146
စံးထီၣ်ပတြၢၤယွၤတက့ၢ်. ယသးဧၢ, စံးထီၣ်ပတြၢၤ ယွၤတက့ၢ်. ယကစံးထီၣ်ပတြၢၤယွၤ တစိၤဒၣ်ယၤ, ဖဲယအိၣ်မူဒံးအဖၢမုၢ်ယကသးဝံၣ်ထီၣ်ယကစၢ်လီၤ.
ပဒိၣ်ဖးဒိၣ်သ့ၣ်ဒီးပှၤကညီဖိ လၢအမၤစၢၤတၢ်တသ့ ဘၣ်တဖၣ်န့ၣ်, သန့ၤသုသးလၢအီၤတဂ့ၤ. အသး ဟးထီၣ်ကွံာ်, ဒီးက့ၤက့ၤဝဲဆူအဟီၣ်ခိၣ်, ဒီးအတၢ် ကူၣ်တၢ်ဖး ဟးဂူာ်ဟးဂီၤလၢ မုၢ်တနံၤဃီဒၣ်လဲာ်န့ၣ် လီၤ.
ပှၤလၢစီၤယၤကိာ်အကစၢ် မ့ၢ်အတၢ်မၤစၢၤအီၤ, ပှၤ လၢအသန့ၤအသးလၢယွၤအကစၢ်န့ၣ် ဘၣ်ဆိၣ်ဂ့ၤဝဲ လီၤ. ပှၤလၢအတ့လီၤမူခိၣ်, ဒီးဟီၣ်ခိၣ်, ပီၣ်လဲၣ်ဒီး ကယဲၢ်တၢ်အိၣ်လၢအပူၤ, လၢအပၢၤဃာ်တၢ်မ့ၢ်တၢ် တီလီၤထူလီၤယိာ်, လၢအစံၣ်ညီၣ်ပှၤဘၣ်တၢ်မၤအၢ အီၤအကွီၢ်, လၢအဟ့ၣ်လီၤတၢ်အီၣ်တၢ်အီလၢပှၤတၢ် သၣ်ဝံၤအသး, ယွၤလၢအမၤထူၣ်ဖျဲးပှၤလၢအဘၣ်တၢ် စၢဃာ်အီၤန့ၣ်လီၤ.
ယွၤမၤကပီၤထီၣ်ပှၤမဲာ်ဘျီၣ်, ယွၤဒုးဆၢထၢၣ်ပှၤသကူး, ယွၤအဲၣ်ပှၤတီပှၤလိၤ, ယွၤအံးက့ၤကွၢ်က့ၤပှၤတမှံၤ, မၤစၢၤပှၤဖိၣ်ဃဲ, ဒီးပှၤမုၣ်ကမဲလီၤ. မ့မ့ၢ်ပှၤတတီတ လိၤအကျဲန့ၣ်မၤဒၢကူဒၢက့ၣ်ဝဲလီၤ.
10 ယွၤကဲစီၤပၤလီၤစိၤလီၤထီ, နကစၢ်, စံယိၣ်ဧၢ, အစိၤ စိၤအဃၣ်ဃၣ်လီၤ.စံးထီၣ်ပတြၢၤယွၤတက့ၢ်.