24
1 သးကါပှၤအၢတဂ့ၤ. ဒီးဆၢအိၣ်ဒီးအီၤတဂ့ၤ.
2 - အ ဂ့ၢ်ဒ်အံၤ, အသးကူၣ်တၢ်မၤဟးဂီၤ, ဒီးအပျုၤကတိၤ မၤအၢတၢ်လီၤ.
3 ပှၤမၤဟံၣ်လၢတၢ်ကူၣ်သ့, ဒီးဒုးအိၣ်ဂၢၢ်ဆိးကျၢၤဝဲ လၢတၢ်ကူၣ်တၢ်ဆးလီၤ.
4 ဒီးတၢ်သ့ၣ်ညါကမၤပှဲၤဝဲအ ဒၢးတဖၣ်ဒီးတၢ်ထူးတၢ်တီၤလၢအလုၢ်ဒိၣ်ပှ့ၤဒိၣ်, ဒီးအ ဂ့ၤအမုာ်ခဲလၢာ်လီၤ.
5 ပှၤကူၣ်တၢ်သ့န့ၣ်အဂံၢ်ဆူၣ်အ ဘါဆူၣ်, ဒီးပှၤအိၣ်ဒီးတၢ်သ့ၣ်ညါမၤအါထီၣ်အဂံၢ်အ ဘါလီၤ.
6 အဂ့ၢ်ဒ်အံၤ, နဘၣ်မၤနတၢ်ဒုးသုးလၢတၢ်ဒုး ကူၣ်တၢ်သ့လီၤ. ဒီးပှၤဒုးကူၣ်တၢ်အါဂၤသတးဒီး, တၢ် အုၣ်က့ၤခီၣ်က့ၤအိၣ်ဝဲဒၣ်လီၤ.
7 တၢ်ကူၣ်သ့န့ၣ်အိၣ်ဝဲ ထီကဲၣ်ဆိးလၢ ပှၤဟးဂီၤဖိအဂီၢ်လီၤ. တအဲးထီၣ် ဘၣ်အထးခိၣ်လၢပဲတရီအပူၤဘၣ်.
8 ပှၤလၢအကူၣ်မၤတၢ်အၢန့ၣ် ပှၤကကိးအီၤလၢတၢ်မၤ အၢအကစၢ်လီၤ.
9 ပှၤဟးဂီၤဖိအဆိကမိၣ်တၢ်န့ၣ် မ့ၢ် တၢ်ဒဲးဘးလီၤ. ဒီးပှၤမၤတၢ်တရီတပါန့ၣ်မ့ၢ်တၢ်သး ဘၣ်အၢလၢပှၤကညီအမဲာ်ညါလီၤ.
10 နသးမ့ၢ်လီၤဘှါလၢ တၢ်နးတၢ်ဖှီၣ်အမုၢ်တနံၤန့ၣ်ဒီး, နဂံၢ်နဘါမ့ၢ်အဆံးလီၤ.
11 ပှၤလၢတၢ်ပာ်အီၤလၢတၢ်သံအဂီၢ်, ဒီးပှၤလၢအအိၣ် ဘူးဒီးတၢ်ကမၤသံအီၤန့ၣ်မၤပူၤဖျဲးအီၤတက့ၢ်.
12 နမ့ၢ်စံး, ကွၢ်ကွၢ်, ပတသ့ၣ်ညါဘၣ်တၢ်န့ၣ်ဒီး, ပှၤ လၢအစီၤကွၢ်ပှၤအသးတဂၤန့ၣ်ကွၢ်ဆိကမိၣ်တၢ်, တ မ့ၢ်ဘၣ်ဧါ.ပှၤလၢအပၢၤနသးန့ၣ်တသ့ၣ်ညါဘၣ်ဧါ, ဒီး ကဟ့ၣ်ကၣ်တၢ်လၢပှၤကညီဒ် အမၤတၢ်အသိးန့ၣ်ကိး ဂၤဒဲးလီၤ.
13 ယဖိခွါဧၢ, အီၣ်ကနဲစီတက့ၢ်. အဂ့ၢ်ဒ်အံၤ,မ့ၢ်အဝံၣ်လီၤ. ဒီးကနဲအခိၣ်ထံလၢနကိာ်ပူၤန့ၣ်မ့ၢ်အဆၢလီၤ.-
14 ဒ်န့ၣ်သိးမၤလိတၢ်သ့ၣ်ညါ တၢ်ကူၣ်သ့လၢနသးအဂီၢ် တက့ၢ်. နမ့ၢ်ထံၣ်န့ၢ်အီၤဒီး, တၢ်အကတၢၢ်အိၣ်ဝဲ, နမုၢ် လၢ်တၢ်တဘၣ်ဘၣ်တၢ်ဒီၣ်တဲာ်ကွံာ်အီၤဘၣ်.
15 ပှၤအအၢအသီဧၢ, ခိးခူသူၣ်ထီဒါပှၤတီပှၤလိၤအ ဟံၣ်တဂ့ၤ. မၤဟးဂီၤအအိၣ်ဘှံးအလီၢ်တဂ့ၤ.
16 အဂ့ၢ်ဒ် အံၤ, ပှၤတီပှၤလိၤလီၤဃံၤနွံဘျီဘၣ်ဆၣ်ဒီး, ကဂဲၤဆၢ ထၢၣ်က့ၤလီၤ. မ့မ့ၢ်ပှၤ တတီတလိၤဘၣ်န့ၣ် အခီၣ် ဘၣ်တိၢ်ဒီးလီၤဃံၤလၢတၢ်ဟးဂီၤအပူၤလီၤ.
17 တုၤနဒုၣ်နဒါလီၤဃံၤဒီး, သးခုတၢ်တဂ့ၤ, ဒီးတုၤ အခီၣ်ဘၣ်တိၢ်ဒီး, သူၣ်ဖှံသးညီတဂ့ၤ.
18 ယွၤကထံၣ် ဘၣ်ဖုး, ဒီးတဘၣ်အသးဘၣ်, ဒီးကဃၣ်ကဒါက့ၤအ သးထီၣ်လၢအအိၣ်လီၤ.
19 မၤကိၢ်နသးလၢပှၤအၢအဃိတဂ့ၤ, ဒီးသးကါပှၤတ တီတလိၤန့ၣ်တဂ့ၤ.
20 အဂ့ၢ်ဒ်အံၤ, တၢ်အကတၢၢ်တအိၣ်ဘၣ်လၢပှၤအအၢအဂီၢ်ဘၣ်. ပှၤတတီတလိၤဘၣ် အမ့ၣ်အူဒၢကဘၣ်တၢ်မၤလီၤပံာ်ကွံာ်အီၤလီၤ.
21 ယဖိခွါဧၢ, ပျံၤယွၤဒီးစီၤပၤတက့ၢ်. မၤဃါဃုာ်ဒီးပှၤ လၢအကဒံကဒါတဂ့ၤ.
22 အဂ့ၢ်ဒ်အံၤ, အတၢ်နးတၢ်ဖှီၣ် ကအိၣ်ထီၣ်သတူၢ်ကလာ်, ဒီးပှၤခံဂၤန့ၣ်အတၢ်ဟး ဂီၤန့ၣ်မ့ၢ်မတၤသ့ၣ်ညါတဂၤလဲၣ်.
23 တၢ်အံၤတဖၣ်မ့ၢ်စ့ၢ်ကီးအဟဲလၢပှၤကူၣ်တၢ်သ့လီၤ. ကွၢ်မဲာ် ပှၤလၢတၢ်စံၣ်ညီၣ်ကွီၢ်အပူၤန့ၣ် မ့ၢ်အတဂ့ၤ ဘၣ်.
24 ပှၤလၢအစံးဘၣ် ပှၤတတီတလိၤ, နမ့ၢ်ပှၤတီပှၤ လိၤလီၤန့ၣ်, ပှၤဂီၢ်မုၢ်ကဆိၣ်အၢအီၤ, ပှၤကလုာ်တဖၣ် ကသးဘၣ်အၢအီၤလီၤ.
25 မ့မ့ၢ်ပှၤလၢ အသိၣ်ဃီၣ်တၢ် န့ၣ်ကအိၣ်မုာ်, ဒီးတၢ်ဆိၣ်ဂ့ၤလၢအဂ့ၤကဘၣ်အီၤလီၤ.
26 ပှၤလၢအစံးဆၢ တၢ်လၢတၢ်ကတိၤလိၤန့ၣ်နၢမူပ ပျုၤလီၤ.
27 ကတဲာ်ကတီၤနတၢ်မၤလၢခိ, ဒီးမၤတၢ်လၢစံာ်ဧိၤပှဲၤ ဧိၤအပူၤတက့ၢ်. လၢခံက့ၤဒီး သူၣ်ထီၣ်နဟံၣ်တက့ၢ်.
28 အဂ့ၢ်တအိၣ်ဘၣ်ဒီး အုၣ်နသးထီဒါပှၤလၢနဃၢၤတ ဂ့ၤ. ဒီးလီတၢ်လၢနပျုၤတဂ့ၤ.
29 ဒ်အမၤယၤအသိးန့ၣ် ယကမၤအီၤ, ယကဟ့ၣ်ကၣ် တၢ်လၢပှၤတဂၤန့ၣ်ဒ်အမၤတၢ်အသိးန့ၣ်, စံးတဂ့ၤ.
30 ယလဲၤတၢ်လၢပှၤအကၢၣ်အစံာ်ပူၤအဃၢၤ, ဒီးလၢပှၤ လၢအသးဆးတအိၣ်ဘၣ်အစပံးလီၢ်အဃၢၤ.
31 ဒီးကွၢ် ကွၢ်, ခဲဘၢဝဲဒီးတၤဆှုၣ်တၤမဲလီၤ. ဒီးနီၣ်ဧိၤမံၤဧိၤအိၣ် ဝဲလၢအဖီခိၣ်ဒီဘ့ၣ်ညါ, ဒီးအကရၢလၢၢ်လီၤပှီၢ်လီၤ.
32 ဒီးယထံၣ်ဘၣ်ဒီးယဆိကမိၣ်လၢယသးကံၢ်ပူၤ, ယကွၢ် အီၤ, ဒီးယဒိးန့ၢ်တၢ်သိၣ်လိလီၤ.
33 မံတစဲးစဲး, မံခ့တစဲး စဲး, ချံးစုလၢအကမံအဂီၢ်တစဲးစဲးလီၤ.
34 ဒီးနတၢ်ဖှီၣ်တၢ် ယာ်ကဟဲဘၣ်နၤဒ်ပှၤတမျိၤတမျာ်အသိးန့ၣ်, ဒီးတၢ် သၣ်ဝံၤသၣ်စ့ၤနၤဒ်ပှၤအိၣ်ဒီးအစုကဝဲၤအသိးန့ၣ်လီၤ.