31
1 မၤစၤ အစီၤပၤ လမူၤအ့လး အတၢ်ကတိၤလၢအ မိၢ်သိၣ်လိအီၤလီၤ.
2 ယဖိခွါဧၢ, မနုၤလဲၣ်, ယဒၢလီၢ်အဖိခွါဧၢ, မနုၤ လဲၣ်, ယဖိခွါဘၣ်ဃးဒီးယဆိၣ်တၢ်တဂၤဧၢ, မနုၤ လဲၣ်,
3 ဟ့ၣ်နဂံၢ်နဘါလၢပိာ်မုၣ်တဂ့ၤ, နကျဲလၢတၢ် လၢအမၤဟးဂီၤစီၤပၤတဖၣ်န့ၣ်တဂ့ၤ.
4 စီၤလမူၤအ့လးဧၢ, အီစပံးထံန့ၣ်တမ့ၢ်ဘၣ်လၢစီၤ ပၤအဂီၢ်, တမ့ၢ်ဘၣ်လၢစီၤပၤအဂီၢ်ဘၣ်. ဆၢအီသံးန့ၣ် တမ့ၢ်ဘၣ်လၢပဒိၣ်ဖးဒိၣ်အဂီၢ်ဘၣ်.
5 ကအီတၢ်, ဒီးသးပ့ၤနီၣ်ဘၣ်ဖုးတၢ်သိၣ်တၢ်သီ, ဒီး မၤကဒံကဒါပှၤဘၣ်ဖှီၣ်ဘၣ်နး တဂၤဂၤအတၢ်စံၣ်ညီၣ် ကွီၢ်လီၤ.
6 ဟ့ၣ်သံးဧိၤမ့ၤဧိၤလၢပှၤလၢအဘူးဒီးအက ဟးဂီၤ, ဒီးစပံးထံလၢပှၤလၢအသးဆါတက့ၢ်, မ်အအီ တၢ်ဒီးသးပ့ၤနီၣ် အတၢ်ဖှီၣ်တၢ်ယာ်တက့ၢ်.
7 မ်အသု တသ့ၣ်နီၣ်ထီၣ်က့ၤလၢၤအတၢ်နးတၢ်ဖှီၣ်တဂ့ၤ.
8 အဲးထီၣ်နထးခိၣ်လၢ ပှၤတအုၣ်တဖၣ်အဂီၢ်, ဒီးလၢ ပှၤဖိၣ်ဃဲခဲလၢာ်အကွီၢ်အဂီၢ်တက့ၢ်.
9 အဲးထီၣ်နထးခိၣ် စံၣ်ညီၣ်တၢ်တီတီလိၤလိၤ, ဒီးစံၣ်ညီၣ်တီပှၤဘၣ်နးဘၣ် ဖှီၣ်ဒီးပှၤဖှီၣ်ဖိယာ်ဖိန့ၣ်တက့ၢ်.
10 မ့ၢ်မတၤထံၣ်န့ၢ်အမါလၢအမၤတၢ်သ့တဂၤလဲၣ်. အ ဂ့ၢ်ဒ်အံၤ, အပှ့ၤဒိၣ်န့ၢ်တၢ်မျၢ်တက့ၢ်လီၤ.
11 အဝၤအသး သန့ၤအသးလၢအီၤ, ဒီးအတၢ်အါထီၣ်တစှၤလီၤဘၣ်.-
12 မၤအီၤလၢ တၢ်ဂ့ၤဒီးတမ့ၢ်ဘၣ်လၢ တၢ်အၢတစိၤဒၣ် အီၤလီၤ.
13 ဃုန့ၢ်သိအဆူၣ်ဒီးဘဲ, ဒီးမၤဒၣ်တၢ်လၢအ စုလီၤ.
14 မၤသးဒ်ပှၤကၤတၢ်ဖိအကဘီအသိးန့ၣ်, ဟဲစိာ် တၢ်အီၣ်လၢအယံၤလီၤ.
15 လၢတၢ်ခံးဒံးန့ၣ်ဂဲၤဆၢထၢၣ် ဒီးဒုးအီၣ်အပှၤဟံၣ်ဖိ, ဒီးဟ့ၣ်လီၤအခ့အပှၤ ပိာ်မုၣ်အ ဂီၢ်လီၤ.
16 ကွၢ်ဆိကမိၣ်ဝဲလၢဟီၣ်ခိၣ်တကဝီၤ, ဒီးပှ့ၤ န့ၢ်ဝဲလီၤ. သူၣ်စပံးလီၢ်လၢအစုအတၤသၣ်လီၤ.
17 ကံၢ်တူာ်အယီၢ်ဒ့လၢတၢ်ဂံၢ်တၢ်ဘါ, ဒီးပာ်ဆူၣ်ထီၣ်အစု ဒုၣ်လီၤ.
18 သ့ၣ်ညါဝဲလၢကၤတၢ်မ့ၢ်အဂ့ၤလီၤ. အမ့ၣ်အူ ဒၢတလီၤပံာ်လၢမုၢ်နၤဘၣ်.
19 ပာ်အစုလၢနီၣ်ဘ့ဘဲအ လိၤ, ဒီးအစုဟံးဃာ်ကဟၣ်စုဝံာ်ဘဲလီၤ.
20 သလၣ်ထီၣ် အစုလၢပှၤဘၣ်နးဘၣ်ဖှီၣ်အဂီၢ်, ဒီးယူာ်ထီၣ်အစုဆူ ပှၤဖှီၣ်ဖိယာ်ဖိအအိၣ်လီၤ.
21 တပျံၤဘၣ်မူခိၣ်ဖီလၢအပှၤ ဟံၣ်ဖိအဂီၢ်ဘၣ်.အဂ့ၢ်ဒ်အံၤ, အပှၤဟံၣ်ဖိကူဝဲသိးဝဲဒီး တၢ်ဂီၤလီၤ.
22 မၤဝဲဒီးယၣ်လုးလၢအလီၢ်မံအဂီၢ်လီၤ.အ ကူအသိးမ့ၢ်ဖှီဝါကဆှၣ်, ဒီးလုးတကုာ်လီၤ.
23 တုၤအဝၤ ဆ့ၣ်နီၤဝဲလၢပဲတရီအပူၤ, လၢထံဧိၤကီၢ်ဧိၤအပှၤသး ပှၢ်အကျါန့ၣ်ဒီး, ပှၤသ့ၣ်ညါအီၤလီၤ.
24 မၤဝဲလၢတၢ်အ ကူအသိးဖှီဝါကဆှၣ်, ဒီးဆါကွံာ်ဝဲ, ဒီးဟ့ၣ်လီၤယီၢ်တ ကိးတဖၣ်လၢ ပှၤကၤတၢ်ဖိလီၤ.
25 တၢ်ဂံၢ်တၢ်ဘါ, ဒီး တၢ်လၤကပီၤန့ၣ်မ့ၢ်အကူအသိးလီၤ. ဒီးနံၤဘၣ်မုၢ်နံၤ လၢအကဟဲတဖၣ်န့ၣ်လီၤ.
26 အဲးထီၣ်အထးခိၣ်အိၣ်ဒီး တၢ်ကူၣ်သ့, ဒီးတၢ်ဘျုးတၢ်ဖှိၣ်အတၢ်သိၣ်တၢ်သီန့ၣ် အိၣ်ဝဲလၢအပျ့ၤလိၤလီၤ.
27 ကွၢ်ဝဲလၢအပှၤဟံၣ်ဖိအကျဲ ကစီဒီ, တအီၣ်တၢ်အကၢၣ်အကိၣ်ဘၣ်.
28 .အဖိဂဲၤဆၢထၢၣ်,ဒီးဆိၣ်ဂ့ၤအီၤ,အဝၤန့ၣ်စံးထီၣ်ပတြၢၤအီၤလီၤ.-
29 ပှၤဖိမုၣ်အါဂၤ မၤဂ့ၤဂ့ၤဘၣ်ဘၣ်လံဘၣ်ဆၣ်ဒီး, နတ လၢကွံာ်အီၤခဲလၢာ်လီၤ.
30 တၢ်အဃံအလၤန့ၣ် လီန့ၢ်တၢ်, ဒီးတၢ်အက့ၢ်ဂ့ၤ အဂီၤဂ့ၤမ့ၢ်တၢ်ကလီကလီလီၤ. မ့မ့ၢ်ပိာ်မုၣ်လၢအပျံၤ ယွၤန့ၣ်တၢ်ကစံးထီၣ်ပတြၢၤအီၤလီၤ.
31 ဟ့ၣ်အီၤလၢအစုအတၤသၣ်, ဒီးမ်အတၢ်မၤဒၣ်ဝဲ စံးထီၣ်ပတြၢၤအီၤလၢပဲတရီအပူၤတက့ၢ်.