116
1 ယအဲၣ်ယွၤကွံယွၤလီၤ.အဂ့ၢ်ဒ်အံၤ, ကနၣ်ယကလုၢ်, ဒီးယတၢ်ဃ့ကညးလီၤ.
2 မ့ၢ်အဒိကနၣ်ယကလုၢ်ဒီး ယကကိးထီၣ်အီၤတစိၤဒၣ်ယၤလီၤ.
3 တၢ်သံအပျံၤအိၣ်ဝးတရံးယၤ, ဒီးပျုၤပူၤအတၢ်ကိၢ် တၢ်ဂီၤန့ၣ်ထံၣ်န့ၢ်ယၤလီၤ. ယထံၣ်န့ၢ်တၢ်ကိၢ်တၢ်ဂီၤ ဒီးတၢ်သူၣ်အုးသးအုးလီၤ.
4 ဒီးယကိးထီၣ်ယွၤအမံၤ, ယွၤဧၢ, မၤထူၣ်ဖျဲးလၢ်ယသးတက့ၢ်.
5 ယွၤသးကညီၤတၢ်ဒီးတီဝဲလိၤဝဲ, မ့ၢ်မးပကစၢ်သး အိၣ်တၢ်လီၤ.
6 ယွၤအံးက့ၤကွၢ်က့ၤ ပှၤလၢအတမၤလိဘၣ်တၢ်ဘၣ် လီၤ. ယဘၣ်တၢ်ဆီၣ်လီၤယၤ, ဒီးအုၣ်က့ၤခီၣ်က့ၤ ယၤလီၤ.
7 ယသးယဲဧၢ, က့ၤက့ၤဆူနတၢ်အိၣ်ဘှံးတက့ၢ်. အ ဂ့ၢ်ဒ်အံၤ, ယွၤမၤဂ့ၤလံနၤလံ.
8 အဂ့ၢ်ဒ်အံၤ, နမၤပူၤ ဖျဲးယသးလၢတၢ်သံ, ယမဲာ်လၢမဲာ်ထံ, ယခီၣ်လၢတၢ် ဘၣ်တိၢ်န့ၣ်လီၤ.
9 ယကလဲၤတၢ်လၢယွၤအမဲာ်ညါလၢ ကီၢ်မူအပူၤလီၤ.
10 ယနာ်တၢ်သတးဒီးယကတိၤတၢ်လီၤ. ယဲဒၣ်အံၤယ ဘၣ်တၢ်နးတၢ်ဖှီၣ်ဒိၣ်မးလီၤ.
11 လၢယဘၣ်တၢ်ကိၢ်တၢ် ဂီၤအပူၤန့ၣ်, ယစံးပှၤကညီမ့ၢ်ပှၤကတိၤကဘျံးကဘျၣ် တၢ်ခဲလၢာ်လီၤ.
12 ယကဟ့ၣ်ကၣ်ယွၤလၢ အမၤဂ့ၤယၤတဂၤလၢတၢ်ခဲ လၢာ်အဃိန့ၣ်လၢမနုၤတမံၤလဲၣ်.
13 ယကဟံးန့ၢ်တၢ်အုၣ်က့ၤခီၣ်က့ၤအလီခီဒီး ကိးထီၣ် ယွၤအမံၤလီၤ.
14 ယကမၤဘူၣ်ယွၤလၢတၢ်ဘၣ်ဃးဒီး ယဆိၣ်တၢ်လၢ အပှၤဂီၢ်မုၢ်ခဲလၢာ်အမဲာ်ညါ ခဲကနံၣ် အံၤလီၤ.
15 အပှၤစီဆှံတဖၣ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤ အမဲာ်ညါလီၤ.
16 ယဲဒၣ်အံၤယမ့ၢ်နခ့နပှၤနီၢ်နီၢ်, ယွၤဧၢ, ယမ့ၢ်နခ့န ပှၤ,နခ့နပှၤပိာ်မုၣ်အဖိခွါ, နဃ့ၣ်လီၤပျံၤစၢဃာ်ယၤလံ.
17 ယကလုၢ်နၤလၢ တၢ်လုၢ်စံးထီၣ်ပတြၢၤ, ဒီးယက ကိးထီၣ်ယွၤအမံၤလီၤ.
18 ယကမၤဘူၣ်ယွၤလၢတၢ်ဘၣ် ဃးဒီးယဆိၣ်တၢ်လၢအပှၤဂီၢ်မုၢ်ခဲလၢာ်အမဲာ်ညါခဲက နံၣ်အံၤ,
19 လၢယွၤအဟံၣ်ဂၢၤပူၤ, လၢနသးကံၢ်ပူၤ, ယရူၤၡလ့ၣ်ဧၢ.စံးထီၣ်ပတြၢၤယွၤတက့ၢ်.