115
လၢပှၤပဝဲတမ့ၢ်ဘၣ်, ယွၤဧၢ, လၢပှၤပဝဲတမ့ၢ်ဘၣ်, မ့မ့ၢ်ပာ်တၢ်လၤကပီၤလၢနမံၤဒၣ်နဲ, လၢနဘျုးနဖှိၣ်ဒီး နတၢ်မ့ၢ်တၢ်တီအဃိန့ၣ်တက့ၢ်.
ပှၤကလုာ်တဖၣ်ကစံး, အကစၢ်အိၣ်ဖဲလဲၣ်န့ၣ်မ့ၢ်အ ဘၣ်မနုၤလဲၣ်. ပကစၢ်အိၣ်လၢမူခိၣ်န့ၣ်လီၤ. ဒီးဖဲ ဒၣ်အသးန့ၣ်မၤဒၣ်ဝဲလီၤ.
အဝဲသ့ၣ်အတၢ်ဂီၤတၢ်ဖီၣ်န့ၣ် မ့ၢ်ကျိၣ်ဧိၤစ့ဧိၤဒီးထူ ဧိၤလွဲဧိၤလီၤ. မ့ၢ်ပှၤကညီအတၢ်မၤလၢအစုလီၤ.
အထးခိၣ်အိၣ်, ဒီးတကတိၤဘၣ်တၢ်ဘၣ်, အမဲာ် သၣ်အိၣ်, ဒီးတထံၣ်ဘၣ်တၢ်ဘၣ်, အနၢ်အိၣ်, ဒီး တနၢ်ဟူဘၣ်တၢ်ဘၣ်. အနါဒ့အိၣ်, ဒီးတနၢဘၣ်တၢ် ဘၣ်. အစုအိၣ်, ဒီးတဟံးဘၣ်တၢ်ဘၣ်. အခီၣ်အိၣ်, ဒီးတဟးဘၣ်ဝဲဘၣ်. တၢ်ကတိၤတထီၣ်ဖျဲးဘၣ်လၢအ ကိာ်ပူၤဘၣ်. ပှၤတ့အီၤတဖၣ်, ပှၤသန့ၤအသးလၢ အီၤကိးဂၤဒဲးန့ၣ်, မၤသးဒ်အဝဲန့ၣ်အသိးလီၤ.
အံၣ်စရ့လးဧၢ, သန့ၤသုသးလၢယွၤတက့ၢ်. အတၢ် မၤစၢၤ, ဒီးအကတီၤတဘ့ၣ်မ့ၢ်အဝဲဒၣ်န့ၣ်လီၤ.
10 အၤဟရိၣ်အပှၤဟံၣ်ဖိသ့ၣ်ဧၢ, သန့ၤသုသးလၢယွၤ တက့ၢ်. အတၢ်မၤစၢၤ, ဒီးအကတီၤတဘ့ၣ်မ့ၢ်အဝဲဒၣ် န့ၣ်လီၤ.
11 ပှၤလၢအပျံၤယွၤသ့ၣ်ဧၢ,သန့ၤသုသးလၢယွၤတက့ၢ်.အတၢ်မၤစၢၤ, ဒီးအကတီၤတဘ့ၣ်မ့ၢ်အဝဲဒၣ်န့ၣ်လီၤ.
12 ယွၤသ့ၣ်နီၣ်ထီၣ်က့ၤပှၤလံ, ကဆိၣ်ဂ့ၤပှၤလီၤ. က ဆိၣ်ဂ့ၤပှၤအံၣ်စရ့လးအဟံၣ်ဖိ, ကဆိၣ်ဂ့ၤအၤဟရိၣ်အ ပှၤဟံၣ်ဖိလီၤ. 13 ကဆိၣ်ဂ့ၤပှၤလၢအပျံၤယွၤဒီးဒိၣ်ဒီးဆံး လီၤ. 14 မ်ယွၤမၤအါထီၣ်သု, သုဝဲဒီးသုဖိသုလံၤတ က့ၢ်. 15 မ်ယွၤလၢအတ့လီၤမူခိၣ်ဒီးဟီၣ်ခိၣ်အံၤ, ဆိၣ် ဂ့ၤသုတက့ၢ်. 16 မူခိၣ်န့ၣ်မ့ၢ်ယွၤအမူခိၣ်လီၤ. မ့မ့ၢ်ဟီၣ် ခိၣ်အံၤဟ့ၣ်လီၤဝဲလၢပှၤကညီလီၤ.
17 ပှၤသံတ့ၢ်, ဒီးပှၤလၢအယုၢ်လီၤဆူတၢ်အိၣ်ဘှီၣ်က လာ်အပူၤသ့ၣ်တဖၣ်န့ၣ်တစံးထီၣ်ပတြၢၤဘၣ်ယွၤဘၣ်.
18 မ့မ့ၢ်ပဝဲဒၣ်အံၤ တုၤအံၤဆူညါ ပကစံးထီၣ်ပတြၢၤ ယွၤလီၤထူလီၤယိာ်လီၤ.စံးထီၣ်ပတြၢၤယွၤတက့ၢ်.