13
စီၤဒၤဝံးအထါလၢတၢ်အခိၣ်အဂီၢ်.
ဆံးယံာ်လဲၣ်, ယွၤဧၢ, နကသးပ့ၤနီၣ်ယၤလီၤထူ လီၤယိာ်ဧါ. နကပာ်တဒၢနမဲာ်ဒီးယၤ ဆံးယံာ် လဲၣ်, ယကပာ်တၢ်ဆိကမိၣ်ဆိကမး လၢယသး ကံၢ်ပူၤ, တၢ်သူၣ်အုးသးအုးလၢယသးကံၢ်ပူၤ သ့သ့ တနံၤဆံးယံာ်လဲၣ်. ယဒုၣ်ယဒါကအိၣ်ထီၣ်ထီန့ၢ် ယၤဆံးယံာ်လဲၣ်. . ကွၢ်, ကနၣ်ယကလုၢ်တက့ၢ်, ယွၤယကစၢ်ဧၢ, ဒုးကပီၤထီၣ်ယမဲာ်တက့ၢ်. ယကမံသံဘၣ်ဖုးလီၤ.
ယဒုၣ်ယဒါကစံးဘၣ်ဖုး, ယမၤနၢၤလံအီၤလံန့ၣ်, ဒီးတုၤယဟူးဝးဒီး, ပှၤလၢအမၤကိၢ်မၤဂီၤယၤတဖၣ် ကသူၣ်ဖှံသး ညီဘၣ်ဖုးလီၤ.
ဘၣ်ဆၣ်ဒီး ယသန့ၤယသးလၢနဘျုးနဖှိၣ်, ယ ကသူၣ်ဖှံသးညီလၢ နတၢ်အုၣ်က့ၤခီၣ်က့ၤ အပူၤ လီၤ. ယကသးဝံၣ်ထီၣ်ယွၤလီၤ. အဂ့ၢ်ဒ်အံၤ, မၤ ဂ့ၤလံယၤလံ.