10
နဆၢထၢၣ်လၢအယံၤမ့ၢ်အဘၣ်မနုၤလဲၣ်,ယွၤဧၢ. နပာ်တဒၢနသးလၢ တၢ်မၤကိၢ်မၤဂီၤ အဆၢအက တီၢ်န့ၣ် မ့ၢ်အဘၣ်မနုၤလဲၣ်. လၢပှၤတတီတလိၤ ဘၣ်အတၢ်ပာ်ကဖိအသးအဃိန့ၣ်, ပှၤဖှီၣ်ဖိယာ်ဖိ ဘၣ်တၢ်ကိၢ်တၢ်ဂီၤလီၤ. တၢ်လၢအကူၣ်ထီၣ်ဖးလီၤ လၢအဆိကမိၣ်တ့ၢ်ဝဲန့ၣ် ကဘၣ် အကစၢ်ဒၣ်ဝဲ လီၤ. အဂ့ၢ်ဒ်အံၤ, ပှၤတတီတလိၤဘၣ်န့ၣ် ပာ်က ဖိအသးလၢအသးဆၢန့ၢ်တၢ်အဃိ, တုၤအန့ၢ်ဘၣ် တၢ်လၢအတတီတလိၤဘၣ်န့ၣ် ဆိၣ်ဂ့ၤလီၤအသး, ဒီးမၤတရီတပါယွၤလီၤ.
ပှၤတတီတလိၤ ဘၣ်ပာ်ထီၣ်ထီအမဲာ်, ဒီးစံးဝဲ ဒၣ်, တၢ်တဃုဘၣ်ဝဲဘၣ်, အဆိကမိၣ်တၢ်ခဲလၢာ် န့ၣ်မ့ၢ်လၢယွၤတအိၣ်ဘၣ်. အကျဲတဖၣ်ဘီၣ်ထီၣ် ညီထီၣ် ကိးအဆၢအကတီၢ်ဒဲးလီၤ. နတၢ်စံၣ်ညီၣ် တဖၣ်န့ၣ် အိၣ်ထီန့ၢ်အထံၣ်သ့လၢ အမဲာ်တက့ၢ် လီၤ. အူဘၣ်အဒုၣ်အဒါခဲလၢာ်လီၤ. စံးဝဲလၢအ သးကံၢ်ပူၤ, ယတဟူးတဝးဘၣ်. အဂ့ၢ်ဒ်အံၤ အစိၤ စိၤအဃၣ်ဃၣ်န့ၣ်ယတဘၣ်တၢ်အၢဘၣ်. အကိာ် ပူၤပှဲၤဒီးဆိၣ်အၢတၢ်, ဒီးလီတၢ်, ဒီးဂုာ်န့ၢ်တၢ်လီၤ. ဒီးတၢ်နးတၢ်ဖှီၣ်ဒီးတၢ်မၤအၢတၢ်န့ၣ် အိၣ်ဝဲလၢအ ပျ့ၤဖီလာ်လီၤ. ဆ့ၣ်နီၤဝဲလၢ အလီၢ်အိၣ်တဒၢလၢ တဝီတဖၣ်အပူၤ, လၢအလီၢ်အိၣ်ခူသူၣ်တဖၣ်အပူၤ န့ၣ် မၤသံပှၤလၢအတၢ်ဒဲးဘးတအိၣ်ဘၣ်. အမဲာ် ပၢၤပှၤဖှီၣ်ဖိယာ်ဖိလီၤ. အိၣ်ခိးဝဲလၢအလီၢ်ခူသူၣ် ဒ်ခ့ယုၢ်လၢသဃာ်အကျါအသိးန့ၣ်, အိၣ်ခိးဝဲဒ်သိး အကဖီၣ်န့ၢ် ပှၤဘၣ်နးဘၣ်ဖှီၣ်န့ၣ်လီၤ. ဒီးဖီၣ်န့ၢ် ပှၤဘၣ်နးဘၣ်ဖှီၣ်,ဒီးမိၤဝဲလၢအပှာ်န့ၣ်လီၤ. 10 ဒီးပှၤ ဘၣ်တၢ်မၤသဘှံးန့ၣ်လီၤဃံၤဝဲ, ပှၤဖှီၣ်ဖိယာ်ဖိလီၤ ဃံၤလၢအပှၤဆူၣ်တဖၣ် အစုပူၤလီၤ. 11 စံးဝဲလၢအ သးကံၢ်ပူၤန့ၣ်, ယွၤသးပ့ၤနီၣ်လံ, ပာ်တဒၢလံအ မဲာ်လံ. တထံၣ်လၢၤနီတစုဘၣ်.
12 ယွၤဧၢ, ဂဲၤဆၢထၢၣ်တက့ၢ်. ကစၢ်ဧၢ, ယူာ်ထီၣ် နစုတက့ၢ်, သးပ့ၤနီၣ်ပှၤလၢအဘၣ်နးဘၣ်ဖှီၣ်န့ၣ် တဂ့ၤ. 13 ပှၤတတီတလိၤဘၣ်န့ၣ် မၤယွၤတရီတပါ မ့ၢ်အဘၣ်မနုၤလဲၣ်. စံးဝဲလၢအသးကံၢ်ပူၤန့ၣ်, န တဃုဘၣ်တၢ်ဘၣ်န့ၣ်လီၤ. 14 နထံၣ်ဘၣ်လံ. အဂ့ၢ် ဒ်အံၤ, နကွၢ်တၢ်နးတၢ်ဖှီၣ်ဒီး တၢ်မၤကိၢ်မၤဂီၤန့ၣ် ဒ်သိး နကဟ့ၣ်ကၣ်တၢ်လၢနစုလီၤ. ပှၤဖိၣ်ဃဲလၢ အဖှီၣ်န့ၢ်ယာ်ကဲန့ၣ် ဟ့ၣ်လီၤအသးလၢနၤ, နမ့ၢ်နဲ တၢ်မၤစၢၤတၢ်လီၤ.
15 မၤကၢ်ပှၤတတီတလိၤဘၣ်အစု, ဒီးပှၤမၤတၢ်အၢ ဖိန့ၣ်, ဃုအတၢ်အၢ တုၤနတထံၣ်လၢၤဘၣ်န့ၣ်တ က့ၢ်.
16 ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤကလုာ် တဖၣ်န့ၣ် ဟးဂီၤလံလၢအကီၢ်ပူၤလံ. 17 ပှၤလၢအ ဘၣ်နးဘၣ်ဖှီၣ် အဆၢတၢ်န့ၣ်နနၢ်ဟူလံ. နကက တဲာ်ကတီၤအသး, နကပာ်နၢ်ဟူနနၢ်, 18 လၢနက စံၣ်ညီၣ်ပှၤဖိၣ်ဃဲ, ဒီးပှၤဘၣ်တၢ်မၤအၢအီၤန့ၣ်ဒ်သိး ပှၤဘၣ်ဃးဒီးဟီၣ်ခိၣ် အသုတမၤပျံၤမၤဖုးလၢၤတၢ် တဂ့ၤန့ၣ်လီၤ.