ.
11 မ့မ့ၢ်ယဲဒၣ်အံၤ ယကလဲၤတၢ်လၢ ယတၢ်လၢတၢ် ပှဲၤအပူၤလီၤ. ပှ့ၤက့ၤယၤ, ဒီးသးကညီၤယၤတက့ၢ်.
12 ယခီၣ်ဆၢထၢၣ် လၢအလီၢ်ပၢၤ, ယကစံးထီၣ်ပ တြၢၤယွၤလၢတၢ်အိၣ်ဖှိၣ်အပူၤန့ၣ်လီၤ.