4
ဖိခွါသ့ၣ်ဧၢ, ဒိကနၣ်ပၢ်အတၢ်သိၣ်တၢ်သီ, ဒီးပာ် သုသးဒ်သိးသုကသ့ၣ်ညါတၢ်ကူၣ်တၢ်ဆးတက့ၢ်. အ ဂ့ၢ်ဒ်အံၤ, ယဟ့ၣ်လီၤသုလၢတၢ်သိၣ်လိအဂ့ၤလီၤ. လဲၤ သဒၣ်ယတၢ်သိၣ်တၢ်သီတဂ့ၤ. အဂ့ၢ်ဒ်အံၤ, ယမ့ၢ်ယ ပၢ်အဖိခွါ, ပှၤအစၢ်ဒီးပှၤတဂၤဃီလၢ ယမိၢ်အဲၣ်အီၤတ ဂၤလီၤ. ဒီးသိၣ်က့ၤယၤ, ဒီးစံးဘၣ်ယၤ, မ်နသးဟံး ဃာ်ယကလုၢ်တက့ၢ်. တိၢ်န့ၢ်ယတၢ်မၤလိာ်တက့ၢ်, ဒီး နကမူလီၤ.
မၤန့ၢ်တၢ်ကူၣ်သ့, မၤန့ၢ်တၢ်ကူၣ်တၢ်ဆးတက့ၢ်, သး ပ့ၤနီၣ်အီၤတဂ့ၤ, ဒီးဟးဖျိးလၢယထးခိၣ်အတၢ်ကတိၤ တဂ့ၤ. လဲၤသဒၣ်အီၤတဂ့ၤ, ဒီးကအံးက့ၤကွၢ်က့ၤနၤ လီၤ, အဲၣ်အီၤတက့ၢ်, ဒီးကပၢၤနၤလီၤ.
တၢ်အခိၣ်ကျၢၢ်န့ၣ်မ့ၢ်တၢ်ကူၣ်သ့လီၤ. မၤန့ၢ်တၢ်ကူၣ် သ့တက့ၢ်, ဒီးမၤန့ၢ်တၢ်ကူၣ်တၢ်ဆး လၢနမၤတၢ်ခဲ လၢာ်န့ၣ်တက့ၢ်. ပာ်ထီၣ်ထီအီၤတက့ၢ်, ဒီးကပာ်ထီၣ် ထီနၤလီၤ. တုၤနဖိးအီၤဒီး, ကမၤလၤကပီၤနၤလီၤ. က ဟ့ၣ်နခိၣ်လၢခိၣ်ကျီၤအဃံအလၤ, ကဟ့ၣ်နၤလၢခိၣ် သလုးအဃံအလၤလီၤ.
10 ယဖိခွါဧၢ, ကနၣ်တက့ၢ်, ဒီးဒိးန့ၢ်ယကလုၢ်ကထါ တက့ၢ်, ဒီးနသးသမူအနံၣ်အလါကအါဝဲလီၤ.
11 ယသိၣ်လိနၤလၢ တၢ်ကူၣ်သ့အကျဲ, ဒီးဒုးပိာ်နၤ လၢတၢ်လိၤအကျဲလီၤ. 12 တုၤနလဲၤတၢ်ဒီး, နထွဲတၢ်တ အံၣ်ဘၣ်, ဒီးတုၤနဃ့ၢ်တၢ်ဒီး, နခီၣ်တဘၣ်တိၢ်ဘၣ်.
13 ဟံးဃာ်တၢ်သိၣ်လိတက့ၢ်. ပျၢ်အီၤတဂ့ၤ. ပၢၤအီၤ တက့ၢ်. အဂ့ၢ်ဒ်အံၤ, မ့ၢ်နတၢ်မူလီၤ.
14 လဲၤတၢ်လၢ ပှၤတတီတလိၤအကျဲတဂ့ၤ, ဒီးပိာ်ပှၤ အၢအကျဲဧိၤကပူၤဧိၤတဂ့ၤ. 15 ဟးဆှဲးအီၤတက့ၢ်. လဲၤ တြူာ်အီၤတဂ့ၤ. ဃၣ်ကွံာ်နသးလၢအီၤဒီး လဲၤတၢ်တ က့ၢ်. 16 အဂ့ၢ်ဒ်အံၤ အဝဲသ့ၣ်မ့ၢ်တမၤတၢ်အၢဘၣ်ဒီး, တ မံဘၣ်ဝဲဘၣ်. 17 အဂ့ၢ်ဒ်အံၤအီၣ်ဝဲလၢတၢ်တတီတလိၤ အကိၣ်, ဒီးအီတၢ်မၢဆူၣ်အစပံးထံလီၤ.
18 မ့မ့ၢ်ပှၤတီပှၤလိၤအကျဲန့ၣ် မၤသးဒ်မုၢ်ဆ့ၣ်ထီၣ်အ တၢ်ကပီၤ ဒံးယံာ်ဒံးကပီၤထီၣ်, ဒံးယံာ်ဒံးကပီၤထီၣ်, တုၤလၢမုၢ်ထူၣ်အသိးန့ၣ်လီၤ. 19 ပှၤတတီတလိၤအကျဲ န့ၣ်မၤသးဒ်တၢ်ခံးသူအသိးန့ၣ်, အခီၣ်ကဘၣ်တိၢ်လၢ မနုၤမနုၤန့ၣ်တသ့ၣ်ညါဘၣ်ဝဲဘၣ်.
20 ယဖိခွါဧၢ, ကနၣ်ယတၢ်ကတိၤတက့ၢ်. ဒိးနနၢ်လၢ ယတၢ်ကလုၢ်ကတိၤတက့ၢ်. 21 ဒုးဟးတဒၢအီၤလၢနမဲာ် တဂ့ၤ.ပၢၤအီၤလၢနသးကံၢ်ပူၤတက့ၢ်. 22 အဂ့ၢ်ဒ်အံၤ, မ့ၢ် တၢ်မူလၢ ပှၤလၢအထံၣ်န့ၢ်အီၤအဂီၢ်, ဒီးတၢ်ဆးလၢ အဖံးအညၣ်ဒီဂၤညါအဂီၢ်လီၤ.
23 လၢနပၢၤတၢ်ခဲလၢာ်အဖီခိၣ်န့ၣ်ပၢၤနသးတက့ၢ်. အ ဂ့ၢ်ဒ်အံၤတၢ်အမူထီၣ်ပၢၤလၢအပူၤလီၤ.
24 သုးကွံာ်ထးခိၣ်လီတၢ်လၢနအိၣ်, ဒီးပာ်ယံၤထီၣ်ပျုၤ က့ၣ်ဒီးနၤတက့ၢ်. 25 မ်နမဲာ်ကွၢ်တၢ်လိၤလိၤ, ဒီးမ်နမဲာ် ဖံးအိၣ်စၢၢ်ဆၢပံၢ်ကလာ်လၢနမဲာ်ညါတက့ၢ်.
26 ကွၢ်ဆိကမိၣ် နခီၣ်အကျဲဒ်သိး နကျဲဧိၤကပူၤဧိၤခဲ လၢာ် ကအိၣ်ကျၢၤတက့ၢ်. 27 ဆူစုထွဲဂ့ၤ, ဆူစုစ့ၣ်ဂ့ၤ,ဃၣ် နသးတဂ့ၤ, သုးကွံာ်နခီၣ်လၢတၢ်အၢအအိၣ်တက့ၢ်.