14
1 ပိာ်မုၣ်လၢအကူၣ်တၢ်သ့န့ၣ်မၤထီၣ်အဟံၣ်လီၤ.မ့မ့ၢ် ပှၤဟးဂီၤဖိန့ၣ်မၤလီၤပှီၢ်အီၤလၢအစုလီၤ.
2 ပှၤလၢအလဲၤတၢ်လၢ အတၢ်တီတၢ်လိၤန့ၣ် ပျံၤယွၤ လီၤ. မ့မ့ၢ်ပှၤလၢအလဲၤတၢ်လၢအကျဲဒၢက့ၣ်န့ၣ်တပး ကဲဘၣ်အီၤဘၣ်.
3 လၢပှၤဟးဂီၤဖိအထးခိၣ်န့ၣ် တၢ်ပာ်ထီၣ်ထီအသးအ နီၣ်တီၢ်အိၣ်ဝဲလီၤ. မ့မ့ၢ်ပှၤကူၣ်တၢ်သ့အပျုၤန့ၣ်အံး က့ၤကွၢ်က့ၤအီၤလီၤ.
4 ဖဲဂီၤဖံးတအိၣ်ဘၣ်န့ၣ် အီၣ်ဆၣ်အကျိးအိၣ်ဝဲကဆှဲ ကဆှီလီၤ. မ့မ့ၢ်တၢ်အါထီၣ်အါထီၣ် အိၣ်ဝဲလၢဂီၤဖံးအ ဂံၢ်အဘါလီၤ.
5 ပှၤအုၣ်အသး လၢအမ့ၢ်အတီန့ၣ် တကတိၤတၢ်က ဘျံးကဘျၣ်ဘၣ်. မ့မ့ၢ်ပှၤအုၣ်အသးကဘျံးကဘျၣ်န့ၣ် ကတိၤတၢ်ကဘျံးကဘျၣ်လီၤ.
6 ပှၤမၤတၢ်တရီတပါန့ၣ်ဃုတၢ်ကူၣ်သ့, ဒီးတထံၣ်န့ၢ် ဘၣ်ဝဲဘၣ်, မ့မ့ၢ်တၢ်သ့ၣ်ညါန့ၣ်ညီဝဲလၢပှၤအသူၣ်ဆး အသးဆးအဂီၢ်လီၤ.
7 ဟးထီၣ်ကွံာ်လၢ ပှၤဟးဂီၤဖိအအိၣ်တက့ၢ်. အဂ့ၢ်ဒ် အံၤ, နတထံၣ်န့ၢ်ဘၣ် တၢ်သ့ၣ်ညါအပျုၤလၢအလိၤ ဘၣ်.
8 ပှၤကူၣ်တၢ်ဘၣ်အတၢ်ကူၣ်သ့န့ၣ်မ့ၢ်လၢအနၢ်ပၢၢ်အ အကျဲလီၤ. မ့မ့ၢ်ပှၤဟးဂီၤဖိအတၢ်ဟးဂီၤန့ၣ်မ့ၢ်လီတၢ် လီၤ.
9 ပှၤဟးဂီၤဖိ မၤတရီတပါတၢ်ဒဲးဘးလီၤ. မ့မ့ၢ်ပှၤတီ ပှၤလိၤန့ၣ်ဘၣ်တၢ်အသးလီၤ.
10 ပှၤအသးသ့ၣ်ညါ အသူၣ်အုးအသးအုးဒၣ်ဝဲ, ဒီးပှၤ တမှံၤတမၤဃါဃုာ်အသးဒီးအတၢ်သးခုန့ၣ်ဘၣ်.
11 ပှၤတတီတလိၤဘၣ်အဟံၣ်န့ၣ်ကလီၤပှီၢ်လီၤ. မ့မ့ၢ် ပှၤအသးစၢၢ်ဆၢအဒဲန့ၣ်ကဂ့ၤထီၣ်လီၤ.
12 ကျဲလၢအလိၤဝဲလၢပှၤကညီအမဲာ်ညါန့ၣ်အိၣ်ဝဲ, မ့ မ့ၢ်အကတၢၢ်မ့ၢ်တၢ်သံအကျဲန့ၣ်လီၤ.
13 ဖဲပနံၤဒၣ်လဲာ်ပသးအုး, ဒီးတၢ်သးခုအကတၢၢ်န့ၣ် မ့ၢ်တၢ်သးအုးလီၤ.
14 ပှၤလၢအသးဟးဂီၤန့ၣ်ကဘျဲးအီၣ်တၢ်လၢအကျဲဒၣ် ဝဲ, ဒီးပှၤအဂ့ၤန့ၣ် ကမံသူၣ်မံသးလၢအကစၢ်ဒၣ်ဝဲလီၤ.
15 ပှၤလၢအတမၤလိဘၣ်တၢ်ဘၣ်န့ၣ် နာ်တၢ်ကတိၤ ကိးထံၣ်ဒဲးလီၤ. မ့မ့ၢ်ပှၤအကူၣ်တၢ်ဘၣ်န့ၣ် ကွၢ်ဆိက မိၣ်အထွဲတၢ်လီၤ.
16 ပှၤကူၣ်တၢ်သ့န့ၣ်ပျံၤတၢ်, ဒီးဟးဖးဒီးတၢ်အၢလီၤ. မ့မ့ၢ်ပှၤဟးဂီၤဖိပာ်ကဖိအသး, ဒီးအသးမံဝဲလီၤ.
17 ပှၤလၢအသးထီၣ်ချ့န့ၣ်ကမၤတၢ်တဂ့ၤတဘၣ်, ဒီးပှၤ လၢအကူၣ်တၢ်အၢန့ၣ်ပှၤသးဟ့အီၤလီၤ.
18 ပှၤလၢအတမၤလိဘၣ်တၢ်ဘၣ်န့ၣ် န့ၢ်သါပှၤဟးဂီၤ ဖိအတၢ်လီၤ. မ့မ့ၢ်ပှၤလၢအကူၣ်တၢ်ဘၣ်န့ၣ် ကုာ်ခိၣ် သလုးတၢ်သ့ၣ်ညါလီၤ.
19 ပှၤအၢတီၤလီၤကဒွံကျိာ်လၢပှၤဂ့ၤအမဲာ်ညါ, ဒီးပှၤတ တီတလိၤဘၣ်န့ၣ်ဖဲပှၤတီပှၤလိၤအပဲတရီန့ၣ်လီၤ.
20 ပှၤလၢအဃၢၤဒၣ်လဲာ်သးဟ့ပှၤဖှီၣ်ဖိယာ်ဖိလီၤ. မ့ မ့ၢ်ပှၤအဲၣ်ပှၤထူးပှၤတီၤန့ၣ်အိၣ်ဝဲအါဂၤလီၤ.
21 ပှၤလၢအတပးကဲဘၣ်အသကိးန့ၣ် မ့ၢ်ပှၤတၢ်ဒဲးဘး ဖိလီၤ. မ့မ့ၢ်ပှၤလၢအသးကညီၤပှၤဖှီၣ်ဖိယာ်ဖိန့ၣ်ဘၣ် ဆိၣ်ဂ့ၤဝဲလီၤ.
22 ပှၤလၢအကူၣ်တၢ်အၢန့ၣ်ဟးဖျိးကျဲ, တမ့ၢ်ဘၣ်ဧါ. မ့မ့ၢ်တၢ်ဘျုးတၢ်ဖှိၣ်ဒီး တၢ်မ့ၢ်တၢ်တီအိၣ်ဝဲဒီး ပှၤလၢ အကူၣ်တၢ်ဂ့ၤလီၤ.
23 မၤတၢ်ဖံးတၢ်ခဲလၢာ်န့ၣ်အိၣ်ဒီးအဘျုးလီၤ. မ့မ့ၢ်ပျုၤ အကတိၤတၢ်န့ၣ်ဘၣ်ဃးထဲလၢတၢ်ဖှီၣ်တၢ်ယာ်လီၤ.
24 ပှၤကူၣ်တၢ်သ့အခိၣ်သလုးန့ၣ်မ့ၢ်အတၢ်ထူးတၢ်တီၤ လီၤ. မ့မ့ၢ်ပှၤဟးဂီၤဖိ အတၢ်န့ၣ်မ့ၢ်ပှၤဟးဂီၤဖိအတၢ် လီၤ.
25 ပှၤအုၣ်အသးလၢအကလုၢ်တီန့ၣ် မၤပူၤဖျဲးပှၤအသး သမူလီၤ. မ့မ့ၢ်ပှၤလီတၢ်န့ၣ်ကတိၤတၢ်ကဘျံးကဘျၣ် လီၤ.
26 တၢ်သန့ၤအသးအလီၢ်ကျၢၤအိၣ်ဝဲလၢ တၢ်ပျံၤယွၤအ ပူၤလီၤ. ဒီးအဖိအလံၤကအိၣ်ဒီးတၢ်အိၣ်တဒၢအလီၢ် လီၤ.
27 တၢ်ပျံၤယွၤန့ၣ်မ့ၢ်တၢ်မူအထံပူၤ, ဒ်သိးပှၤကဟးဆှဲး တၢ်သံအပျံၤသကွီၤလီၤ.
28 ပှၤဂီၢ်မုၢ်အါဂၤန့ၣ်မ့ၢ်စီၤပၤအလၤအကပီၤလီၤ. မ့မ့ၢ် ပှၤတအါဘၣ်အဃိန့ၣ်ပဒိၣ်တုၤလၢတၢ်ဟးဂီၤလီၤ.
29 ပှၤလၢအသးထီၣ်ကီန့ၣ် အတၢ်ကူၣ်တၢ်ဆးဒိၣ်မး လီၤ. မ့မ့ၢ်ပှၤလၢအသးထီၣ်ချ့န့ၣ်ပာ်ထီၣ်ထီပှၤဟးဂီၤ ဖိအတၢ်လီၤ.
30 ပှၤအသးမုာ်န့ၣ်မ့ၢ်ပှၤအဖံးအညၣ်အတၢ်မူလီၤ. မ့မ့ၢ် သးက့ၣ်န့ၣ်မ့ၢ်တၢ်ဃံတၢ်ကွဲအတၢ်အုၣ်တၢ်ကျၣ်လီၤ.
31 ပှၤလၢအမၤအၢပှၤဖှီၣ်ဖိယာ်ဖိန့ၣ် ဒုၣ်ဒွဲၣ်ပှၤလၢအ တ့လီၤအီၤလီၤ. မ့မ့ၢ်ပှၤလၢအသးကညီၤ ပှၤဘၣ်ဖှီၣ် ဘၣ်ယာ်န့ၣ်မၤလၤကပီၤအီၤလီၤ.
32 ပှၤအအၢန့ၣ်ဘၣ်တၢ်ဟီထီၣ်ကွံာ်အီၤလၢ အတၢ်အၢ အပူၤန့ၣ်လီၤ.မ့မ့ၢ်ပှၤတီပှၤလိၤန့ၣ်တုၤအသံဒီး, မုၢ်လၢ် တၢ်လီၤ.
33 တၢ်ကူၣ်သ့အိၣ်ဝဲဆိးဝဲမုာ်မုာ်လၢ ပှၤလၢအကူၣ်တၢ် သ့အသးကံၢ်ပူၤလီၤ. မ့မ့ၢ်တၢ်အိၣ်ဝဲလၢပှၤဟးဂီၤဖိအ သးကံၢ်ပူၤန့ၣ်ကအိၣ်ဖျါထီၣ်ဝဲလီၤ.
34 တၢ်တီတၢ်လိၤန့ၣ် ပာ်ပှၤတကလုာ်လၢတၢ်ထီၣ်ထီ လီၤ.မ့မ့ၢ်တၢ်ဒဲးဘးန့ၣ်ကဲထီၣ်ပှၤဂီၢ်မုၢ်အတၢ်ဒုၣ်ဒွဲၣ်အ လီၢ်လီၤ.
35 အခ့အပှၤ လၢအကူၣ်တၢ်သ့န့ၣ် ဘၣ်စီၤပၤအသး လီၤ. မ့မ့ၢ်အသးထီၣ်ဘၣ်ပှၤလၢအဒုးမဲာ်ဆှးတၢ်လီၤ.