126
ပှၤတမှံၤအတၢ်သးဝံၣ်
တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤ သးဒ်ပှၤလၢအမံမီၢ်တၢ်အသိးန့ၣ်လီၤ. တုၤနုၤတစုပ ထးခိၣ်ပှဲၤဝဲဒီးတၢ်နံၤတၢ်အ့, ဒီးပပျ့ၤပှဲၤဝဲဒီးတၢ်သးဝံၣ် န့ၣ်လီၤ. တုၤနုၤတစုအဝဲသ့ၣ်တဖၣ်န့ၣ် စံးလၢပှၤက လုာ်တဖၣ်အကျါန့ၣ် ယွၤမၤတၢ်အဒိၣ်တဖၣ်လၢအဂီၢ် လီၤ. ယွၤမၤတၢ်အဒိၣ်တဖၣ်လၢပဂီၢ်, ဒီးပသးခု လၢအဃိလီၤ.
ယွၤဧၢ, ဃၣ်ကဒါက့ၤပတၢ်ကဲကုၢ်ဒ်ထံကျိအိၣ်လၢ ကလံၤထံးတခီအသိးန့ၣ်တက့ၢ်.
ပှၤလၢအဖှံတၢ် အိၣ်ဒီးအမဲာ်ထံလီၤန့ၣ် ကကူးတၢ် ဒီးတၢ်သးခုလီၤ. လဲၤဝဲဒီးလဲၤဝဲ, ဒီးအမဲာ်ထံလီၤ, အိၣ်ဒီးဖှံတၢ်ချံန့ၣ်, ဟဲက့ၤဝဲဒီးဟဲက့ၤဝဲ, ဒီးအသူၣ်ဖှံ သးညီအိၣ်ဒီးအဘုကဒိၣ်သ့ၣ်တဖၣ်န့ၣ်လီၤ.