22
စီၤဒၤဝံးအထါလၢတၢ်အခိၣ်အဂီၢ်ဒ်တၤဟိမိၢ်လၢမုၢ်ဆ့ၣ်အသိးန့ၣ်.
1 ယကစၢ်ဧၢ, ယကစၢ်ဧၢ, ဘၣ်မနုၤလၢနလဲၤသ ဒၣ်ယၤလဲၣ်. နယံၤဒီးတၢ်အုၣ်က့ၤခီၣ်က့ၤယၤ, န ယံၤဒီးယကိးပသူထီၣ်အတၢ်ကတိၤန့ၣ် မ့ၢ်အဘၣ် မနုၤလဲၣ်.
2 ကစၢ်ဧၢ, ယကိးထီၣ်လၢမုၢ်ဆါခီ, ဒီး နတစံးဆၢဘၣ်, ဒီးလၢမုၢ်နၤန့ၣ်, ဒီးတအိၣ်ဘှီၣ် ကလာ်ဘၣ်.
3 ဘၣ်ဆၣ်ဒီး နဲဒၣ်နစီနဆှံ, ပှၤလၢအအိၣ်အဆိး လၢအံၣ်စရ့လး အစံးထီၣ်ပတြၢၤတၢ်အကျါတဂၤ ဧၢ.
4 ပပၢ်တဖၣ်သန့ၤအသးလၢနၤလီၤ. သန့ၤအ သး,ဒီးနမၤပူၤမၤဖျဲးအီၤလီၤ.
5 ကိးထီၣ်ဝဲဆူနအိၣ်, ဒီးထူၣ်ဖျဲးဝဲ, သန့ၤအသးလၢနၤ, ဒီးအမဲာ်တဆှး ဘၣ်.
6 မ့မ့ၢ်ယဲဒၣ်အံၤယမ့ၢ်လၢၣ်တဘိ, ဒီးတမ့ၢ်ဘၣ်ပှၤ ကညီဘၣ်, ပှၤကညီဒုၣ်ဒွဲၣ်တၢ်အလီၢ်, ဒီးဘၣ်တၢ် တရီတပါလၢပှၤဂီၢ်မုၢ်လီၤ.
7 ကယဲၢ်ပှၤလၢအထံၣ် ဘၣ်ယၤတဂၤလၢ်လၢ်န့ၣ်နံၤဘၣ်ဖၣ်လဲယၤလီၤ. ဖျိး ထီၣ်အပျုၤ, ကျၢၢ်ကျာ်အခိၣ်,
8 ဒီးစံးဝဲ, သန့ၤအ သးလၢယွၤလၢ အကမၤပူၤမၤဖျဲးအီၤလီၤ. မ့ၢ်ဘၣ် အသးလၢအီၤဒီး, မ် အထုးထီၣ်ကွံာ်အီၤတက့ၢ်.
9 ဘၣ်ဆၣ်ဒီး နဟံးထီၣ်ယၤလၢ ယမိၢ်အဒၢလီၢ် အပူၤ လၢယအိၣ်လၢယမိၢ်အနုၢ်ခိၣ်အဖီခိၣ်န့ၣ်, န ဒုးသန့ၤယၤလီၤ.
10 တၢ်ဟ့ၣ်ယၤလၢနၤလၢတၢ်အဒၢ လီၢ်ပူၤလံၤလံၤ, လၢယမိၢ်အဟၢဖၢပူၤလံၤလံၤန့ၣ် နမ့ၢ်ယကစၢ်လီၤ.
11 အိၣ်ယံၤဒီးယၤတဂ့ၤ, အဂ့ၢ်ဒ်အံၤ, တၢ်မၤကိၢ် မၤဂီၤ အိၣ်ဘူးလီၤ. ပှၤမၤစၢၤတအိၣ်ဘၣ်အဂ့ၢ်လီၤ.
12 ဂီၤဖံးဖါအိၣ်ဝးတရံးယၤအါဒု,ဘၤၡၣ်အတၢ်ဆူၣ် တဖၣ်ကဝီၤဃာ်ယၤလီၤ.
13 အဲးထီၣ်အထးခိၣ်လၢယ လိၤ, ခ့ယုၢ်လၢအအ့ၣ်ဖှီကွံာ်တၢ်, ဒီးအူကြူၢ်တၢ် လီၤ.
14 တၢ်လူလီၤယၤဒ်ထံအသိးန့ၣ်, ယဃံတဖၣ် လီၤမုၢ်လီၤဖးလိာ်အသး, ယသးမၤသးဒ်ဃိးအသိး ယပှံၢ်လီၤဝဲ လၢယသအိပူၤလီၤ.
15 ယဂံၢ်ယဘါဃ့ ထီၣ်ကွံာ် ဒ်သပၢၤတက့အသိးန့ၣ်, ဒီးယပျ့ၤစဲဘူး ဒီးယခၣ်ခိၣ်, ဒီးနဒုးဟဲလီၤယၤပၢၢ်လၢ တၢ်သံအ သဟီၣ်ခိၣ်အကမူၣ်ကျါလီၤ.
16 အဂ့ၢ်ဒ်အံၤ, ထွံၣ် တဖၣ် အိၣ်ဝးတရံးယၤ, ပှၤအၢအတၢ်အိၣ်ဖှိၣ်န့ၣ် ကဝီၤဃာ်ယၤ, ဆဲးဖျိယစုဒီးယခီၣ်လီၤ.
17 ယဂံၢ် ယဃံခဲလၢာ်သ့, အဝဲသ့ၣ်န့ၣ်ကွၢ်တမိာ်, ကွၢ်ယၤ ကအီကအီၣ်လီၤ.
18 နီၤဖးယယၣ်လၢအဂီၢ်, ဒီးဖးဝဲ လၢယဆ့အဂီၢ်လီၤ.
19 မ့မ့ၢ်နဲဒၣ်, ယွၤဧၢ, အိၣ်ယံၤဒီးယၤတဂ့ၤ, ယဂံၢ် ယဘါဧၢ, ဟဲမၤစၢၤယၤချ့ချ့တက့ၢ်.
20 မၤပူၤမၤဖျဲး ယသးဒီးနးဧိၤဘီဧိၤ, ယတၢ်တမံၤဧိၤန့ၣ် လၢထွံၣ် အစုပူၤတက့ၢ်.
21 အုၣ်က့ၤခီၣ်က့ၤယၤလၢ ခ့ယုၢ်အ ထးခိၣ်တက့ၢ်. ဒီးလၢတၤဖးရံၣ်အနၢၤန့ၣ် နနၢ်ဟူ လံယကလုၢ်လံ.
22 ယကစံးဘၣ်တဲဘၣ် ယဒီပုၢ်ဝဲၢ်လၢနမံၤ, ယက စံးထီၣ်ပတြၢၤနၤ လၢတၢ်အိၣ်ဖှိၣ်အသးကံၢ်ပူၤန့ၣ် လီၤ.
23 ပှၤလၢအပျံၤယွၤသ့ၣ်ဧၢ, စံးထီၣ်ပတြၢၤအီၤ တက့ၢ်. ကယဲၢ်စီၤယၤကိာ်အချံအသၣ်ခဲလၢာ်သ့ၣ် ဧၢ, မၤလၤကပီၤအီၤတက့ၢ်. ဒီးကယဲၢ်အံၣ်စရ့လးအ ချံ အသၣ်ခဲလၢာ်သ့ၣ်ဧၢ, ပျံၤအီၤတက့ၢ်.
24 အဂ့ၢ်ဒ် အံၤ, တမၤတရီတပါ,တသးဘၣ်အၢပှၤဘၣ်နးဘၣ် ဖှီၣ်အတၢ်နးတၢ်ဖှီၣ်, ဒီးတပာ်တဒၢဘၣ် အမဲာ်ဒီး အီၤဘၣ်. ဒီးတုၤအဃ့ကညးတၢ်လၢအီၤဒီး, ကနၣ် အကလုၢ်လီၤ.
25 ယစံးထီၣ်ပတြၢၤနၤန့ၣ် ပှၤကနၢ် ဟူလၢ တၢ်အိၣ်ဖှိၣ်ဖးဒိၣ်အပူၤ, ယကမၤဘူၣ်တၢ် ဘၣ်ဃးဒီးယဆိၣ်တၢ်တဖၣ် လၢပှၤလၢအပျံၤအီၤ အမဲာ်ညါလီၤ.
26 ပှၤလၢအသးစူၤတဖၣ် ကအီၣ်တၢ်ဒီး ဘျဲးအီၣ်ဝဲ လီၤ. ပှၤလၢအဃုယွၤန့ၣ်ကစံးထီၣ်ပတြၢၤအီၤလီၤ. သုသးကမူဝဲလီၤထူလီၤယိာ်လီၤ.
27 ကယဲၢ်ဟီၣ်ခိၣ်အကတၢၢ်ခဲလၢာ် ကသ့ၣ်နီၣ်ထီၣ် က့ၤ, ဒီးကဃၣ်အသးဆူယွၤအအိၣ်, ဒီးပှၤကလုာ် တဖၣ်အဒူၣ်ခဲလၢာ် ကဘူၣ်တၢ်ဘါတၢ်လၢ အမဲာ် ညါလီၤ.
28 အဂ့ၢ်ဒ်အံၤ, ဘီဧိၤမုၢ်ဧိၤမ့ၢ် ယွၤအတၢ် လီၤ. ဒီးပၢဝဲ လၢပှၤကလုာ်တဖၣ်အကျါလီၤ.
29 ကယဲၢ်ပှၤအဘီၣ် လၢဟီၣ်ခိၣ်ချၢခဲလၢာ် ကအီၣ် ဝဲ, ဒီးဘါဝဲ, ကယဲၢ်ပှၤလၢ အလဲၤလီၤဆူဟီၣ်ခိၣ် အကမူၣ်ခဲလၢာ်, ဒီးပှၤလၢအဒုးမူဒံးအသး တသ့ ဘၣ်န့ၣ် ကတီၤလီၤဝဲလၢအမဲာ်ညါလီၤ.
30 တၢ်အချံအသၣ် ကမၤအတၢ်, တၢ်ကစံၣ်တဲၤတဲ လီၤပှၤတစိၤဒၣ်လၢယွၤအဂ့ၢ်လီၤ.
31 အဝဲသ့ၣ်ကဟဲ, ဒီးကဒုးနဲၣ်အတၢ်တီတၢ်လိၤလၢ ပှၤဂီၢ်မုၢ်လၢအက အိၣ်ဖျဲၣ်န့ၣ်လၢအဝဲဒၣ်မၤတၢ်အံၤလီၤ.