19
1 ပှၤဖှီၣ်ဖိယာ်ဖိလၢ အလဲၤတၢ်လၢလၢပှဲၤပှဲၤန့ၣ်ဂ့ၤန့ၢ် ပှၤလၢအပျုၤက့ၣ်, ဒီးမ့ၢ်ပှၤဟးဂီၤဖိတက့ၢ်လီၤ.
2 ပှၤအသးတအိၣ်ဘၣ်ဒီးတၢ်သ့ၣ်ညါန့ၣ် တဂ့ၤစ့ၢ်ကီး ဘၣ်,ဒီးပှၤလၢအလဲၤတၢ်ချ့လၢအခီၣ်န့ၣ်ဟးဖျိးကျဲလီၤ.
3 ပှၤကညီအပှၤဟးဂီၤဖိအတၢ်န့ၣ်မၤဟးဂီၤအကျဲ, ဒီး အသးကဒူးကဒ့ၣ်တၢ်လၢယွၤအလိၤလီၤ.
4 တၢ်ထူးတၢ်တီၤဒုးကဲထီၣ် ပတံၤပသကိးအါဂၤလီၤ. မ့မ့ၢ်ပှၤဖှီၣ်ဖိယာ်ဖိလီၤဖးဒီးအတံၤအသကိးလီၤ.
5 ပှၤအုၣ်အသးကဘျံးကဘျၣ်န့ၣ် ကတူၢ်တၢ်ဒဲးဘး လီၤ. ဒီးပှၤလၢအကတိၤကဘျံးကဘျၣ်န့ၣ် တပူၤဖျဲး ဘၣ်ဝဲဘၣ်.
6 ပှၤအါဂၤလွဲပဒိၣ်အသး, ဒီးပှၤခဲလၢာ်ဒီတံၤဒီသကိး ဒီးပှၤလၢအဟ့ၣ်ခိၣ်ဖးလီၤ.
7 ပှၤဖှီၣ်ဖိယာ်ဖိ အဒီပုၢ်ဝဲၢ်ခဲလၢာ်န့ၣ် သးဟ့အီၤလီၤ. အတံၤအသကိးဟးယံၤဒီးအီၤအါန့ၢ်အန့ၣ်တက့ၢ်လီၤ. အဝဲဒၣ်လူၤအီၤလၢအတၢ်ကတိၤလီၤ. အဝဲသ့ၣ်တ အိၣ်ဘၣ်.
8 ပှၤလၢအန့ၢ်ဘၣ်တၢ်ကူၣ်သ့န့ၣ်အဲၣ်အသးဒၣ်ဝဲလီၤ. ပှၤလၢအတိၢ်န့ၢ် တၢ်ကူၣ်တၢ်ဆးန့ၣ်ကထံၣ်န့ၢ်တၢ်ဂ့ၤ လီၤ.
9 ပှၤအုၣ်အသးကဘျံးကဘျၣ်န့ၣ် ကတူၢ်တၢ်ဒဲးဘး လီၤ. ဒီးပှၤလၢအကတိၤတၢ်ကဘျံးကဘျၣ်န့ၣ်ကတုၤ ဝဲလၢတၢ်ဟးဂီၤလီၤ.
10 အိၣ်မုာ်ဆိးပၢၤန့ၣ်တကြၢးဘၣ်ဒီးပှၤဟးဂီၤဖိဘၣ်. ဒီး တၢ်အကုၢ်အပှၤပၢပဒိၣ်တဖၣ် နးန့ၢ်အန့ၣ်တက့ၢ်လီၤ.
11 ပှၤကူၣ်တၢ်သ့န့ၣ်သးထီၣ်ကီ, ဒီးလဲၤကပာ်တၢ်က မၣ်န့ၣ်မ့ၢ်အလၤကပီၤလီၤ.
12 စီၤပၤအသးထီၣ်န့ၣ် မၤသးဒ်ခ့ယုၢ်အသီၣ်ထီၣ်ရုၢ်ရုၢ် အသိးန့ၣ်လီၤ. မ့မ့ၢ်တၢ်ဘၣ်အသးန့ၣ် မၤသးဒ်ပစီၤ ထံအိၣ်ဝဲလၢနီၣ်ဧိၤမံၤဧိၤအဖီခိၣ်အသိးန့ၣ်လီၤ.
13 ဖိခွါပှၤဟးဂီၤဖိန့ၣ် မ့ၢ်အပၢ်အတၢ်နးတၢ်ဖှီၣ်လီၤ. ဒီး ပမါလၢအဂ့ၢ်လိာ်တၢ်န့ၣ်မ့ၢ်တၢ်လီၤစီၤတထံၣ်ဃီလီၤ.
14 ဒီးဟံၣ်ဒီးဃီ, ဒီးတၢ်ထူးတၢ်တီၤန့ၣ် မ့ၢ်တၢ်န့ၢ်သါ လၢပၢ်လီၤ. မ့မ့ၢ်မါလၢအကူၣ်တၢ်သ့န့ၣ်ဟဲလၢယွၤ တခီလီၤ.
15 တၢ်အကၢၣ်န့ၣ် ဒုးလီၤဘၣ် တၢ်မံသပ့ၤလၢပှၤအ လိၤ, ဒီးပှၤအကၢၣ်န့ၣ်ကဘၣ်တၢ်သၣ်ဝံၤလီၤဒိလီၤ.
16 ပှၤလၢအတိၢ်န့ၢ်တၢ်မၤလိာ်န့ၣ် ကွၢ်က့ၤအသးဒၣ်ဝဲ, မ့မ့ၢ်ပှၤလၢအတပးကဲဘၣ်အကျဲန့ၣ်ကသံလီၤ.
17 ပှၤလၢအသးကညီၤ ပှၤဖှီၣ်ဖိန့ၣ် ဒုးလိၢ်တၢ်လၢ ယွၤလီၤ. ဒီးတၢ်လၢအမၤဂ့ၤတၢ်န့ၣ် ယွၤကဟ့ၣ်ကၣ် အီၤလီၤ.
18 တၢ်မုၢ်လၢ်အိၣ်ဝဲအဖၢမုၢ်ဒီး, သိၣ်ဃီၣ်နဖိခွါတက့ၢ်. ဒီးဆၢသံအီၤတဂ့ၤ.
19 ပှၤလၢအသးထီၣ်ဆူၣ်န့ၣ်ကဘၣ်တၢ်နးတၢ်ဖှီၣ်လီၤ. အဂ့ၢ်ဒ်အံၤ, နမ့ၢ်မၤပူၤမၤဖျဲးအီၤဘၣ်ဆၣ်ဒီး, နဘၣ်မၤ ကဒီးတဘျီလီၤ.
20 ကနၣ်တၢ်ဒုးကူၣ်တၢ်, ဒီးကနၣ် တၢ်သိၣ်လိတၢ်, ဒ် သိးနကူၣ်တၢ်ကသ့လၢ နနံၣ်ဧိၤလါဧိၤအခံကတၢၢ်န့ၣ် တက့ၢ်.
21 တၢ်ကူၣ်ထီၣ်ဖးလီၤအါမံၤအိၣ်ဝဲလၢ ပှၤကညီအသး ကံၢ်ပူၤလီၤ. မ့မ့ၢ်ယွၤအကူၣ်ထီၣ်တၢ်န့ၣ် ကအိၣ်ဂၢၢ် ဆိးကျၢၤလီၤ.
22 တၢ်ဂ့ၤလၢပှၤဆၢမၤန့ၣ် မ့ၢ်အဘျုးအဖှိၣ်လီၤ. ဒီးပှၤ ဖှီၣ်ဖိယာ်ဖိန့ၣ် ဂ့ၤန့ၢ်ပှၤကတိၤတၢ်, ကဘျံးကဘျၣ်တ က့ၢ်လီၤ.
23 တၢ်ပျံၤယွၤဘၣ်ဃးဒီး တၢ်မူလီၤ. ဒီးပှၤကမံသူၣ်မံ သး, ဒီးတၢ်အၢတအိၣ်သကိးဘၣ်အီၤဘၣ်.
24 ပှၤအကၢၣ်န့ၣ်ဘျၢလီၤအစုလၢလီခီအပူၤ, ဒီးတထုး က့ၤဘၣ်ဆူအထးခိၣ်ဒၣ်လဲာ်ဘၣ်.
25 တီၢ်ပှၤလၢ အမၤတၢ်တရီတပါတက့ၢ်. ဒီးပှၤလၢအ တမၤလိဘၣ်တၢ်န့ၣ်ကပလီၢ်အသးလီၤ. ဒီးသိၣ်ဃီၣ် ပှၤအကူၣ်အဆးတက့ၢ်. ဒီးကနၢ်ပၢၢ်တၢ်သ့ၣ်ညါလီၤ.
26 ပှၤလၢအမၤဆူၣ်အပၢ်, ဒီးဟီထီၣ်ကွံာ်အမိၢ်န့ၢ်မ့ၢ်ဖိ ခွါလၢအဒုးအိၣ်ထီၣ်တၢ်မဲာ်ဆှး, ဒီးတၢ်ဒုၣ်ဒွဲၣ်လီၤ.
27 ယဖိခွါဧၢ, သုတဒိကနၣ်လၢၤ တၢ်သိၣ်လိလၢအ ဒုးဟးဖျိးနၤလၢတၢ်သ့ၣ်ညါအတၢ်ကတိၤန့ၣ်တဂ့ၤ.
28 ပှၤအုၣ်အသးလၢအအၢအသီန့ၣ် တပးကဲဘၣ်တၢ် စံၣ်ညီၣ်တီဘၣ်. ဒီးပှၤတတီတလိၤဘၣ်န့ၣ်အကိာ်ပူၤ ယူၢ်လီၤတၢ်အၢလီၤ.
29 တၢ်စံၣ်ညီၣ်ဃၣ် အိၣ်ကတဲာ်ကတီၤအသးလၢပှၤမၤ တရီတပါတၢ်အဂီၢ်, ဒီးတၢ်တီၢ်အလီၢ်လၢပှၤဟးဂီၤဖိ အချၢဃံအဂီၢ်လီၤ.